Kerala Gold Price: ഒന്നു താഴ്ന്നു നിന്ന് സ്വർണവില ; ഇന്ന് കുറഞ്ഞത് 80 രൂപ

Gold Rate Today In Kerala on August 30th: ഇന്നലെ സംസ്ഥാനത്തെ സ്വർണ്ണ വിലയിൽ മാറ്റമില്ലാതെ നിൽക്കുകയായിരുന്നു. ഒരു പവന് 53,720 രൂപയും, ഗ്രാമിന് 6,715 രൂപയുമായിരുന്നു ഇന്നലത്തെ വില.

Gold rate today at kerala – Photo – Freepik

Aswathy Balachandran | Updated On: 30 Aug 2024 11:30 AM

തിരുവനന്തപുരം: കേരളത്തിലെ സ്വർണവില കൂടിയും കുറഞ്ഞുമിരിക്കുന്നതിനിടെ ഇന്ന് ആശ്വാസദിനം.
സംസ്ഥാനത്ത് സ്വർണ്ണ വിലയിൽ നേരിയ കുറവ് രേഖപ്പെടുത്തിയിട്ടുണ്ട് ഇന്ന്. പവന് 80 രൂപയും, ഗ്രാമിന് 10 രൂപയും ഇന്ന് കുറഞ്ഞതായാണ് വിവരം. ഇതോടെ ഇന്നത്തെ വില ഒരു പവന് 53,640 രൂപയും, ഗ്രാമിന് 6,705 രൂപയുമായി. അന്താരാഷ്ട്ര തലത്തിൽ, വെള്ളിയാഴ്ച്ച രാവിലെ താഴ്ച്ചയിലാണ് വ്യാപാരം നടത്തിയത്.

കേരളത്തിലെ വെള്ളി വിലയിലും കുറവുണ്ട്. ഒരു ഗ്രാം വെള്ളിക്ക് 93.40 രൂപയാണ് ഇന്നത്തെ വില. 8 ഗ്രാമിന് 747.20 രൂപയും 10 ഗ്രാമിന് 934 രൂപയുമാണ് നിലവിലെ നിരക്ക്. 100 ഗ്രാമിന് 9,340 രൂപയും ഒരു കിലോഗ്രാമിന് 93,400 രൂപയുമാണ് വില വരുന്നത്. ഇന്ന് ഒരു കിലോ വെള്ളിക്ക് 100 രൂപയാണ് വില കുറഞ്ഞിരിക്കുന്നത്.

ALSO READ – എന്നാലും ഇങ്ങനെ മോഹിപ്പിക്കാതെ ‘തങ്കമേ’; ആടാതെ ഉലയാതെ സ്വര്‍ണവില

ഇന്നലെ സംസ്ഥാനത്തെ സ്വർണ്ണ വിലയിൽ മാറ്റമില്ലാതെ നിൽക്കുകയായിരുന്നു. ഒരു പവന് 53,720 രൂപയും, ഗ്രാമിന് 6,715 രൂപയുമായിരുന്നു ഇന്നലത്തെ വില. ഇത് ആഗസ്റ്റിലെ ഉയർന്ന നിരക്കാണ് എന്നും കണക്കുകൾ വ്യക്തമാക്കുന്നു. ആഗസ്റ്റ് 7,8 തിയ്യതികളിലാണ് ഈ മാസത്തെ താഴ്ന്ന നിരക്ക് രേഖപ്പെടുത്തിയിരിക്കുന്നത് എന്നാണ് വിവരം. പവന് 50,800 രൂപയും, ഗ്രാമിന് 6,350 രൂപയുമായിരുന്നു അന്ന് വില.