Kerala Gold Rate: കേറി കേറി ഇതെങ്ങോട്ടാ! സ്വർണവില വീണ്ടും ഉയർന്നു; ഇന്നത്തെ നിരക്കറിയാം
Kerala Gold Rate Today on March 5th 2025: ഫെബ്രുവരി 11നാണ് സ്വർണ വില സർവകാല റെക്കോർഡായി 64000 രൂപ കടക്കുന്നത്. അന്ന് ഒരു പവന് 64480 രൂപയായിരുന്നു. അടുത്ത ദിവസം തന്നെ 63,000 ത്തിലേക്ക് താഴ്ന്ന വില പിന്നീട് കുറച്ച് നാൾ ഇതേ നിലയിൽ തുടർന്നു.
പ്രതീകാത്മക ചിത്രം
കൊച്ചി: സംസ്ഥാനത്ത് വീണ്ടും കുതിപ്പ് തുടർന്ന് സ്വർണ വില. മൂന്ന് ദിവസത്തോളം മാറ്റമില്ലാതെ തുടർന്ന സ്വർണ വില ഇന്നലെ വർധിച്ചിരുന്നു. ഒരു പവന് 560 രൂപ കൂടി 64,080 രൂപ നിരക്കിലായിരുന്നു ഇന്നലെ സ്വർണ വ്യാപാരം പുരോഗമിച്ചത്. ഇന്ന് വീണ്ടും സ്വർണവില ഉയർന്ന് ഒരു പവന് 64,520 രൂപയായി. ഒറ്റ ദിവസം കൊണ്ട് 440 രൂപയാണ് വർധിച്ചത്.
ഒരു ഗ്രാം സ്വർണത്തിന് ഇന്ന് 8,065 രൂപയാണ്. 55 രൂപയാണ് വർധിച്ചത്. ഇന്നലെ ഒരു ഗ്രാം സ്വർണത്തിന് 8010 രൂപയായിരുന്നു. ഫെബ്രുവരി 11നാണ് സ്വർണ വില സർവകാല റെക്കോർഡായി 64000 രൂപ കടക്കുന്നത്. അന്ന് ഒരു പവന് 64480 രൂപയായിരുന്നു. അടുത്ത ദിവസം തന്നെ 63,000 ത്തിലേക്ക് താഴ്ന്ന വില പിന്നീട് കുറച്ച് നാൾ ഇതേ നിലയിൽ തുടർന്നു. ശേഷം ഫെബ്രുവരി 19നാണ് വീണ്ടും വില 64000 രൂപ കടന്നത്. പിന്നീട് 27-ാം തീയതി വരെ ഇതിൽ നിന്നും വില കുറഞ്ഞിട്ടില്ല. എന്നാൽ ഫെബ്രുവരി 28ന് വീണ്ടും സ്വർണ വില കുറഞ്ഞു.
ALSO READ: ഏറ്റവും കുറഞ്ഞ ചെലവിൽ വ്യക്തിഗത വായ്പകൾ നേടാം, ചില നുറുങ്ങ് വിദ്യകൾ ഇതാ….
ഈ മാസം ആരംഭിക്കുന്നത് സ്വർണ വില ഒരു പവന് 63,520 രൂപ നിരക്കിലായിരുന്നു. ആദ്യ മൂന്ന് ദിവസം ഇതേ വിലയിൽ തുടർന്നു. ശേഷം മാർച്ച് 4 ന് സ്വർണവില വീണ്ടും 64080 രൂപയിലെത്തി. ശേഷം ഇന്ന് (മാർച്ച് 5) ഈ മാസത്തെ ഏറ്റവും ഉയർന്ന നിരക്കായ 64,520 രൂപ രേഖപ്പെടുത്തി. യുഎസ് പ്രസിഡന്റ് ഡൊണാൾഡ് ട്രംപും, യുക്രൈന് പ്രസിഡന്റ് സെലെന്സ്കിയും തമ്മിലുണ്ടായ വാഗ്വാദം ഉൾപ്പടെയുള്ള പുതിയ സംഭവവികാസങ്ങളാണ് സ്വർണ വില ഉയരാൻ കാരണമെന്നാണ് വിലയിരുത്തല്. സ്വര്ണവിലയെ നേരിട്ട് സ്വാധീനിക്കുന്ന പ്രധാന ഘടകങ്ങളിൽ ഒന്നാണ് രാജ്യങ്ങള് തമ്മിലുള്ള സംഘര്ഷം.
