Railway Job Update: റെയിൽവേയിൽ ജോലി ആഗ്രഹിക്കുന്നവർക്ക് അവസരം: 1,599 അപ്രൻ്റീസ് ഒഴിവുകളിലേക്ക് അപേക്ഷിക്കാം

പ്രതീകാത്മക ചിത്രം

ഇന്ത്യൻ റെയിൽവേയിൽ അപ്രന്റീസ്ഷിപ്പ് സ്വന്തമാക്കാൻ ആഗ്രഹിക്കുന്ന ഉദ്യോഗാർത്ഥികൾക്ക് മികച്ച അവസരം. ഈസ്റ്റ് കോസ്റ്റ് റെയിൽവേ (ECoR) 1961-ലെ അപ്രന്റീസ് ആക്ട് പ്രകാരം 1,599 പരിശീലന ഒഴിവുകളിലേക്ക് ഓൺലൈനായി അപേക്ഷ ക്ഷണിച്ചു. ഭുവനേശ്വറിലെ റെയിൽവേ റിക്രൂട്ട്‌മെന്റ് സെൽ (RRC/BBS) ആണ് ഈ റിക്രൂട്ട്‌മെന്റിന്റെ നോഡൽ ഏജൻസി. താല്പര്യമുള്ള ഉദ്യോ​ഗാർത്ഥികൾക്ക് ഇപ്പോൾ തന്നെ www.rrcbbs.org.in എന്ന വെബ്സൈറ്റിലൂടെ അപേക്ഷിക്കാവുന്നതാണ്. പരീക്ഷയോ അഭിമുഖമോ ഇല്ലാതെ മെട്രിക് മെറിറ്റ് അടിസ്ഥാനത്തിലാണ് തിരഞ്ഞെടുപ്പ്. പത്താം ക്ലാസിലെ മാർക്കിന്റെയും യോഗ്യതയുടെയും അടിസ്ഥാനത്തിലാണ് റാങ്ക് ലിസ്റ്റ് തയ്യാറാക്കുന്നത്.

ഓഗസ്റ്റ് 26 വൈകുന്നേരം 5:00 മണി മുതൽ സെപ്റ്റംബർ 15 വൈകുന്നേരം 5:00 മണി വരെയാണ് അപേക്ഷിക്കാനുള്ള അവസരം. SC / ST / PwBD / വനിതാ ഉദ്യോഗാർത്ഥികൾക്ക് അപേക്ഷാ ഫീസ് നൽകേണ്ടതില്ല. മറ്റെല്ലാവർക്കും 100 രൂപയാണ് അപേക്ഷ ഫീസ്. യോഗ്യരായ ഉദ്യോഗാർത്ഥികൾ ഔദ്യോഗിക വെബ്‌സൈറ്റായ www.rrcbbs.org.in സന്ദർശിച്ച് സെപ്റ്റംബർ 15-ന് മുൻപായി അപേക്ഷകൾ സമർപ്പിക്കാം. 24 വയസ് വരെയുള്ളവർക്ക് അപേക്ഷകൾ സമർപ്പിക്കാവുന്നതാണ്.

ALSO READ: പത്താം ക്ലാസ് ജയിച്ചവർക്ക് ഹൈക്കോടതിയിൽ ജോലി; ഗാർഡനർ തസ്തികയിലേക്ക് അപേക്ഷ ക്ഷണിച്ചു

ഒഴിവുകൾ ഈ മേഖലകളിൽ

ഫിറ്റർ, വെൽഡർ, ടർണർ, മെഷീനിസ്റ്റ്, ഇലക്ട്രീഷ്യൻ, കാർപെന്റർ, പെയിന്റർ (ജനറൽ), മെക്കാനിക് (ഡീസൽ) (TMO), സെക്രട്ടേറിയൽ അസിസ്റ്റന്റ് (സ്റ്റെനോഗ്രാഫി), ബ്ലാക്ക് സ്മിത്ത്, ഡ്രില്ലർ, ബ്രിഡ്ജ് എറെക്ടർ, ഷീറ്റ് മെറ്റൽ വർക്കർ, ഇലക്ട്രോണിക്സ് മെക്കാനിക് / ഇലക്ട്രോണിക്സ് മെക്കാനിക് (TMO), വയർമാൻ/ഇലക്ട്രീഷ്യൻ, മെക്കാനിക് റഫ്രിജറേഷൻ & എസി, പ്ലംബർ, ഡ്രാഫ്റ്റ്സ്മാൻ (സിവിൽ), മെക്കാനിക് (മോട്ടോർ വെഹിക്കിൾ), കമ്പ്യൂട്ടർ ഓപ്പറേറ്റർ & പ്രോഗ്രാമിംഗ് അസിസ്റ്റന്റ്, ലബോറട്ടറി ടെക്നീഷ്യൻ (പാത്തോളജി), സാരംഗ്, ഗ്രൈൻഡർ, മേസൺ, ഡ്രാഫ്റ്റ്സ്മാൻ (മെക്കാനിക്) എന്നീ തസ്തികയിലാണ് അപേക്ഷ ക്ഷണിച്ചിരിക്കുന്നത്.

അപേക്ഷിക്കേണ്ട രീതി ഇങ്ങനെ

• ആദ്യം തന്നെ ഔദ്യോഗിക വെബ്‌സൈറ്റായ www.rrcbbs.org.in സന്ദർശിക്കുക
• രജിസ്റ്റർ ചെയ്‌ത ശേഷം പോർട്ടലിൽ ലോഗിൻ ചെയ്യുക
• വ്യക്തിഗത വിവരങ്ങൾ, ട്രേഡ്, ആധാർ നമ്പർ, മാർക്ക്/CGPA, ഡിവിഷൻ/വർക്ക്‌ഷോപ്പ് തിരഞ്ഞെടുക്കൽ എന്നിവ ശ്രദ്ധാപൂർവ്വം പൂരിപ്പിക്കുക (ഒരു ഡിവിഷൻ/വർക്ക്‌ഷോപ്പ് മാത്രമേ തിരഞ്ഞെടുക്കാൻ കഴിയൂ, അത് അന്തിമമാണ്).
• സ്കാൻ ചെയ്ത ഫോട്ടോ, ഒപ്പ്, ആവശ്യമായ എല്ലാ രേഖകളും/സർട്ടിഫിക്കറ്റുകളും അപ്‌ലോഡ് ചെയ്യുക
• ഇന്റഗ്രേറ്റഡ് പേയ്‌മെന്റ് ഗേറ്റ്‌വേ വഴി 100 രൂപ ഓൺലൈനായി അപേക്ഷാ ഫീസ് അടയ്ക്കുക (SC/ST/PwBD/സ്ത്രീകൾക്ക് ബാധകമല്ല).
• നിങ്ങളുടെ രേഖകൾക്കായി സമർപ്പിച്ച അപേക്ഷയുടെ പ്രിന്റ്ഔട്ട് എടുത്ത് സൂക്ഷിക്കാവുന്നതാണ്.

English Summary:

East Coast Railway (ECoR) has released a Centralized Notification for the ECoR Act Apprentice Recruitment 2026, inviting online applications for engagement as Act Apprentices under the Apprentices Act, 1961, against 1,599 training slots across 25 designated trades.