Kerala Gold Rate Today: ജൂണ് 1ലെ സ്വര്ണവില; പൊന്ന് വാങ്ങാം, പക്ഷെ കൂടുതല് പറ്റില്ല
One Pavan Gold Rate on June 1 in Kerala: ഒന്നേകാല് ലക്ഷത്തിലാണ് മെയ് 31 ന് കേരളത്തില് ഒരു പവന് സ്വര്ണത്തിന്റെ വില്പന നടന്നത്. ഈ തുകയില് നിന്ന് പതുക്കെ താഴോട്ടിറങ്ങിയിരുന്നുവെങ്കിലും ഒറ്റടിക്ക് പിന്നെയും വില വര്ധിപ്പിക്കുകയായിരുന്നു. പശ്ചിമേഷ്യന് സംഘര്ഷങ്ങള് തന്നെയാണ് ഇന്ത്യയിലും സ്വര്ണവില വര്ധിക്കുന്നതിന് കാരണമാകുന്നത്.
ഇന്നത്തെ സ്വര്ണവില
സ്വര്ണം വാങ്ങാന് പോകുന്നോ? കേരളത്തില് ഇന്ന് സ്വര്ണവിലയില് ഇടിവ്. 600 രൂപയാണ് ഇന്ന് സ്വര്ണത്തിന് കുറഞ്ഞിരിക്കുന്നത്. ഇതോടെ ഒരു പവന് സ്വര്ണത്തിന് 1,14,560 രൂപയിലേക്ക് വിലയെത്തി. ഒരു ഗ്രാം സ്വര്ണത്തിന് 75 രൂപ കുറഞ്ഞ് 14,320 രൂപയുമാണ് ഇന്നത്തെ വില. ആഭരണങ്ങള് വാങ്ങാനായി കാത്തിരുന്നവര്ക്ക് ഈ അവസരം മുതലാക്കാവുന്നതാണ്. ഇനിയൊരു വിലയിറക്കത്തിന് സാധ്യതയില്ലെന്നും വിപണിയില് നിന്ന് റിപ്പോര്ട്ടുകളെത്തുന്നുണ്ട്.
പശ്ചിമേഷ്യന് സംഘര്ഷത്തിന്റെ ചുവടുപിടിച്ച് ഇന്ത്യയിലും കഴിഞ്ഞ ഏറെകാലമായി സ്വര്ണവില റെക്കോഡ് നിരക്കില് കുതിക്കുകയാണ്. 2025ന്റെ അവസാനത്തോടെ 1 ലക്ഷം കടന്ന സ്വര്ണവില 2026 ലെങ്കിലും താഴോട്ടിറങ്ങുമെന്ന് ഉപഭോക്താക്കള് പ്രതീക്ഷിച്ചിരുന്നുവെങ്കിലും അതുണ്ടായില്ല. സ്വര്ണത്തെ ഉയരങ്ങളില് തന്നെ തുടരാന് പ്രേരിപ്പിക്കുന്ന വിവിധ സംഭവവികാസങ്ങളാണ് ലോകമെമ്പാടും നടന്നുകൊണ്ടിരിക്കുന്നത്.
ഒന്നേകാല് ലക്ഷത്തിലാണ് മെയ് 31 ന് കേരളത്തില് ഒരു പവന് സ്വര്ണത്തിന്റെ വില്പന നടന്നത്. ഈ തുകയില് നിന്ന് പതുക്കെ താഴോട്ടിറങ്ങിയിരുന്നുവെങ്കിലും ഒറ്റടിക്ക് പിന്നെയും വില വര്ധിപ്പിക്കുകയായിരുന്നു. പശ്ചിമേഷ്യന് സംഘര്ഷങ്ങള് തന്നെയാണ് ഇന്ത്യയിലും സ്വര്ണവില വര്ധിക്കുന്നതിന് കാരണമാകുന്നത്. ഇതോടൊപ്പം രൂപയുടെ മൂല്യത്തില് സംഭവിക്കുന്ന തകര്ച്ചയും വില വര്ധനവിന് ആക്കം കൂട്ടും.
സ്വര്ണവിലയില് ഇനി സംഭവിക്കാന് പോകുന്നതെന്ത്?
അമേരിക്കയും ഇറാനും തമ്മിലുള്ള സംഘര്ഷങ്ങളോട് നിക്ഷേപകര്ക്കുള്ള പ്രതികരണം സമ്മിശ്രമാണ്. ഇരുരാജ്യങ്ങളും തമ്മില് ഉടന് ഒരു സമാധാന കരാറില് എത്തിച്ചേരില്ലെന്ന സൂചനകളാണ് നിലവില് പുറത്തുവരുന്നത്. വെടിനിര്ത്തല് കരാര് നീട്ടാന് പോകുന്നുവെന്ന റിപ്പോര്ട്ടുകള് പുറത്തുവന്നതാണ് കഴിഞ്ഞ ദിവസം സ്വര്ണവില ഉയരാന് വഴിയൊരുക്കിയത്.
ദുര്ബലമായ യുഎസ് ഡോളറും ക്രൂഡ് ഓയില് വിലയിലെ ഇടിവും സ്വര്ണം പോലുള്ള വിലയേറിയ ലോഹങ്ങള്ക്ക് കരുത്തേകുന്നു. അമേരിക്കയിലെ പണപ്പെരുപ്പ ഡാറ്റ പ്രകാരം വില സമ്മര്ദങ്ങള് ഇപ്പോഴും നിലനില്ക്കുന്നുണ്ടെന്ന് വ്യക്തം. പണപ്പെരുപ്പവും വിലക്കയറ്റവും യുഎസ് കേന്ദ്ര ബാങ്കായ ഫെഡറല് റിസര്വിനെ അടിസ്ഥാന പരിശ നിരക്ക് മാറ്റമില്ലാതെ തുടരാന് പ്രേരിപ്പിക്കുന്നു.
Also Read: Gold Rate Forecast: ക്രൂഡ് ഓയിൽ വില ഇടിഞ്ഞു, ജൂണിൽ സ്വർണം രണ്ട് ലക്ഷത്തിലേക്കോ…
സ്വര്ണവില നിശ്ചയിക്കുന്നത് യുഎസ് ഡോളറിലാണ്. ഡോളറിന് തുടര്ച്ചയായി സംഭവിക്കുന്ന തകര്ച്ച് മറ്റ് കറന്സികളില് സ്വര്ണം വാങ്ങിക്കുന്നവര്ക്ക് ഗുണം ചെയ്യും. ഇത് ഡിമാന്ഡ് വര്ധിക്കുന്നതിന് വഴിയൊരുക്കുന്നത് സാധാരണമാണ്. ക്രൂഡ് ഓയില് വിലയിലും കഴിഞ്ഞ കുറച്ച് ദിവസങ്ങളായി വിലയിടിവ് സംഭവിച്ചിരുന്നു. എണ്ണവില കുറയുന്നത് പണപ്പെരുപ്പ ആശങ്കകള് കുറയ്ക്കാറുണ്ട്.
എന്നാല്, ഇറാന്റെ ആവശ്യങ്ങള് അംഗീകരിക്കാതെ യുഎസുമായി ഒരു സമാധാന കരാര് സാധ്യമാകില്ലെന്ന റിപ്പോര്ട്ടാണ് നിലവില് പുറത്തുവരുന്നത്. ഇറാന് ആണവായുധം നിര്മിക്കില്ലെന്ന് ഉറപ്പ് നല്കി, യുറേനിയം സമ്പുഷ്ടീകരണം ഉപേക്ഷിക്കുകയാണെന്ന് യുഎസ് പ്രസിഡന്റ് ഡൊണാള്ഡ് ട്രംപ് പറഞ്ഞതിന് പിന്നാലെയാണ് ഇറാന്റെ പ്രതികരണം. സമാധാന കരാറില് എത്തിച്ചേരാതെ യുദ്ധം മുന്നോട്ട് പോകുകയാണെങ്കില് സ്വര്ണം ഉള്പ്പെടെയുള്ള സുരക്ഷിത നിക്ഷേപങ്ങളുടെ ഡിമാന്ഡ് വര്ധിക്കും, ഇത് വീണ്ടും വില വര്ധനവിന് വഴിയൊരുക്കുന്നതാണ്. ക്രൂഡ് ഓയില് വില വീണ്ടും ഉയരുകയാണെങ്കില് മാത്രമേ സ്വര്ണവിലയില് കുതിപ്പുണ്ടാകൂ. ക്രൂഡ് ഓയില് വില കുറയുകയാണെങ്കില് സ്വര്ണം വാങ്ങിക്കുന്നവര്ക്ക് ആശ്വസിക്കാം.
English Summary
Gold prices in Kerala have been updated for June 1. Check the latest rates for one sovereign (8 grams) and one gram of gold before making any purchase or investment decision.
