Gold Rate Today: ചാഞ്ചാടി സ്വർണവില; ഇന്ന് നേരിയ കുറവ്, വില അറിയാം
Kerala Gold Rate Today August 25 2025: ഓഗസ്റ്റ് രണ്ടാം വാരത്തിൽ റെക്കോർഡ് നിരക്കയിലെത്തിയ സ്വർണ വില മാസത്തിന്റെ പകുതിയായപ്പോൾ കുറഞ്ഞ് തുടങ്ങിയിരുന്നു. പത്ത് ദിവസത്തിൽ 2,300 രൂപയുടെ കുറവാണ് സ്വർണവിലയിൽ ഉണ്ടായത്.
Gold Rate
തിരുവനന്തപുരം: സംസ്ഥാനത്ത് ഇന്ന് (ഓഗസ്റ്റ് 25) സ്വർണവില കുറഞ്ഞു. തുടർച്ചയായ ഒരാഴ്ചത്തെ വില ഇടിവിന് ശേഷം കഴിഞ്ഞ ദിവസം കുതിച്ചുയർന്ന സ്വർണവിലയാണ് ഇന്ന് വീണ്ടും കുറഞ്ഞത്. ഒരു പവൻ സ്വർണത്തിന് ഇന്ന് 80 രൂപയുടെ കുറവാണ് ഉണ്ടായത്. ഇന്ന് ഒരു പവൻ സ്വർണത്തിന്റെ വിപണി വില 74,440 രൂപയാണ്. ഇന്നലെ 800 രൂപയുടെ വർധനവ് സംഭവിച്ചിരുന്നു.
ഓഗസ്റ്റ് രണ്ടാം വാരത്തിൽ റെക്കോർഡ് നിരക്കയിലെത്തിയ സ്വർണ വില മാസത്തിന്റെ പകുതിയായപ്പോൾ കുറഞ്ഞ് തുടങ്ങിയിരുന്നു. പത്ത് ദിവസത്തിൽ 2,300 രൂപയുടെ കുറവാണ് സ്വർണവിലയിൽ ഉണ്ടായത്. ഒരു ഗ്രാം സ്വർണത്തിന് ഇന്ന് 10 രൂപയാണ് കുറഞ്ഞത്. ഇതോടെ ഒരു ഗ്രാം സ്വർണത്തിന്റെ വില 9305 രൂപയായി. വിവാഹ സീസൺ അടുത്തിരിക്കെ, സ്വർണവിലയിൽ ഉണ്ടാകുന്ന ഈ ചാഞ്ചാട്ടം സാധാരണക്കാരിൽ ആശങ്ക ഉയർത്തുകയാണ്.
ALSO READ: ജയ അരി 8 കിലോയ്ക്ക് വെറും 264 രൂപ; വെളിച്ചെണ്ണയ്ക്കും വിലക്കുറവ്; ഓണച്ചന്തകള് നാളെ മുതല്
ഈ മാസത്തെ ഏറ്റവും ഉയർന്ന നിരക്ക് മാത്രമല്ല ചരിത്രത്തിലെ തന്നെ ഉയർന്ന നിരക്കാണ് ഓഗസ്റ്റ് എട്ടിന് രേഖപ്പെടുത്തിയത്. അന്ന് സ്വർണവില 75,760 രൂപയിൽ എത്തിയിരുന്നു. എന്നാൽ, അടുത്ത ദിവസങ്ങളിൽ തന്നെ വില കുറഞ്ഞു തുടങ്ങി. അങ്ങനെ, ഓഗസ്റ്റ് 12ന് 74,360 രൂപയിൽ എത്തിയ സ്വർണവില, പിന്നീടങ്ങോട്ട് ആഭരണപ്രേമികൾക്ക് പ്രതീക്ഷ നൽകികൊണ്ട് കുറയുകയായിരുന്നു. തുടർന്ന് ശനിയാഴ്ച വീണ്ടും വില കുതിച്ചുയർന്നു. ഒറ്റയടിക്ക് 800 രൂപയാണ് വർധിച്ചത്. അതോടെ, 74,520 രൂപയിൽ എത്തിയ സ്വർണ വിലയാണ് ഇന്ന് വീണ്ടും കുറഞ്ഞത്.
