Railway Recruitment: നോർത്ത് ഈസ്റ്റ് ഫ്രോണ്ടിയർ റെയിൽവേയിൽ 5647 അപ്രന്റീസ് ഒഴിവുകൾ; അപേക്ഷിക്കേണ്ടതിങ്ങനെ

Representational Image (Image Credits: Sudipta Das/NurPhoto via Getty Images)

ഗുവാഹത്തി അടിസ്ഥാനമാക്കിയുള്ള നോർത്ത് ഈസ്റ്റ് ഫ്രോണ്ടിയർ റെയിൽവേയിൽ അപ്രന്റീസ് ഒഴിവുകളിലേക്ക് അപേക്ഷ ക്ഷണിച്ചു. വിവിധ ട്രേഡുകളികളിലായി മൊത്തം 5647 ഒഴിവുകളാണുള്ളത്. ഹെഡ് ക്വാട്ടേഴ്‌സിലും, ലാൻഡിംഗ്, രംഗിയ, തിൻസുകിയ, ന്യൂ ബംഗായ്‌ഗാവ്, ദിബ്രുഗഢ് , കടിഹാർ, അലിപ്പുർദ്വാർ എന്നീ യൂണിറ്റുകളിലുമാണ് പരിശീലനം ഉണ്ടാവുക. താല്പര്യമുള്ള ഉദ്യോഗാർത്ഥികൾ ഓൺലൈനായാണ് അപേക്ഷിക്കേണ്ടത്. അപേക്ഷ സമർപ്പിക്കേണ്ട അവസാന തീയതി ഡിസംബർ 3.

പ്രായപരിധി

• കുറഞ്ഞ പ്രായപരിധി: 15 വയസ്.
• ഉയർന്ന പ്രായപരിധി: 24 വയസ്.
• സംവരണ വിഭാഗക്കാർക്ക് നിയമാനുസൃത ഇളവുകൾ ലഭിക്കും.

ഫീസ്

100 രൂപയാണ് അപേക്ഷ ഫീസ്. ഓൺലൈനായാണ് ഫീസ് അടക്കേണ്ടത്.
എസ്.സി, എസ്,ടി വിഭാഗക്കാർ/ വിമുക്തഭടന്മാർ/ സ്ത്രീകൾ എന്നിവർക്ക് അപേക്ഷിക്കാൻ ഫീസ് അടക്കേണ്ടതില്ല.

യോഗ്യത

• കേന്ദ്ര സർക്കാർ അംഗീകൃത സ്ഥാപനത്തിൽ നിന്നും പത്താം ക്ലാസ്/ തത്തുല്യം പാസായിരിക്കണം.
• ബന്ധപ്പെട്ട മേഖലയിൽ ഐടിഐ സർട്ടിഫിക്കറ്റ്.
• ലാബ് ടെക്നിഷ്യൻ തസ്തികയിലേക്ക് അപേക്ഷിക്കുന്നവർ ഫിസിക്സ്, കെമിസ്ട്രി, ബയോളജി എന്നീ വിഷയങ്ങളിൽ 12-ആം ക്ലാസ് പാസായിരിക്കണം.

തിരഞ്ഞെടുപ്പ്

പത്താം ക്ലാസ്/ തത്തുല്യം, ഐടിഐ എന്നിവയിൽ നേടിയ മാർക്കിന്റെ അടിസ്ഥാനത്തിൽ ആണ് തിരഞ്ഞെടുപ്പ് നടക്കുക. യൂണിറ്റ്, ട്രേഡ്, കമ്മ്യൂണിറ്റി എന്നിവയുടെ അടിസ്ഥാനത്തിൽ ഉദ്യോഗാർത്ഥികളെ ഷോർട്ട് ലിസ്റ്റ് ചെയ്യുന്നതാണ്. അവർ പ്രമാണ പരിശോധന, മെഡിക്കൽ പരിശോധന എന്നിവയ്ക്ക് ഹാജരാകണം.

എങ്ങനെ അപേക്ഷിക്കാം?

• നോർത്ത് ഈസ്റ്റ് ഫ്രോണ്ടിയർ റെയിൽവേയുടെ ഔദ്യോഗിക വെബ്‌സൈറ്റായ www.nfr.indianrailways.gov.in സന്ദർശിക്കുക.
• അപേക്ഷിക്കാൻ ആഗ്രഹിക്കുന്ന തസ്തികയുടെ യോഗ്യതകൾ പരിശോധിക്കുക.
• ആദ്യം ഉദ്യോഗാർത്ഥികൾ വെബ്‌സൈറ്റിൽ രജിസ്റ്റർ ചെയ്യണം. നേരത്തെ അക്കൗണ്ടുള്ളവർ ലോഗിൻ ചെയ്താൽ മതി.
• തുടർന്ന് ‘അപ്ലൈ നൗ’ എന്നത് തിരഞ്ഞെടുത്ത് ആവശ്യമായ വിവരങ്ങൾ പൂരിപ്പിച്ച് നൽകുക.
• അപ്‌ലോഡ് ചെയ്യാനായി ആവശ്യപ്പെടുന്ന രേഖകൾ സ്കാൻ ചെയ്ത ശേഷം അപ്ലോഡ് ചെയ്യുക.
• തുടർന്ന് ഫീസ് അടച്ച് അപേക്ഷ സമർപ്പിക്കാം.
• ഭാവി ആവശ്യങ്ങൾക്കായി അപേക്ഷയുടെ ഒരു കോപ്പി പ്രിന്റ് എടുത്ത് സൂക്ഷിക്കുക.