DA Arrears: ഡിഎ, ഡിആര് മുൻകാല പ്രാബല്യത്തോടെ, കുടിശ്ശിക അനുവദിച്ച് ഉത്തരവിറക്കി
Kerala Government Orders DA and DR Arrears: കുടിശ്ശിക ഘട്ടം ഘട്ടമായി വിതരണം ചെയ്യുമെന്ന് ഇത്തവണ ബജറ്റില് പ്രഖ്യാപിച്ചിരുന്നു. 2026-27 സാമ്പത്തിക വര്ഷത്തില് നിശ്ചയിച്ച കുടിശ്ശിക ഗഡുക്കളുടെ വിതരണത്തിനായുള്ള തുകയും ബജറ്റില് വകയിരുത്തിയിട്ടുണ്ട്.
തിരുവനന്തപുരം: സംസ്ഥാനത്തെ സർക്കാർ ജീവനക്കാർക്ക് സന്തോഷവാർത്ത. ജീവനക്കാര്ക്കും അധ്യാപകര്ക്കും അനുവദിച്ച ഡി.എ മുൻകാല പ്രാബല്യത്തോടെ നൽകാൻ തീരുമാനമായി. മുമ്പ് ഡിഎ നൽകുമെന്ന് പ്രഖ്യാപിച്ചിരുന്നെങ്കിലും മുൻകാല പ്രാബല്യത്തോടെയാണോ എന്ന കാര്യത്തിൽ വ്യക്തത വരുത്തിയിരുന്നില്ല.
ഇപ്പോഴിതാ, നേരത്തെ അനുവദിച്ച ഡിഎ, ഡിആർ ഗഡുക്കൾക്കെല്ലാം മുൻകാല പ്രാബല്യം നൽകി കുടിശ്ശിക അനുവദിച്ചിരിക്കുകയാണ്. യു.ജി.സി, എ.ഐ.സി.ടി.ഇ, മെഡിക്കൽ എഡ്യുക്കേഷൻ സ്കീമിൽ ഉൾപ്പെട്ട അധ്യാപകർക്ക് ഉൾപ്പെടെ കുടിശിക ലഭിക്കുന്നതാണ്. കൂടാതെ, സര്വീസ് പെന്ഷന്കാരുടെ ഡി.ആര് കുടിശ്ശികയും നൽകുന്നതാണ്.
സംസ്ഥാന സര്ക്കാര് ജീവനക്കാര്ക്കും പെന്ഷന്കാര്ക്കും നല്കേണ്ട മുഴുവന് ഡി.എയും ഡി.ആറും ഇതിനകം അനുവദിച്ചിട്ടുണ്ട്. എന്നാൽ, ഇങ്ങനെ അനുവദിച്ച ഡി.എയുടെയും ഡി.ആറിന്റെയും കുടിശ്ശിക ഘട്ടം ഘട്ടമായി വിതരണം ചെയ്യുമെന്ന് ഇത്തവണ ബജറ്റില് പ്രഖ്യാപിച്ചിരുന്നു. 2026-27 സാമ്പത്തിക വര്ഷത്തില് നിശ്ചയിച്ച കുടിശ്ശിക ഗഡുക്കളുടെ വിതരണത്തിനായുള്ള തുകയും ബജറ്റില് വകയിരുത്തിയിട്ടുണ്ട്.
ALSO READ: കെഎസ്ഇബി ജീവനക്കാർക്ക് ആശ്വാസം, ക്ഷാമബത്ത വർദ്ധിപ്പിച്ചു, കിട്ടുന്നത്…..
പതിനൊന്നാം ശമ്പള പരിഷ്കരണത്തിന്റെ ഭാഗമായി പ്രഖ്യാപിച്ച 7 ശതമാനം ക്ഷാമബത്ത 2021 ഏപ്രില് മാസത്തിലെ ശമ്പളത്തിനൊപ്പമാണ് വിതരണം ചെയ്തത്. തുടര്ന്ന് അഞ്ച് തവണയായി ഓരോ ഗഡു വീതം ക്ഷാമബത്ത അനുവദിച്ചിരുന്നു. ക്ഷാമാശ്വാസവും ലഭ്യമാക്കി. കുടിശ്ശികയായിരുന്ന 13 ശതമാനം ക്ഷാമബത്തയും ക്ഷാമാശ്വാസവും ഈ ഫെബ്രുവരി, മാര്ച്ച് മാസങ്ങളിലായി അനുവദിച്ചിട്ടുണ്ട്.
മുഴുവൻ ഡി. എ, ഡി.അറിനും അനുവദിക്കേണ്ട യഥാർത്ഥ കാലാവധി കണക്കാക്കി മുൻകാല പ്രാബല്യം നൽകിയാണ് കുടിശ്ശിക അനുവദിച്ച് സര്ക്കാര് ഉത്തരവിറക്കിയത്. ഇത് വരുന്ന സാമ്പത്തിക വര്ഷം മുതല് എട്ട് ഗഡുക്കളായി വിതരണം ചെയ്യാനാണ് തീരുമാനം.
