UCO bank Recruitment 2025: ബാങ്കിങ് രംഗത്ത് അവസരം: UCO ബാങ്ക് അപ്രന്റീസ് റിക്രൂട്ട്മെന്റ് 2025 പ്രഖ്യാപിച്ചു; 532 ഒഴിവുകൾ

UCO Bank Jobs

ന്യൂഡൽഹി: ബാങ്കിങ് മേഖലയിൽ തൊഴിൽപരിചയം നേടാൻ ആഗ്രഹിക്കുന്ന ഉദ്യോഗാർത്ഥികൾക്കായി UCO ബാങ്ക് അപ്രന്റീസ് റിക്രൂട്ട്മെന്റ് 2025 പ്രഖ്യാപിച്ചു. 1961-ലെ അപ്രന്റീസ് നിയമപ്രകാരം രാജ്യത്തൊട്ടാകെ 532 ഒഴിവുകളിലേക്കാണ് നിയമനം നടത്തുന്നത്. കേരളത്തിൽ 10 ഒഴിവുകൾ ഉൾപ്പെടെ, ഏറ്റവും കൂടുതൽ ഒഴിവുകൾ പശ്ചിമ ബംഗാളിലാണ് (86 എണ്ണം) ഉള്ളത്. ഈ നിയമനത്തിലൂടെ തിരഞ്ഞെടുക്കപ്പെടുന്നവർക്ക് പ്രതിമാസം 15,000 രൂപ സ്റ്റൈപെൻഡ് ലഭിക്കും.

താത്പര്യമുള്ള ഉദ്യോഗാർത്ഥികൾക്ക് അപേക്ഷ സമർപ്പിക്കാനുള്ള അവസാന തീയതി 2025 ഒക്ടോബർ 30 ആണ്. തുടർന്ന്, നവംബർ 10-ന് ഓൺലൈൻ പരീക്ഷ നടക്കും. ഉദ്യോഗാർത്ഥികൾക്ക് ബാങ്കിന്റെ ഔദ്യോഗിക വെബ്‌സൈറ്റായ www.ucobank.com വഴിയോ അല്ലെങ്കിൽ BFSI SSC പോർട്ടൽ വഴിയോ അപേക്ഷ സമർപ്പിക്കാവുന്നതാണ്.

ഒരു ഉദ്യോഗാർഥിക്ക് ഒരു സംസ്ഥാനത്തെ ഒഴിവുകളിലേക്ക് മാത്രമേ അപേക്ഷിക്കാൻ സാധിക്കൂ എന്ന നിബന്ധന ശ്രദ്ധിക്കണം. അപേക്ഷിക്കുന്നതിന് മുൻപ് ഉദ്യോഗാർഥികൾ നാഷണൽ അപ്രന്റിസ്ഷിപ്പ് ട്രെയിനിങ് സ്‌കീമിൽ (NATS) നിർബന്ധമായും രജിസ്റ്റർ ചെയ്തിരിക്കണം. കൂടാതെ, മറ്റ് സംസ്ഥാനങ്ങളിലേക്ക് അപേക്ഷിക്കുന്നവർക്ക് അവിടത്തെ പ്രാദേശിക ഭാഷയിൽ എഴുതാനും വായിക്കാനും സംസാരിക്കാനും പ്രാവീണ്യം ഉണ്ടായിരിക്കണം. അപേക്ഷാ ഫീസ് ജനറൽ/ഒ.ബി.സി/ഇ.ഡബ്ല്യു.എസ് വിഭാഗക്കാർക്ക് 944 രൂപയും, വനിതകൾ/എസ്.സി/എസ്.ടി വിഭാഗക്കാർക്ക് രൂപയും, പി.ഡബ്ല്യു.ബി.ഡി. വിഭാഗക്കാർക്ക് രൂപയും ആണ്.

അപേക്ഷകരെ തിരഞ്ഞെടുക്കുന്നത് ഓൺലൈൻ ഒബ്ജക്ടീവ് ടൈപ്പ് പരീക്ഷയുടെ അടിസ്ഥാനത്തിലാണ്. 100 മാർക്കിനുള്ള 100 ചോദ്യങ്ങളാണ് പരീക്ഷയിൽ ഉണ്ടാവുക. ജനറൽ/ഫിനാൻസ് അവേർനെസ്, ഇംഗ്ലീഷ്, റീസണിങ് എബിലിറ്റി & കമ്പ്യൂട്ടർ ആപ്റ്റിറ്റിയൂഡ്, ക്വാണ്ടിറ്റേറ്റീവ് ആപ്റ്റിറ്റിയൂഡ് എന്നീ നാല് വിഷയങ്ങളിൽ നിന്നായി 25 മാർക്ക് വീതമാണ് ചോദ്യങ്ങൾ ഉൾപ്പെടുത്തിയിരിക്കുന്നത്. ഓരോ തെറ്റായ ഉത്തരത്തിനും 0.25 നെഗറ്റീവ് മാർക്ക് കുറയ്ക്കുന്നതാണ്. പരീക്ഷയുടെ അടിസ്ഥാനത്തിൽ ഷോർട്ട്ലിസ്റ്റ് ചെയ്യുന്നവരെയാണ് തുടർന്നുള്ള തിരഞ്ഞെടുപ്പ് നടപടികൾക്കായി പരിഗണിക്കുക.