Ee Paradevanaho Song: തെറ്റിധരിക്കല്ലേ അത് പണ്ടത്തെ ഒരു ക്രിസ്തീയ ഭക്തിഗാനമാണ്… ദാസേട്ടന്റെ ആ ഗാനം വീണ്ടും ഹിറ്റായത് ഇങ്ങനെ
Ee Paradevanaho Goes Viral: പ്രകൃതി ഭംഗി തുളുമ്പുന്ന ദൃശ്യങ്ങൾ, യാത്രകൾ, ദേവാലയങ്ങൾ, എന്നിവയുമായി ബന്ധപ്പെട്ട റീൽസിലെ ബാക്ക്ഗ്രൗണ്ട് ആയിട്ടാണ് ഈ മ്യൂസിക് ഉപയോഗിക്കുന്നത്. ക്രിസ്തീയ ഭക്തിഗാന ശാഖയിലെ ക്ലാസിക് കൃതികളെ പുതിയ രീതിയിലേക്ക് അവതരിപ്പിക്കുന്നത് ഗാനങ്ങളെ കൂടുതൽ ജനകീയമാക്കാൻ സഹായിക്കുന്നു എന്നതിനുള്ള തെളിവാണ് ഈ ഗാനത്തിന്റെ ഇപ്പോഴത്തെ വിജയം.
Trending Song
അടുത്തിടെയായി ക്ഷേത്രങ്ങളുടെ റീൽസിലും മറ്റും സ്ഥിരമായി കാണുന്ന ഒരു ഗാനമാണ് ഈ പരദേവനഹോ എന്നത്. എല്ലാവരും വിചാരിക്കുന്നതുപോലെ ഇതൊരു ഹിന്ദു ഭക്തിഗാനം അല്ല എന്നതാണ് സത്യം. വർഷങ്ങൾക്കു മുൻപ് ഇറങ്ങിയ ഒരു ക്രിസ്തീയ ഭക്തിഗാനം ആണ് ഇത്. ഗാനഗന്ധർവൻ കെ ജെ യേശുദാസ് ആലപിച്ച ഈ ഗാനത്തിന് മോഹൻ സിത്താരയാണ് ഈണം പകർന്നിരിക്കുന്നത്.
വർഷങ്ങൾക്ക് ശേഷം ഈ ഗാനം വീണ്ടും ശ്രദ്ധയിൽ വരാൻ കാരണം കാന്ത എന്ന പ്രശസ്തമായ മ്യൂസിക് ബാൻഡ് ആണ്. അവർ പുറത്തിറക്കിയ ഈ ഗാനത്തിന്റെ പുതിയ റീമിക്സ് ആണ് സോഷ്യൽ മീഡിയയിൽ വൈറൽ ആയിരിക്കുന്നത്.
ഭക്തിയും ആധുനിക സംഗീതവും കോർത്തിണക്കിയ ഈ പതിപ്പ് ഇൻസ്റ്റഗ്രാമിൽ പല റീൽസുകളിലും ഇപ്പോൾ വ്യാപകമായി ഉപയോഗിക്കുന്നുണ്ട്. ദശകങ്ങൾക്ക് മുമ്പ് പുറത്തിറങ്ങിയ ഗാനത്തിന് കാന്താ നൽകിയ പുതിയ താളവും സ്റ്റൈലും യുവതലമുറയെ അല്ലാതെ ആകർഷിച്ചിട്ടുണ്ട്. പ്രകൃതി ഭംഗി തുളുമ്പുന്ന ദൃശ്യങ്ങൾ, യാത്രകൾ, ദേവാലയങ്ങൾ, എന്നിവയുമായി ബന്ധപ്പെട്ട റീൽസിലെ ബാക്ക്ഗ്രൗണ്ട് ആയിട്ടാണ് ഈ മ്യൂസിക് ഉപയോഗിക്കുന്നത്. ക്രിസ്തീയ ഭക്തിഗാന ശാഖയിലെ ക്ലാസിക് കൃതികളെ പുതിയ രീതിയിലേക്ക് അവതരിപ്പിക്കുന്നത് ഗാനങ്ങളെ കൂടുതൽ ജനകീയമാക്കാൻ സഹായിക്കുന്നു എന്നതിനുള്ള തെളിവാണ് ഈ ഗാനത്തിന്റെ ഇപ്പോഴത്തെ വിജയം.
