TVK Vijay: വിജയ് ആദ്യം തൃഷയെ വിട്ട് പുറത്തിറങ്ങണം എങ്കിലേ വല്ലതും നടക്കൂ..! അധിക്ഷേപ പരാമർശവുമായി തമിഴ്നാട് ബിജെപി അധ്യക്ഷൻ

Tvk Vijay (3)

ചെന്നൈ: തമിഴക വെട്രി കഴകം നേതാവും നടനുമായ വിജയിക്കും നടി തൃഷയ്ക്കും നേരെ അധിക്ഷേപ പരാമർശങ്ങളുമായി തമിഴ്നാട് ബിജെപി അധ്യക്ഷൻ നൈനാർ നാഗേന്ദ്രൻ രംഗത്ത്. തമിഴ്നാട്ടിൽ എന്തെങ്കിലും സാധ്യമാക്കണമെങ്കിൽ വിജയ് ആദ്യം ത്രിഷയെ വിട്ട് പുറത്തേക്കിറങ്ങി വരണമെന്നാണ് അധിക്ഷേപം നടത്തിയത്. തമിഴ്നാട്ടിൽ നിയമസഭാ തിരഞ്ഞെടുപ്പിൽ മത്സരം ഡിഎംകെയും ടിവികെയും തമ്മിലാണെന്ന് സേലം റാലിയിൽ വച്ചുള്ള വിജയുടെ പ്രസംഗം ആണ് നൈനാർ നാഗേന്ദ്രനെ ചൊടിപ്പിച്ചത്.

രാഷ്ട്രീയത്തിൽ സജീവമാകണമെങ്കിൽ വിജയ് ആദ്യം വീട്ടിൽ നിന്നും പുറത്തിറങ്ങണം അതിന് ആദ്യം തൃഷയെ വിട്ട് പുറത്തേക്ക് വരണം. മുതിർന്നവർ പറയുന്നത് കേൾക്കണം നിർഭാഗ്യമാണെന്ന് പറയട്ടെ വിജയിക്കിതൊന്നും സാധിക്കില്ല, കാരണം പുറത്തിറങ്ങിയാൽ മാത്രമേ ഇതൊക്കെ സാധിക്കുകയുള്ളൂ. നല്ല നേതാക്കൾ നയിക്കുന്ന പ്രസ്ഥാനത്തെക്കുറിച്ച് നല്ല രീതിയിൽ സംസാരിക്കണം.

മേൽക്കൂരയിൽ കയറി കോഴിയെ പിടിക്കാൻ സാധിക്കാത്ത ഒരാൾക്ക് ആകാശത്തു കയറി വൈകുണ്ഡത്തിൽ പോകാൻ സാധിക്കുമോ എന്നും നൈനാർ നാഗേന്ദ്രൻ പരിഹസിച്ചു. താൻ നടനായതിനാൽ മാത്രം വോട്ട് ബാങ്കിലെ 32 ശതമാനം ലഭിക്കുമെന്ന് പറയുന്ന ഒരാളെ എങ്ങനെയാണ് അംഗീകരിക്കാൻ സാധിക്കുക എന്നും അദ്ദേഹം ചോദിച്ചു.