Kozhikode IIM Job: പരീക്ഷയില്ല, അഭിമുഖം മാത്രം: പ്ലസ്ടു പാസായവർക്ക് കോഴിക്കോട് ഐഐഎമ്മിൽ ജോലി നേടാം
IIM Kozhikode Job Vacancy: എത്ര ഒഴിവുണ്ടെന്ന കാര്യത്തിൽ വ്യക്തതയില്ല. ഓൺലൈനായി അപേക്ഷ സമർപ്പിക്കാനുള്ള അവസാന തീയതി ഏപ്രിൽ ആറ് വരെ അപേക്ഷിക്കാം. പരീക്ഷയുണ്ടായിരിക്കില്ല. അപേക്ഷയിൽ നിന്നും ഷോർട്ട് ലിസ്റ്റ് ചെയ്തവരുമായി നടത്തുന്ന അഭിമുഖത്തിലൂടെയായിരിക്കും നിയമനം നടത്തുക. 28 വയസ്സ് വരെയാണ് ഉയർന്ന പ്രായ പരിധി.
ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്മെന്റ് കോഴിക്കോട് (ഐഐഎം) ൽ പ്ലസ് ടു പാസായവർക്ക് ജോലിക്ക് അവസരം. ഓഫീസ് അറ്റൻഡന്റ് ഒഴിവിലേക്കാണ് അപേക്ഷ ക്ഷണിച്ചിരിക്കുന്നത്. ഐഐഎമ്മിൻ്റെ ഔദ്യോഗിക വെബ്സൈറ്റിലൂടെ വിജ്ഞാപനം പരിശോധിക്കാം. നിലവിലെ ഒഴിവുകളിലേക്ക് പ്ലസ്ടു പാസായവർക്ക് അപേക്ഷിക്കാം.
നിയമനം കരാർ അടിസ്ഥാനത്തിലായിരിക്കും. എന്നാൽ എത്ര ഒഴിവുണ്ടെന്ന കാര്യത്തിൽ വ്യക്തതയില്ല. ഓൺലൈനായി അപേക്ഷ സമർപ്പിക്കാനുള്ള അവസാന തീയതി ഏപ്രിൽ ആറ് വരെ അപേക്ഷിക്കാം. പരീക്ഷയുണ്ടായിരിക്കില്ല. അപേക്ഷയിൽ നിന്നും ഷോർട്ട് ലിസ്റ്റ് ചെയ്തവരുമായി നടത്തുന്ന അഭിമുഖത്തിലൂടെയായിരിക്കും നിയമനം നടത്തുക.
ALSO READ: സിബിഎസ്ഇ പത്താം ക്ലാസ് രണ്ടാം ബോര്ഡ് പരീക്ഷ; എല്ഒസി ഷെഡ്യൂള് പുറത്ത്
തസ്തിക, യോഗ്യത, ശമ്പളം
ഓഫീസ് അറ്റൻഡന്റ് പോസ്റ്റിലേക്ക് അപേക്ഷിക്കുന്ന ഉദ്യോഗാർത്ഥികൾ പ്ലസ് ടു അല്ലെങ്കിൽ തത്തുല്യ യോഗ്യതയോ പാസായിരിക്കണം. കമ്പ്യൂട്ടറിലും എംഎസ് ഓഫീസിലും അടിസ്ഥാന പരിജ്ഞാനമുണ്ടായിരിക്കണം.
ഇംഗ്ലീഷിലും ഹിന്ദിയിലും അറിവും ആശയവിനിമയ ശേഷിയും ഉണ്ടായിരിക്കണം. 28 വയസ്സ് വരെയാണ് ഉയർന്ന പ്രായ പരിധി. 18,000 രൂപയാണ് ശമ്പളം. ഇപ്പോൾ കരാറിലാണ് നിയമനം. എന്നാൽ ഉദ്യോഗാർത്ഥിയുടെ പ്രവർത്തിന് അനുസരിച്ച് കരാർ നീട്ടി നൽകുന്നതാണ്.
