SBI FD Scheme: സ്ഥിരനിക്ഷേപത്തിന് ഇനി വമ്പന്‍ പലിശ; അമൃത് വൃഷ്ടി പദ്ധതിയുമായി എസ്ബിഐ

SBI Amrit Vrishti Scheme: ബാങ്കില്‍ നേരിട്ട് പോയോ, ഇന്റര്‍നെറ്റ് ബാങ്കിങ് അല്ലെങ്കില്‍ യോനോ ആപ്പ് വഴിയും നിങ്ങള്‍ക്ക് ഈ നിക്ഷേപ പദ്ധതിയില്‍ ചേരാവുന്നതാണ്. ഇന്ത്യയില്‍ സ്ഥിരതാമസക്കാരായവര്‍ക്ക് മാത്രമല്ല പ്രവാസികള്‍ക്കും ഈ സ്‌കീമിലൂടെ പണം നിക്ഷേപിക്കാവുന്നതാണ്.

Image TV9 Bharatvarsh

Shiji M K | Updated On: 18 Jul 2024 16:45 PM

സ്ഥിരനിക്ഷേപം നടത്തുന്നതിന് ഏത് ബാങ്ക് വേണം എന്ന സംശയത്തിലാണോ? എങ്കില്‍ ഒട്ടും സംശയിക്കേണ്ട സ്റ്റേറ്റ് ബാങ്ക് ഓഫ് ഇന്ത്യ അതിനുള്ള പരിഹാരം കണ്ടെത്തിയിരിക്കുകയാണ്. അമൃത് വൃഷ്ടി എന്ന പേരില്‍ എസ്ബിഐ പുതിയ ഫിക്സഡ് ഡെപ്പോസിറ്റ് പ്ലാനിന് തുടക്കം കുറിച്ചിരിക്കുന്നു. ജൂലൈ 15 മുതല്‍ പ്രാബല്യത്തില്‍ വന്ന പദ്ധതിയിലൂടെ വമ്പന്‍ പലിശയാണ് ഉപഭോക്താവിന് ലഭിക്കുക.

444 ദിവസത്തേക്ക് പ്രതിവര്‍ഷം 7.25 ശതമാനം പലിശയാണ് ഈ സ്‌കീമിലൂടെ ഉപഭോക്താവിന് ലഭിക്കുന്നത്. മുതിര്‍ന്ന പൗരന്മാര്‍ക്ക് പ്രതിവര്‍ഷം 7.75 ശതമാനവും പലിശയായി ലഭിക്കും. മാത്രമല്ല, ഈ നിക്ഷേപത്തിന്റെ അടിസ്ഥാനത്തില്‍ നിങ്ങള്‍ക്ക് ബാങ്കില്‍ നിന്ന് വായ്പ എടുക്കാനും സാധിക്കും.

Also Read: Tariff Hike: താരിഫ് നിരക്ക് വര്‍ധനവിന് ശേഷം എങ്ങനെയുണ്ട് കാര്യങ്ങള്‍? സിം ഒഴിവാക്കാതെ ഇങ്ങനെ ചെയ്‌തോളൂ

ബാങ്കില്‍ നേരിട്ട് പോയോ, ഇന്റര്‍നെറ്റ് ബാങ്കിങ് അല്ലെങ്കില്‍ യോനോ ആപ്പ് വഴിയും നിങ്ങള്‍ക്ക് ഈ നിക്ഷേപ പദ്ധതിയില്‍ ചേരാവുന്നതാണ്. ഇന്ത്യയില്‍ സ്ഥിരതാമസക്കാരായവര്‍ക്ക് മാത്രമല്ല പ്രവാസികള്‍ക്കും ഈ സ്‌കീമിലൂടെ പണം നിക്ഷേപിക്കാവുന്നതാണ്.

എന്നാല്‍ ഇതൊരു ആജീവനാന്ത സേവനമല്ല. 2024 ജൂലൈ 15 മുതല്‍ 2025 ജൂലൈ 31 വരെയാണ് ഈ സേവനം ലഭ്യമാകുക എന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. എന്നാല്‍ റിക്കറിങ് ഡെപ്പോസിറ്റ്, ടാക്‌സ് സേവിങ് ഡെപ്പോസിറ്റ്, ആന്വിറ്റി ഡെപ്പോസിറ്റ്, എംസിഎഡി, മള്‍ട്ടി ഓപ്ഷന്‍ ഡെപ്പോസിറ്റ് എന്നിവയ്ക്ക് ഈ ആനുകൂല്യം ലഭിക്കില്ല.

Also Read: National Pension System: ഭാര്യയുടെ അക്കൗണ്ടിൽ മാസം 5000 ഇടാം, കാലാവധി പൂർത്തിയാകുമ്പോൾ 1 കോടിക്ക് മുകളിൽ

പിഴ

കാലാവധിയെത്തുന്നതിന് മുമ്പ് നിക്ഷേപം പിന്‍വലിച്ചാല്‍ ബാങ്ക് പിഴ ഈടാക്കും. അഞ്ച് ലക്ഷം രൂപവരെയുള്ള റീടെയ്ല്‍ ടേം ഡെപ്പോസിറ്റുകളുടെ പിഴ 0.50 ശതമാനമാണ്. എന്നാല്‍ അഞ്ച് ലക്ഷം രൂപയ്ക്ക് മുകളിലുള്ള നിക്ഷേപങ്ങള്‍ പിന്‍വലിച്ചാല്‍ ഒരു ശതമാനമായിരിക്കും പിഴയെന്നും റിപ്പോര്‍ട്ടുകള്‍ ചൂണ്ടികാണിക്കുന്നുണ്ട്.

അമൃത് കലശ്

ഇതിന് മുമ്പ് എസ്ബിഐ അമൃത് കലശ് എന്ന പേരില്‍ ഒരു നിക്ഷേപ പദ്ധതി കൊണ്ടുവന്നിരുന്നു. 7.10 ശതമാനം പലിശ നിരക്കിലായിരുന്നു ഈ സ്‌കീം അവതരിപ്പിച്ചത്. മുതിര്‍ന്ന പൗരന്മാര്‍ക്ക് 7.60 ശതമാനം പലിശയായിരുന്നു നല്‍കിയത്. 400 ദിവസമായിരുന്നു ഈ സ്‌കീമിന്റെ നിക്ഷേപ കാലാവധി.