Chatha Pacha OTT : മമ്മൂട്ടി കാമിയോ വേഷത്തിലെത്തി തകർത്ത ചത്ത പച്ച ഒടിടിയിലേക്ക്; എപ്പോൾ, എവിടെ കാണാം?
Chatha Pacha OTT Release Date & Platform : ചത്ത പച്ചയുടെ ഒടിടി അവകാശം നെറ്റ്ഫ്ലിക്സ് സ്വന്തമാക്കിയെന്ന് നേരത്തെ റിപ്പോർട്ടുകൾ വന്നിരുന്നു. എന്നാൽ മറ്റൊരു പ്ലാറ്റ്ഫോമാണ് ചിത്രത്തിൻ്റെ ഡിജിറ്റൽ അവകാശം സ്വന്തമാക്കിയിരിക്കുന്നത്.
Chatha Pacha Ott
മമ്മൂട്ടി കാമിയോ വേഷത്തിലെത്തി ശ്രദ്ധേയമായ ചിത്രമാണ് ചത്ത പച്ച. അർജുൻ അശോകൻ, റോഷൻ മാത്യൂ തുടങ്ങിയവർ പ്രധാന വേഷത്തിലെത്തിയ ആക്ഷൻ കോമഡി ചിത്രം ഒടിടി റിലീസിന് തയ്യാറെടുക്കകയാണ്. ഈ വർഷത്തെ ആദ്യ ഹിറ്റെന്ന ഖ്യാതിയോടെയെത്തിയ ചിത്രത്തിൻ്റെ ഒടിടി അവകാശം വമ്പൻ തുകയ്ക്ക് വിറ്റു പോയിയെന്നാണ് റിപ്പോർട്ട് സൂചിപ്പിക്കുന്നത്. ഈ കഴിഞ്ഞ ജനുവരി 22നാണ് ചത്ത പച്ച തിയറ്ററിൽ റിലീസായത്.
ചത്ത പച്ച ഒടിടി
നേരത്തെ വന്ന റിപ്പോർട്ടുകൾ പ്രകാരം ചത്ത പച്ചയുടെ ഒടിടി അവകാശം നെറ്റ്ഫ്ലിക്സ് സ്വന്തമാക്കിയെന്നായിരുന്നു. എന്നാൽ ചത്ത പച്ചയുടെ ഡിജറ്റൽ അവകാശം സ്വന്തമാക്കിയിരിക്കുന്നത് ഒടിടി വമ്പന്മാരായ നെറ്റ്ഫ്ലികസാണ്. പത്ത് കോടിയിലേറെ രൂപയ്ക്ക് ഒടിടി ഡീൽ നടന്നുയെന്നാണ് സ്ഥിരീകരിക്കാത്ത റിപ്പോർട്ടുകൾ. ചിത്രത്തിൽ മമ്മൂട്ടിയും കൂടി എത്തുമ്പോൾ സിനിമയുടെ മാർക്കറ്റ് ഒന്നുംകൂടി വർധിച്ചു.
റീൽ വേൾഡ് എൻ്റർടെയ്മെൻ്റ്സിൻ്റെ ബാനറിൽ ഷിഹാൻ ഷൗക്കത്തും റിതേഷ് എസ് രാമകൃഷ്ണനും ചേർന്നാണ് ചത്ത പച്ച നിർമിച്ചിരിക്കുന്നത്. നവാഗതനായ അദ്വൈത് നായറാണ് ചിത്രം എഴുതി സംവിധാനം ചെയ്തിട്ടുള്ളത്. പ്രമുഖമായ WWE യുടെ പശ്ചാത്തലത്തിലാണ് ചിത്രം ഒരുക്കിയിരിക്കുന്നത്. ബോളിവുഡിലെ ശങ്കർ- എഹസാൻ ലോയിയാണ് ചിത്രത്തിന് സംഗീതം നൽകിട്ടുള്ളത്. അനന്ദ് സി ചന്ദ്രനാണ് ഛായാഗ്രാഹകൻ
