Nedumkandam Miracle: കാത്തിരിപ്പിന് അവസാനം! ‘നെടുങ്കണ്ടം മിറാക്കിളു’മായി മോഹൻലാലും ദിലീഷ് പോത്തനും എത്തുന്നു

Mohanlal And Dileesh Pothan

കാത്തിരിപ്പുകൾക്ക് വിരാമമിട്ട് പ്രേക്ഷകർ ഏറെ ആകാംക്ഷയോടെ പ്രതീക്ഷിച്ച ആ കൂട്ടുകെട്ട് എത്തുന്നു. മോഹൻലാലിനെ നായനാക്കിക്കൊണ്ട് ദിലീഷ് പോത്തൻ സംവിധാനം ചെയ്യുന്ന ചിത്രം പ്രഖ്യാപിച്ചു. നെടുങ്കണ്ടം മിറാക്കിൾ എന്നാണ് സിനിമയ്ക്കു പേര് നൽകിയിരിക്കുന്നത്. സിനിമയുടെ അനൗൺസ്മെന്റ് വീഡിയോയും ടൈറ്റിൽ പോസ്റ്ററും അണിയറ പ്രവർത്തകർ റിലീസ് ചെയ്തു. ശ്യാം പുഷ്കരൻ, പോൾ സക്കറിയ എന്നിവർ ചേർന്നാണ് ചിത്രത്തിന്റെ രചന. ചിത്രം നിർമ്മിച്ചിരിക്കുന്നത് ജോൺ മേരി ക്രിയേറ്റീവിന്റെ ബാനറിൽ അച്ചു ബേബിയാണ്. സുഷിൻ ശ്യാമാണ് സിനിമയുടെ സംഗീതം നിർവഹിക്കുക.

ക്യാമറ ഷൈജു ഖാലിദും എഡിറ്റിംഗ് സൈജു ശ്രീധരനും പ്രൊഡക്ഷൻ ഡിസൈൻ അജയൻ ചാലിശ്ശേരിയും ചേർന്ന് നിർവഹിക്കും. വസ്രാലങ്കാരം മഷർ ഹംസ, മേക്കപ്പ് റോണക്സ് സേവിയർ. ഭാവന റിലീസ് വിതരണത്തിനെത്തിക്കുന്ന സിനിമയുടെ ചിത്രീകരണം നടക്കുന്നത് തിരുവനന്തപുരം ഇടുക്കി ചെന്നൈ എന്നിവിടങ്ങളിൽ ആയിരിക്കുമെന്നും റിപ്പോർട്ട്. ഇന്ന് വൈകിട്ടോടെയാണ് മോഹൻലാലിന്റെയും ദിലീഷ് പോത്തിന്റെയും അടക്കം സോഷ്യൽ മീഡിയ പേജുകളിലൂടെ സിനിമയുടെ പ്രഖ്യാപനം ഉണ്ടായത്.

സിനിമയുടെ അനൗൺസ്മെന്റ് വീഡിയോ

ഇതാദ്യമായിട്ടാണ് ദിലീഷ് പോത്തൻ സംവിധാനം ചെയ്യുന്ന ഒരു സിനിമയിൽ മോഹൻലാൽ നായകനായി എത്തുന്നത്. അതേസമയം 2021ൽ പുറത്തിറങ്ങിയ ജോജി എന്ന ഫഹദ് ഫാസിൽ ചിത്രമാണ്. ദിലീഷ് പോത്തിനെ സംവിധാനത്തിൽ ഏറ്റവും ഒടുവിൽ പുറത്തിറങ്ങിയ ചിത്രം. കോവിഡിന്റെ സമയത്ത് റിലീസ് ചെയ്ത ചിത്രമായ തന്നെ ഒടിടി യിൽ ആണ് ജോജി റിലീസ് ആയത്. എന്നിരുന്നാലും സിനിമയ്ക്ക് വലിയ പ്രേക്ഷക പ്രതികരണം ആണ് ലഭിച്ചത്.

സ്വാഭാവിക ശൈലിയിലൂടെ മലയാള സിനിമയിൽ ഒരു പുത്തൻ അധ്യായം കുറിച്ച സംവിധായകനാണ് ദിലീഷ് പോത്തൻ. സിനിമയിലെ സൂക്ഷ്മമായ നിരീക്ഷണങ്ങൾ കൊണ്ടും കഥാപാത്രങ്ങളുടെ സ്വാഭാവികത കൊണ്ടും പ്രേക്ഷകരെ വിസ്മയിപ്പിച്ച സംവിധായകൻ. സംവിധായകൻ എന്ന പേരിൽ ഒരുപാട് സിനിമകൾ ഒന്നും ദിലീഷ് പോത്തൻ നൽകിയിട്ടില്ലെങ്കിലും തന്നതെല്ലാം തന്നെ ഇന്നും പ്രേക്ഷകർ മടുപ്പില്ലാതെ ആവർത്തന വിരസത തോന്നിക്കാതെ കാണുന്ന സിനിമകളാണ്. മഹേഷിന്റെ പ്രതികാരം, തൊണ്ടിമുതലും ദൃക്സാക്ഷിയും, ജോജി എന്നിവയാണ് ആ മൂന്ന് ചിത്രങ്ങൾ.

ഇതിൽ മഹേഷിന്റെ പ്രതികാരം എന്ന സിനിമ തിയേറ്ററിൽ വലിയ രീതിയിലുള്ള പ്രതികരണവും നേട്ടവും കൊയ്തു. സംവിധായകൻ എന്നതിലുപരി മികച്ച ഒരു അഭിനേതാവ് കൂടിയാണ് ദിലീഷ് പോത്തൻ. സോൾട്ട് ആൻഡ് പെപ്പർ എന്ന ചിത്രത്തിലെ ഒരു രസകരമായ കഥാപാത്രത്തിലൂടെയാണ് ദിലീഷ് പോത്തൻ പ്രേക്ഷകർക്കും മുന്നിൽ പ്രത്യക്ഷപ്പെട്ടത്.. പിന്നീട് താൻ സംവിധാനം ചെയ്ത ചിത്രങ്ങളിൽ അടക്കം ശ്രദ്ധേയമായ കഥാപാത്രങ്ങൾ ദിലീഷ് അവതരിപ്പിച്ചു.

ENGLISH SUMMARY

The film, directed by Dileesh Pothan and starring Mohanlal in the lead, has been announced. The film has been titled Nedumkandam Miracle. The makers have released the announcement video and title poster of the film.