Kerala Gold Rate: പൊന്നില്‍ തൊട്ടാല്‍ പൊള്ളുമോ? നവംബര്‍ പത്തിലെ സ്വര്‍ണവില അറിയാം
One Pavan Gold Rate on November 10 Tuesday: തിങ്കളാഴ്ച സ്‌പോട്ട് ഗോള്‍ഡ് വില 1.5 ശതമാനം ഉയര്‍ന്ന് ഔണ്‍സിന് 4,126.25 ഡോളറിലെത്തി. അമേരിക്കന്‍ ഗോള്‍ഡ് ഫ്യൂച്ചേഴ്‌സ് വിലയും 1.5 ശതമാനം ഉയര്‍ന്ന് 4,135.50 ഡോളറിലെത്തി. കഴിഞ്ഞ ആഴ്ചയും സ്വര്‍ണം ഏകദേശം അഞ്ച് ശതമാനം നേട്ടമുണ്ടാക്കിയിരുന്നു. വിലയിലുണ്ടായ തിരിച്ചുവരവിന് പ്രധാന കാരണം ക്രൂഡ് ഓയില്‍ വിലയിലെ ഇടിവാണ്.
ഇന്നത്തെ സ്വര്‍ണവില
ആഗോള വിപണിയില്‍ സ്വര്‍ണത്തിന്റെയും വെള്ളിയുടെയും വില വീണ്ടും ഉയരുന്നു. കഴിഞ്ഞ ദിവസങ്ങളിലെ ഇടിവില്‍ നിന്ന് തിരിച്ചുകയറിയ സ്വര്‍ണം തിങ്കളാഴ്ച അന്താരാഷ്ട്ര വിപണിയില്‍ ഒരു ശതമാനത്തിലധികം നേട്ടമുണ്ടാക്കി. ക്രൂഡ് ഓയില്‍ വില കുറഞ്ഞതും അമേരിക്കന്‍ ഡോളറിന്റെ മൂല്യം ദുര്‍ബലമായതുമാണ് സ്വര്‍ണവില ഉയരാന്‍ സഹായിച്ചത്. വരും ദിവസങ്ങളിലും വിലയില്‍ ചാഞ്ചാട്ടം തുടരാമെങ്കിലും വര്‍ഷാവസാനത്തോടെ സ്വര്‍ണം വീണ്ടും വലിയ മുന്നേറ്റം നടത്തുമെന്നാണ് വിപണി വിദഗ്ധരുടെ വിലയിരുത്തല്‍.
അന്താരാഷ്ട്ര വിപണിയില്‍ സ്വര്‍ണവില ഉയര്‍ന്നു
തിങ്കളാഴ്ച സ്‌പോട്ട് ഗോള്‍ഡ് വില 1.5 ശതമാനം ഉയര്‍ന്ന് ഔണ്‍സിന് 4,126.25 ഡോളറിലെത്തി. അമേരിക്കന്‍ ഗോള്‍ഡ് ഫ്യൂച്ചേഴ്‌സ് വിലയും 1.5 ശതമാനം ഉയര്‍ന്ന് 4,135.50 ഡോളറിലെത്തി. കഴിഞ്ഞ ആഴ്ചയും സ്വര്‍ണം ഏകദേശം അഞ്ച് ശതമാനം നേട്ടമുണ്ടാക്കിയിരുന്നു. വിലയിലുണ്ടായ തിരിച്ചുവരവിന് പ്രധാന കാരണം ക്രൂഡ് ഓയില്‍ വിലയിലെ ഇടിവാണ്. എണ്ണവില കുറയുന്നത് പണപ്പെരുപ്പ ആശങ്കകള്‍ ലഘൂകരിക്കുമെന്നാണ് വിപണിയുടെ പ്രതീക്ഷ. ഇതോടെ കേന്ദ്രബാങ്കുകള്‍ പലിശനിരക്കുകളില്‍ കൂടുതല്‍ അയവുള്ള സമീപനം സ്വീകരിക്കാനുള്ള സാധ്യതയും ഉയരുന്നു. പലിശ ലഭിക്കാത്ത നിക്ഷേപ ആസ്തിയായ സ്വര്‍ണത്തിന് ഇത്തരം സാഹചര്യം അനുകൂലമാണ്.
വെള്ളിവിലയിലും മുന്നേറ്റം
സ്വര്‍ണത്തിനൊപ്പം വെള്ളിവിലയും ഉയരുകയാണ്. അന്താരാഷ്ട്ര വിപണിയില്‍ സ്‌പോട്ട് സില്‍വര്‍ വില 2.8 ശതമാനം ഉയര്‍ന്ന് ഔണ്‍സിന് 53.31 ഡോളറിലെത്തി. വ്യാവസായിക ആവശ്യകത വര്‍ധിക്കുന്നതും വെള്ളിയുടെ വിലയ്ക്ക് പിന്തുണ നല്‍കുന്നുണ്ട്. ഇന്ത്യന്‍ വിപണിയിലും വെള്ളിയുടെ വിലയില്‍ മുന്നേറ്റം പ്രകടമാണ്.
Also Read: Kerala Gold Rate: പ്രതീക്ഷയൊന്നും വേണ്ട, സ്വർണവില വീണ്ടും കൂടി! ഇന്നത്തെ നിരക്ക്
വര്‍ഷാവസാനം സ്വര്‍ണം 1.50 ലക്ഷം രൂപയിലെത്തുമോ?
സ്വര്‍ണവിലയില്‍ വര്‍ഷാവസാനത്തോടെ കൂടുതല്‍ മുന്നേറ്റമുണ്ടാകാമെന്നാണ് ചില വിപണി വിദഗ്ധരുടെ പ്രവചനം. കൊട്ടക് നിയോയിലെ ഗവേഷണ വിഭാഗം മേധാവി അനിന്ദ്യ ബാനര്‍ജിയുടെ വിലയിരുത്തലില്‍ അന്താരാഷ്ട്ര വിപണിയില്‍ സ്വര്‍ണം ഔണ്‍സിന് 4,400 മുതല്‍ 4,450 ഡോളര്‍ വരെ ഉയര്‍ന്നേക്കാം. ആഭ്യന്തര വിപണിയില്‍ എംസിഎക്‌സിലെ വില 10 ഗ്രാമിന് 1.50 ലക്ഷം രൂപയിലെത്താനും സാധ്യതയുണ്ടെന്നാണ് അദ്ദേഹത്തിന്റെ കണക്കുകൂട്ടല്‍.
പ്രോഇന്റലിട്രേഡ് സര്‍വീസസിലെ ദിനേഷ് സോമാനിയും സ്വര്‍ണവിലയില്‍ തിരിച്ചുവരവ് പ്രതീക്ഷിക്കുന്നു. അന്താരാഷ്ട്ര വിപണിയില്‍ ഔണ്‍സിന് 4,450 മുതല്‍ 4,500 ഡോളര്‍ വരെയാണ് അദ്ദേഹത്തിന്റെ വര്‍ഷാവസാന ലക്ഷ്യം. ആഭ്യന്തര വിപണിയില്‍ 10 ഗ്രാമിന് 1.49 ലക്ഷം രൂപ വരെയും ഉയരാമെന്നാണ് വിലയിരുത്തല്‍.
English Summary
Check the latest Kerala gold rate for November 10, 2026. Find out how much 22-carat gold costs per gram and per pavan (8 grams), along with the latest gold price updates for buyers in Kerala.
