കേന്ദ്രസർക്കാർ ജീവനക്കാരും കേരളത്തിലെ സർക്കാർ ജീവനക്കാരും ശമ്പള പരിഷ്കരണത്തിന് വേണ്ടിയുള്ള കാത്തിരിപ്പിലാണ്. നിലവിൽ, എട്ടാം ശമ്പള കമ്മീഷനും പന്ത്രണ്ടാം ശമ്പള കമ്മീഷനും ശമ്പള പരിഷ്കരണവുമായി ബന്ധപ്പെട്ടുള്ള പ്രവർത്തനങ്ങളിലാണ്. ജീവനക്കാരുടെ ശമ്പളം നിർണയിക്കുന്നത് എങ്ങനെയാണ്? അടിസ്ഥാന ശമ്പളം, ക്ഷാമബത്ത, മറ്റ് ആനുകൂല്യങ്ങൾ തുടങ്ങിയവയിൽ കേന്ദ്ര, സർക്കാർ ജീവനക്കാർ എങ്ങനെ വ്യത്യാസപ്പെട്ടിരിക്കുന്നു? പരിശോധിക്കാം ....

എട്ടാം ശമ്പള കമ്മീഷൻ

കേന്ദ്ര സർക്കാർ ജീവനക്കാരുടെ ശമ്പള പരിഷ്കരണവുമായി ബന്ധപ്പെട്ട്, കഴിഞ്ഞ നവംബറിലാണ് കേന്ദ്രസർക്കാർ എട്ടാം ശമ്പള കമ്മീഷനെ നിയോഗിച്ചത്. ജസ്റ്റിസ് രഞ്ജന പ്രകാശ് ദേശായി അധ്യക്ഷയായ മൂന്നംഗ കമ്മീഷൻ കൂടിയാലോചനകളുടെയും ചർച്ചകളുടെയും ഘട്ടത്തിലാണ്. കമ്മീഷൻ രൂപീകരിച്ച് 18 മാസത്തിന് ശേഷമാണ് അന്തിമ റിപ്പോർട്ട് സമർപ്പിക്കേണ്ടത്. അതായത്, ഏകദേശം 2027 മെയ്-ജൂൺ മാസങ്ങളോടെ റിപ്പോർട്ട് വരാൻ സാധ്യതയുണ്ട്.

എട്ടാം ശമ്പള പരിഷ്കരണത്തിൽ അടിസ്ഥാന ശമ്പളത്തിൽ വൻ വർദ്ധനവാണ് ജീവനക്കാർ പ്രതീക്ഷിക്കുന്നത്. ഫിറ്റ്മെന്റ് ഫാക്ടർ ഉപയോഗിച്ചാണ് അടിസ്ഥാന ശമ്പളം കണക്കാക്കുന്നത്. ശമ്പളത്തോടൊപ്പം വീട്ടുവാടക അലവൻസ്, യാത്ര അലവൻസ് തുടങ്ങിയ ആനുകൂല്യങ്ങളും കൂടും. നിലവിൽ ഏഴാം ശമ്പള കമ്മീഷന്റെ ശുപാർശകളുടെ അടിസ്ഥാനത്തിൽ 18,000 രൂപയാണ് അടിസ്ഥാന ശമ്പളം.

ALSO READ: കേന്ദ്ര ജീവനക്കാർക്ക് പുതുക്കിയ ശമ്പളം എപ്പോൾ? എട്ടാം ശമ്പള കമ്മീഷന്റെ സമയക്രമം അറിയാം

കേന്ദ്രസർക്കാർ ജീവനക്കാരുടെ ഡിഎ ഉയർത്തി

കേന്ദ്ര സർക്കാർ ജീവനക്കാരുടെ ക്ഷാമബത്ത (ഡിഎ) മൂന്ന് ശതമാനം ഉയർത്തുന്ന തീരുമാനത്തിന് മന്ത്രിസഭ അംഗീകാരം നൽകി. പെൻഷൻ ഉപയോക്താക്കളുടെ ക്ഷാമശ്വാസവും (ഡിആർ) മൂന്ന് ശതമാനം ഉയരും. ജൂലൈ ഒന്നാം തീയതി മുതൽ മുൻകാലപ്രാബല്യം അടിസ്ഥാനത്തിൽ ഇത് നടപ്പിലാക്കും. ഏഴാം ശമ്പള കമ്മീഷൻ പ്രകാരം നിലവിൽ 60 ശതമാനം ആയിരുന്നു സർക്കാർ ജീവനക്കാരുടെ ഡിഎ. അതിപ്പോൾ മൂന്ന് ശതമാനം കൂടി വർധിച്ചതോടെ ആകെ 63 ശതമാനമായി ഉയർന്നു.

പന്ത്രണ്ടാം ശമ്പള പരിഷ്കരണം

സംസ്ഥാന സർക്കാർ ജീവനക്കാരുടെ ശമ്പള പരിഷ്കരണവുമായി ബന്ധപ്പെട്ട് പന്ത്രണ്ടാം ശമ്പള കമ്മീഷനെ രൂപീകരിച്ചിരുന്നു. അഞ്ച് വർഷ കാലയളവിലാണ് സംസ്ഥാനത്ത് സർക്കാർ ജീവനക്കാരുടെ ശമ്പളം പരിഷ്കരിക്കുന്നത്. ഇതിന് വേണ്ടി പ്രത്യേക കമ്മീഷനെ നിയോഗിക്കുകയും തുടർന്ന് അവരുടെ ശുപാർശകൾക്ക് അനുസരിച്ചാകും അന്തിമ തീരുമാനം എടുക്കുക.

2026 ഫെബ്രുവരി 23-നാണ് പന്ത്രണ്ടാം ശമ്പള കമ്മീഷൻ നിലവിൽ വന്നത്. മുൻ ചീഫ് സെക്രട്ടറി ഡോ. വി.പി. ജോയിയെ അധ്യക്ഷനായും ശോഭ വിആറിനെ സെക്രട്ടറിയായും തിരഞ്ഞെടുത്തു. അഡ്വക്കേറ്റ് എം രാജഗോപാലൻ നായർ, ശ്രീലത സുകുമാരൻ എന്നിവരായിരുന്നു മറ്റ് അംഗങ്ങൾ. മൂന്ന് മാസത്തിനകം റിപ്പോർട്ട് സമർപ്പിക്കാനാണ് ആവശ്യപ്പെട്ടത്. എന്നാൽ, കാലാവധി മെയ് 23 ന് അവസാനിച്ചപ്പോൾ വിവര ശേഖരണം പോലും പൂർത്തിയാക്കിയിരുന്നില്ല.

ക്ഷാമബത്ത ഉയർത്തി

സർക്കാർ ജീവനക്കാരും അധ്യാപകരും പെൻഷൻകാരും കാത്തിരുന്ന ക്ഷാമബത്ത, ക്ഷാമാശ്വാസ വർദ്ധനവിന്റെ ഔദ്യോഗിക ഉത്തരവ് അടുത്തിടെയാണ് സർക്കാർ പുറപ്പെടുവിച്ചത്. നിലവിലുള്ള 35 ശതമാനത്തിൽ നിന്ന് രണ്ട് ശതമാനം വർദ്ധിപ്പിച്ച് 37 ശതമാനമാക്കിയാണ് ധനവകുപ്പ് ഉത്തരവിറക്കിയത്. വർദ്ധിപ്പിച്ച നിരക്കിലുള്ള ക്ഷാമബത്ത ഒക്ടോബർ മാസത്തെ ശമ്പളത്തോടൊപ്പം പണമായി ലഭിക്കും. പ്രത്യേക ഉത്തരവുകൾ വഴി ഡി.എ നടപ്പിലാക്കാൻ നിർദ്ദേശിച്ചിട്ടുള്ള KSEB, KSRTC പോലുള്ള സ്ഥാപനങ്ങൾക്ക് ഈ ഉത്തരവ് നേരിട്ട് ബാധകമല്ല.

English Summary:

The salary of government employees is determined based on factors such as basic pay, pay scales, grade pay, dearness allowance, house rent allowance, and other benefits. However, Central Government employees and employees of state governments may receive different basic pay structures, DA rates, allowances, pension benefits, and service-related privileges.

വിവാഹം, നൂലുകെട്ട്, പിറന്നാൾ.... ഇത്തരത്തിൽ ആഘോഷങ്ങളെന്തായാലും സ്വർണാഭരണങ്ങൾക്ക് മലയാളികൾക്കിടയിൽ പ്രത്യേക സ്ഥാനമുണ്ട്. ആഭരണം എന്നതിലുപരി വലിയൊരു നിക്ഷേപമായിട്ടാണ് സ്വർണത്തെ കാണുന്നത്. എന്നാൽ കഴിഞ്ഞ ഡിസംബർ മുതൽ സാധാരണക്കാരുടെ നെഞ്ചിടിപ്പ് കൂട്ടിയത് സ്വർണവില മുന്നേറുന്നത്. ഒരു ലക്ഷത്തിന് താഴെയെത്തുമെന്ന പ്രതീക്ഷ ചില ദിവസങ്ങളിൽ തന്നാലും അധികം വൈകാതെ തന്നെ സ്വർണം മുന്നേറുകയും ചെയ്യും. ഇന്ന് സ്വർണം വാങ്ങാൻ പ്ലാനുണ്ടോ? ഒരു ഗ്രാമിനും പവനും എത്ര കൊടുക്കണം, പരിശോധിക്കാം....

ഇന്നത്തെ സ്വർണവില

സംസ്ഥാനത്ത് സ്വർണവില താഴേക്ക്. ഈ മാസത്തിലെ ഏറ്റവും കുറഞ്ഞ നിരക്കിലാണ് ഇന്ന് വ്യാപാരം. ഒരു പവൻ സ്വർണത്തിന് ഇന്ന് 1,04,320 രൂപയാണ് നൽകേണ്ടത്. ഗ്രാമിന് 13,040 രൂപ നിരക്കിലാണ് വ്യാപാരം. വിപണി വിലയോടൊപ്പം മൂന്ന് ശതമാനം ജിഎസ്ടിയും പണിക്കൂലിയും ഹാൾമാർക്കിങ് ചാർജും നൽകണം. രാജ്യാന്തര വിപണിയിലെ മാറ്റങ്ങൾക്കനുസരിച്ചാണ് കേരളത്തിലെ സ്വർണവിലയും മാറിമറിയുന്നത്. ഫെഡിന്റെ പണനയത്തിന് പിന്നാലെ ഇന്നലെ സ്വർണവില ബ്രേക്കിട്ടിരുന്നു. ഒക്ടോബർ 28ലെ നിരക്കിലായിരുന്നു കഴിഞ്ഞ ദിവസവും വ്യാപാരം. യുഎസ് ഫെഡ് പലിശനിരക്കില്‍ മാറ്റംവരുത്താതിരുന്നതാണ് ഇതിന് കാരണം.

ALSO READ: ആഭരണങ്ങള്‍ വാങ്ങിക്കുന്നവരുടെ പ്രത്യേക ശ്രദ്ധയ്ക്ക്! ഒക്ടോബര്‍ 29-ലെ സ്വര്‍ണവിലയിതാ

സ്വർണവിലയിൽ വൻ ഇടിവോ?

രാജ്യാന്തരതലത്തിൽ സ്വർണവിലയിൽ വൻ ഇടിവാണ് സംഭവിച്ചിരിക്കുന്നത്. ജനുവരിയില്‍ സ്വര്‍ണവില ഔണ്‍സിന് 5,400 ഡോളര്‍ കടന്ന് റെക്കോര്‍ഡ് ഉയരത്തിലെത്തിയിരുന്നു. എന്നാൽ, ഫെബ്രുവരി അവസാനത്തെ നിലവാരവുമായി താരതമ്യം ചെയ്യുമ്പോള്‍ ഏകദേശം 24 ശതമാനമാണ് ഇടിവാണ് കഴിഞ്ഞ ആഴ്ച സംഭവിച്ചത്.

സ്വർണവിലയിൽ ഇനിയെന്ത് എന്ന ചോദ്യം ഉയരുന്നുണ്ട്. ഈ വർഷം സ്വർണത്തിന് വലിയൊരു കുതിപ്പ് ഉണ്ടാകില്ലെന്നും വൈകാതെ തന്നെ രാജ്യാന്തര വിപണിയിൽ വിലയിടിയുമെന്നുമാണ് സാമ്പത്തിക വിദഗ്ധർ പറയുന്നത്. പശ്ചിമേഷ്യൻ സംഘർഷവും ക്രൂഡ് ഓയിൽ വിലയും സ്വർണവിലയിൽ നിർണായകമാകും. യുഎസ് ഫെഡറൽ റിസർവ് കഴിഞ്ഞ ദിവസം നടന്ന പണനയ യോഗത്തിൽ പലിശ നിരക്ക് ഉയർത്താതിരുന്നത് സ്വർണത്തിന് തിരിച്ചുകയറാനുള്ള വഴി തുറന്നിട്ടുണ്ട്. അതേസമയം, ഒക്ടോബറിൽ പലിശ നിരക്ക് ഉയർത്തിയില്ലെങ്കിലും ഡിസംബറിൽ നിരക്ക് ഉയർത്താനുള്ള സാധ്യത 80 ശതമാനം ആണെന്നാണ് വിലയിരുത്തൽ.

ഒക്ടോബർ മാസത്തിലെ സ്വർണവില

1. ഒക്ടോബർ 1: 109440
2. ഒക്ടോബർ 2: 110200
3. ഒക്ടോബർ 3: 109400
4. ഒക്ടോബർ 4: 109400
5. ഒക്ടോബർ 5: 109400
6. ഒക്ടോബർ 6: 1,09,280 (രാവിലെ)
7. ഒക്ടോബർ 6: 110160 (വൈകുന്നേരം)
8. ഒക്ടോബർ 7: 109680
9. ഒക്ടോബർ 8: 109680
10. ഒക്ടോബർ 9: 1,10,520
11. ഒക്ടോബർ 10: 1,11,040
12. ഒക്ടോബർ 11: 1,11,040
13. ഒക്ടോബർ 12: 110720 (രാവിലെ)
14. ഒക്ടോബർ 12: 1,09,760 (വൈകുന്നേരം)
15. ഒക്ടോബർ 13: 1,09,480
16. ഒക്ടോബർ 14: 108720
17. ഒക്ടോബർ 15: 1,08,120
18. ഒക്ടോബർ 16: 1,08,120
19. ഒക്ടോബർ 17: 1,08,280
20. ഒക്ടോബർ 18: 1,08,280
21. ഒക്ടോബർ 19: 1,08,560
22. ഒക്ടോബർ 20: 1,07,920
23. ഒക്ടോബർ 20: 1,07,120
24. ഒക്ടോബർ 21: 1,07,120
25. ഒക്ടോബർ 22: 1,05,880
26. ഒക്ടോബർ 23: 1,04,480
27. ഒക്ടോബർ 24: 104560
28. ഒക്ടോബർ 25: 104560
29. ഒക്ടോബർ 26: 1,04,680
30. ഒക്ടോബർ 27: 1,05,080
31. ഒക്ടോബർ 28: 1,05,560
32. ഒക്ടോബർ 29: 1,05,560
33. ഒക്ടോബർ 30: 1,04,320

English Summary:

Gold prices in Kerala continued to decline, reaching their lowest level of the month. Today, gold is trading at Rs 1,04,320 per sovereign, while the price per gram stands at Rs 13,040. This decline offers some relief to consumers planning to purchase gold jewellery.

തിരുവനന്തപുരം: 70-ാം കേരള പിറവിയുടെ ഭാഗമായി വൻ ഓഫറുകളുമായി സപ്ലൈകോ. 70 വയസ്സും അതിൽ കൂടുതലുമുള്ള മുതിർന്ന പൗരന്മാർക്കായി പ്രത്യേക വിലക്കുറവ് പദ്ധതിയുമായി രംഗത്തെത്തിയിരിക്കുകയാണ് സപ്ലൈകോ. കേരളത്തിന്റെ വളർച്ചയ്ക്കും പുരോഗതിക്കും സാക്ഷികളായ മുതിർന്ന തലമുറയോടുള്ള ആദരസൂചകമായാണ് പ്രത്യേക ഓഫറുകൾ ഒരുക്കിയിരിക്കുന്നത്.

സപ്ലൈകോ സ്പെഷ്യൽ ഓഫർ

ആയിരം രൂപയ്ക്ക് മുകളിൽ സബ്സിഡിയിതര സാധനങ്ങൾ വാങ്ങുന്ന 70 വയസോ അതിൽ കൂടുതലോ പ്രായമുള്ള ഉപഭോക്താക്കൾക്ക് ശബരി വെളിച്ചെണ്ണയുടെ പരമാവധി ചില്ലറ വിൽപ്പന വിലയിൽ നിന്ന് 70 രൂപ കുറച്ച്, ഒരു ലിറ്റർ 229 രൂപ നിരക്കിൽ ലഭ്യമാക്കും. നവംബർ 1 മുതൽ 7 വരെയാണ് ഈ പ്രത്യേക ഓഫർ ലഭ്യമാക്കിയിട്ടുള്ളത്.

അതുപോലെ, മലയാളത്തിലെ 'മ' എന്ന അക്ഷരത്തിൽ തുടങ്ങുന്ന ശബരി ഉൽപ്പന്നങ്ങൾക്കും പ്രത്യേക ഓഫറുണ്ട്. ശബരി മഞ്ഞൾപ്പൊടി, മല്ലിപ്പൊടി, മുളകുപൊടി എന്നിവയുടെ 100 ഗ്രാം പാക്കറ്റുകൾക്ക് നിലവിൽ നൽകുന്ന വിൽപ്പന വിലയിൽ നിന്ന് ഏഴ് ശതമാനം വിലക്കുറവ് ലഭിക്കും. എല്ലാ ഉപഭോക്താക്കൾക്കും ഈ ആനുകൂല്യം ലഭിക്കുന്നതാണ്. ശബരി പായസമിക്സ് ഉൽപ്പന്നങ്ങൾക്കും 10 ശതമാനം വിലക്കുറവ് ഉണ്ടായിരിക്കും. നവംബർ ഒന്ന് മുതൽ 30 വരെ എല്ലാ ഉപഭോക്താക്കൾക്കും ഈ ഓഫർ പ്രയോജനപ്പെടുത്താം. സപ്ലൈകോ നിലവിൽ നൽകുന്ന വിലക്കുറവിനും പുറമെയാണിത്.

ALSO READ: പിങ്ക് ലൈൻ 2027 ഓഗസ്റ്റിൽ; കൊച്ചി മെട്രോയ്ക്ക് പച്ചക്കൊടി വീശി എഐഐബി

ശബരിയുടെ പുതിയ ഉൽപ്പന്നങ്ങളെത്തുന്നു

സപ്ലൈകോ സ്വന്തം ബ്രാൻഡായ ശബരിയുടെ പുതിയ ഉൽപ്പന്നങ്ങളായ മൈദ, റവ എന്നിവ വിപണിയിലിറക്കാൻ ഒരുങ്ങുകയാണ്. കൂടാതെ, ശബരി ആട്ട, ശബരി ഗോൾഡ് ചായപ്പൊടി, ശബരി ഹോട്ടൽ ബ്ലെൻഡ് ചായപ്പൊടി എന്നിവ പുതിയ ബ്രാൻഡഡ് പാക്കിംഗിൽ പുനരവതരിപ്പിക്കുകയും ചെയ്യും. ഒക്ടോബർ 31ന് വൈകിട്ട് മൂന്നിന് എറണാകുളം ഐഎംഎ ഹൗസിൽ നടക്കുന്ന ചടങ്ങ് ഭക്ഷ്യ-പൊതുവിതരണ വകുപ്പ് മന്ത്രി അനൂപ് ജേക്കബ് ഔദ്യോഗികമായി ഈ പുതിയ ഉത്പന്നങ്ങൾ വിപണിയിലിറക്കുമെന്ന് അധികൃതർ അറിയിച്ചു.

ഉപഭോക്താക്കൾക്കായി ഓൺലൈൻ പരാതി പരിഹാര സംവിധാനവും സപ്ലൈകോ ആരംഭിച്ചിട്ടുണ്ട്. ഹൈബി ഈഡൻ എം പിയാണ് ഓൺലൈൻ പരാതി പരിഹാര സംവിധാനം  ഉദ്ഘാടനം ചെയ്യുന്നത്. 2026-ലെ ഓണത്തോടനുബന്ധിച്ച് സപ്ലൈകോ നടത്തിയ നറുക്കെടുപ്പിലെ വിജയികൾക്കുള്ള സമ്മാനദാനവും ചടങ്ങിൽ നടക്കും. ഓണക്കാലത്ത് മികച്ച വിൽപ്പന കൈവരിച്ച സപ്ലൈകോ വിൽപ്പനശാലകളിലെയും ഡിപ്പോകളിലെയും ജീവനക്കാർക്കുള്ള സമ്മാനദാനവും ഉണ്ടായിരിക്കും.

English Summary:

കേന്ദ്ര സര്‍ക്കാര്‍ ജീവനക്കാരും പെന്‍ഷന്‍കാരും ഏറെ പ്രതീക്ഷയോടെ കാത്തിരിക്കുന്ന എട്ടാം ശമ്പള കമ്മീഷന്‍ നടപടികള്‍ പുരോഗമിക്കുകയാണ്. ജീവനക്കാരുടെ ശമ്പളം, അലവന്‍സുകള്‍, പെന്‍ഷന്‍ ഉള്‍പ്പെടെയുള്ള ആനുകൂല്യങ്ങള്‍ എന്നിവയില്‍ മാറ്റങ്ങള്‍ നിര്‍ദേശിക്കുന്നതിനായി വിവിധ വിഭാഗങ്ങളില്‍ നിന്നുള്ള അഭിപ്രായങ്ങളും നിര്‍ദേശങ്ങളും കമ്മീഷന്‍ ശേഖരിക്കുന്നു. റെയില്‍വേ, പ്രതിരോധ മേഖലകള്‍ ഉള്‍പ്പെടെയുള്ള കേന്ദ്ര സര്‍ക്കാര്‍ ജീവനക്കാരെയും പെന്‍ഷന്‍കാരെയും കമ്മീഷന്റെ ശുപാര്‍ശകള്‍ ബാധിച്ചേക്കാം.

എട്ടാം ശമ്പള കമ്മീഷന്റെ നിലവിലെ സ്ഥിതി

കേന്ദ്ര സര്‍ക്കാര്‍ ജീവനക്കാരുടെ ശമ്പള ഘടനയും മറ്റ് ആനുകൂല്യങ്ങളും കാലാനുസൃതമായി പരിഷ്‌കരിക്കുന്നതിനാണ് ശമ്പള കമ്മീഷനുകള്‍ രൂപീകരിക്കുന്നത്. എട്ടാം ശമ്പള കമ്മീഷന്‍ ജീവനക്കാരുടെ നിലവിലെ ശമ്പള ഘടന പരിശോധിച്ച് ആവശ്യമായ മാറ്റങ്ങള്‍ നിര്‍ദേശിക്കും. കേന്ദ്ര ധനകാര്യ സഹമന്ത്രി പങ്കജ് ചൗധരി പാര്‍ലമെന്റില്‍ നല്‍കിയ വിവരമനുസരിച്ച്, കമ്മീഷന്‍ രൂപീകരിച്ച തീയതി മുതല്‍ 18 മാസത്തിനുള്ളില്‍ ശുപാര്‍ശകള്‍ സമര്‍പ്പിക്കണം. ശമ്പളം, അലവന്‍സുകള്‍, മറ്റ് ആനുകൂല്യങ്ങള്‍, പെന്‍ഷന്‍ സംബന്ധമായ വിഷയങ്ങള്‍ എന്നിവ കമ്മീഷന്റെ പരിഗണനയിലുണ്ട്.

കമ്മീഷന്‍ അധ്യക്ഷ ആരാണ്?

മുന്‍ സുപ്രീംകോടതി ജഡ്ജി രഞ്ജന പ്രകാശ് ദേശായിയാണ് എട്ടാം ശമ്പള കമ്മീഷന്റെ അധ്യക്ഷ. മുന്‍ ഐഎഎസ് ഉദ്യോഗസ്ഥനായ പങ്കജ് ജെയിന്‍ അംഗം-സെക്രട്ടറിയായും സാമ്പത്തിക വിദഗ്ധനും പ്രധാനമന്ത്രിയുടെ സാമ്പത്തിക ഉപദേശക സമിതി അംഗവുമായ പ്രൊഫ. പുലക് ഘോഷ് അംഗമായും പ്രവര്‍ത്തിക്കുന്നു.

ജീവനക്കാരുടെ സംഘടനകള്‍, തൊഴിലാളി കൂട്ടായ്മകള്‍, വിവിധ മന്ത്രാലയങ്ങള്‍, പെന്‍ഷന്‍കാരുടെ സംഘടനകള്‍ എന്നിവരില്‍ നിന്ന് കമ്മീഷന്‍ അഭിപ്രായങ്ങള്‍ തേടുന്നുണ്ട്. വിവിധ വിഭാഗങ്ങളിലെ ജീവനക്കാരുടെയും വിരമിച്ചവരുടെയും ആവശ്യങ്ങള്‍ മനസിലാക്കുന്നതിനും ശമ്പള ഘടനയും ആനുകൂല്യങ്ങളും വിലയിരുത്തുന്നതിനും ഈ നിര്‍ദേശങ്ങള്‍ സഹായിക്കും.

Also Read: DA Hike : സർക്കാർ ജീവനക്കാർക്കുള്ള ദീപാവലി സമ്മാനം ; ഡിഎ 3% ഉയർത്തി, ശമ്പളം എത്ര കൂടും?

ജീവനക്കാരുടെ നിര്‍ദേശങ്ങളില്‍ എന്തൊക്കെ

ജീവനക്കാരുടെയും പെന്‍ഷന്‍കാരുടെയും പ്രതിനിധികളുമായി കമ്മീഷന്‍ കൂടിക്കാഴ്ചകള്‍ നടത്തിവരുന്നു. ശമ്പള പരിഷ്‌കരണം, അലവന്‍സുകള്‍, പെന്‍ഷന്‍ ആനുകൂല്യങ്ങള്‍, വിവിധ വകുപ്പുകളിലെ ജീവനക്കാരുടെ ആവശ്യങ്ങള്‍ തുടങ്ങിയ വിഷയങ്ങള്‍ ചര്‍ച്ചകളില്‍ ഉയര്‍ന്നുവന്നേക്കാം.

റെയില്‍വേ, പ്രതിരോധ മേഖലകള്‍ ഉള്‍പ്പെടെയുള്ള വകുപ്പുകളിലെ സംഘടനകള്‍ സമര്‍പ്പിക്കുന്ന നിവേദനങ്ങളും വിവരങ്ങളും കമ്മീഷന്‍ വിലയിരുത്തും. ഇവയുടെ അടിസ്ഥാനത്തില്‍ ശമ്പള ഘടനയില്‍ വരുത്തേണ്ട മാറ്റങ്ങളും അവ നടപ്പാക്കുന്നതുമായി ബന്ധപ്പെട്ട പ്രായോഗിക വശങ്ങളും പരിശോധിച്ചായിരിക്കും ശുപാര്‍ശകള്‍ തയാറാക്കുക.

എട്ടാം ശമ്പള കമ്മീഷന്‍ റിപ്പോര്‍ട്ട്

കമ്മീഷന്റെ പ്രവര്‍ത്തന നിബന്ധനകള്‍ പ്രകാരം രൂപീകരിച്ച തീയതി മുതല്‍ 18 മാസത്തിനുള്ളില്‍ റിപ്പോര്‍ട്ട് സമര്‍പ്പിക്കണം. ഈ സമയക്രമം അടിസ്ഥാനമാക്കിയുള്ള കണക്കുകൂട്ടലില്‍ 2027 മേയ് മാസത്തോടെ റിപ്പോര്‍ട്ട് സമര്‍പ്പിക്കുമെന്നാണ് പ്രതീക്ഷിക്കുന്നത്.

English Summary

The 8th Central Pay Commission is reviewing salary structures, allowances and pension benefits for central government employees and pensioners. Its report is expected by May 2027 based on the stated 18-month timeline, while the actual implementation date will depend on the central government's decisions.

സ്വര്‍ണാഭരണങ്ങള്‍ വാങ്ങിക്കണോ? എങ്കില്‍ ഒട്ടും താമസിപ്പിക്കേണ്ടാ, സ്വര്‍ണം വാങ്ങാന്‍ ഇന്നും പോകാം. രാജ്യാന്തര വിപണിയില്‍ സംഭവിച്ച നേരിയ ഇടിവിന്റെ ചുവടുപിടിച്ച് കേരളത്തിലും സ്വര്‍ണവിലയ്ക്ക് ബ്രേക്ക് വീണു. ഒക്ടോബര്‍ 28 നുണ്ടായിരുന്ന അതേ നിരക്കില്‍ തന്നെയാണ് ഇന്നത്തെയും സ്വര്‍ണ വില്‍പന. ഒരു പവന്‍ സ്വര്‍ണാഭരണം വാങ്ങിക്കണമെങ്കില്‍ 1,05,560 രൂപയാണ് ഇന്ന് നിങ്ങള്‍ നല്‍കേണ്ടത്. ഒരു ഗ്രാം സ്വര്‍ണത്തിന് 13,195 രൂപയുമാണ് ഇന്നത്തെ വില.

കേരളത്തില്‍ സ്വര്‍ണം വാങ്ങാന്‍ ആഗ്രഹിക്കുന്നവര്‍ക്ക് വിലയിലെ മാറ്റങ്ങള്‍ എന്നും പ്രധാനമാണ്. വിവാഹം, ഉത്സവം തുടങ്ങിയ ആവശ്യങ്ങള്‍ക്കായി സ്വര്‍ണം വാങ്ങുന്നവര്‍ വില കുറയുന്ന സമയത്തിനായി കാത്തിരിക്കാറുണ്ട്. എന്നാല്‍ ആഗോള വിപണിയിലെ മാറ്റങ്ങളും സാമ്പത്തിക സാഹചര്യങ്ങളും രൂപയുടെ മൂല്യവുമെല്ലാം സ്വര്‍ണവിലയെ സ്വാധീനിക്കുന്നതിനാല്‍ വിലയുടെ അടുത്ത നീക്കം കൃത്യമായി പ്രവചിക്കുക എളുപ്പമല്ല.

കേരളത്തില്‍ സ്വര്‍ണം ആഭരണമായി വാങ്ങുന്നവരാണ് കൂടുതലെങ്കിലും നിക്ഷേപമെന്ന നിലയിലും സ്വര്‍ണത്തിന് വലിയ പ്രാധാന്യമുണ്ട്. അതുകൊണ്ടുതന്നെ വിലയിലെ ഉയര്‍ച്ചയും താഴ്ചയും ഉപഭോക്താക്കളെയും നിക്ഷേപകരെയും ഒരുപോലെ ബാധിക്കുന്നു.

സ്വര്‍ണവിലയെ സ്വാധീനിക്കുന്ന പ്രധാന ഘടകങ്ങള്‍

രാജ്യാന്തര വിപണിയിലെ സ്വര്‍ണവിലയാണ് കേരളത്തിലെ വിലയെ സ്വാധീനിക്കുന്ന പ്രധാന ഘടകങ്ങളിലൊന്ന്. അമേരിക്കന്‍ ഡോളറിന്റെ മൂല്യം, പലിശനിരക്കുകളിലെ മാറ്റങ്ങള്‍, പണപ്പെരുപ്പം, രാജ്യങ്ങള്‍ തമ്മിലുള്ള സംഘര്‍ഷങ്ങള്‍ എന്നിവയെല്ലാം സ്വര്‍ണത്തിന്റെ ആവശ്യകതയിലും വിലയിലും മാറ്റമുണ്ടാക്കാം. ഡോളറിനെതിരെ രൂപയുടെ മൂല്യത്തിലുണ്ടാകുന്ന മാറ്റവും ഇന്ത്യയിലെ സ്വര്‍ണവിലയെ ബാധിക്കും. രൂപ ദുര്‍ബലമാകുമ്പോള്‍ സ്വര്‍ണം ഇറക്കുമതി ചെയ്യുന്നതിനുള്ള ചെലവ് വര്‍ധിക്കാം. ഇതിന്റെ പ്രതിഫലനം ആഭ്യന്തര വിപണിയിലും ഉണ്ടാകാം.

സ്വര്‍ണം വാങ്ങുമ്പോള്‍ ശ്രദ്ധിക്കേണ്ട കാര്യങ്ങള്‍

ആഭരണം വാങ്ങാന്‍ ഉദ്ദേശിക്കുന്നവര്‍ സ്വര്‍ണത്തിന്റെ പരിശുദ്ധി, ഹാള്‍മാര്‍ക്കിങ്, പണിക്കൂലി, പാഴ്വസ്തു ചാര്‍ജ്, ജിഎസ്ടി എന്നിവ കൂടി കണക്കിലെടുക്കണം. സ്വര്‍ണത്തിന്റെ അടിസ്ഥാനവിലയ്ക്ക് പുറമേ ഈ ചെലവുകളും ചേരുന്നതിനാല്‍ അന്തിമ ബില്‍ തുകയില്‍ വ്യത്യാസമുണ്ടാകാം.

Also Read: Kerala Gold Rate: സ്വർണവില ഇന്നും കുതിപ്പിൽ; പലിശപ്പേടിയിൽ പൊന്ന്

22 കാരറ്റ് സ്വര്‍ണമാണ് ആഭരണങ്ങള്‍ക്കായി സാധാരണയായി ഉപയോഗിക്കുന്നത്. നിക്ഷേപത്തിനായി സ്വര്‍ണനാണയങ്ങളോ ബാറുകളോ വാങ്ങുന്നവര്‍ പരിശുദ്ധിയും വില്‍ക്കുമ്പോള്‍ ലഭിക്കാവുന്ന തുകയും പരിശോധിക്കണം. സ്വര്‍ണവില കുറയുമെന്ന പ്രതീക്ഷയില്‍ മാത്രം വാങ്ങല്‍ തീരുമാനമെടുക്കാതെ സ്വന്തം ആവശ്യവും ബജറ്റും പരിഗണിക്കുന്നതാണ് ഉചിതം.

സ്വര്‍ണവില ഇനിയും കുറയുമോ?

സ്വര്‍ണവിലയില്‍ വരും ദിവസങ്ങളില്‍ ഇടിവുണ്ടാകുമോ അതോ വീണ്ടും ഉയരുമോ എന്ന കാര്യത്തില്‍ ഉറപ്പുപറയാനാകില്ല. അമേരിക്കന്‍ കേന്ദ്രബാങ്കിന്റെ പണനയം, രാജ്യാന്തര സാമ്പത്തിക സാഹചര്യം, ഡോളറിന്റെ ചലനം, നിക്ഷേപകരുടെ താല്‍പര്യം എന്നിവ വിലയുടെ ദിശ നിര്‍ണയിക്കുന്നതില്‍ പ്രധാന പങ്കുവഹിക്കും. അതിനാല്‍ കേരളത്തിലെ സ്വര്‍ണവിപണിയിലെ മാറ്റങ്ങള്‍ നിരീക്ഷിച്ചശേഷം വാങ്ങല്‍ തീരുമാനമെടുക്കാം. ആഭരണം വാങ്ങുന്നവര്‍ വിവിധ ജ്വല്ലറികളിലെ പണിക്കൂലിയും മറ്റ് ചാര്‍ജുകളും താരതമ്യം ചെയ്യുന്നതും ഗുണകരമാണ്.

English Summary

Check the Kerala gold rate for October 29, 2026, and understand how much it may cost to purchase one pavan of gold jewellery. Making charges, GST and other applicable costs can increase the final purchase price.

ഇന്ന് (ഒക്ടോബര്‍ 29 വ്യാഴം) ബാങ്കില്‍ പോകാന്‍ പദ്ധതിയിടുന്നവര്‍ അവധി വിവരങ്ങള്‍ അറിഞ്ഞിരിക്കണം. കര്‍വ ചൗത്ത് ആഘോഷത്തിന്റെ ഭാഗമായി ചില പ്രദേശങ്ങളില്‍ ബാങ്കുകള്‍ക്ക് അവധിയുണ്ട്. എന്നാല്‍ രാജ്യത്തുടനീളം ബാങ്കുകള്‍ അടച്ചിടില്ല. റിസര്‍വ് ബാങ്ക് ഓഫ് ഇന്ത്യയുടെ (ആര്‍ബിഐ) 2026-ലെ ബാങ്ക് അവധി കലണ്ടര്‍ പ്രകാരം, കര്‍വ ചൗത്തിനോടനുബന്ധിച്ചുള്ള അവധി തിരഞ്ഞെടുത്ത ബാങ്കിങ് കേന്ദ്രങ്ങളില്‍ മാത്രമാണ് ബാധകമാകുന്നത്. അതിനാല്‍ ബാങ്കില്‍ നേരിട്ടെത്തി ഇടപാടുകള്‍ നടത്താന്‍ ഉദ്ദേശിക്കുന്നവര്‍ സ്വന്തം പ്രദേശത്തെ അവധി വിവരങ്ങള്‍ പരിശോധിക്കണം.

എവിടെയാണ് ബാങ്കുകള്‍ക്ക് അവധി?

കര്‍വ ചൗത്തിനോടനുബന്ധിച്ച് ഹിമാചല്‍ പ്രദേശിലെ ഷിംലയില്‍ ഒക്ടോബര്‍ 29-ന് ബാങ്കുകള്‍ക്ക് അവധിയുണ്ട്. എന്നാല്‍ രാജ്യത്തെ എല്ലാ സംസ്ഥാനങ്ങളിലും ഈ ദിവസം ബാങ്കുകള്‍ അടച്ചിടില്ല. ഡല്‍ഹി, മുംബൈ, ബെംഗളൂരു, കേരളം തുടങ്ങിയ നഗരങ്ങളില്‍ കര്‍വ ചൗത്ത് പ്രമാണിച്ച് പൊതുവായ ബാങ്ക് അവധി ബാധകമല്ല.

എസ്ബിഐ, എച്ച്ഡിഎഫ്സി ബാങ്ക്, ഐസിഐസിഐ ബാങ്ക്, ആക്സിസ് ബാങ്ക്, പഞ്ചാബ് നാഷണല്‍ ബാങ്ക് തുടങ്ങിയ ബാങ്കുകളുടെ ശാഖകളിലും പ്രാദേശിക അവധി പട്ടിക അനുസരിച്ചായിരിക്കും പ്രവര്‍ത്തനം. ബാങ്കില്‍ നേരിട്ടെത്തി ഇടപാടുകള്‍ നടത്തേണ്ടവര്‍ യാത്ര തിരിക്കുന്നതിന് മുമ്പ് അവധി വിവരങ്ങള്‍ ഉറപ്പാക്കണം.

ബാങ്ക് അവധിയിലും പണമിടപാടുകള്‍ നടത്താമോ?

ബാങ്ക് ശാഖകള്‍ക്ക് അവധിയാണെങ്കിലും മിക്ക ഓണ്‍ലൈന്‍ ബാങ്കിങ് സേവനങ്ങളും ലഭ്യമായിരിക്കും. മൊബൈല്‍ ബാങ്കിങ്, ഇന്റര്‍നെറ്റ് ബാങ്കിങ്, യുപിഐ എന്നിവയിലൂടെ പണം കൈമാറാനും ബില്ലുകള്‍ അടയ്ക്കാനും കഴിയും. എടിഎമ്മുകള്‍ വഴിയും പണം പിന്‍വലിക്കാം.

Also Read: SCSS Scheme: നികുതി ഒഴിവാക്കി ലക്ഷങ്ങൾ സമ്പാദിക്കാം; മുതിർന്ന പൗരന്മാർക്ക് നേട്ടം

നെഫ്റ്റ് (എന്‍ഇഎഫ്ടി), ആര്‍ടിജിഎസ് (ആര്‍ടിജിഎസ്) സംവിധാനങ്ങളിലൂടെയും ഓണ്‍ലൈനായി പണം കൈമാറാം. എന്നാല്‍ ചെക്ക് ഇടപാടുകള്‍, രേഖകള്‍ സമര്‍പ്പിക്കല്‍, ബാങ്ക് ജീവനക്കാരുടെ സഹായം ആവശ്യമായ മറ്റ് സേവനങ്ങള്‍ എന്നിവയ്ക്ക് ശാഖ തുറക്കുന്നതുവരെ കാത്തിരിക്കേണ്ടിവന്നേക്കാം.

ബാങ്കില്‍ പോകുന്നതിന് മുമ്പ് ശ്രദ്ധിക്കേണ്ട കാര്യങ്ങള്‍

ബാങ്ക് അവധികള്‍ സംസ്ഥാനങ്ങള്‍ക്കും നഗരങ്ങള്‍ക്കും അനുസരിച്ച് വ്യത്യാസപ്പെടുന്നതിനാല്‍, ആര്‍ബിഐയുടെ ഔദ്യോഗിക അവധി പട്ടികയോ ബന്ധപ്പെട്ട ബാങ്കിന്റെ വെബ്സൈറ്റോ പരിശോധിച്ച് വിവരങ്ങള്‍ ഉറപ്പാക്കാം. അടിയന്തരമായി ശാഖയില്‍ എത്തേണ്ട ആവശ്യമുണ്ടെങ്കില്‍ അവധി ബാധകമാണോയെന്ന് മുന്‍കൂട്ടി പരിശോധിക്കുന്നത് സമയം ലാഭിക്കാന്‍ സഹായിക്കും.

English Summary

Banks will remain closed in select locations on October 29, 2026, for Karwa Chauth. Bank holidays vary by state, while online banking, UPI and ATM services are generally available. Check the local holiday schedule before visiting a bank branch.

ന്യൂ ഡൽഹി : ദീപാവലിക്ക് മുന്നോടിയായി കേന്ദ്ര സർക്കാർ ജീവനക്കാർക്കുള്ള സമ്മാനം പ്രഖ്യാപിച്ച് നരേന്ദ്ര മോദി സർക്കാർ. ഇന്ന് ഒക്ടോബർ 28-ാം തീയതി ബുധനാഴ്ച കേന്ദ്ര സർക്കാർ ജീവനക്കാരുടെ ക്ഷാമബത്ത (ഡിഎ) മൂന്ന് ശതമാനം ഉയർത്തുന്ന തീരുമാനത്തിന് മന്ത്രിസഭയുടെ അംഗീകാരം. പെൻഷൻ ഉപയോക്താക്കളുടെ ക്ഷാമശ്വാസവും (ഡിആർ) മൂന്ന് ശതമാനം ഉയരും. 48.54 കേന്ദ്ര സർക്കാർ ജീവനക്കാർക്കും 68.71 ലക്ഷം പെൻഷൻ ഉപയോക്താക്കൾക്കുമാണ് ദീപാവലി മുന്നോടിയായി ഇതിൻ്റെ ഗുണഫലം ലഭിക്കുകയെന്ന് കേന്ദ്ര വാർത്തവിതരണം മന്ത്രി അശ്വിനി വൈഷ്ണവ് അറിയിച്ചു.

ജൂലൈ ഒന്നാം തീയതി മുതൽ മുൻകാലപ്രാബല്യം അടിസ്ഥാനത്തിൽ ജൂലൈ മുതലാണ് സർക്കാർ ജീവനക്കാരുടെ ശമ്പളം വർധിക്കുക. ഏഴാം ശമ്പള കമ്മീഷൻ പ്രകാരം നിലവിൽ 60 ശതമാനം ആയിരുന്നു സർക്കാർ ജീവനക്കാരുടെ ഡിഎ. അതിപ്പോൾ മൂന്ന് ശതമാനം കൂടി വർധിച്ചതോടെ ആകെ 63 ശതമാനമായി ഉയർന്നു. സർക്കാർ ജീവനക്കാരുടെ ശമ്പളം ഉയർത്തുന്നതോടെ കേന്ദ്രത്തിന് 10,016 കോടി രൂപയുടെ അധിക ചെലവാണ് ഉണ്ടാകുന്നത്.

3% ഡിഎ ഉയരുമ്പോൾ ശമ്പളം എത്ര കൂടും, ലെവൽ അടിസ്ഥാനത്തിൽ അറിയാം?

പോസ്റ്റ് ഓഫീസ് മുഖേനെ മുതിർന്ന പൗരന്മാർക്ക് വേണ്ടി നടപ്പിലാക്കുന്ന നിക്ഷേപ പദ്ധതിയാണ് സീനിയർ സിറ്റിസൺ സേവിങ്സ് സ്കീം (Senior Citizen Savings Scheme -SCSS). പ്രായമാകുമ്പോൾ നിങ്ങളുടെ സാമ്പത്തിക സുരക്ഷിതത്വം ഉറപ്പിക്കാൻ ഈ പദ്ധതി സഹായകരമാകും എങ്ങനെ സീനിയർ സിറ്റിസൺ സേവിങ്സ് സ്കീമിൽ നിക്ഷേപം ആരംഭിക്കാം, പലിശ നിരക്ക് എത്ര തുടങ്ങിയ വിവരങ്ങൾ വിശദമായി പരിശോധിക്കാം .....

സീനിയർ സിറ്റിസൺ സേവിങ്സ് സ്കീം

60 വയസ്സോ അതിൽ കൂടുതലോ പ്രായമുള്ള മുതിർന്ന പൗരന്മാർക്ക് സീനിയർ സിറ്റിസൺ സേവിങ്സ് സ്കീമിൽ അംഗമാകാം. അതേസമയം, 55-നും 60-നും ഇടയിൽ പ്രായമുള്ള സ്വമേധയാ വിരമിച്ചവർക്കും (VRS), 50 വയസ്സ് തികഞ്ഞ വിരമിച്ച പ്രതിരോധ ഉദ്യോഗസ്ഥർക്കും വിരമിക്കൽ ആനുകൂല്യങ്ങൾ ലഭിച്ച് 1 മാസത്തിനകം നിക്ഷേപ വ്യവസ്ഥകൾക്ക് വിധേയമായി അക്കൗണ്ട് തുറക്കാവുന്നതാണ്.

ഒരു വർഷം 8.2% എന്നതാണ് നിലവിലെ പലിശ നിരക്ക്. ഇന്ത്യയിൽ തന്നെ മുതിർന്ന പൗരന്മാർക്ക് സുരക്ഷിത നിക്ഷേപങ്ങളിൽ ലഭിക്കുന്ന ഉയർന്ന പലിശയാണ് ഇത്. സാമ്പത്തിക വർഷത്തിലെ ഓരോ പാദത്തിലും കേന്ദ്ര സർക്കാർ പലിശ നിരക്കുകൾ പുനഃപരിശോധിക്കാറുണ്ട്. പലിശ തുക ത്രൈമാസ ഗഡുക്കളായി അക്കൗണ്ട് ഉടമയുടെ സേവിങ്സ് ബാങ്ക് അക്കൗണ്ടിലേക്ക് ക്രഡിറ്റ് ചെയ്യപ്പെടുന്നതാണ്.

ALSO READ: 100 രൂപ മുടക്കിയാൽ ലക്ഷങ്ങൾ സമ്പാദിക്കാം? പെട്ടെന്ന് ചേർന്നോളൂ…

നിക്ഷേപവും കാലാവധിയും

1,000 രൂപ മുതൽ 30 ലക്ഷം രൂപ വരെ നിക്ഷേപിക്കാം. 5 വർഷമാണ് കാലാവധി. കാലാവധി പൂർത്തിയാകുമ്പോൾ ആവശ്യമെങ്കിൽ 3 വർഷത്തേക്ക് കൂടി നീട്ടിയെടുക്കാം. പഴയ നികുതി ഘടന പ്രകാരം ഡിഡക്ഷൻ ക്ലെയിം ചെയ്യാൻ സാധിക്കും. നിക്ഷേപം ആരംഭിച്ച് ഒരു വർഷത്തിനുള്ളിൽ അക്കൗണ്ട് അവസാനിപ്പിച്ചാൽ, പലിശ ഒന്നും ലഭിക്കില്ല. നൽകിയ പലിശ തുക മുതലിൽ നിന്ന് കുറയ്ക്കും. 1 വർഷത്തിനും 2 വർഷത്തിനും ഇടയിൽ അവസാനിപ്പിച്ചാൽ നിക്ഷേപിച്ച തുകയുടെ 1.5% പിഴയായി ഈടാക്കും. 2 വർഷത്തിന് ശേഷമാണ് അവസാനിപ്പിക്കുന്നതെങ്കിൽ നിക്ഷേപിച്ച തുകയുടെ 1% പിഴയായി ഈടാക്കും.

നികുതി ബാധ്യതകൾ

സീനിയർ സിറ്റിസൺ സേവിങ്സ് സ്കീമിൽ സ്കീമിൽ നിക്ഷേപിക്കുന്ന പ്രാരംഭ തുകയ്ക്ക് സെക്ഷൻ 80C പ്രകാരം ഡി‍ഡക്ഷൻ ക്ലെയിം ചെയ്യാം. അതേ സമയം പുതിയ നികുതി ഘടന പ്രകാരം സെക്ഷൻ 80C ആനുകൂല്യങ്ങൾ ലഭ്യമല്ല. അക്കൗണ്ടിലെ ആകെ പലിശ 1 ലക്ഷം രൂപയെന്ന പരിധി മറികടന്നാൽ TDS ബാധകമാകും. 60 വയസ്സിന് താഴെയുള്ളവരാണ് അക്കൗണ്ട് ഓപ്പൺ ചെയ്തതെങ്കിൽ പലിശ 50,000 രൂപ കഴിഞ്ഞാലും TDS ബാധകമാകും.

English Summary:

The Senior Citizen Savings Scheme, a government-backed investment scheme in India, offers senior citizens an annual interest rate of 8.2%, making it an attractive option for generating regular retirement income. Eligible investors can deposit a minimum of Rs 1,000 and a maximum of Rs 30 lakh.

എട്ടാം ശമ്പള കമ്മീഷന് വേണ്ടിയുള്ള കാത്തിരിപ്പ് നീളുംതോറും കേന്ദ്ര സർക്കാർ ജീവനക്കാരുടെയും പെൻഷൻകാരുടെയും ആശങ്കയും ഉയരുകയാണ്. 2026 ഡിസംബർ 31ന് ഏഴാം ശമ്പള കമ്മീഷന്റെ കാലാവധി അവസാനിച്ചു. തുടർന്ന് 2026 ജനുവരി 1 മുതൽ എട്ടാം ശമ്പള പരിഷ്കരണം നടപ്പിലാക്കേണ്ടതാണ്. എന്നാൽ, കമ്മീഷൻ രൂപീകരിക്കുന്നതിൽ സംഭവിച്ച കാലതാമസം ശമ്പള പരിഷ്കരണത്തെയും ബാധിച്ചു. എട്ടാം ശമ്പള കമ്മീഷന്റെ ശുപാർശകൾക്കായി അടുത്ത വർഷം പകുതിവരെയെങ്കിലും കാത്തിരിക്കേണ്ടി വരും.

കുടിശ്ശിക ലഭിക്കുമോ?

8-ാം ശമ്പള കമ്മീഷന്റെ നിർദ്ദേശങ്ങൾ നടപ്പാക്കുന്നതിൽ കാലതാമസമുണ്ടായാൽ ജീവനക്കാർക്ക് വൻതുക കുടിശ്ശികയായി ലഭിച്ചേക്കുമെന്ന് റിപ്പോർട്ടുകൾ. പുതിയ ശമ്പള പരിഷ്കരണം 2026 ജനുവരി 1 മുതൽ പ്രാബല്യത്തിൽ വരുമെന്നാണ് കരുതപ്പെടുന്നത്. എന്നാൽ ശുപാർശകൾ പൂർണ്ണമായി നടപ്പിലാക്കാൻ ഒന്നര മുതൽ രണ്ടര വർഷം വരെ (30 മാസം വരെ) സമയം എടുത്തേക്കാം. അങ്ങനെ സംഭവിച്ചാൽ മുൻകാല ശമ്പള കമ്മീഷനുകളുടെ, പ്രത്യേകിച്ച് 6-ാം ശമ്പള കമ്മീഷന്റെ മാതൃകയിലായിരിക്കും കുടിശ്ശിക നൽകുക.

ALSO READ: ശമ്പളം 30.15% വർദ്ധിക്കും! എട്ടാം ശമ്പള കമ്മീഷനിൽ ജീവനക്കാർക്ക് വൻ നേട്ടം

എന്താണ് 6-ാം ശമ്പള കമ്മീഷൻ മാതൃക?

6-ാം ശമ്പള കമ്മീഷൻ ശുപാർശകൾ നടപ്പാക്കുന്നതിൽ കാലതാമസം നേരിട്ടപ്പോൾ, 2006 ജനുവരി 1 മുതൽ മുൻകാല പ്രാബല്യത്തോടെയാണ് കുടിശ്ശിക അനുവദിച്ചത്. ജീവനക്കാരുടെ സാമ്പത്തിക സുരക്ഷിതത്വം ഉറപ്പാക്കാൻ ഈ കുടിശ്ശിക തുക ഒന്നിലധികം ഗഡുക്കളായാണ് അന്ന് വിതരണം ചെയ്തത്. 8-ാം ശമ്പള കമ്മീഷൻ റിപ്പോർട്ട് സമർപ്പിക്കുന്നതിലും കേന്ദ്ര മന്ത്രിസഭയുടെ അംഗീകാരം ലഭിക്കുന്നതിലും വൈകലുണ്ടായാൽ 24 മുതൽ 30 മാസത്തെ കുടിശ്ശിക തുക ജീവനക്കാരുടെയും പെൻഷൻകാരുടെയും അക്കൗണ്ടിലേക്ക് ഒരുമിച്ച് എത്തും.

അടിസ്ഥാന ശമ്പളത്തിന് മാത്രം കുടിശ്ശിക

ശമ്പള പരിഷ്കരണ കുടിശ്ശിക കണക്കാക്കുമ്പോൾ അടിസ്ഥാന ശമ്പളത്തിലെ വ്യത്യാസത്തിന് മാത്രമാണ് കുടിശ്ശിക തുക ലഭിക്കുക. ക്ഷാമബത്ത (DA), വീട്ടുവാടക ബത്ത (HRA), ട്രാൻസ്പോർട്ട് അലവൻസ് (TPTA) തുടങ്ങിയ പ്രതിമാസ അലവൻസുകൾക്ക് സാധാരണയായി മുൻകാല പ്രാബല്യത്തോടെയുള്ള അരിയർ നൽകാറില്ല.

ശമ്പള വർധനവും ഫിറ്റ്മെന്റ് ഫാക്ടറും

ശമ്പള വർധനവ് നിർണ്ണയിക്കുന്നതിൽ ഫിറ്റ്മെന്റ് ഫാക്ടറാണ് ഏറ്റവും പ്രധാനം. ജീവനക്കാരുടെ സംഘടനകൾ ഉയർന്ന ഫിറ്റ്മെന്റ് ഫാക്ടർ ആവശ്യപ്പെടുന്നുണ്ടെങ്കിലും, സർക്കാർ ഇതുവരെ ഔദ്യോഗിക കണക്കുകൾ പുറത്തുവിട്ടിട്ടില്ല. അടിസ്ഥാന ശമ്പളത്തിലും പെൻഷനിലും ഗണ്യമായ വർധനവാണ് 8-ാം കമ്മീഷനിലൂടെ പ്രതീക്ഷിക്കുന്നത്. കേന്ദ്ര സർവീസിൽ നിന്ന് വിരമിച്ച ലക്ഷക്കണക്കിന് പെൻഷൻകാർക്കും 8-ാം ശമ്പള കമ്മീഷൻ ആശ്വാസമേകും. പുതുക്കിയ ഫിറ്റ്മെന്റ് ഫാക്ടറിന്റെ അടിസ്ഥാനത്തിൽ പ്രതിമാസ പെൻഷനിലും ഗണ്യമായ വർധനവുണ്ടാകും.

English Summary:

The delay in implementing the 8th Pay Commission could result in central government employees receiving up to 30 months of salary arrears, depending on the timeline for approval and implementation. Following the pattern of previous Pay Commissions, employees may receive arrears from January 1, 2026, if the revised pay structure is implemented retrospectively from that date.

ദീപാവലി, വിവാഹസീസൺ, ഫെഡ് യോഗം.... തുടങ്ങി സ്വർണവിലയിൽ നിർണായകമായ സാഹചര്യമാണ് നിലവിലുള്ളത്. വിവാഹാവശ്യങ്ങൾക്കോ മറ്റോ ഇന്ന് സ്വർണം വാങ്ങാൻ പ്ലാനുണ്ടോ? സാധാരണക്കാരെ ആശങ്കയിലാഴ്ത്തി സ്വർണവില വീണ്ടും കുതിച്ചിരിക്കുകയാണ്. ഇന്ന് പവനും ഗ്രാമിനും എത്ര രൂപ നൽകണമെന്ന് പരിശോധിക്കാം...

ഇന്നത്തെ സ്വർണവില

ഇന്നലെ പവന് 1,05,080 രൂപ നിരക്കിലായിരുന്നു വ്യാപാരം.  എന്നാൽ ഇന്ന് വില വീണ്ടും കൂടി. 480 രൂപയാണ് കൂടിയത്. ഇതോടെ ഒരു പവൻ സ്വർണവില 1,05,560 രൂപയായി ഉയർന്നു. ഗ്രാമിന് 13,195 രൂപയാണ് നൽകേണ്ടത്. ഇതിനോടൊപ്പം മൂന്ന് ശതമാനം ജിഎസ്ടിയും പണിക്കൂലിയും ഹാൾമാർക്കിങ് ചാർജും ചേരുമ്പോൾ വിലയിൽ നേരിയ വ്യത്യാസം വന്നേക്കും. ജ്വല്ലറികൾക്കനുസരിച്ച് പണിക്കൂലയിൽ മാറ്റം വന്നേക്കാം. അഞ്ച് ശതമാനമാണ് ഏറ്റവും കുറഞ്ഞ പണിക്കൂലി. സ്വർണവില കുതിക്കുന്നത് ആഭരണം എന്ന നിലയിൽ വാങ്ങുന്നവർക്ക് നിരാശയാണെങ്കിലും നിക്ഷേപമായി കണ്ടവർക്കും സ്വർണം വിറ്റോ പണയം വച്ചോ അടിയന്തര സാമ്പത്തികാവശ്യം നിറവേറ്റാൻ ശ്രമിക്കുന്നവർക്കും പ്രതീക്ഷയാണ്.

സ്വർണവിലയിൽ ഇനിയെന്ത്?

രാജ്യാന്തര വിപണിയിലെ മാറ്റങ്ങളാണ് കേരളത്തിലെ സ്വർണവിലയിലും പ്രതിഫലിക്കുന്നത്. പശ്ചിമേഷ്യൻ സംഘർഷങ്ങളും ക്രൂഡ്ഓയിൽ വിലയും സ്വർണത്തെ സ്വാധീനിക്കുന്നുണ്ട്. യുഎസ് കേന്ദ്രബാങ്കായ ഫെഡറൽ റിസർവിന്റെ പണനയ പ്രഖ്യാപനം ഇന്നാണ്. ഇതും വിലയിൽ നിർണായകമാകും. പലിശ നിരക്ക് കൂട്ടാനിടയില്ലെന്നാണ് സാമ്പത്തിക നിരീക്ഷകരുടെ അഭിപ്രായം. അതേസമയം, ഈ മാസം പലിശനിരക്ക് 0.25 ശതമാനവും ഡിസംബറോടെ 0.50 ശതമാനവും വർധിപ്പിക്കുമെന്നും റിപ്പോർട്ടുകളുണ്ട്.

ALSO READ: ആഭരണമോഹികള്‍ക്ക് കടുത്ത സമ്മര്‍ദം! ഒക്ടോബര്‍ 27-ലെ സ്വര്‍ണവിലയിതാ

അടിസ്ഥാന പലിശ നിരക്കും സ്വർണവിലയും തമ്മിൽ വളരെ ശക്തമായ ഒരു വിപരീത ബന്ധമാണ് നിലനിൽക്കുന്നത്. പലിശ നിരക്ക് കൂടുമ്പോൾ സ്വർണവില കുറയുകയും പലിശ നിരക്ക് കുറയുമ്പോൾ സ്വർണവില കൂടുകയും ചെയ്യുന്നു. പലിശ നിരക്ക് കൂടാതെ സ്വർണവിലയെ സ്വാധീനിക്കുന്ന മറ്റ് ചില ഘടകങ്ങളാണ് പണപ്പെരുപ്പവും ഡോളറിന്റെ മൂല്യവുമെല്ലാം.

പണപ്പെരുപ്പം കൂടുമ്പോൾ രൂപയുടെയോ ഡോളറിന്റെയോ മൂല്യം ഇടിയും. എന്നാൽ സ്വർണം ഇതിനെ പ്രതിരോധിക്കുന്ന ഒന്നായതുകൊണ്ട് വില വർദ്ധിക്കുകയാണ് ചെയ്യുന്നത്. അതുപോലെ രാജ്യാന്തര വിപണിയിൽ സ്വർണവില നിശ്ചയിക്കുന്നത് ഡോളറിലാണ്. ഡോളർ ദുർബലമാകുമ്പോൾ സ്വർണവില കൂടുകയും ഡോളർ കരുത്താർജ്ജിക്കുമ്പോൾ സ്വർണവില കുറയുകയും ചെയ്യുന്നു.

ഒക്ടോബർ മാസത്തിലെ സ്വർണവില

ഒക്ടോബർ 1: 109440

ഒക്ടോബർ 2: 110200

ഒക്ടോബർ 3: 109400

ഒക്ടോബർ 4: 109400

ഒക്ടോബർ 5: 109400

ഒക്ടോബർ 6: 1,09,280 (രാവിലെ)

ഒക്ടോബർ 6: 110160 (വൈകുന്നേരം)

ഒക്ടോബർ 7: 109680

ഒക്ടോബർ 8: 109680

ഒക്ടോബർ 9: 1,10,520

ഒക്ടോബർ 10: 1,11,040

ഒക്ടോബർ 11: 1,11,040

ഒക്ടോബർ 12: 110720 (രാവിലെ)

ഒക്ടോബർ 12: 1,09,760 (വൈകുന്നേരം)

ഒക്ടോബർ 13: 1,09,480

ഒക്ടോബർ 14: 108720

ഒക്ടോബർ 15: 1,08,120

ഒക്ടോബർ 16: 1,08,120

ഒക്ടോബർ 17: 1,08,280

ഒക്ടോബർ 18: 1,08,280

ഒക്ടോബർ 19: 1,08,560

ഒക്ടോബർ 20: 1,07,920

ഒക്ടോബർ 20: 1,07,120

ഒക്ടോബർ 21: 1,07,120

ഒക്ടോബർ 22: 1,05,880

ഒക്ടോബർ 23: 1,04,480

ഒക്ടോബർ 24: 104560

ഒക്ടോബർ 25: 104560

ഒക്ടോബർ 26: 1,04,680

ഒക്ടോബർ 27: 1,05,080

ഒക്ടോബർ 28: 1,05,560

സാമ്പത്തിക സുരക്ഷിതത്വം ഇന്ന് വളരെയധികം അനിവാര്യമായ ഒന്നാണ്. ഇന്ന് അതിന് സഹായിക്കുന്ന നിരവധി നിക്ഷേപപദ്ധതികൾ ഉണ്ട്. ഏതൊരു സാധാരണക്കാരനും സുരക്ഷിതമായി നിക്ഷേപിക്കാൻ സാധിക്കുന്ന മികച്ചൊരു പദ്ധതിയാണ് പോസ്റ്റ് ഓഫീസ് റെക്കറിങ് ഡെപ്പോസിറ്റ്. സാധാരണക്കാർക്ക് ചെറിയ തുകകൾ മാസംതോറും മാറ്റിവെച്ച് വലിയൊരു തുക സമ്പാദിക്കാൻ ഈ പദ്ധതി സഹായിക്കും. വെറും നൂറ് രൂപ കൊണ്ട് എങ്ങനെ ലക്ഷങ്ങൾ സമ്പാദിക്കാമെന്ന് പരിശോധിച്ചാലോ....

പോസ്റ്റ് ഓഫീസ് ആർഡി സ്കീം

ഇന്ത്യയില്‍ താമസിക്കുന്ന ഏതൊരു വ്യക്തിക്കും ഈ പദ്ധതിയില്‍ അക്കൗണ്ട് തുറക്കാം. വ്യക്തിഗതമായോ ജോയിന്റായോ ഒന്നിലധികം അക്കൗണ്ടുകൾ ആരംഭിക്കാന്‍ സാധിക്കും. മൈനര്‍ കുട്ടികളുടെ പേരിലും രക്ഷിതാക്കള്‍ക്ക് അക്കൗണ്ട് തുറക്കാം. റെക്കറിങ് ഡെപ്പോസിറ്റ് സ്‌കീം അഥവാ ആര്‍ഡി നിക്ഷേത്തിന്റെ കാലാവധി 5 വര്‍ഷമാണ്. അത് 10 വര്‍ഷമായി നീട്ടാന്‍ സാധിക്കും.

നിലവില്‍ പോസ്റ്റ് ഓഫീസ് ആർഡിക്ക് 6.7 ശതമാനമാണ് പലിശ നിരക്ക്. അക്കൗണ്ട് ആരംഭിച്ച് നിശ്ചിത കാലയളവിനു ശേഷം ചില അടിയന്തര സാഹചര്യങ്ങളില്‍ അക്കൗണ്ട്അ വസാനിപ്പിക്കാനുള്ള സൗകര്യവും ഇതിലുണ്ട്. അപ്രതീക്ഷിതമായി ഉണ്ടാകുന്ന സാമ്പത്തിക പ്രതിസന്ധി ഘട്ടങ്ങളില്‍ ആര്‍ഡി നിക്ഷേപത്തില്‍ നിന്നും വായ്പ എടുക്കാന്‍ സാധിക്കും. അക്കൗണ്ട് ആരംഭിച്ച് ഒരു വര്‍ഷം പൂര്‍ത്തിയായാല്‍, ആകെ നിക്ഷേപ തുകയുടെ 50 ശതമാനം വരെ വായ്പയായി ലഭിക്കും.

ALSO READ: സ്ത്രീകൾക്ക് മാസം 1,500 രൂപ ധനസഹായം; അപേക്ഷിക്കാൻ വേണ്ട രേഖകൾ അറിയാം

20 ലക്ഷം സമ്പാദിക്കുന്നത് എങ്ങനെ?

പോസ്റ്റ് ഓഫീസ് ആർഡി സ്കീം വഴി പത്ത് വർഷം കൊണ്ട് ഇരുപത് രൂപ സമ്പാദിക്കാൻ സാധിക്കും. ഇതിന് ആദ്യം നിങ്ങള്‍ ദിവസേന 400 രൂപ വീതം മാറ്റിവെക്കണം. ഇത്തരത്തിൽ, ഒരു മാസം ആകെ 12,000 രൂപ നിക്ഷേപിക്കാന്‍ സാധിക്കും. പ്രതിമാസം 12,000 രൂപ വെച്ച് 5 വര്‍ഷത്തേക്ക് നിക്ഷേപിച്ചാല്‍, കാലാവധി പൂര്‍ത്തിയാകുമ്പോള്‍ പലിശ സഹിതം ഏകദേശം 8,56,388 രൂപ കയ്യിലെത്തും.

ഈ അക്കൗണ്ട് കാലാവധി വീണ്ടും 5 വര്‍ഷത്തേക്ക് കൂടി നീട്ടുകയാണെങ്കില്‍ മൊത്തം നിക്ഷേപം 14.40 ലക്ഷം രൂപയാകും. 10 വര്‍ഷം തികയുമ്പോള്‍ പലിശ ഇനത്തില്‍ മാത്രം 6 ലക്ഷത്തിലധികം രൂപ ലഭിക്കും. അങ്ങനെ കൃത്യം 10 വര്‍ഷം പൂര്‍ത്തിയാകുമ്പോള്‍ ഏകദേശം 20,50,248 രൂപ നിങ്ങളുടെ സമ്പാദ്യമായി മാറുന്നതാണ്.

പോസ്റ്റ് ഓഫീസ് ടൈം ഡെപ്പോസിറ്റ് സ്‌കീം

ബാങ്കുകളുടെ സ്ഥിര നിക്ഷേപങ്ങൾക്ക് സമാനമായ രീതിയിൽ പോസ്റ്റ് ഓഫീസ് നൽകുന്ന ഒരു മറ്റൊരു നിക്ഷേപ പദ്ധതിയാണ് പോസ്റ്റ് ഓഫീസ് ടൈം ഡെപ്പോസിറ്റ് സ്‌കീം. ഒറ്റത്തവണയായി നിക്ഷേപം നടത്തി ഉയർന്ന പലിശ വരുമാനം നേടാൻ ആഗ്രഹിക്കുന്നവർക്ക് ഏറ്റവും അനുയോജ്യമായ പദ്ധതിയാണിത്. 1 വർഷം, 2 വർഷം, 3 വർഷം, 5 വർഷം എന്നിങ്ങനെ നാല് കാലാവധികളിൽ നിക്ഷേപം നടത്താം. 1000 രൂപ മുതൽ നിക്ഷേപം തുടങ്ങാം. 100-ന്റെ ഗുണിതങ്ങളായി എത്ര തുക വേണമെങ്കിലും നിക്ഷേപിക്കാം.

English Summary:

The Post Office Recurring Deposit Scheme is a savings plan designed to help people build a substantial fund through regular monthly investments. The initial investment period is five years, which can be extended for another five years, making it a 10-year savings option.

രാജ്യത്തെ ദശലക്ഷക്കണക്കിന് കേന്ദ്ര സർക്കാർ ജീവനക്കാർ എട്ടാം ശമ്പള കമ്മീഷന് വേണ്ടിയുള്ള കാത്തിരിപ്പിലാണ്. ഇത്തവണ ശമ്പള ഘടനയിലും അലവൻസുകളിലും വൻ മാറ്റങ്ങൾ ഉണ്ടായേക്കാമെന്നാണ് റിപ്പോർട്ടുകൾ സൂചിപ്പിക്കുന്നത്. പ്രത്യേകിച്ച് ഗ്രേഡ് പേ 2400 (Grade Pay 2400) വിഭാഗത്തിൽ വരുന്ന ജീവനക്കാരുടെ ശമ്പള കണക്കുകളും ഫിറ്റ്‌മെന്റ് ഫാക്ടറും സംബന്ധിച്ച ചർച്ചകൾ സജീവമാണ്. ഈ വിഭാഗത്തിലുള്ള ജീവനക്കാരുടെ ശമ്പള വർദ്ധനവ്, ഗ്രോസ് - നെറ്റ് സാലറി കണക്കുകൾ, മറ്റ് അലവൻസുകൾ എന്നിവയെക്കുറിച്ചുള്ള പ്രധാന വിവരങ്ങൾ പരിശോധിച്ചാലോ....

ഫിറ്റ്മെന്റ് ഫാക്ടർ എത്രയായിരിക്കും?

അടിസ്ഥാന ശമ്പളം കണക്കാക്കുന്നതിൽ ഫിറ്റ്മെന്റ് ഫാക്ടർ നിർണായക പങ്ക് വഹിക്കുന്നുണ്ട്. 8-ാം ശമ്പള കമ്മീഷനിൽ ഫിറ്റ്‌മെന്റ് ഫാക്ടർ 1.92 മുതൽ 2.28 വരെയോ അല്ലെങ്കിൽ ഉയർന്ന നിരക്കിലോ (3.0 വരെ) നിശ്ചയിക്കാൻ സാധ്യതയുണ്ട്. ഇതിന്റെ അടിസ്ഥാനത്തിലായിരിക്കും പുതിയ ബേസിക് പേ കണക്കാക്കുന്നത്.

അതുപോലെ, പുതിയ ശമ്പള കമ്മീഷൻ നടപ്പിലാക്കുമ്പോൾ അതുവരെ നിലവിലുള്ള ഡിഎ അടിസ്ഥാന ശമ്പളത്തിൽ ലയിപ്പിക്കുകയും, പുതിയ ഡിഎ പൂജ്യത്തിൽ നിന്ന് പുനരാരംഭിക്കുകയും ചെയ്യും. ഇതും അടിസ്ഥാന ശമ്പളം ഉയർത്തിയേക്കും. അടിസ്ഥാന ശമ്പളം ഉയരുന്നതോടെ വീട്ടുവാടക അലവൻസ് (HRA), ട്രാവൽ അലവൻസ് (TA) തുടങ്ങിയ മറ്റ് അലവൻസുകളിലും ആനുപാതികമായ വർദ്ധനവുണ്ടാകും.

ALSO READ: ഡിഎ ലയിപ്പിക്കുന്നതിൽ സർക്കാർ നിലപാട് എന്ത്? 8-ാം ശമ്പള കമ്മീഷൻ ടേംസ് ഓഫ് റഫറൻസ് പറയുന്നത്…

ഗ്രേഡ് പേ 2400 വിഭാഗത്തിന് ശമ്പളം എത്ര കൂടിയേക്കും?

ഗ്രേഡ് പേ 2400 (Grade Pay 2400) എന്നത് കേന്ദ്ര-സംസ്ഥാന സർക്കാർ സർവീസുകളിൽ ജീവനക്കാരുടെ തസ്തികയും അടിസ്ഥാന ശമ്പളവും നിശ്ചയിക്കാൻ ഉപയോഗിക്കുന്ന ഒരു ശമ്പള സ്കെയിൽ അല്ലെങ്കിൽ ലെവൽ ആണ്. 6-ാം ശമ്പള കമ്മീഷനിൽ 'ഗ്രേഡ് പേ' എന്ന സംവിധാനമാണ് ഉണ്ടായിരുന്നത്. പേ ബാൻഡ് 1 എന്ന വിഭാഗത്തിൽ ₹2400 ഗ്രേഡ് പേ വരുന്ന തസ്തികകളായിരുന്നു ഇത്. 7-ാം ശമ്പള കമ്മീഷൻ വന്നപ്പോൾ 'ഗ്രേഡ് പേ' എന്നതിന് പകരം 'പേ മാട്രിക്സ് ലെവൽ' സംവിധാനം കൊണ്ടുവന്നു. ഗ്രേഡ് പേ 2400 എന്നത് ലെവൽ 4 എന്ന വിഭാഗത്തിലാണ് വരുന്നത്.

7-ാം കമ്മീഷനിലെ പേ മാട്രിക്സ് പ്രകാരം ഉയർന്ന സ്റ്റേജിലുള്ള അടിസ്ഥാന ശമ്പളമാണ് ഇവർക്കുള്ളത്. ഫിറ്റ്‌മെന്റ് ഫാക്ടർ പ്രയോഗിക്കുമ്പോൾ അടിസ്ഥാന ശമ്പളത്തിൽ 30% മുതൽ 50% വരെ വർദ്ധനവ് ഇത്തവണ ഉണ്ടായേക്കാം. റിപ്പോർട്ടുകൾ പ്രകാരം, ലെവൽ-2 / ലെവൽ-4 സ്റ്റേജ് 40 ജീവനക്കാരുടെ ഗ്രാസ് ശമ്പളത്തിൽ ഏകദേശം 30.80% വരെ വർദ്ധനവാണ് പ്രതീക്ഷിക്കുന്നത്. എൻ.പി.എസ് (NPS), സി.ജി.എച്ച്.എസ് (CGHS) തുടങ്ങിയ പെൻഷൻ-ഇൻഷുറൻസ് പിടുത്തങ്ങൾക്ക് ശേഷം ജീവനക്കാരുടെ കൈയ്യിൽ ലഭിക്കുന്ന നെറ്റ് ശമ്പളത്തിലും കാര്യമായ വർദ്ധനവ് ഉണ്ടാകും.

English Summary:

The 8th Central Pay Commission is expected to bring changes to the salaries of Central Government employees. Salary calculation for employees in Pay Level 4, Stage 40, equivalent to the former Grade Pay of Rs 2,400.

സ്ത്രീകള്‍ക്ക് സാമ്പത്തിക പിന്തുണ നല്‍കുന്നതിനായി കേന്ദ്ര-സംസ്ഥാന സര്‍ക്കാരുകള്‍ വിവിധ ക്ഷേമപദ്ധതികള്‍ നടപ്പാക്കുന്നുണ്ട്. ഇതില്‍ മധ്യപ്രദേശ് സര്‍ക്കാര്‍ നടപ്പാക്കുന്ന പ്രധാന പദ്ധതികളിലൊന്നാണ് ലാഡ്‌ലി ബെഹ്ന യോജന. അര്‍ഹരായ സ്ത്രീകള്‍ക്ക് ഈ പദ്ധതിയിലൂടെ പ്രതിമാസം 1,500 രൂപ ധനസഹായം ലഭിക്കുന്നു. സ്ത്രീകളുടെ സാമ്പത്തിക സ്വാതന്ത്ര്യം മെച്ചപ്പെടുത്താനും ദൈനംദിന ചെലവുകള്‍ക്ക് സഹായം നല്‍കാനുമാണ് പദ്ധതിയുടെ ലക്ഷ്യം.

എന്താണ് ലാഡ്‌ലി ബെഹ്ന യോജന?

മധ്യപ്രദേശിലെ സ്ത്രീകളെ ലക്ഷ്യമിട്ട് സംസ്ഥാന സര്‍ക്കാര്‍ നടപ്പാക്കുന്ന സാമ്പത്തിക സഹായ പദ്ധതിയാണ് ലാഡ്‌ലി ബെഹ്ന യോജന. അര്‍ഹരായ ഗുണഭോക്താക്കള്‍ക്ക് പ്രതിമാസം 1,500 രൂപയാണ് ധനസഹായമായി നല്‍കുന്നത്. സ്ത്രീകള്‍ക്ക് സ്വന്തം ആവശ്യങ്ങള്‍ക്കായി പണം ചെലവഴിക്കാനും കുടുംബത്തിന്റെ ദൈനംദിന ചെലവുകളില്‍ പങ്കാളികളാകാനും ഈ തുക സഹായകരമാകുന്നു.

എന്നാല്‍ എല്ലാ സ്ത്രീകള്‍ക്കും സ്വമേധയാ ആനുകൂല്യം ലഭിക്കണമെന്നില്ല. പദ്ധതിയുടെ നിലവിലുള്ള യോഗ്യതാ വ്യവസ്ഥകള്‍, പ്രായപരിധി, കുടുംബത്തിന്റെ സാമ്പത്തിക സ്ഥിതി തുടങ്ങിയ നിബന്ധനകള്‍ പാലിക്കുന്നുണ്ടോയെന്ന് പരിശോധിച്ച ശേഷമാണ് ആനുകൂല്യം അനുവദിക്കുന്നത്.

അപേക്ഷിക്കാന്‍ ആവശ്യമായ രേഖകള്‍

ലാഡ്‌ലി ബെഹ്ന യോജനയുടെ ആനുകൂല്യം ലഭിക്കുന്നതിന് അപേക്ഷകര്‍ താഴെ പറയുന്ന രേഖകളും വിവരങ്ങളും തയാറാക്കണം.

സമഗ്ര കുടുംബ ഐഡി- കുടുംബത്തിന്റെ വിവരങ്ങള്‍ തിരിച്ചറിയുന്നതിനും സര്‍ക്കാര്‍ രേഖകളുമായി ബന്ധിപ്പിക്കുന്നതിനും ഉപയോഗിക്കുന്ന ഐഡിയാണിത്.

വ്യക്തിഗത സമഗ്ര ഐഡി- അപേക്ഷകയുടെ വ്യക്തിഗത വിവരങ്ങള്‍ തിരിച്ചറിയാന്‍ ആവശ്യമായ രേഖയാണിത്.

ആധാര്‍ കാര്‍ഡ്- അപേക്ഷകയുടെ തിരിച്ചറിയല്‍ വിവരങ്ങള്‍ പരിശോധിക്കുന്നതിനും ബാങ്ക് അക്കൗണ്ടുമായി ബന്ധിപ്പിക്കുന്നതിനും ആധാര്‍ ആവശ്യമാണ്.

Also Read: കുട്ടി ജനിക്കുമ്പോൾ തന്നെ SIP തുടങ്ങാം; ലക്ഷ്യം ലക്ഷങ്ങളുടെ സമ്പാദ്യം

ബാങ്ക് അക്കൗണ്ട് വിവരങ്ങള്‍- ധനസഹായം നേരിട്ട് ലഭിക്കുന്നതിനായി അപേക്ഷകയുടെ ബാങ്ക് അക്കൗണ്ട് വിവരങ്ങള്‍ നല്‍കണം. അക്കൗണ്ട് സജീവമാണെന്നും വിവരങ്ങള്‍ കൃത്യമാണെന്നും ഉറപ്പാക്കണം.

ബാങ്ക് അക്കൗണ്ടില്‍ ശ്രദ്ധിക്കേണ്ട കാര്യങ്ങള്‍

പദ്ധതിയുടെ ആനുകൂല്യം തടസ്സമില്ലാതെ ലഭിക്കുന്നതിന് ബാങ്ക് അക്കൗണ്ട് ആധാറുമായി ബന്ധിപ്പിച്ചിരിക്കണം. കൂടാതെ, ഡയറക്ട് ബെനിഫിറ്റ് ട്രാന്‍സ്ഫര്‍ (ഡിബിടി) സംവിധാനം അക്കൗണ്ടില്‍ സജീവമായിരിക്കണം. സര്‍ക്കാര്‍ നല്‍കുന്ന ധനസഹായം ഇടനിലക്കാരില്ലാതെ ഗുണഭോക്താവിന്റെ അക്കൗണ്ടിലേക്ക് നേരിട്ട് എത്തിക്കുന്ന സംവിധാനമാണ് ഡിബിടി.

ആധാര്‍ ബാങ്ക് അക്കൗണ്ടുമായി ബന്ധിപ്പിച്ചിട്ടില്ലെങ്കിലോ ഡിബിടി സജീവമല്ലെങ്കിലോ പണം ലഭിക്കുന്നതില്‍ തടസം നേരിടാന്‍ സാധ്യതയുണ്ട്. അതിനാല്‍ അപേക്ഷിക്കുന്നതിന് മുമ്പ് ബാങ്കുമായി ബന്ധപ്പെട്ട വിവരങ്ങള്‍ പരിശോധിക്കുകയും ആവശ്യമായ അപ്ഡേറ്റുകള്‍ പൂര്‍ത്തിയാക്കുകയും വേണം.

English Summary

Madhya Pradesh’s Ladli Behna Yojana provides eligible women with 1,500 in monthly financial assistance. Applicants need a Samagra Family ID, individual Samagra ID, Aadhaar card and bank account details. The bank account must be linked to Aadhaar and have DBT enabled.

കുട്ടികളുടെ ഉന്നതവിദ്യാഭ്യാസത്തിനായി വലിയൊരു തുക കണ്ടെത്തുക എന്നത് പല മാതാപിതാക്കള്‍ക്കും വെല്ലുവിളിയാണ്. പഠനച്ചെലവ് ഓരോ വര്‍ഷവും വര്‍ധിക്കുന്ന സാഹചര്യത്തില്‍ നേരത്തേ സാമ്പത്തിക ആസൂത്രണം നടത്തുന്നത് പ്രധാനമാണ്. കുട്ടി ജനിക്കുമ്പോള്‍ തന്നെ ചെറിയ തുക ഉപയോഗിച്ച് സിസ്റ്റമാറ്റിക് ഇന്‍വെസ്റ്റ്മെന്റ് പ്ലാന്‍ (എസ്‌ഐപി) ആരംഭിച്ചാല്‍ ദീര്‍ഘകാലാടിസ്ഥാനത്തില്‍ നല്ലൊരു വിദ്യാഭ്യാസ ഫണ്ട് കെട്ടിപ്പടുക്കാന്‍ സാധിക്കും.

ഇന്ത്യയില്‍ ഗുണനിലവാരമുള്ള വിദ്യാഭ്യാസത്തിനും പ്രൊഫഷണല്‍ കോഴ്സുകള്‍ക്കും ലക്ഷങ്ങള്‍ ചെലവഴിക്കേണ്ടിവരാം. വിദേശപഠനമാണ് ലക്ഷ്യമെങ്കില്‍ ട്യൂഷന്‍ ഫീസ്, താമസം, ജീവിതച്ചെലവ് എന്നിവ കൂടി കണക്കിലെടുക്കണം. കുട്ടിക്ക് 17 അല്ലെങ്കില്‍ 18 വയസാകുമ്പോള്‍ ഇത്രയും വലിയ തുക കണ്ടെത്തുന്നത് ബുദ്ധിമുട്ടായേക്കാം. അതിനാല്‍ അവസാന നിമിഷത്തേക്ക് കാത്തിരിക്കാതെ നേരത്തേ നിക്ഷേപം തുടങ്ങുന്നതാണ് ഉചിതം.

നേരത്തേ തുടങ്ങിയാല്‍ സമ്പാദ്യം വളരും

വിദ്യാഭ്യാസത്തിനായി വലിയൊരു തുക സമാഹരിക്കാന്‍ തുടക്കത്തില്‍ തന്നെ വന്‍ നിക്ഷേപം നടത്തണമെന്നില്ല. കുട്ടി ചെറുപ്പമായിരിക്കുമ്പോള്‍ നിക്ഷേപം ആരംഭിച്ചാല്‍ പണം വളരാന്‍ കൂടുതല്‍ സമയം ലഭിക്കും. ഉദാഹരണത്തിന്, കുട്ടിക്ക് മൂന്ന് അല്ലെങ്കില്‍ നാല് വയസുള്ളപ്പോള്‍ തുടങ്ങുന്ന നിക്ഷേപത്തിന് 12 മുതല്‍ 15 വര്‍ഷം വരെ വളര്‍ച്ചയ്ക്കുള്ള അവസരമുണ്ടാകും.

ചെറിയ തുകയില്‍ തുടങ്ങി പിന്നീട് വര്‍ധിപ്പിക്കാം

വലിയൊരു തുക ഉപയോഗിച്ച് എസ്‌ഐപി ആരംഭിക്കേണ്ടതില്ല. വരുമാനത്തിനും കുടുംബച്ചെലവുകള്‍ക്കും അനുയോജ്യമായ ചെറിയ തുകയില്‍ തുടങ്ങാം. ഉദാഹരണത്തിന്, പ്രതിമാസം 5,000 രൂപ നിക്ഷേപിച്ച് പിന്നീട് വരുമാനം വര്‍ധിക്കുന്നതിനനുസരിച്ച് അത് 8,000 രൂപയോ 10,000 രൂപയോ ആയി ഉയര്‍ത്താം. ഇത്തരത്തില്‍ നിക്ഷേപത്തുക ക്രമേണ വര്‍ധിപ്പിക്കുന്നത് ദീര്‍ഘകാല സമ്പാദ്യം മെച്ചപ്പെടുത്താന്‍ സഹായിക്കും.

Also Read: 10 ലക്ഷം രൂപ സമ്പാദിക്കണോ? SIP, സേവിങ്സ്, ഡെറ്റ് ഫണ്ടുകൾ എങ്ങനെ സഹായിക്കും?

നിക്ഷേപം വൈകിക്കുന്നത് ഒഴിവാക്കാം

കുട്ടിയുടെ ഉന്നതവിദ്യാഭ്യാസത്തിന് ഇനിയും വര്‍ഷങ്ങളുണ്ടെന്ന് കരുതി നിക്ഷേപം മാറ്റിവെക്കുന്നത് പിന്നീട് സാമ്പത്തിക സമ്മര്‍ദം വര്‍ധിപ്പിച്ചേക്കാം. വൈകി തുടങ്ങുമ്പോള്‍ അതേ ലക്ഷ്യത്തിലെത്താന്‍ പ്രതിമാസം കൂടുതല്‍ തുക നിക്ഷേപിക്കേണ്ടിവരും. അതിനാല്‍ ലഭ്യമായ തുകയില്‍ നേരത്തേ നിക്ഷേപം ആരംഭിക്കുകയും വരുമാനത്തിനനുസരിച്ച് അത് കൂട്ടുകയും ചെയ്യുന്നതാണ് നല്ലത്.

വിപണിയിലെ ചാഞ്ചാട്ടത്തില്‍ പരിഭ്രാന്തരാകേണ്ട

ദീര്‍ഘകാല നിക്ഷേപത്തിനിടെ ഓഹരി വിപണിയില്‍ ഉയര്‍ച്ചയും താഴ്ചയും ഉണ്ടാകുന്നത് സ്വാഭാവികമാണ്. വിപണിയിലെ ചെറിയ ഇടിവുകള്‍ കണ്ട് ടകജ പെട്ടെന്ന് നിര്‍ത്തുന്നത് ദീര്‍ഘകാല ലക്ഷ്യത്തെ ബാധിച്ചേക്കാം. അതേസമയം, വിപണി ഇടിയുമ്പോള്‍ കൂടുതല്‍ യൂണിറ്റുകള്‍ ലഭിക്കുമെന്നത് ഉറപ്പായ നേട്ടമല്ല; നിക്ഷേപത്തിന്റെ മൂല്യം കുറയാനും സാധ്യതയുണ്ട്. അതിനാല്‍ സ്വന്തം സാമ്പത്തിക ലക്ഷ്യങ്ങളും നഷ്ടം സഹിക്കാനുള്ള ശേഷിയും കണക്കിലെടുത്ത് നിക്ഷേപം തുടരുന്നതാണ് പ്രധാനം.

English Summary

Starting an SIP early can help parents build a fund for their children's higher education. Small monthly investments can grow over time, and contributions can be increased as income rises. However, mutual fund returns are market-linked and not guaranteed.

ഡല്‍ഹി മുനിസിപ്പല്‍ കോര്‍പറേഷന് (എംസിഡി) കീഴില്‍ പൊതുജനാരോഗ്യ വിഭാഗത്തില്‍ ജോലി ചെയ്യുന്ന ഏകദേശം 4,000 ജീവനക്കാര്‍ക്ക് ശമ്പളവര്‍ധനയും ക്ഷാമബത്തയും (ഡിഎ) ലഭിക്കും. തുല്യജോലിക്ക് തുല്യവേതനം എന്ന തത്വത്തിന്റെ അടിസ്ഥാനത്തിലാണ് ആനുകൂല്യങ്ങള്‍ അനുവദിക്കുന്നത്. പുതുക്കിയ വേതനക്രമപ്രകാരം ജീവനക്കാര്‍ക്ക് കുറഞ്ഞത് 18,000 രൂപ അടിസ്ഥാന ശമ്പളവും അതിന് പുറമേ വേരിയബിള്‍ ഡിഎയും ലഭിക്കും.

4,000 ജീവനക്കാര്‍ക്ക് ശമ്പളവും ഡിഎയും

എംസിഡിയിലെ പൊതുജനാരോഗ്യ പ്രവര്‍ത്തകരുടെ ശമ്പളം ഏഴാം ശമ്പള കമ്മിഷന്റെ പേ മാട്രിക്‌സിലെ ലെവല്‍ ഒന്നിന്റെ ഏറ്റവും കുറഞ്ഞ നിരക്കായ 18,000 രൂപയായി നിശ്ചയിക്കും. ഇതിന് പുറമേ വേരിയബിള്‍ ക്ഷാമബത്തയും ലഭിക്കും. ഇതോടെ ജീവനക്കാരുടെ പ്രതിമാസ വരുമാനത്തില്‍ വര്‍ധനയുണ്ടാകും. ആദ്യകാലത്ത് ഡൊമസ്റ്റിക് ബ്രീഡിങ് ചെക്കര്‍ (ഡിബിസി) ജീവനക്കാരായി നിയമിക്കപ്പെട്ടവരാണ് ഇവര്‍. ഡെങ്കിപ്പനി വ്യാപനം തടയുന്നതിനുള്ള പ്രവര്‍ത്തനങ്ങളുടെ ഭാഗമായാണ് നിയമനം നടത്തിയത്. പിന്നീട് ഇവരെ മള്‍ട്ടി ടാസ്‌കിങ് സ്റ്റാഫ് (പബ്ലിക് ഹെല്‍ത്ത്) വിഭാഗത്തിലേക്ക് മാറ്റി.

ജീവനക്കാര്‍ക്ക് അംഗീകാരം

ജീവനക്കാരുടെ ശമ്പളവര്‍ധനയും ഡിഎയും സംബന്ധിച്ച നിര്‍ദേശം മുന്‍ ബജറ്റില്‍ തന്നെ പ്രഖ്യാപിച്ചിരുന്നതാണെന്ന് മേയര്‍ പറഞ്ഞു. തുടര്‍ന്ന് അനുമതിക്കായി മുഖ്യമന്ത്രിയുടെ മുന്നില്‍ സമര്‍പ്പിക്കുകയായിരുന്നു. വര്‍ഷങ്ങളായി പൊതുജനാരോഗ്യ മേഖലയില്‍ പ്രവര്‍ത്തിക്കുന്ന ജീവനക്കാരുടെ സംഭാവന അംഗീകരിക്കുന്നതാണ് ഈ തീരുമാനമെന്ന് മുഖ്യമന്ത്രി രേഖ ഗുപ്ത വ്യക്തമാക്കി. ഡല്‍ഹിയിലെ ജനങ്ങള്‍ക്കായി സേവനം ചെയ്യുന്ന ആയിരക്കണക്കിന് ജീവനക്കാരുടെ ക്ഷേമം ഉറപ്പാക്കേണ്ടത് സര്‍ക്കാരിന്റെ ഉത്തരവാദിത്തമാണെന്നും അവര്‍ പറഞ്ഞു.

Also Read: Diwali Bonus 2026: കോര്‍പ്പറേഷന്‍ ജീവനക്കാര്‍ക്ക് ലോട്ടറി; ബോണസ് പ്രഖ്യാപിച്ചു, കയ്യില്‍ കിട്ടുന്നത് ഇത്രയും

2,500 ശുചീകരണ തൊഴിലാളികളെ നിയമിക്കും

ജീവനക്കാരുടെ പ്രശ്‌നങ്ങള്‍ പരിഹരിക്കുന്നതിനൊപ്പം നഗരത്തിലെ ശുചിത്വം മെച്ചപ്പെടുത്തുന്നതിനുള്ള നടപടികളും എംസിഡി ശക്തമാക്കുകയാണ്. ദീപാവലിക്ക് മുന്നോടിയായി 2,500 ശുചീകരണ തൊഴിലാളികളെ നിയമിക്കുമെന്ന് മേയര്‍ പ്രഖ്യാപിച്ചു. ഉത്സവകാലത്ത് ഡല്‍ഹിയിലെ പ്രധാന വിപണികളിലും പൊതുസ്ഥലങ്ങളിലും തിരക്ക് വര്‍ധിക്കുന്ന സാഹചര്യത്തില്‍ മാലിന്യനീക്കം കൂടുതല്‍ കാര്യക്ഷമമാക്കുകയാണ് ലക്ഷ്യം.

English Summary

Around 4,000 Delhi Municipal Corporation public health workers will receive a minimum monthly salary of 18,000 along with variable dearness allowance under a revised pay structure. The 52 crore initiative aims to recognise their long-standing service and ensure equal pay for equal work.

സ്വര്‍ണം നേരത്തെ ബുക്ക് ചെയ്തവര്‍ക്ക് ആശ്വാസം, വിലയില്‍ വീണ്ടും വര്‍ധനവ്. ഒരാഴ്ച നീണ്ടുനിന്ന വില വര്‍ധനവിന് ശേഷമാണ് ഇപ്പോള്‍ വീണ്ടും വില ഉയരുന്നത്. കഴിഞ്ഞ ദിവസം നേരിയ വര്‍ധനവായിരുന്നു വിലയില്‍ ഉണ്ടായിരുന്നതെങ്കിലും ഇന്ന് 400 രൂപയാണ് ഉയര്‍ന്നത്. ഇതോടെ കേരളത്തില്‍ ഒരു പവന്‍ സ്വര്‍ണത്തിന് 1,05,080 രൂപയായി നിരക്ക്. ഒരു ഗ്രാം സ്വര്‍ണത്തിന് 50 രൂപ കൂടി 13,135 രൂപയുമായി വില. കഴിഞ്ഞ ദിവസം ഒരു ഗ്രാമിന് 13,085 രൂപയും പവന് 1,04,680 രൂപയും നിരക്കുണ്ടായിരുന്നു.

ആഗോള വിപണിയില്‍ സ്വര്‍ണവിലയെ ഒരേസമയം സ്വാധീനിക്കുന്നത് ഉയരുന്ന എണ്ണവിലയും കുറയുന്ന ബോണ്ട് വരുമാനവുമാണെന്ന് വിലയിരുത്തല്‍. വിലക്കയറ്റ ആശങ്കകള്‍ ശക്തമാകുന്നതിനിടെ അമേരിക്കന്‍ ഫെഡറല്‍ റിസര്‍വ് പലിശനിരക്ക് ഉയര്‍ത്തിയേക്കുമെന്ന പ്രതീക്ഷ സ്വര്‍ണവിലയ്ക്ക് സമ്മര്‍ദം സൃഷ്ടിക്കുന്നു. അതേസമയം, ട്രഷറി ബോണ്ടുകളുടെ വരുമാനം കുറയുന്നത് സ്വര്‍ണത്തിന് പിന്തുണ നല്‍കുന്ന ഘടകമാണ്.

എണ്ണവില ഉയരുന്നത് സ്വര്‍ണത്തിന് വെല്ലുവിളി

അന്താരാഷ്ട്ര വിപണിയില്‍ ബ്രെന്റ് ക്രൂഡ് ഓയില്‍ വില ബാരലിന് 110 ഡോളറിന് മുകളിലെത്തിയതാണ് പ്രധാന ആശങ്കകളിലൊന്ന്. സൗദി അറേബ്യയില്‍ ഹൂതി ആക്രമണങ്ങള്‍ വീണ്ടും ഉണ്ടായതും ഇറാന്റെ എണ്ണവിതരണവുമായി ബന്ധപ്പെട്ട തടസങ്ങളും വിപണിയിലെ അനിശ്ചിതത്വം വര്‍ധിപ്പിച്ചു. അടുത്ത ഒരു വര്‍ഷത്തിനുള്ളില്‍ വിതരണം ചെയ്യാനുള്ള എണ്ണയുടെ വിലയും ബാരലിന് ഏകദേശം 89 ഡോളറിലാണ് വ്യാപാരം നടത്തുന്നതെന്നാണ് റിപ്പോര്‍ട്ടുകള്‍.

എണ്ണവില ഉയരുന്നത് ആഗോളതലത്തില്‍ പണപ്പെരുപ്പ സമ്മര്‍ദം വര്‍ധിപ്പിക്കാം. വിലക്കയറ്റം നിയന്ത്രിക്കാന്‍ അമേരിക്കന്‍ ഫെഡറല്‍ റിസര്‍വ് പലിശനിരക്ക് ഉയര്‍ത്തിയേക്കുമെന്ന പ്രതീക്ഷയും ഇതോടെ ശക്തമാകുന്നു. പലിശ നല്‍കാത്ത നിക്ഷേപമായ സ്വര്‍ണത്തിന് ഉയര്‍ന്ന പലിശനിരക്കുകള്‍ സാധാരണയായി പ്രതികൂലമാണ്. അതിനാല്‍, ഭൗമരാഷ്ട്രീയ സംഘര്‍ഷങ്ങള്‍ സ്വര്‍ണത്തിന് സുരക്ഷിത നിക്ഷേപമെന്ന നിലയില്‍ പിന്തുണ നല്‍കുന്നുണ്ടെങ്കിലും എണ്ണവിലയിലെ വര്‍ധന ആ നേട്ടം പരിമിതപ്പെടുത്തുകയാണ്.

Also Read: Kerala Gold Rate: പ്രതീക്ഷ തകർന്നോ? സ്വർണവില വീണ്ടും കൂടി! ഇന്നത്തെ നിരക്ക്

ബോണ്ട് വരുമാനം കുറയുന്നു

അമേരിക്കന്‍ പത്തുവര്‍ഷ ട്രഷറി ബോണ്ടുകളുടെ വരുമാനം ഒക്ടോബര്‍ ആദ്യം രേഖപ്പെടുത്തിയ ഏകദേശം 5.35 ശതമാനത്തില്‍നിന്ന് 5 ശതമാനത്തിലേക്ക് കുറഞ്ഞു. എഐ കമ്പനികളുടെ ഉയര്‍ന്ന മൂല്യനിര്‍ണയം, വലിയ നിക്ഷേപച്ചെലവുകള്‍, നിക്ഷേപത്തില്‍നിന്നുള്ള വരുമാനം എന്നിവയെക്കുറിച്ചുള്ള ആശങ്കകള്‍ക്കിടെ ചില നിക്ഷേപകര്‍ സര്‍ക്കാര്‍ ബോണ്ടുകളിലേക്ക് മാറിയതാണ് ഇതിന് പിന്നിലെ ഘടകങ്ങളിലൊന്ന്.

പണപ്പെരുപ്പത്തെ പരിഗണിച്ചുള്ള യഥാര്‍ഥ ബോണ്ട് വരുമാനവും 2.9 ശതമാനത്തിന് മുകളില്‍നിന്ന് ഏകദേശം 2.6 ശതമാനത്തിലേക്ക് താഴ്ന്നു. ബോണ്ട് വരുമാനം കുറയുമ്പോള്‍ സ്വര്‍ണം കൈവശം വയ്ക്കുന്നതിന്റെ അവസരച്ചെലവ് കുറയുന്നതിനാല്‍ സ്വര്‍ണത്തിന് അനുകൂല സാഹചര്യമുണ്ടാകും. എന്നാല്‍ ഉയര്‍ന്ന വരുമാനം നല്‍കുന്ന സര്‍ക്കാര്‍ ബോണ്ടുകളും ശക്തമായ ഡോളറും സുരക്ഷിത നിക്ഷേപമെന്ന നിലയില്‍ സ്വര്‍ണവുമായി മത്സരിക്കുന്നുണ്ട്.

English Summary

Kerala gold rate today, October 27, 2026, helps buyers check the latest price of one pavan of gold before purchasing jewellery. The final jewellery cost may be higher due to making charges, GST and other applicable charges.

കേന്ദ്ര സർക്കാർ ജീവനക്കാരും പെൻഷൻകാരും ആകാംക്ഷയോടെ കാത്തിരിക്കുന്ന എട്ടാം ശമ്പള കമ്മീഷൻ റിപ്പോർട്ട് സമർപ്പിക്കാനുള്ള സമയപരിധി അടുത്തുവരികയാണ്. നിലവിൽ കമ്മീഷൻ ജീവനക്കാരുടെയും പെൻഷൻ സംഘടനകളുടെയും മറ്റ് പങ്കാളികളുടെയും അഭിപ്രായങ്ങളും നിർദേശങ്ങളും സ്വീകരിക്കുന്ന ഘട്ടത്തിലാണ്. 2027 മെയ് മാസത്തോടെ അന്തിമ ശുപാർശകൾ സമർപ്പിക്കുമെന്നാണ് പ്രതീക്ഷിക്കുന്നത്.

ക്ഷാമബത്തയിൽ തീരുമാനമെന്ത്?

വിലക്കയറ്റം മൂലം ജീവനക്കാർക്കുണ്ടാകുന്ന സാമ്പത്തിക ബുദ്ധിമുട്ടുകൾ പരിഹരിക്കുന്നതിനായി കേന്ദ്ര സർക്കാർ ജീവനക്കാർ, പൊതുമേഖലാ ജീവനക്കാർ, പ്രതിരോധ സേനാംഗങ്ങൾ, ബാങ്ക് ജീവനക്കാർ, പെൻഷൻകാർ എന്നിവർക്ക് ക്ഷാമബത്തയും ക്ഷാമാശ്വാസവും നൽകുന്നുണ്ട്. ഏഴാം ശമ്പള കമ്മീഷൻ നിർദേശിച്ച ഓൾ-ഇന്ത്യ കൺസ്യൂമർ പ്രൈസ് ഇൻഡക്സ് (AICPI) ഫോർമുല അടിസ്ഥാനമാക്കി വർഷത്തിൽ രണ്ട് തവണയാണ് ഡിഎ പ്രഖ്യാപിക്കുന്നത്. സാധാരണയായി മാർച്ച്, ഒക്ടോബർ മാസങ്ങളിലാണ് പ്രഖ്യാപനം നടത്തുന്നത്. ശേഷം ജനുവരി, ജൂലൈ മാസങ്ങൾ മുതൽ മുൻകാല പ്രാബല്യത്തോടെ നടപ്പിലാക്കും.

ALSO READ: ലീവ് എൻകാഷ്‌മെന്റ് പരിധി 450 ദിവസം? 8-ാം ശമ്പള കമ്മീഷനിൽ ‘അവധി’ നേട്ടവും!

8-ാം കേന്ദ്ര ശമ്പള കമ്മീഷനിലും ഡിഎ-ൽ എന്തെങ്കിലും മാറ്റമുണ്ടാകുമോ എന്നാണ് ജീവനക്കാർ ഉറ്റുനോക്കുന്നത്. കമ്മീഷന്റെ  അന്തിമ ശുപാർശകളിൽ എന്തൊക്കെ പ്രതീക്ഷിക്കാം എന്ന് അതിന്റെ 'ടേംസ് ഓഫ് റഫറൻസ്' (ToR) വ്യക്തമാക്കുന്നുണ്ട്. കഴിഞ്ഞ വർഷം കേന്ദ്ര മന്ത്രിസഭ അംഗീകരിച്ച ടേംസ് ഓഫ് റഫറൻസ്, കമ്മീഷന്റെ പ്രവർത്തന പരിധിയും ഏതൊക്കെ വിഷയങ്ങളിലാണ് ശുപാർശകൾ നൽകേണ്ടതെന്നും വ്യക്തമായി പറയുന്നുണ്ട്. ശമ്പള ഘടന, പേ മാട്രിക്സ് എന്നിവയുൾപ്പെടുന്ന വേതനം, ഡി.എ, ഡിആർ, എച്ച്.ആർ.എ എന്നിവയുൾപ്പെടുന്ന ബത്തകൾ, ഇൻക്രിമെന്റ്, പ്രൊമോഷൻ തുടങ്ങിയ പണമായോ അല്ലാതെയോ ലഭിക്കുന്ന മറ്റ് ആനുകൂല്യങ്ങൾ/സൗകര്യങ്ങൾ എന്നിവയിൽ യുക്തിസഹമായ മാറ്റങ്ങൾ പരിശോധിക്കാനും നിർദ്ദേശിക്കാനും ഇതിൽ പറയുന്നുണ്ട്.

ഡിഎ ലയനം ആവശ്യപ്പെടുന്നത് എന്തുകൊണ്ട്?

ഡിഎ അടിസ്ഥാന ശമ്പളത്തിൽ ലയിപ്പിക്കുന്നതുമായി ബന്ധപ്പെട്ട് കേന്ദ്ര സർക്കാർ ഔദ്യോഗിക പ്രഖ്യാപനം നടത്തണമെന്ന് വിവിധ ജീവനക്കാരുടെ സംഘടനകളും പ്രതിനിധി ഗ്രൂപ്പുകളും ആവശ്യപ്പെടുന്നുണ്ട്. 7-ാം ശമ്പള കമ്മീഷൻ നിർദേശപ്രകാരം, ക്ഷാമബത്ത 50 ശതമാനത്തിൽ കൂടുതലായാൽ അത് അടിസ്ഥാന ശമ്പളത്തിൽ ലയിപ്പിക്കാവുന്നതാണ്. നിലവിൽ ഡിഎ അടിസ്ഥാന ശമ്പളത്തിന്റെ 60 ശതമാനത്തിൽ എത്തിനിൽക്കുകയാണ്.

എന്നാൽ, 2026 ഒക്ടോബർ വരെ ഡിഎ ലയനം സംബന്ധിച്ച് സർക്കാർ ഔദ്യോഗിക പ്രഖ്യാപനങ്ങളൊന്നും നടത്തിയിട്ടില്ല. അടിസ്ഥാന ശമ്പളത്തെ അടിസ്ഥാനമാക്കിയാണ് പ്രൊവിഡന്റ് ഫണ്ട് സംഭാവന, പെൻഷൻ, മറ്റ് ബത്തകൾ, ഗ്രാറ്റുവിറ്റി തുടങ്ങിയ ആനുകൂല്യങ്ങൾ നിശ്ചയിക്കുന്നത് എന്നതിനാലാണ് ഈ വിഷയം വീണ്ടും സജീവമായത്. അതിനാൽ, ഡിഎ ലയിപ്പിച്ച് അടിസ്ഥാന ശമ്പളം ഉയരുന്നത് മൊത്തത്തിലുള്ള വേതനത്തിലും അനുബന്ധ ആനുകൂല്യങ്ങളിലും വർദ്ധനവുണ്ടാക്കും.

English Summary:

8th Central Pay Commission is currently consulting central government employees, pensioners, trade unions and other stakeholders before preparing its recommendations on salary revisions, pensions, allowances and other benefits. According to its Terms of Reference, the commission is expected to submit its report by May 2027.

ദീപാവലി ആഘോഷങ്ങള്‍ക്ക് മുന്നോടിയായി ജീവനക്കാര്‍ക്ക് ഉത്സവബോണസ് പ്രഖ്യാപിച്ച് പന്‍വേല്‍ മുനിസിപ്പല്‍ കോര്‍പ്പറേഷന്‍. സ്ഥിരം ജീവനക്കാര്‍ക്കും ഉദ്യോഗസ്ഥര്‍ക്കും 35,000 രൂപ വീതം എക്‌സ് ഗ്രേഷ്യ നല്‍കാനാണ് തീരുമാനം. പ്രാഥമിക സ്‌കൂള്‍ അധ്യാപകര്‍ ഉള്‍പ്പെടെ വിവിധ വിഭാഗങ്ങളിലുള്ള 1,358 പേര്‍ക്കാണ് ഇതിന്റെ പ്രയോജനം ലഭിക്കുക. ഉത്സവകാലത്ത് ജീവനക്കാര്‍ക്ക് അധിക സാമ്പത്തിക സഹായം ഉറപ്പാക്കുകയാണ് പദ്ധതിയുടെ ലക്ഷ്യം.

മേയര്‍ നിതിന്‍ പാട്ടീലിന്റെ അധ്യക്ഷതയില്‍ ചേര്‍ന്ന ജനറല്‍ ബോഡി യോഗത്തിലാണ് ബോണസ് സംബന്ധിച്ച തീരുമാനം കൈക്കൊണ്ടത്. നഗരസഭയിലെ ഹൗസ് ലീഡര്‍ അഡ്വ. പ്രകാശ് ബിനേദര്‍ ആണ് ഇക്കാര്യം പ്രഖ്യാപിച്ചത്. യോഗത്തില്‍ നിര്‍ദേശത്തിന് ഏകകണ്ഠമായ അംഗീകാരം ലഭിച്ചു. നഗരത്തിലെ വിവിധ പൊതുസേവനങ്ങളിലും ഭരണപരമായ പ്രവര്‍ത്തനങ്ങളിലും ഏര്‍പ്പെട്ടിരിക്കുന്ന ജീവനക്കാര്‍ക്ക് ദീപാവലി ആഘോഷങ്ങള്‍ കൂടുതല്‍ ആശ്വാസകരമാക്കാന്‍ ഈ സാമ്പത്തിക സഹായം ഉപകരിക്കുമെന്നാണ് പ്രതീക്ഷ.

സ്ഥിരം ജീവനക്കാര്‍ക്ക് 35,000 രൂപ

നഗരസഭയിലെ സ്ഥിരം ജീവനക്കാര്‍ക്കും ഉദ്യോഗസ്ഥര്‍ക്കും 35,000 രൂപ വീതമാണ് എക്‌സ് ഗ്രേഷ്യയായി ലഭിക്കുക. ജീവനക്കാരുടെ വിഭാഗമനുസരിച്ച് വ്യത്യസ്ത തുകകളാണ് അനുവദിച്ചിരിക്കുന്നത്. പ്രാഥമിക സ്‌കൂളുകളിലെ അധ്യാപകര്‍ക്ക് 15,000 രൂപ വീതം നല്‍കും. നഗരസഭയ്ക്ക് കീഴിലുള്ള പ്രത്യേക സര്‍ക്കാര്‍ പദ്ധതികളില്‍ പ്രവര്‍ത്തിക്കുന്നവര്‍ക്ക് 10,000 രൂപ വീതവും ലഭിക്കും.

ദേശീയ നഗര ഉപജീവന ദൗത്യം (NULM), പ്രധാനമന്ത്രി ആവാസ് യോജന (PMAY), ദേശീയ നഗര ആരോഗ്യ ദൗത്യം (NUHM) തുടങ്ങിയ പദ്ധതികളുമായി ബന്ധപ്പെട്ട ജീവനക്കാരാണ് 10,000 രൂപയുടെ ആനുകൂല്യം ലഭിക്കുന്ന വിഭാഗത്തില്‍ ഉള്‍പ്പെടുന്നത്. പ്രതിഫലാടിസ്ഥാനത്തില്‍ ജോലി ചെയ്യുന്ന ഉദ്യോഗസ്ഥര്‍, ആശാ പ്രവര്‍ത്തകര്‍, ഗ്രൂപ്പ് പ്രൊമോട്ടര്‍മാര്‍ എന്നിവര്‍ക്കും ഈ തുക ലഭിക്കും.

Also Read: 8th Pay Commission: ലീവ് എൻകാഷ്‌മെന്റ് പരിധി 450 ദിവസം? 8-ാം ശമ്പള കമ്മീഷനിൽ ‘അവധി’ നേട്ടവും!

ആകെ 1,358 പേര്‍ക്ക് ആനുകൂല്യം

നഗരസഭ പുറത്തുവിട്ട ഔദ്യോഗിക കണക്കുകള്‍ പ്രകാരം ആകെ 1,358 പേര്‍ക്കാണ് ബോണസ് ലഭിക്കുക. ഇതില്‍ 817 സ്ഥിരം ജീവനക്കാരും ഉദ്യോഗസ്ഥരും ഉള്‍പ്പെടുന്നു. പ്രാഥമിക സ്‌കൂളുകളിലെ 66 അധ്യാപകര്‍ക്കും ഡെപ്യൂട്ടേഷനില്‍ ജോലി ചെയ്യുന്ന മൂന്ന് ഉദ്യോഗസ്ഥര്‍ക്കും ആനുകൂല്യം ലഭിക്കും.

ഇതിനുപുറമെ, ദേശീയ നഗര ആരോഗ്യ ദൗത്യവുമായി ബന്ധപ്പെട്ട 219 ഉദ്യോഗസ്ഥര്‍ക്കും ജീവനക്കാര്‍ക്കും ബോണസ് അനുവദിച്ചിട്ടുണ്ട്. 235 ആശാ പ്രവര്‍ത്തകര്‍ക്കും ഗ്രൂപ്പ് പ്രൊമോട്ടര്‍മാര്‍ക്കും ഇതിന്റെ പ്രയോജനം ലഭിക്കും. നഗരസഭയുടെ വിവിധ വകുപ്പുകളിലും പദ്ധതികളിലും ജോലി ചെയ്യുന്നവരെ ഉള്‍പ്പെടുത്തിയുള്ളതാണ് ഈ വിതരണം.

ദീപാവലിക്ക് മുമ്പ് തുക വിതരണം ചെയ്യും

ബോണസ് വിതരണം സമയബന്ധിതമായി പൂര്‍ത്തിയാക്കുന്നതിനുള്ള ഭരണപരമായ നടപടികള്‍ പുരോഗമിക്കുകയാണെന്ന് പന്‍വേല്‍ മുനിസിപ്പല്‍ കോര്‍പ്പറേഷന്‍ അറിയിച്ചു. ദീപാവലി ആഘോഷങ്ങള്‍ക്ക് മുമ്പായി അര്‍ഹരായ ജീവനക്കാര്‍ക്ക് തുക ലഭ്യമാക്കുകയാണ് ലക്ഷ്യം.

English Summary

A municipal corporation has announced Diwali ex-gratia payments for 1,358 employees. Permanent staff will receive 35,000 each, primary school teachers 15,000, and eligible workers under specific schemes 10,000. The administration is taking steps to process payments before Diwali, but an exact payment date has not been specified.

അപ്രതീക്ഷിതമായി ജോലി നഷ്ടപ്പെടുക, ചികിത്സാ ചെലവുകള്‍ വരിക, വീട് അല്ലെങ്കില്‍ വാഹനം അറ്റകുറ്റപ്പണി നടത്തേണ്ടിവരിക തുടങ്ങിയ സാഹചര്യങ്ങളില്‍ സാമ്പത്തികമായി താങ്ങാകുന്നത് എമര്‍ജന്‍സി ഫണ്ടാണ്. സാധാരണയായി മൂന്ന് മുതല്‍ ആറുമാസം വരെയുള്ള അത്യാവശ്യ ചെലവുകള്‍ക്ക് തുല്യമായ തുക ഈ ഫണ്ടില്‍ കരുതണമെന്നാണ് സാമ്പത്തിക ആസൂത്രണത്തിലെ പൊതുവായ നിര്‍ദേശം. സ്ഥിരമല്ലാത്ത വരുമാനമുള്ളവര്‍ക്കും സ്വയം തൊഴില്‍ ചെയ്യുന്നവര്‍ക്കും ആറ് മുതല്‍ 12 മാസം വരെയുള്ള ചെലവുകള്‍ക്കുള്ള തുക കരുതുന്നത് കൂടുതല്‍ അനുയോജ്യമായേക്കാം.

എന്നാല്‍ പണം സമ്പാദിച്ചുവെക്കുന്നത് മാത്രമല്ല പ്രധാനം. ആവശ്യം വരുമ്പോള്‍ വേഗത്തില്‍ പിന്‍വലിക്കാന്‍ കഴിയണം, നിക്ഷേപത്തിന്റെ മൂല്യത്തില്‍ വലിയ ഇടിവുണ്ടാകരുത്, അനാവശ്യ റിസ്‌ക് ഒഴിവാക്കണം. അതിനാല്‍ ഉയര്‍ന്ന വരുമാനം ലക്ഷ്യമിടുന്നതിനെക്കാള്‍ പണത്തിന്റെ സുരക്ഷയ്ക്കും ലഭ്യതയ്ക്കുമാണ് മുന്‍ഗണന നല്‍കേണ്ടത്.

എമര്‍ജന്‍സി ഫണ്ട് സൂക്ഷിക്കാന്‍ അഞ്ച് മാര്‍ഗങ്ങള്‍

സേവിങ്‌സ് അക്കൗണ്ട്- അടിയന്തര ആവശ്യങ്ങള്‍ക്ക് ഉടന്‍ ഉപയോഗിക്കേണ്ട പണം സേവിങ്‌സ് അക്കൗണ്ടില്‍ സൂക്ഷിക്കാം. എടിഎം, യുപിഐ, നെറ്റ് ബാങ്കിങ് തുടങ്ങിയ മാര്‍ഗങ്ങളിലൂടെ പണം ലഭ്യമാക്കാന്‍ കഴിയുന്നതാണ് ഇതിന്റെ പ്രധാന നേട്ടം. നിക്ഷേപിച്ച തുകയ്ക്ക് വിപണിയിലെ ചാഞ്ചാട്ടം നേരിടേണ്ടതില്ലെങ്കിലും പലിശനിരക്ക് പൊതുവെ കുറവായിരിക്കും.

ലിക്വിഡ് ഫണ്ടുകള്‍- വളരെ കുറഞ്ഞ കാലയളവിലുള്ള കടപ്പത്രങ്ങളിലും മണി മാര്‍ക്കറ്റ് ഉപകരണങ്ങളിലുമാണ് ലിക്വിഡ് മ്യൂച്വല്‍ ഫണ്ടുകള്‍ പ്രധാനമായും നിക്ഷേപിക്കുന്നത്. സേവിങ്‌സ് അക്കൗണ്ടിനെക്കാള്‍ മെച്ചപ്പെട്ട വരുമാനം ലഭിക്കാനുള്ള സാധ്യതയുണ്ടെങ്കിലും ഇത് ഉറപ്പുള്ളതല്ല. വിപണി സാഹചര്യങ്ങള്‍ക്കനുസരിച്ച് വരുമാനം മാറും.

Also Read: 10 ലക്ഷം രൂപ സമ്പാദിക്കണോ? SIP, സേവിങ്സ്, ഡെറ്റ് ഫണ്ടുകൾ എങ്ങനെ സഹായിക്കും?

ആര്‍ബിട്രേജ് ഫണ്ടുകള്‍- ഓഹരികളുടെ പണവിപണിയിലെയും ഫ്യൂച്ചേഴ്‌സ് വിപണിയിലെയും വിലവ്യത്യാസങ്ങള്‍ പ്രയോജനപ്പെടുത്തുന്ന മ്യൂച്വല്‍ ഫണ്ടുകളാണ് ആര്‍ബിട്രേജ് ഫണ്ടുകള്‍. ഓഹരി വിപണിയുമായി ബന്ധപ്പെട്ട നിക്ഷേപങ്ങളാണെങ്കിലും സാധാരണ ഓഹരി ഫണ്ടുകളെ അപേക്ഷിച്ച് ഇവയുടെ ചാഞ്ചാട്ടം കുറവായിരിക്കാം.

വലിയ ബാങ്കുകളിലെ സ്ഥിരനിക്ഷേപം- ഉടന്‍ ആവശ്യമില്ലാത്ത എമര്‍ജന്‍സി ഫണ്ടിന്റെ ഒരു ഭാഗം സ്ഥിരനിക്ഷേപത്തില്‍ സൂക്ഷിക്കാം. ബാങ്കിനെയും കാലാവധിയെയും ആശ്രയിച്ച് ഏകദേശം ആറ് മുതല്‍ 7.5 ശതമാനം വരെ പലിശ ലഭിച്ചേക്കാം. കാലാവധിക്ക് മുമ്പ് നിക്ഷേപം പിന്‍വലിക്കാന്‍ സാധിക്കുമെങ്കിലും പലിശയില്‍ കുറവോ പിഴയോ ബാധകമായേക്കാം.

ചെറുകിട ധനകാര്യ ബാങ്കുകളിലെ സ്ഥിരനിക്ഷേപം- ചില ചെറുകിട ധനകാര്യ ബാങ്കുകള്‍ വലിയ ബാങ്കുകളേക്കാള്‍ ഉയര്‍ന്ന പലിശനിരക്ക് വാഗ്ദാനം ചെയ്യാറുണ്ട്. ബാങ്കിനെയും നിക്ഷേപ കാലാവധിയെയും ആശ്രയിച്ച് ഏകദേശം എട്ട് മുതല്‍ 8.5 ശതമാനം വരെ പലിശ ലഭിച്ചേക്കാം. എന്നാല്‍ പലിശനിരക്കുകള്‍ മാറുന്നതിനാല്‍ നിക്ഷേപിക്കുന്നതിന് മുമ്പ് നിലവിലെ നിരക്ക് പരിശോധിക്കണം.

English Summary

An emergency fund helps cover unexpected expenses such as medical bills, job loss and urgent repairs. Learn five options for keeping emergency savings safe and accessible, including savings accounts, liquid funds and fixed deposits, along with four investment choices to avoid.

സാമ്പത്തിക സുരക്ഷ ഉറപ്പാക്കാനും ഭാവിയിലെ ആവശ്യങ്ങള്‍ക്കായി സമ്പാദ്യം വളര്‍ത്താനും ആഗ്രഹിക്കുന്നവര്‍ക്ക് ആദ്യത്തെ 10 ലക്ഷം രൂപയുടെ നിക്ഷേപം ഒരു പ്രധാന നാഴികക്കല്ലാണ്. എന്നാല്‍ എവിടെ നിക്ഷേപിക്കണം, എത്ര തുക മാറ്റിവെക്കണം, എത്രത്തോളം റിസ്‌ക് എടുക്കാം തുടങ്ങിയ കാര്യങ്ങളില്‍ പലര്‍ക്കും ആശയക്കുഴപ്പമുണ്ടാകാം. കൃത്യമായ സാമ്പത്തിക ആസൂത്രണത്തിലൂടെ ഈ ലക്ഷ്യത്തിലേക്ക് മുന്നേറാന്‍ കഴിയും.

സിസ്റ്റമാറ്റിക് ഇന്‍വെസ്റ്റ്‌മെന്റ് പ്ലാന്‍ (എസ്‌ഐപി), സേവിങ്‌സ് അക്കൗണ്ട്, ഡെറ്റ് നിക്ഷേപങ്ങള്‍ എന്നിവയ്ക്ക് വ്യത്യസ്തമായ ലക്ഷ്യങ്ങളാണുള്ളത്. ഓരോന്നിന്റെയും ഗുണങ്ങളും പരിമിതികളും മനസിലാക്കി വരുമാനത്തിനും സാമ്പത്തിക ലക്ഷ്യങ്ങള്‍ക്കും അനുയോജ്യമായ നിക്ഷേപ രീതി തിരഞ്ഞെടുക്കുകയാണ് പ്രധാനം.

എസ്‌ഐപിയും സേവിങ്‌സ് അക്കൗണ്ടും തമ്മിലുള്ള വ്യത്യാസം

മ്യൂച്വല്‍ ഫണ്ടുകളില്‍ നിശ്ചിത ഇടവേളകളില്‍ സ്ഥിരമായ തുക നിക്ഷേപിക്കുന്ന രീതിയാണ് എസ്‌ഐപി. തിരഞ്ഞെടുക്കുന്ന ഫണ്ടിന് അനുസരിച്ച് പണം ഓഹരികളിലോ കടപ്പത്രങ്ങളിലോ വിവിധ ആസ്തികളിലോ നിക്ഷേപിക്കാം. ഓഹരി അധിഷ്ഠിത മ്യൂച്വല്‍ ഫണ്ടുകളിലെ എസ്‌ഐപി ദീര്‍ഘകാല വളര്‍ച്ചയ്ക്ക് അവസരം നല്‍കുന്നുണ്ടെങ്കിലും വിപണിയിലെ മാറ്റങ്ങള്‍ക്കനുസരിച്ച് നിക്ഷേപത്തിന്റെ മൂല്യം ഉയരുകയും താഴുകയും ചെയ്യും. ലാഭം ഉറപ്പില്ലാത്തതിനാല്‍ കുറഞ്ഞ കാലയളവില്‍ നിക്ഷേപിക്കുന്നവര്‍ക്ക് നഷ്ടമുണ്ടാകാനും സാധ്യതയുണ്ട്.

അതേസമയം, സേവിങ്‌സ് അക്കൗണ്ടില്‍ സൂക്ഷിക്കുന്ന പണം ആവശ്യാനുസരണം പിന്‍വലിക്കാന്‍ എളുപ്പമാണ്. അടിയന്തര ആവശ്യങ്ങള്‍ക്കും സമീപഭാവിയില്‍ ചെലവഴിക്കേണ്ട പണത്തിനും ഇത് അനുയോജ്യമാണ്. എന്നാല്‍ ദീര്‍ഘകാലാടിസ്ഥാനത്തില്‍ ലഭിക്കുന്ന പലിശ പണപ്പെരുപ്പത്തെ മറികടക്കണമെന്നില്ല.

വരുമാനവും ചെലവും റിസ്‌കും വിലയിരുത്തുക

നിക്ഷേപം ആരംഭിക്കുന്നതിന് മുമ്പ് പ്രതിമാസ വരുമാനവും ചെലവുകളും കൃത്യമായി കണക്കാക്കണം. വാടക, വീട്ടുചെലവുകള്‍, ഇന്‍ഷുറന്‍സ് പ്രീമിയം, വായ്പ തിരിച്ചടവ് തുടങ്ങിയവയ്ക്കുള്ള തുക മാറ്റിവച്ച ശേഷമുള്ള പണത്തില്‍നിന്ന് എത്ര നിക്ഷേപിക്കാമെന്ന് തീരുമാനിക്കാം. അപ്രതീക്ഷിത ചെലവുകള്‍ നേരിടാന്‍ അടിയന്തര ഫണ്ട് ഒരുക്കുന്നതും പ്രധാനമാണ്. പെട്ടെന്നുള്ള സാമ്പത്തിക ആവശ്യങ്ങള്‍ വന്നാല്‍ വിപണിയില്‍ ഇടിവുള്ള സമയത്ത് നിക്ഷേപം പിന്‍വലിക്കേണ്ട സാഹചര്യം ഇതിലൂടെ ഒഴിവാക്കാം.

Also Read: Post Office TD: 5 വർഷം, പലിശ മാത്രമായി ആറ് ലക്ഷം വരെ സമ്പാദിക്കാം; വിവരങ്ങളിതാ…

നിക്ഷേപ രീതി

25 വയസുള്ള ഒരാള്‍ക്ക് 75 ശതമാനം ഓഹരികളിലും 25 ശതമാനം ഡെറ്റ് നിക്ഷേപങ്ങളിലും മാറ്റിവെക്കാം. 30 വയസുള്ള ഒരാള്‍ക്ക് 70 ശതമാനം ഓഹരികളിലും 30 ശതമാനം ഡെറ്റ് നിക്ഷേപങ്ങളിലും നിക്ഷേപിക്കാം. 40 വയസുള്ള ഒരാള്‍ക്ക് ഈ അനുപാതം 60 ശതമാനം ഓഹരികളും 40 ശതമാനം ഡെറ്റും എന്നായിരിക്കും.

10 ലക്ഷം രൂപയുടെ നിക്ഷേപം എങ്ങനെ ക്രമീകരിക്കാം?

വരുമാനവും ചെലവുകളും വിലയിരുത്തിയശേഷം ഓരോ മാസവും എത്ര തുക നിക്ഷേപിക്കാമെന്ന് തീരുമാനിക്കാം. ഉദാഹരണത്തിന്, 70 ശതമാനം ഓഹരികളിലും 30 ശതമാനം ഡെറ്റ് നിക്ഷേപങ്ങളിലും പണം മാറ്റിവെക്കുന്ന ഒരാളുടെ ആകെ നിക്ഷേപം 10 ലക്ഷം രൂപയിലെത്തുമ്പോള്‍ ഏകദേശം 7 ലക്ഷം രൂപ ഓഹരികളിലും 3 ലക്ഷം രൂപ ഡെറ്റ് നിക്ഷേപങ്ങളിലും ഉണ്ടായിരിക്കാം.

English Summary

Building your first 10 lakh investment corpus requires consistent saving, careful planning and suitable investment choices. SIPs can support long-term wealth creation, while savings accounts and debt investments may help manage liquidity and portfolio risk. Understanding your financial goals, risk tolerance and investment horizon is essential before investing.

പ്രധാനമന്ത്രി കിസാന്‍ സമ്മാന്‍ നിധി പദ്ധതിയുടെ 24-ാം ഗഡു ഒക്ടോബര്‍ 30ന് വിതരണം ചെയ്യുമെന്ന് അറിയിപ്പ്. അര്‍ഹരായ കര്‍ഷകരുടെ ബാങ്ക് അക്കൗണ്ടുകളിലേക്ക് 2,000 രൂപ വീതമാണ് നേരിട്ട് എത്തുക. ഒക്ടോബര്‍ 23നാണ് കൃഷിമന്ത്രാലയം ഗഡു വിതരണം സംബന്ധിച്ച തീയതി അറിയിച്ചത്. പണം ലഭിക്കാന്‍ കാത്തിരിക്കുന്ന കര്‍ഷകര്‍ ബാങ്ക് അക്കൗണ്ട് വിവരങ്ങളും മറ്റ് രേഖകളും പരിശോധിച്ച് ആവശ്യമായ നടപടികള്‍ നേരത്തേ പൂര്‍ത്തിയാക്കണം.

ഗഡു വിതരണം ചെയ്യുന്ന തീയതി പ്രഖ്യാപിച്ചിട്ടുണ്ടെങ്കിലും രജിസ്റ്റര്‍ ചെയ്ത എല്ലാ കര്‍ഷകര്‍ക്കും പണം ലഭിക്കുമെന്ന് ഉറപ്പില്ല. ഇ-കെവൈസി പൂര്‍ത്തിയാകാത്തത്, ആധാറുമായി ബന്ധപ്പെട്ട വിവരങ്ങളിലെ പിഴവുകള്‍, ഭൂമിയുടെ രേഖകളുടെ പരിശോധന പൂര്‍ത്തിയാകാത്തത് തുടങ്ങിയവ പണം ലഭിക്കുന്നത് വൈകിപ്പിക്കാം.

പിഎം കിസാന്‍ ഗഡു ലഭിക്കുമോ എന്ന് എങ്ങനെ പരിശോധിക്കാം?

പിഎം കിസാന്‍ പദ്ധതിയുടെ ഔദ്യോഗിക വെബ്‌സൈറ്റായ pmkisan.gov.in വഴി ഗുണഭോക്തൃ വിവരങ്ങളും പണം ലഭിക്കുന്നതിന്റെ നിലവിലെ സ്ഥിതിയും പരിശോധിക്കാം. ആദ്യം വെബ്‌സൈറ്റ് തുറന്ന് Know Your Status എന്ന ഓപ്ഷന്‍ തിരഞ്ഞെടുക്കുക. തുടര്‍ന്ന് നിങ്ങളുടെ രജിസ്‌ട്രേഷന്‍ നമ്പര്‍ നല്‍കണം. സ്‌ക്രീനില്‍ കാണിക്കുന്ന ക്യാപ്ച കോഡ് പൂരിപ്പിച്ചശേഷം Get OTP തിരഞ്ഞെടുക്കുക. രജിസ്റ്റര്‍ ചെയ്ത മൊബൈല്‍ നമ്പറില്‍ ലഭിക്കുന്ന ഒടിപി നല്‍കി മുന്നോട്ടുപോകാം.

തുടര്‍ന്ന് സ്‌ക്രീനില്‍ കാണിക്കുന്ന ഗുണഭോക്തൃ വിവരങ്ങള്‍ പരിശോധിക്കുക. ഇ-കെവൈസി പൂര്‍ത്തിയായിട്ടുണ്ടോ, ഭൂമി പരിശോധനയുടെ സ്ഥിതി എന്താണ്, പണം ലഭിക്കുന്നതുമായി ബന്ധപ്പെട്ട് എന്തെങ്കിലും തടസങ്ങളുണ്ടോ തുടങ്ങിയ കാര്യങ്ങള്‍ ഉറപ്പാക്കണം.

Also Read: Kerala Welfare Pension: ക്ഷേമപെൻഷൻ വിതരണം ഇന്ന് മുതൽ; രണ്ടായിരം രൂപ വീടുകളിൽ എത്തിക്കുമോ?

പിഎം കിസാന്‍ ഇ-കെവൈസി എങ്ങനെ പൂര്‍ത്തിയാക്കാം?

കര്‍ഷകര്‍ക്ക് ഇ-കെവൈസി പൂര്‍ത്തിയാക്കാന്‍ പ്രധാനമായും മൂന്ന് മാര്‍ഗങ്ങളുണ്ട്. ആധാറുമായി ബന്ധിപ്പിച്ച മൊബൈല്‍ നമ്പര്‍ ഉപയോഗിച്ചുള്ള ഒടിപി പരിശോധന, വിരലടയാളം വഴിയുള്ള പരിശോധന, മുഖം തിരിച്ചറിയുന്ന സംവിധാനം വഴിയുള്ള പരിശോധന എന്നിവയാണ് അവ.

ഒടിപി വഴി ഇ-കെവൈസി- പിഎം കിസാന്‍ വെബ്‌സൈറ്റ് തുറന്ന് ഇ-കെവൈസി ഓപ്ഷന്‍ തിരഞ്ഞെടുക്കുക. തുടര്‍ന്ന് ആധാര്‍ നമ്പര്‍ നല്‍കണം. ആധാറുമായി ബന്ധിപ്പിച്ച മൊബൈല്‍ നമ്പറിലേക്ക് ലഭിക്കുന്ന ഒടിപി നല്‍കി നിര്‍ദേശങ്ങള്‍ അനുസരിച്ച് നടപടികള്‍ പൂര്‍ത്തിയാക്കാം.

വിരലടയാളം വഴി പരിശോധന- ഓണ്‍ലൈനായി ഇ-കെവൈസി പൂര്‍ത്തിയാക്കാന്‍ കഴിയാത്തവര്‍ക്ക് അടുത്തുള്ള കോമണ്‍ സര്‍വീസ് സെന്ററിന്റെ സഹായം തേടാം. ഇവിടെ വിരലടയാളം ഉപയോഗിച്ചുള്ള തിരിച്ചറിയല്‍ പരിശോധന നടത്താന്‍ സാധിക്കും.

മുഖം തിരിച്ചറിയുന്ന സംവിധാനം- മൊബൈല്‍ ഫോണ്‍ ഉപയോഗിച്ചും ഇ-കെവൈസി പൂര്‍ത്തിയാക്കാം. ഇതിനായി ഗൂഗിള്‍ പ്ലേ സ്റ്റോറില്‍ നിന്ന് പിഎം കിസാന്‍ ആപ്പും ആധാര്‍ ഫേസ് ആര്‍ഡി ആപ്പും ഡൗണ്‍ലോഡ് ചെയ്യണം.

English Summary

The 24th instalment of the PM-KISAN scheme is expected on October 30, 2026, with eligible farmers set to receive 2,000. Farmers should check their beneficiary status and complete e-KYC, Aadhaar linking and other required verifications to avoid payment delays.

സ്വർണാഭരണങ്ങളോട് മലയാളികൾക്ക് എന്നുമൊരു പ്രിയമുണ്ട്. ആഭരണങ്ങൾ എന്നതിലുപരി വലിയൊരു നിക്ഷേപമായിട്ടാണ് സ്വർണത്തെ കരുതുന്നത്. ദീപാവലി, വിവാഹ സീസൺ തുടങ്ങിയവയുമായി ബന്ധപ്പെട്ട് വരുംദിവസങ്ങളിൽ സ്വർണവില മാറിമറിഞ്ഞേക്കാം. അതുകൊണ്ട് തന്നെ ഓരോ ദിവസവും സ്വർണവില വലിയ ആകാംക്ഷയോടെയാണ് സാധാരണക്കാരും ആഭരണപ്രേമികളും ഉറ്റുനോക്കുന്നത്. ഇന്ന് വിലയിൽ ഇടിവോ, കുതിപ്പോ? പരിശോധിക്കാം...

ഇന്നത്തെ സ്വർണവില

സ്വർണവില വീണ്ടും കൂടി. കഴിഞ്ഞ ദിവസം പവന് 1,04,560 രൂപ നിരക്കിലായിരുന്നു വ്യാപാരം. ഗ്രാമിന് 13,070 രൂപയും. എന്നാൽ ഇന്ന് 120 രൂപയാണ് കൂടിയിട്ടുള്ളത്. ഇതോടെ ഒരു പവൻ സ്വർണത്തിന് ഇന്ന് നൽകേണ്ടത് 1,04,680 രൂപയാണ്. ഗ്രാമിന് 13085 രൂപയാണ് വില.  വിപണി വിലയോടൊപ്പം ജിഎസ്ടിയും പണിക്കൂലിയും ഹാൾമാർക്കിങ് ചാർജും ഉപഭോക്താക്കൾ നൽകേണ്ടതുണ്ട്. മൂന്ന് ശതമാനം ജിഎസ്ടിയാണ് സ്വർണത്തിന് ഈടാക്കുന്നത്. ജ്വല്ലറികൾക്കനുസരിച്ച് പണിക്കൂലിയിൽ മാറ്റം വരും. 5 ശതമാനമാണ് ഏറ്റവും കുറഞ്ഞ പണിക്കൂലി.

സ്വർണവിലയിലെ ഇടിവിന് കാരണം 1,04,680

കഴിഞ്ഞ ദിവസങ്ങളിൽ സ്വർണവിലയിൽ വൻ ഇടിവാണ് സംഭവിച്ചത്. രാജ്യാന്തര വിപണിയിലെ മാറ്റങ്ങളാണ് കേരളത്തിലെ സ്വർണവിലയെ സ്വാധീനിക്കുന്നത്. ക്രൂഡോയിൽ വില കുതിച്ചതും ഡോളറും ബോണ്ട് യീൽഡും കുതിച്ചുയരുന്നതും രാജ്യാന്തര സ്വർണവിലയെ ബാധിച്ചു. ക്രൂഡ് ഓയിൽ വില കൂടിയതോടെ പണപ്പെരുപ്പ ഭീഷണിയും ഉയർന്നിട്ടുണ്ട്.

ALSO READ: സ്വർണം വാങ്ങാൻ പദ്ധതിയുണ്ടോ? വില ഇനിയും താഴാൻ സാധ്യത

അടിസ്ഥാന പലിശ നിരക്ക് ഉയർത്തുമോ എന്ന ആശങ്കയാണ് നിലവിലുള്ളത്. ബുധനാഴ്ച പുറത്തുവരുന്ന യുഎസ് ഫെ‍ഡറൽ റിസർവിന്റെ തീരുമാനം സ്വർണവിലയിൽ നിർണായകമാകും. പലിശ നിരക്ക് ഉയർത്താൻ സാധ്യതയില്ലായെന്നാണ് വിവരം. അങ്ങനെ സംഭവിച്ചാൽ സ്വർണവില കുതിക്കും. എന്നാൽ പലിശ നിരക്ക് ഉയർത്തിയാൽ വില കുറഞ്ഞേക്കും.

ഒരു ലക്ഷത്തിന് താഴെയെത്തുമോ?

അന്താരാഷ്ട്ര വിപണിയിലെ വിലമാറ്റങ്ങള്‍, ഡോളറിനെതിരായ രൂപയുടെ മൂല്യം, അമേരിക്കന്‍ ഫെഡറല്‍ റിസര്‍വിന്റെ പലിശനിരക്ക് സംബന്ധിച്ച തീരുമാനങ്ങള്‍, ആഗോള രാഷ്ട്രീയ സംഘര്‍ഷങ്ങള്‍ ഇവയെല്ലാം വിലയെ സ്വാധീനിക്കും. അതുകൊണ്ട് തന്നെ ഉടനെ വില ഒരു ലക്ഷത്തിന് താഴെ എത്തുമോ എന്ന കാര്യം പ്രവചനാതീതമാണ്. ധന്‍തേരസ്, ദീപാവലി തുടങ്ങിയ ആഘോഷങ്ങളോടനുബന്ധിച്ച് സ്വര്‍ണത്തിന് ആവശ്യക്കാര്‍ കൂടാറുണ്ട്. വിവാഹ സീസണും അടുത്തെത്തുന്നതിനാല്‍ ഡിമാന്‍ഡ് വര്‍ധിക്കാനുള്ള സാധ്യതയുണ്ട്.

ഒക്ടോബർ മാസത്തിലെ സ്വർണവില

1. ഒക്ടോബർ 1: 109440
2. ഒക്ടോബർ 2: 110200
3. ഒക്ടോബർ 3: 109400
4. ഒക്ടോബർ 4: 109400
5. ഒക്ടോബർ 5: 109400
6. ഒക്ടോബർ 6: 1,09,280 (രാവിലെ)
7. ഒക്ടോബർ 6: 110160 (വൈകുന്നേരം)
8. ഒക്ടോബർ 7: 109680
9. ഒക്ടോബർ 8: 109680
10. ഒക്ടോബർ 9: 1,10,520
11. ഒക്ടോബർ 10: 1,11,040
12. ഒക്ടോബർ 11: 1,11,040
13. ഒക്ടോബർ 12: 110720 (രാവിലെ)
14. ഒക്ടോബർ 12: 1,09,760 (വൈകുന്നേരം)
15. ഒക്ടോബർ 13: 1,09,480
16. ഒക്ടോബർ 14: 108720
17. ഒക്ടോബർ 15: 1,08,120
18. ഒക്ടോബർ 16: 1,08,120
19. ഒക്ടോബർ 17: 1,08,280
20. ഒക്ടോബർ 18: 1,08,280
21. ഒക്ടോബർ 19: 1,08,560
22. ഒക്ടോബർ 20: 1,07,920
23. ഒക്ടോബർ 20: 1,07,120
24. ഒക്ടോബർ 21: 1,07,120
25. ഒക്ടോബർ 22: 1,05,880
26. ഒക്ടോബർ 23: 1,04,480
27. ഒക്ടോബർ 24: 104560
28. ഒക്ടോബർ 25: 104560
29. ഒക്ടോബർ 26: 1,04,680

English Summary:

Gold Price increased once again, rising by Rs 120. Consequently, the price for one sovereign of gold today stands at Rs 1,04,680, while the price per gram is Rs 13,085. In addition to the market price, customers are also required to pay GST, making charges, and hallmarking charges.

തിരുവനന്തപുരം: സംസ്ഥാനത്ത് ഈ മാസത്തെ ക്ഷേമ പെൻഷൻ വിതരണം ഇന്ന് (ഒക്ടോബർ 26) മുതൽ ആരംഭിക്കും. ക്ഷേമ പെൻഷൻ, ക്ഷേമ നിധി ബോർഡ് പെൻഷൻ എന്നിവ വിതരണം ചെയ്യുന്നതിന് വേണ്ടിയുള്ള 1081 കോടി രൂപ അനുവദിച്ചതായി മുഖ്യമന്ത്രി വിഡി സതീശൻ അറിയിച്ചു. ക്ഷേമപെൻഷന് മാത്രം 961.64 കോടി രൂപയും ക്ഷേമനിധി ബോർഡ് പെൻഷന് 119.47 കോടി രൂപയുമാണ് അനുവദിച്ചിരിക്കുന്നത്.

പെൻഷൻ വിതരണം എന്ന് മുതൽ?

2026 ഒക്ടോബർ 26 മുതൽ ആരംഭിച്ച് നവംബർ 5-നകം പെൻഷൻ വിതരണം പൂർത്തിയാക്കാൻ കർശന നിർദ്ദേശം നൽകിയിട്ടുണ്ട്. സാമൂഹ്യ സുരക്ഷാ പെൻഷൻ വിതരണത്തിനായി 961.64 കോടി രൂപയും, സർക്കാർ ധനസഹായത്തോടെ പ്രവർത്തിക്കുന്ന വിവിധ ക്ഷേമനിധി ബോർഡുകൾക്കായി 119.46 കോടി രൂപയും അടക്കം ആകെ 1081 കോടിയിലധികം രൂപയാണ് സർക്കാർ ഇത്തവണ അനുവദിച്ചിരിക്കുന്നതെന്ന് ധനവകുപ്പ് കൂടി കൈകാര്യം ചെയ്യുന്ന മുഖ്യമന്ത്രി പറഞ്ഞു.

ALSO READ: പെൻഷൻ 1,000 രൂപയല്ല, 7.5 മടങ്ങ് വരെ കൂട്ടിയേക്കും! ഇപിഎഫ്ഒ യോഗം അടുത്ത മാസം

പെൻഷൻ വീടുകളിൽ എത്തുമോ?

സംസ്ഥാനത്ത് ആകെ 52,09,617 സാമൂഹ്യ സുരക്ഷാ പെൻഷൻ ഗുണഭോക്താക്കളാണ് ഉള്ളത്. ഇതിൽ, 29,67,142 ഗുണഭോക്താക്കളുടെ ബാങ്ക് അക്കൗണ്ടുകളിലേക്ക് നേരിട്ട് തുക എത്തുന്നതായിരിക്കും. മറ്റുള്ളവർക്ക് വീടുകളിൽ എത്തിക്കും. പ്രാഥമിക സഹകരണ സംഘങ്ങൾ വഴിയാണ് ഈ പെൻഷൻ വിതരണം നടത്തുന്നത്. ഇത്തരത്തിൽ 22,42,475 ഗുണഭോക്താക്കൾക്കാണ് നേരിട്ട് വീടുകളിൽ എത്തിച്ചു നൽകുക.

അതേസമയം,  സാമൂഹിക സുരക്ഷാപെൻഷൻ സഹകരണ ബാങ്കുകൾ വഴി വിതരണം ചെയ്യുന്നത് നിർത്തലാക്കാൻ ആലോചിക്കുന്നുണ്ടെന്ന് സർക്കാർ നേരെത്തെ പറഞ്ഞിരുന്നു. ആധാർ ലങ്ക് ചെയ്ത ബാങ്ക് അക്കൌണ്ടുകളിലുൂടെ മാത്രം ക്ഷേമ പെൻഷൻ വിതരണം നടത്തിയാൽ മതിയെന്നാണ് സർക്കാർ നിലപാട്. ഇത് തത്വത്തിൽ അംഗീകരിച്ച് ധനവകുപ്പ് ഉത്തരവിറക്കിയിരുന്നു. വീട്ടിലെ പെൻഷൻ വിതരണം കിടപ്പ് രോഗികൾ അടക്കം ഒഴിവാക്കാനാകാത്തവർക്ക് മാത്രമായി പരിമിതപ്പെടുത്താനാണ് തീരുമാനം.

പെൻഷൻ തുക ഉയർത്തുമോ?

നിലവിൽ രണ്ടായിരം രൂപയാണ് പെൻഷൻ നൽകുന്നത്. ക്ഷേമ പെൻഷൻ 3000 രൂപയാക്കി ഉയർത്തും എന്നതായിരുന്നു യുഡിഎഫിന്റെ തിരഞ്ഞെടുപ്പ് വാഗ്ദാനങ്ങളിൽ ഏറ്റവും പ്രധാനപ്പെട്ട ഒന്നായിരുന്നു. ഇത് ഉടനെ നിറവേറ്റുമെന്നും കാലതാമസം ഉണ്ടാകില്ലെന്നും മുഖ്യമന്ത്രി പറഞ്ഞിരുന്നു. ' ദീർഘകാലമായി ആവശ്യപ്പെട്ടിരുന്നെങ്കിലും തിരഞ്ഞെടുപ്പിന് തൊട്ട് മുമ്പത്തെ ആഴ്ചയിലാണ് കഴിഞ്ഞ സർക്കാർ പെൻഷൻ തുക 1600 രൂപ 2000 രൂപയായി വർധിപ്പിച്ചത്. അത്തരം ഒരു കാലതാമസം തങ്ങളുടെ സർക്കാർ വരുത്തില്ലെന്നായിരുന്നു' മുഖ്യമന്ത്രി പറഞ്ഞത്.

English Summary:

The distribution of welfare pensions for this month in the state will begin today, October 26. Chief Minister V.D. Satheesan announced that Rs 1,081 crore has been sanctioned for the disbursement of welfare pensions and Welfare Fund Board pensions.

പണം അനാവശ്യമായി ചെലവാക്കാതെ നാളെത്തേക്കും കരുതേണ്ടത് അത്യാവശ്യമാണ്. ഇതിന് വേണ്ടി നിങ്ങളെ സഹായിക്കുന്ന ധാരാളം നിക്ഷേപ പദ്ധതികളുണ്ട്. സുരക്ഷയാണ് നിങ്ങൾക്ക് ആവശ്യമെങ്കിൽ പോസ്റ്റ് ഓഫീസ് പദ്ധതികളല്ലാതെ മറ്റൊരു ഓപ്ഷനില്ല. ബാങ്കുകളെ അപേക്ഷിച്ച് ആകർഷകമായ പലിശ നിരക്കാണ് പോസ്റ്റ് ഓഫീസ് പദ്ധതികൾ വാഗ്ദാനം ചെയ്യുന്നത്. അത്തരത്തിലുള്ള ഒരു പദ്ധതിയാണ് പോസ്റ്റ് ഓഫീസ് ടൈം ഡെപ്പോസിറ്റ് സ്കീം.

എന്താണ് പോസ്റ്റ് ഓഫീസ് ടൈം ഡെപ്പോസിറ്റ് സ്കീം?

ബാങ്കുകളുടെ സ്ഥിര നിക്ഷേപങ്ങൾക്ക് സമാനമായ രീതിയിൽ പോസ്റ്റ് ഓഫീസ് നൽകുന്ന ഒരു സുരക്ഷിത നിക്ഷേപ പദ്ധതിയാണ് പോസ്റ്റ് ഓഫീസ് ടൈം ഡെപ്പോസിറ്റ് സ്‌കീം (Post Office Time Deposit Scheme). ഒറ്റത്തവണയായി നിക്ഷേപം നടത്തി ഉയർന്ന പലിശ വരുമാനം നേടാൻ ആഗ്രഹിക്കുന്നവർക്ക് ഏറ്റവും അനുയോജ്യമായ പദ്ധതിയാണിത്.

1 വർഷം, 2 വർഷം, 3 വർഷം, 5 വർഷം എന്നിങ്ങനെ നാല് കാലാവധികളിൽ നിക്ഷേപം നടത്താം. കുറഞ്ഞ നിക്ഷേപം: 1000 രൂപ മുതൽ നിക്ഷേപം തുടങ്ങാം. 100-ന്റെ ഗുണിതങ്ങളായി എത്ര തുക വേണമെങ്കിലും നിക്ഷേപിക്കാം. പരിധിയില്ല. സാധാരണയായി 6.9% മുതൽ 7.5% വരെയാണ് ഇതിലെ പലിശ നിരക്ക്.

ALSO READ: കുട്ടിക്കായി മാസം 500 രൂപ മാറ്റിവയ്ക്കാനുണ്ടോ? 2.75 ലക്ഷം രൂപ കൈയിലെത്തും

എന്നാൽ, നിക്ഷേപിക്കുന്ന കാലാവധിയെ ആശ്രയിച്ച് പലിശ നിരക്കിൽ വ്യത്യാസമുണ്ട്. 1 വർഷത്തെ നിക്ഷേപം 6.9%, 2 വർഷത്തെ നിക്ഷേപം 7.5%, 3 വർഷത്തെ നിക്ഷേപം പദ്ധതി കാലാവധി അനുസരിച്ച് ബാധകമായ നിരക്ക്, 5 വർഷത്തെ നിക്ഷേപത്തിന് ഉയർന്ന പലിശ നിരക്കും ആദായനികുതി ഇളവും ലഭിക്കുന്നതാണ്.

അഞ്ച് വര്‍ഷത്തില്‍ താഴെ കാലാവധിയുള്ള നിക്ഷേപങ്ങള്‍ക്ക് നികുതി ആനുകൂല്യം ലഭ്യമല്ല. അതുപോലെ ഡെപ്പോസിറ്റ് കാലാവധി പൂര്‍ത്തിയാകുന്നതിന് മുമ്പ് തന്നെ പണം പിന്‍വലിക്കാനുള്ള സൗകര്യവും ഈ പദ്ധതിയിലുണ്ട്. എന്നാല്‍ പിഴ ഈടാക്കുന്നതായിരിക്കും.

പലിശ മാത്രമായി 5 ലക്ഷം രൂപയോ?

പലിശ തുക മാത്രമായി 5 - 6 ലക്ഷം വരെ സമ്പാദിക്കാനുള്ള അവസരവും ഈ പദ്ധതി നൽകുന്നുണ്ട്. പലിശ വരുമാനമായി അഞ്ച് ലക്ഷം രൂപ കിട്ടാന്‍ നിക്ഷേപകന്‍ അഞ്ച് വര്‍ഷത്തേയ്ക്ക് ഒറ്റത്തവണയായി 11.5 ലക്ഷം രൂപ നിക്ഷേപിക്കേണ്ടതുണ്ട്.  കാലാവധി കഴിയുമ്പോള്‍ ആ വ്യക്തിക്ക് 16,67,440 രൂപ ആകെ ലഭിക്കും. പലിശ വരുമാനമായി മാത്രം 5,17,440 രൂപയാണ് ലഭിക്കുക. 13.50 ലക്ഷം രൂപയാണ് നിക്ഷേപിക്കുന്നതെങ്കില്‍ കാലാവധി പൂര്‍ത്തിയാകുമ്പോള്‍ പലിശയായി മാത്രം 6,07,430 രൂപ ലഭിക്കും.

English Summary:

The Post Office Time Deposit Scheme is a secure investment plan offered by the post office, similar to fixed deposits in banks. It is an ideal scheme for those who wish to earn high interest income by making a one-time lump-sum investment.

രാജ്യത്തുടനീളമുള്ള ഇപിഎസ് ( EPS ) പെൻഷൻകാരുടെ ദീർഘകാലത്തെ ആവശ്യത്തിന് ഉടൻ പരിഹാരമായേക്കും. എംപ്ലോയീസ് പ്രൊവിഡന്റ് ഫണ്ട് ഓർഗനൈസേഷന്റെ കുറഞ്ഞ പെൻഷൻ നിലവിലെ 1,000 രൂപയിൽ നിന്ന് 7,500 രൂപ വരെ ഉയർന്നേക്കുമെന്നാണ് റിപ്പോർട്ടുകൾ. ബിസിനസ് സ്റ്റാൻഡേർഡിലെ റിപ്പോർട്ട് അനുസരിച്ച്, ഇപിഎഫ്ഒയുടെ സെൻട്രൽ ബോർഡ് ഓഫ് ട്രസ്റ്റീസിന്റെ (സിബിടി) 240-ാമത് യോഗം നവംബർ 19 ന് ഗുജറാത്തിലെ ഗിറിൽ നടക്കും. ഈ യോഗത്തിൽ ഈ പെൻഷൻ വർദ്ധനവ് പരിഗണിച്ചേക്കും.

2014 സെപ്റ്റംബറിലാണ്, കേന്ദ്ര സർക്കാർ ഇപിഎസ് പ്രകാരമുള്ള ഏറ്റവും കുറഞ്ഞ പെൻഷൻ പ്രതിമാസം 1,000 രൂപയായി നിശ്ചയിച്ചത്. കഴിഞ്ഞ ദശകത്തിൽ രാജ്യത്ത് പണപ്പെരുപ്പം ക്രമാതീതമായി വർദ്ധിച്ചിട്ടുണ്ട്. ഈ സാഹചര്യത്തിലാണ് പെൻഷൻകാരുടെ സംഘടനകളും ട്രേഡ് യൂണിയനുകളും മിനിമം പെൻഷൻ വർദ്ധിപ്പിക്കണമെന്ന ആവശ്യം ഉയർത്തുന്നത്. ഇന്നത്തെ കാലത്ത് ചികിത്സാ ചെലവുകളും അടിസ്ഥാന ആവശ്യങ്ങളും നിറവേറ്റാൻ തുച്ഛമായ 1,000 രൂപ പര്യാപ്തമല്ലെന്ന് അവർ ചൂണ്ടിക്കാണിക്കുന്നു. അതുകൊണ്ട് തന്നെ പ്രതിമാസ മിനിമം പെൻഷൻ 7,500 രൂപയായി വർദ്ധിപ്പിക്കണമെന്നും അതോടൊപ്പം ക്ഷാമബത്ത ചേർക്കണമെന്നുമാണ് ആവശ്യം.

ALSO READ: കേരളത്തിൽ ക്ഷേമ പെൻഷൻ വിതരണം തിങ്കളാഴ്ച മുതൽ; എത്ര രൂപ കിട്ടും

സാധ്യത കൂടുതൽ!

ഇപിഎഫ്ഒയിൽ ഉൾപ്പെടുന്ന ജീവനക്കാരുടെ നിർബന്ധിത ശമ്പള പരിധി പ്രതിമാസം 15,000 രൂപയിൽ നിന്ന് 25,000 രൂപയായി കേന്ദ്ര സർക്കാർ അടുത്തിടെ ഉയർത്തിയിരുന്നു. അതുകൊണ്ട് തന്നെ മിനിമം പെൻഷനിൽ വർദ്ധനവുണ്ടാകാനുള്ള സാധ്യതയും ശക്തമാണ്. പെൻഷനുകൾ വർദ്ധിപ്പിക്കണമെന്ന ആവശ്യത്തിൽ സർക്കാർ നിയമങ്ങൾ പുനഃപരിശോധിക്കുകയും അനുകൂല നിലപാട് സ്വീകരിക്കുകയും ചെയ്യുന്നുണ്ടെന്ന് കേന്ദ്ര തൊഴിൽ, തൊഴിൽ മന്ത്രി മൻസുഖ് മാണ്ഡവ്യ അടുത്തിടെ സൂചിപ്പിച്ചിരുന്നു.

അതുകൊണ്ട് തന്നെ നവംബർ 19-ന് നടക്കുന്ന യോഗം ഏറെ നിർണായകമാണ്.  വർഷങ്ങൾക്ക് ശേഷമാണ് ഡൽഹിയിലെ ഈസ്റ്റ് കിഡ്‌വായ് നഗറിലെ ഇപിഎഫ്ഒ ആസ്ഥാനത്ത് നിന്ന് മറ്റൊരു സംസ്ഥാനത്ത് ബോർഡ് യോഗം ചേരുന്നത്.

യുപിഐ വഴി പിഎഫ് പിൻവലിക്കലുകൾ വേഗത്തിലാകുമോ?

ബാങ്കുകളുമായി സഹകരിച്ച് യൂണിഫൈഡ് പേയ്‌മെന്റ് ഇന്റർഫേസ് (യുപിഐ) വഴി പ്രൊവിഡന്റ് ഫണ്ട് ബാലൻസുകൾ പിൻവലിക്കുന്നത് പരീക്ഷിച്ചു തുടങ്ങിയിട്ടുണ്ടെന്നാണ് വിവരം. ഡിസംബർ അവസാനത്തോടെ ഇത് ഔദ്യോഗികമായി ആരംഭിക്കുമെന്നാണ് പ്രതീക്ഷിക്കുന്നത്.  നിലവിലെ നിയമങ്ങൾ പ്രകാരം, ഒരു വരിക്കാരൻ അവരുടെ അക്കൗണ്ടിൽ ഇപിഎഫ് ബാലൻസിന്റെ കുറഞ്ഞത് 25% നിലനിർത്തേണ്ടതുണ്ട്. വിദ്യാഭ്യാസം, വിവാഹം, ഭവനം തുടങ്ങിയ അവശ്യ ചെലവുകൾ ഉൾപ്പെടെ ഏകീകൃത വിഭാഗങ്ങൾക്ക് കീഴിലുള്ള ഹ്രസ്വകാല ആവശ്യങ്ങൾക്കായി വരിക്കാർക്ക് അവരുടെ ഇപിഎഫ് ബാലൻസിന്റെ 75% വരെ പിൻവലിക്കാം.

English Summary:

Reports suggest that the minimum pension provided by the Employees' Provident Fund Organisation may increase from the current Rs 1,000 to Rs 7,500. The 240th meeting of the EPFO's Central Board of Trustees is scheduled to be held on November 19 in Gir, Gujarat.

എട്ടാം ശമ്പള കമ്മീഷനുമായി ബന്ധപ്പെട്ടുള്ള യോഗങ്ങളും ചർച്ചകളും സജീവമായി പുരോഗമിക്കുകയാണ്. നിലവിൽ കമ്മീഷൻ ജീവനക്കാരുടെ യൂണിയനുകളുമായും വിവിധ ഓഹരി ഉടമകളുമായും രണ്ടാം ഘട്ട ചർച്ചകൾ നടത്തുകയാണ്. ഈ ചർച്ചകളെല്ലാം ശമ്പള പരിഷ്കരണത്തിൽ നിർണായക പങ്ക് വഹിക്കും. അടിസ്ഥാന ശമ്പളം, ഫിറ്റ്മെന്റ് ഫാക്ടർ, വീട്ടുവാടക അലവൻസ് തുടങ്ങിയവയാണ് പ്രധാനമായും ചർച്ച ചെയ്യുന്നത്.

ലീവ് എൻകാഷ്മെന്റ് പരിധി ഉയർത്തുമോ?

എട്ടാം ശമ്പള കമ്മീഷന്റെ പരിഗണനയിലുള്ള പ്രധാന വിഷയമാണ് ലീവ് എൻകാഷ്മെന്റ് പരിധി. ഇത്തവണ ലീവ് എൻകാഷ്മെന്റ് പരിധി നിലവിലെ 300 ദിവസത്തിൽ നിന്ന് 450 ദിവസമായി ഉയർത്തണമെന്ന ആവശ്യം ശക്തമാവുകയാണ്. ഈ നിർദ്ദേശം അംഗീകരിക്കപ്പെടുകയാണെങ്കിൽ കേന്ദ്രസർക്കാർ ജീവനക്കാരുടെയും പെൻഷൻകാരുടെയും സാമ്പത്തിക ഭദ്രതയ്ക്ക് വലിയൊരു ആശ്വാസമാകും.

എന്താണ് ലീവ് എൻകാഷ്മെന്റ്?

ലീവ് എൻകാഷ്മെന്റ് എന്നാൽ ഒരു ജീവനക്കാരൻ തനിക്ക് ലഭിച്ച അർഹതപ്പെട്ട അവധികൾ എടുക്കാതെ ബാക്കിനെക്കുമ്പോൾ, ആ അവധി ദിവസങ്ങൾക്ക് പകരം സ്ഥാപനത്തിൽ നിന്ന് ലഭിക്കുന്ന പണമാണ്. ജീവനക്കാർ സർവീസ് കാലയളവിൽ ബാക്കിവെച്ചിട്ടുള്ള അർഹതപ്പെട്ട അവധികൾ വിരമിക്കുന്ന സമയത്ത് ഒന്നിച്ച് പണമാക്കി മാറ്റുകയാണ് പതിവ്.

ALSO READ: 8-ാം ശമ്പള കമ്മീഷൻ ശുപാർശകൾ മെയിൽ; ഉയർന്ന അടിസ്ഥാന ശമ്പളം വരുമാനം എത്ര കൂട്ടും?

450 ദിവസപരിധി വിരമിക്കുമ്പോൾ ഗുണം ചെയ്യുമോ?

ലീവ് എൻകാഷ്മെന്റ് പരിധി ഉയർത്തുന്നത് റിട്ടയർമെന്റ് സമ്പാദ്യത്തിൽ ഗുണം ചെയ്യുമെന്ന് വിദഗ്ധർ ചൂണ്ടിക്കാണിക്കുന്നു. ജീവനക്കാരൻ വിരമിക്കുന്ന സമയത്തെ അടിസ്ഥാന ശമ്പളവും ക്ഷാമബത്തയും അടിസ്ഥാനമാക്കിയാണ് ലീവ് എൻകാഷ്മെന്റ് കണക്കാക്കുന്നത്. നിലവിൽ ഇതിന്റെ പരിധി 300 ദിവസമാണ്. ഇത് 450 ദിവസമായി ഉയർത്തിയാൽ 10 മാസത്തെ ശമ്പളത്തിന് പകരം 15 മാസത്തെ ശമ്പളം വരെ എൻകാഷ് ചെയ്യാൻ സാധിക്കും.

സർക്കാർ ജീവനക്കാരെ സംബന്ധിച്ച്, ഈ തുകയ്ക്ക് പൂർണമായും നികുതി ഇളവും ലഭിക്കുന്നതാണ്. അതുകൊണ്ട് തന്നെ പുതുക്കിയ അടിസ്ഥാന ശമ്പളത്തോടൊപ്പം ഇത് അവരുടെ റിട്ടയർമെന്റ് സമ്പാദ്യത്തിൽ വലിയൊരു വർദ്ധനവ് ഉണ്ടാക്കുമെന്ന് ബാങ്ക്ബസാർ സിഇഒ അദിൽ ഷെട്ടി പറയുന്നു.

ഇത്തരത്തിൽ ഉയർന്ന പരിധി നിശ്ചയിക്കുന്നത് കേന്ദ്രസർക്കാർ ജീവനക്കാർക്ക് വിരമിക്കുമ്പോൾ ലഭിക്കുന്ന ലംപ്സം (lump-sum) തുക വർദ്ധിപ്പിക്കാൻ സഹായിക്കും. വിരമിച്ച ശേഷം പെട്ടെന്നുള്ള സാമ്പത്തിക ആവശ്യങ്ങൾ നിറവേറ്റുന്നതിനും സാമ്പത്തിക ഭദ്രത ഉറപ്പാക്കാനും ഇത് സഹായിക്കും. എങ്കിലും ജീവനക്കാരന് ലഭിക്കുന്ന യഥാർത്ഥ ആനുകൂല്യം അവരുടെ പക്കലുള്ള ബാക്കി അവധി ദിവസങ്ങൾ, വിരമിക്കുമ്പോഴുള്ള ശമ്പളം, മറ്റ് അനുബന്ധ നിയമങ്ങൾ എന്നിവയെ ആശ്രയിച്ചിരിക്കും.

English Summary:

8th Pay Commission is considering a proposal to increase the leave encashment limit for central government employees from the existing 300 days to 450 days. If approved, this change would allow employees to encash a larger amount of their accumulated leave, providing greater financial benefits.

ഇന്ന് ഒരു സാധാരണ കുടുംബത്തിന് വീട് വാങ്ങുക, കുട്ടികളുടെ വിദ്യാഭ്യാസം ഉറപ്പാക്കുക, ആരോഗ്യച്ചെലവുകള്‍ നേരിടുക, വിരമിക്കല്‍ കാലത്തേക്ക് പണം മാറ്റിവെക്കുക എന്നിവയെല്ലാം വലിയ സാമ്പത്തിക ലക്ഷ്യങ്ങളാണ്. വരുമാനം കൂടുന്നുണ്ടെങ്കിലും അതിനൊപ്പം ജീവിതച്ചെലവും ഉയരുമ്പോള്‍ സമ്പാദ്യത്തിന് മാറ്റിവെക്കാന്‍ ലഭിക്കുന്ന തുക കുറയാം. അടുത്ത അഞ്ച് വര്‍ഷത്തിനുള്ളില്‍, അതായത് 2031ഓടെ, മധ്യവര്‍ഗ കുടുംബങ്ങള്‍ക്ക് ചില ചെലവുകള്‍ കൂടുതല്‍ വെല്ലുവിളിയാകാന്‍ സാധ്യതയുണ്ട്.

സ്വന്തമായി വീട് വാങ്ങല്‍

മധ്യവര്‍ഗ കുടുംബങ്ങളുടെ ഏറ്റവും വലിയ സ്വപ്നങ്ങളിലൊന്നാണ് സ്വന്തമായി ഒരു വീട്. എന്നാല്‍ നഗരപ്രദേശങ്ങളിലെ ഉയര്‍ന്ന വസ്തുവിലയും വാടകയും ഭവനവായ്പയുടെ തിരിച്ചടവും ഈ ലക്ഷ്യത്തിലേക്കുള്ള യാത്ര കൂടുതല്‍ ദുഷ്‌കരമാക്കാം. വരുമാനത്തിന്റെ വലിയൊരു ഭാഗം ഇഎംഐയ്ക്കായി ചെലവഴിക്കേണ്ടിവന്നാല്‍ കുട്ടികളുടെ വിദ്യാഭ്യാസം, ആരോഗ്യച്ചെലവ്, സമ്പാദ്യം തുടങ്ങിയ ആവശ്യങ്ങള്‍ക്കുള്ള തുക കുറയും.

കുട്ടികളുടെ വിദ്യാഭ്യാസച്ചെലവ്

മക്കള്‍ക്ക് മികച്ച വിദ്യാഭ്യാസം നല്‍കാന്‍ ആഗ്രഹിക്കുന്ന മാതാപിതാക്കള്‍ക്ക് സ്‌കൂള്‍ ഫീസ്, ട്യൂഷന്‍, പുസ്തകങ്ങള്‍, യാത്ര, ഡിജിറ്റല്‍ പഠനസൗകര്യങ്ങള്‍ എന്നിവയ്ക്കായി വലിയ തുക ചെലവഴിക്കേണ്ടിവരുന്നു. സ്‌കൂള്‍ വിദ്യാഭ്യാസച്ചെലവിലെ വര്‍ധന മധ്യവര്‍ഗ കുടുംബങ്ങളുടെ ബജറ്റിനെ ബാധിക്കുന്ന പ്രധാന ഘടകമാണ്.

മികച്ച ആരോഗ്യപരിരക്ഷ

അപ്രതീക്ഷിതമായ ഒരു ആശുപത്രിവാസം പോലും കുടുംബത്തിന്റെ വര്‍ഷങ്ങളായുള്ള സമ്പാദ്യത്തെ ബാധിക്കാം. ചികിത്സാച്ചെലവ്, പരിശോധനകള്‍, മരുന്നുകള്‍, ആരോഗ്യ ഇന്‍ഷുറന്‍സ് പ്രീമിയം എന്നിവ ഉയര്‍ന്നാല്‍ മധ്യവര്‍ഗത്തിന് സാമ്പത്തിക സുരക്ഷ ഉറപ്പാക്കുക കൂടുതല്‍ ബുദ്ധിമുട്ടാകും.

കാര്‍ വാങ്ങലും പരിപാലനവും

കാര്‍ വാങ്ങുന്നതിനുള്ള തുക മാത്രമല്ല, ഇന്ധനം, ഇന്‍ഷുറന്‍സ്, അറ്റകുറ്റപ്പണി, പാര്‍ക്കിങ്, വായ്പ തിരിച്ചടവ് തുടങ്ങിയ ചെലവുകളും വാഹനത്തിന്റെ യഥാര്‍ഥ ചെലവില്‍ ഉള്‍പ്പെടുന്നു. നഗരങ്ങളില്‍ യാത്രയ്ക്കായി സ്വന്തം വാഹനം ആവശ്യമായി വരുന്ന കുടുംബങ്ങള്‍ക്ക് ഈ ചെലവുകള്‍ പ്രതിമാസ ബജറ്റിന്റെ വലിയൊരു ഭാഗം കൈയടക്കാം.

Also Read: SIP: മാസം 1,000 രൂപ എസ്‌ഐപിയിൽ നിക്ഷേപിച്ചാൽ 20 വർഷം കൊണ്ട് 13 ലക്ഷം രൂപ നേടാമോ?

വിരമിക്കല്‍ കാലത്തേക്കുള്ള സമ്പാദ്യം

വീട്, കുട്ടികളുടെ വിദ്യാഭ്യാസം, വായ്പകള്‍, ചികിത്സ തുടങ്ങിയ ചെലവുകള്‍ക്ക് മുന്‍ഗണന നല്‍കുമ്പോള്‍ വിരമിക്കല്‍ കാലത്തേക്കുള്ള നിക്ഷേപം പലപ്പോഴും മാറ്റിവയ്ക്കപ്പെടുന്നു. എന്നാല്‍ ജീവിതച്ചെലവ് ഉയരുന്നതിനനുസരിച്ച് ഭാവിയില്‍ ആവശ്യമായ തുകയും വര്‍ധിക്കാം.

കുടുംബത്തോടൊപ്പമുള്ള യാത്രകളും വിനോദവും

അവധിക്കാല യാത്രകള്‍, ഹോട്ടല്‍ താമസം, സിനിമ, റെസ്റ്റോറന്റുകളിലെ ഭക്ഷണം തുടങ്ങിയവ കുടുംബജീവിതത്തിന്റെ ഭാഗമാണ്. എന്നാല്‍ യാത്രാച്ചെലവ്, താമസനിരക്ക്, വിമാന ടിക്കറ്റ്, ഭക്ഷണം എന്നിവയ്ക്ക് കൂടുതല്‍ പണം ചെലവഴിക്കേണ്ടിവന്നാല്‍ ഇത്തരം ആവശ്യങ്ങള്‍ക്കുള്ള ബജറ്റ് കുറയ്‌ക്കേണ്ടിവരാം.

അടിയന്തര ആവശ്യങ്ങള്‍ക്കുള്ള പണം

ജോലി നഷ്ടപ്പെടുക, കുടുംബത്തില്‍ അപ്രതീക്ഷിത ചികിത്സ ആവശ്യമായി വരിക, വരുമാനം കുറയുക തുടങ്ങിയ സാഹചര്യങ്ങളില്‍ കൈവശമുള്ള സമ്പാദ്യമാണ് ഏറ്റവും വലിയ ആശ്രയം. എന്നാല്‍ മാസവരുമാനത്തിന്റെ ഭൂരിഭാഗവും വാടക, ഇഎംഐ, വിദ്യാഭ്യാസം, വീട്ടുചെലവ് എന്നിവയ്ക്കായി ചെലവാകുമ്പോള്‍ അടിയന്തര നിധി ഒരുക്കുക ബുദ്ധിമുട്ടാകും.

English Summary

Rising living costs may make homeownership, quality education, healthcare and retirement savings more challenging for middle-class families over the next five years. Understanding these potential expenses and planning finances early can help families prepare for future financial pressures.

ദീപാവലി, ധന്‍തേരസ് ആഘോഷങ്ങള്‍ക്കായി സ്വര്‍ണം വാങ്ങാന്‍ കാത്തിരിക്കുന്നവര്‍ക്ക് ആശ്വാസമായി വിലയില്‍ വലിയ ഇടിവ്. എന്നാല്‍ വില കുറഞ്ഞതോടെ ഇപ്പോള്‍ വാങ്ങുന്നതാണോ നല്ലത്, അതോ ഇനിയും താഴാന്‍ സാധ്യതയുള്ളതിനാല്‍ കാത്തിരിക്കുന്നതാണോ ഉചിതം എന്ന ആശയക്കുഴപ്പത്തിലാണ് ഉപഭോക്താക്കള്‍. ആഗോള വിപണിയിലെ മാറ്റങ്ങളും എണ്ണവിലയിലെ വര്‍ധനയും അമേരിക്കയുടെ പലിശനിരക്കുകളെക്കുറിച്ചുള്ള ആശങ്കകളും സ്വര്‍ണവിലയെ സമ്മര്‍ദത്തിലാക്കുന്നുണ്ട്. അതിനാല്‍ വിലയിലെ ഈ ഇടിവ് വാങ്ങലിനുള്ള അവസരമാണോ എന്ന് തീരുമാനിക്കുന്നതിന് മുമ്പ് വിപണിയിലെ സാഹചര്യങ്ങള്‍ കൂടി മനസിലാക്കേണ്ടതുണ്ട്.

ഒരാഴ്ചയ്ക്കിടെ സ്വര്‍ണവിലയില്‍ വലിയ ഇടിവ്

അന്താരാഷ്ട്ര വിപണിയില്‍ ഒരാഴ്ചയ്ക്കിടെ സ്വര്‍ണവില ഏകദേശം നാല് ശതമാനം കുറഞ്ഞു. നാല് മാസത്തിലേറെയായി രേഖപ്പെടുത്തിയ ഏറ്റവും മോശം പ്രതിവാര പ്രകടനങ്ങളിലൊന്നാണിത്. ഇന്ത്യയിലെ വിപണിയിലും ഇതിന്റെ പ്രതിഫലനമുണ്ടായി. മള്‍ട്ടി കമ്മോഡിറ്റി എക്‌സ്‌ചേഞ്ചില്‍ (എംസിഎക്‌സ്) സ്വര്‍ണത്തിന്റെ ഫ്യൂച്ചേഴ്‌സ് വില ആഴ്ചയില്‍ ഏകദേശം നാല് ശതമാനം താഴ്ന്ന് 10 ഗ്രാമിന് 1,42,024 രൂപയ്ക്കടുത്തെത്തി. വ്യാപാരത്തിനിടെ വില 1,41,334 രൂപവരെയും താഴ്ന്നിരുന്നു. വെള്ളിയാഴ്ച മാത്രം ഫ്യൂച്ചേഴ്‌സ് വില 1,315 രൂപ കുറഞ്ഞ് ഏകദേശം 1,41,994 രൂപയിലാണ് അവസാനിച്ചത്.

സ്വര്‍ണവില കുറയാന്‍ പ്രധാന കാരണം എന്ത്?

അസംസ്‌കൃത എണ്ണവിലയിലെ വര്‍ധനയാണ് സ്വര്‍ണവിപണിയെ ബാധിക്കുന്ന പ്രധാന ഘടകങ്ങളിലൊന്ന്. സൗദി അറേബ്യയിലെ എണ്ണ അടിസ്ഥാനസൗകര്യങ്ങള്‍ക്കുനേരെയുണ്ടായ ഹൂതി ആക്രമണത്തെത്തുടര്‍ന്ന് എണ്ണവിതരണത്തെക്കുറിച്ചുള്ള ആശങ്കകള്‍ ശക്തമായി. ഇതോടെ ബ്രെന്റ് ക്രൂഡ് വില ബാരലിന് 112 ഡോളറിന് മുകളിലെത്തി. എണ്ണവില ഉയരുന്നത് പണപ്പെരുപ്പം വര്‍ധിപ്പിക്കാനും അമേരിക്കന്‍ കേന്ദ്രബാങ്കായ ഫെഡറല്‍ റിസര്‍വ് പലിശനിരക്കുകള്‍ ഉയര്‍ന്ന നിലയില്‍ തുടരാനും കാരണമായേക്കാം.

പലിശ ലഭിക്കാത്ത ആസ്തിയായ സ്വര്‍ണത്തിന്റെ ആകര്‍ഷണം പലിശനിരക്കുകള്‍ ഉയര്‍ന്നുനില്‍ക്കുമ്പോള്‍ കുറയാം. അമേരിക്കന്‍ ഡോളറിന്റെ ശക്തിയും ബോണ്ട് വരുമാനത്തിലെ മാറ്റങ്ങളും സ്വര്‍ണവിലയെ സ്വാധീനിക്കുന്നുണ്ട്. ഓഹരി വിപണിയിലെ ഇടിവിനെത്തുടര്‍ന്ന് നിക്ഷേപകര്‍ പണം കണ്ടെത്താനായി ചില ആസ്തികള്‍ വിറ്റഴിച്ചതും സ്വര്‍ണത്തിന് മേലുള്ള സമ്മര്‍ദം കൂട്ടി.

Also Read: Gold Coins vs Gold Jewellery for Diwali: ദീപാവലിക്ക് സ്വർണനാണയമാണോ ആഭരണമാണോ വാങ്ങേണ്ടത്?

ഇനിയും വില കുറയുമോ?

സ്വര്‍ണവിലയുടെ അടുത്ത നീക്കം ഉറപ്പിച്ചു പറയാനാകാത്ത സാഹചര്യമാണ് നിലവിലുള്ളത്. അന്താരാഷ്ട്ര വിപണിയില്‍ ഔണ്‍സിന് 3,9704,000 ഡോളര്‍ നിലവാരമാണ് പ്രധാന പിന്തുണയെന്ന് എന്റിച്ച് മണിയുടെ സിഇഒ പൊന്‍മുടി ആര്‍ വിലയിരുത്തുന്നു. ഈ നിലവാരം തകര്‍ന്നാല്‍ വില 3,900 ഡോളറിലേക്ക് താഴാനുള്ള സാധ്യതയുണ്ടെന്നും അദ്ദേഹം ചൂണ്ടിക്കാട്ടുന്നു.

ഇപ്പോള്‍ സ്വര്‍ണം വാങ്ങുന്നതാണോ നല്ലത്?

ദീപാവലിക്കും വിവാഹാവശ്യങ്ങള്‍ക്കുമായി ആഭരണങ്ങള്‍ വാങ്ങേണ്ടവര്‍ക്ക് വിലയിടിവ് ഒരു അവസരമായേക്കാം. എന്നാല്‍ വില ഇനിയും കുറഞ്ഞേക്കാമെന്ന സാധ്യതയും കണക്കിലെടുക്കണം. വില ഏറ്റവും താഴുന്ന സമയം കൃത്യമായി കണ്ടെത്താന്‍ പ്രയാസമായതിനാല്‍ മുഴുവന്‍ വാങ്ങലും ഒരുമിച്ച് നടത്തുന്നതിനുപകരം ഘട്ടംഘട്ടമായി വാങ്ങുന്നത് പരിഗണിക്കാം.

English Summary

Gold prices have fallen sharply ahead of Diwali 2026 amid rising crude oil prices, inflation concerns and expectations of tighter US monetary policy. With further price fluctuations possible, buyers are weighing whether to purchase gold now or wait for a deeper correction. Experts suggest considering personal needs and buying in stages rather than trying to predict the market bottom.

കേരളത്തിലെ സാമൂഹ്യസുരക്ഷാ പെന്‍ഷന്‍ വിതരണം തിങ്കളാഴ്ച മുതല്‍ ആരംഭിക്കും. ഒക്ടോബര്‍ മാസത്തെ പെന്‍ഷന്‍ വിതരണം ചെയ്യുന്നതിനായി 1,081 കോടി രൂപ അനുവദിച്ച് സര്‍ക്കാര്‍ ഉത്തരവിറക്കി. 52 ലക്ഷത്തിലധികം ഗുണഭോക്താക്കള്‍ക്ക് പെന്‍ഷന്‍ ലഭിക്കും. പ്രതിമാസം ലഭിക്കുന്ന തുകയില്‍ മാറ്റമുണ്ടോ, ഗുണഭോക്താക്കളുടെ കൈകളിലെത്തുന്ന തുക എത്രയാണ് തുടങ്ങിയ വിവരങ്ങള്‍ അറിയാം.

പ്രതിമാസം എത്ര രൂപ ലഭിക്കും?

കേരളത്തില്‍ നിലവില്‍ സാമൂഹ്യസുരക്ഷാ പെന്‍ഷന്റെ പ്രതിമാസ നിരക്ക് 2,000 രൂപയാണ്. 2025 നവംബറിലാണ് പെന്‍ഷന്‍ 1,600 രൂപയില്‍നിന്ന് 2,000 രൂപയായി വര്‍ധിപ്പിച്ചത്. അതിനാല്‍ ഒക്ടോബര്‍ മാസത്തെ സാധാരണ ക്ഷേമ പെന്‍ഷനായി അര്‍ഹരായ ഗുണഭോക്താക്കള്‍ക്ക് ലഭിക്കുക 2,000 രൂപയാണ്. വാര്‍ധക്യകാല പെന്‍ഷന്‍, വിധവാ പെന്‍ഷന്‍, ഭിന്നശേഷി പെന്‍ഷന്‍, കര്‍ഷകത്തൊഴിലാളി പെന്‍ഷന്‍, 50 വയസ് കഴിഞ്ഞ അവിവാഹിതരായ സ്ത്രീകള്‍ക്കുള്ള പെന്‍ഷന്‍ എന്നിവ ഇതില്‍ ഉള്‍പ്പെടുന്നു. അര്‍ഹതയുള്ള ഗുണഭോക്താക്കള്‍ക്ക് പ്രതിമാസം 2,000 രൂപ വീതമാണ് ലഭിക്കുക.

1,081 കോടി രൂപ എങ്ങനെ വിനിയോഗിക്കും?

പെന്‍ഷന്‍ വിതരണം മുടങ്ങാതെ നടത്തുന്നതിനാണ് സര്‍ക്കാര്‍ തുക അനുവദിച്ചിരിക്കുന്നത്. ഇതില്‍ 961.64 കോടി രൂപ സാമൂഹ്യസുരക്ഷാ പെന്‍ഷനുകള്‍ക്കായും 119.46 കോടി രൂപ വിവിധ ക്ഷേമനിധി ബോര്‍ഡുകള്‍ വഴിയുള്ള പെന്‍ഷനുകള്‍ക്കായും നീക്കിവച്ചിട്ടുണ്ട്.

Also Read: Gold Coins vs Gold Jewellery for Diwali: ദീപാവലിക്ക് സ്വർണനാണയമാണോ ആഭരണമാണോ വാങ്ങേണ്ടത്?

സാമൂഹ്യസുരക്ഷാ പെന്‍ഷന്‍ ലഭിക്കുന്ന 52 ലക്ഷത്തിലധികം ആളുകളിലേക്ക് തുക എത്തിക്കാനാണ് നടപടി. ബാങ്ക് അക്കൗണ്ടുകളിലേക്ക് നേരിട്ട് പണം ലഭിക്കുന്നവര്‍ക്കും സഹകരണ സംഘങ്ങള്‍ വഴി വീടുകളില്‍ പെന്‍ഷന്‍ കൈപ്പറ്റുന്നവര്‍ക്കും അതത് വിതരണക്രമം അനുസരിച്ച് തുക ലഭിക്കും.

പണം എപ്പോള്‍ ലഭിക്കും?

ഒക്ടോബര്‍ 26 മുതല്‍ വിതരണം ആരംഭിച്ച് നവംബര്‍ അഞ്ചിനകം പൂര്‍ത്തിയാക്കാനാണ് നിര്‍ദേശം. ബാങ്ക് അക്കൗണ്ട് വഴിയോ സഹകരണ സംഘങ്ങള്‍ വഴിയോ പണം ലഭിക്കുന്നതില്‍ സമയവ്യത്യാസമുണ്ടാകാം. അതിനാല്‍ വിതരണം ആരംഭിച്ച ഉടന്‍ അക്കൗണ്ടില്‍ പണം എത്തിയില്ലെങ്കില്‍ ബന്ധപ്പെട്ട ബാങ്കുമായോ സഹകരണ സംഘവുമായോ അന്വേഷിക്കാം. നിലവിലെ അറിയിപ്പ് അനുസരിച്ച് പ്രധാന മാറ്റം പെന്‍ഷന്‍ തുകയിലല്ല, ഒക്ടോബര്‍ മാസത്തെ വിതരണം നടത്തുന്നതിനുള്ള നടപടിയിലാണ്. സാധാരണ സാമൂഹ്യസുരക്ഷാ പെന്‍ഷന്‍ ഗുണഭോക്താക്കള്‍ക്ക് ലഭിക്കേണ്ട തുക 2,000 രൂപയാണ്.

English Summary

Kerala's October 2026 welfare pension distribution will begin on Monday. The state government has sanctioned 1,081 crore for the payment. Eligible social security pension beneficiaries will receive 2,000 each, with payments made through bank accounts and cooperative societies.

വലിയ വരുമാനമോ ഒരുമിച്ച് വലിയൊരു തുകയോ കൈയിലുണ്ടെങ്കില്‍ മാത്രമേ നിക്ഷേപം തുടങ്ങാന്‍ കഴിയൂ എന്ന ധാരണ വേണ്ട. മാസം വെറും 1,000 രൂപ മാറ്റിവെച്ചാലും ദീര്‍ഘകാലത്തേക്ക് നിക്ഷേപം തുടരുന്നതിലൂടെ വലിയൊരു തുക സമാഹരിക്കാന്‍ സാധിച്ചേക്കും. ഇതിനുള്ള ഒരു മാര്‍ഗമാണ് മ്യൂച്വല്‍ ഫണ്ടുകളിലെ സിസ്റ്റമാറ്റിക് ഇന്‍വെസ്റ്റ്മെന്റ് പ്ലാന്‍ അഥവാ എസ്ഐപി.

നിക്ഷേപിക്കുന്ന തുകയ്ക്ക് ലഭിക്കുന്ന വരുമാനം വീണ്ടും വളര്‍ച്ച നേടുന്ന കോമ്പൗണ്ടിങ് രീതിയാണ് ദീര്‍ഘകാല നിക്ഷേപത്തില്‍ പ്രധാന പങ്കുവഹിക്കുന്നത്. എന്നാല്‍ എസ്ഐപിയിലൂടെ ലഭിക്കുന്ന അന്തിമ തുക നിക്ഷേപ കാലയളവിനെയും വിപണിയിലെ പ്രകടനത്തെയും വരുമാന നിരക്കിനെയും ആശ്രയിച്ചിരിക്കും. മാസം 1,000 രൂപ വീതം 20 വര്‍ഷം നിക്ഷേപിച്ചാല്‍ എത്ര രൂപ സമാഹരിക്കാനാകുമെന്ന് നോക്കാം.

20 വര്‍ഷം കൊണ്ട് നിക്ഷേപിക്കുന്നത് എത്ര?

മാസം 1,000 രൂപ എസ്ഐപിയില്‍ നിക്ഷേപിച്ചാല്‍ ഒരു വര്‍ഷം മാറ്റിവെക്കുന്നത് 12,000 രൂപയാണ്. ഈ നിക്ഷേപം തുടര്‍ച്ചയായി 20 വര്‍ഷം തുടരുകയാണെങ്കില്‍ ആകെ നിക്ഷേപിക്കുന്ന തുക 2.40 ലക്ഷം രൂപയായിരിക്കും. ഇതിനൊപ്പം നിക്ഷേപത്തിന് ലഭിക്കുന്ന വരുമാനം കൂടി ചേരുന്നതോടെ അന്തിമ ഫണ്ട് ഉയരാം. എന്നാല്‍ എത്ര രൂപ ലഭിക്കുമെന്നത് എസ്ഐപിയുടെ വാര്‍ഷിക വരുമാന നിരക്കിനെ ആശ്രയിച്ചിരിക്കും.

10 ശതമാനം വരുമാനം ലഭിച്ചാല്‍

മാസം 1,000 രൂപ വീതം നിക്ഷേപിക്കുന്ന എസ്ഐപിക്ക് ശരാശരി 10 ശതമാനം വാര്‍ഷിക വരുമാനം ലഭിക്കുന്നതായി കണക്കാക്കാം. ഈ സാഹചര്യത്തില്‍ 20 വര്‍ഷം കഴിയുമ്പോള്‍ ഏകദേശം 7.18 ലക്ഷം രൂപ സമാഹരിക്കാനാകും. ഇതില്‍ 2.40 ലക്ഷം രൂപയാണ് സ്വന്തം കൈയില്‍നിന്ന് നിക്ഷേപിച്ചത്. ബാക്കി ഏകദേശം 4.78 ലക്ഷം രൂപ നിക്ഷേപത്തില്‍നിന്ന് ലഭിക്കുന്ന വരുമാനമായിരിക്കും.

Also Read: Sukanya Samriddhi Yojana: കുട്ടിക്കായി മാസം 500 രൂപ മാറ്റിവയ്ക്കാനുണ്ടോ? 2.75 ലക്ഷം രൂപ കൈയിലെത്തും

12 ശതമാനം വരുമാനത്തില്‍ ഫണ്ട് 9 ലക്ഷം കടക്കുമോ?

ശരാശരി വാര്‍ഷിക വരുമാനം 12 ശതമാനമാണെങ്കില്‍ 20 വര്‍ഷത്തിനുശേഷം എസ്ഐപി ഫണ്ട് ഏകദേശം 9.11 ലക്ഷം രൂപയിലെത്താം. ആകെ നിക്ഷേപം 2.40 ലക്ഷം രൂപയായിരിക്കുമ്പോള്‍ ഏകദേശം 6.71 ലക്ഷം രൂപ വരുമാനമായി ലഭിക്കുന്നു. 10 ശതമാനം വരുമാനം ലഭിക്കുന്ന സാഹചര്യവുമായി താരതമ്യം ചെയ്യുമ്പോള്‍ 12 ശതമാനം വരുമാനത്തില്‍ അന്തിമ ഫണ്ട് ഏകദേശം 1.93 ലക്ഷം രൂപ കൂടുതലായിരിക്കും.

15 ശതമാനം വരുമാനം ലഭിച്ചാല്‍

എസ്ഐപിക്ക് ശരാശരി 15 ശതമാനം വാര്‍ഷിക വരുമാനം ലഭിക്കുന്നതായി കണക്കാക്കിയാല്‍ 20 വര്‍ഷത്തിനുശേഷം ഫണ്ട് ഏകദേശം 13.12 ലക്ഷം രൂപയാകാം.

English Summary

Investing 1,000 every month through a Systematic Investment Plan (SIP) for 20 years means a total investment of 2.40 lakh. Depending on the assumed annual return, the estimated corpus could range from 7.18 lakh at 10% to 13.12 lakh at 15%. Mutual fund returns are market-linked and not guaranteed.

പെൺകുട്ടികളുടെ ഭാവി സുരക്ഷിതമാക്കാൻ കേന്ദ്ര സർക്കാർ പോസ്റ്റ് ഓഫീസ് വഴി നടപ്പിലാക്കുന്ന ജനപ്രിയമായ ചെറുകിട സമ്പാദ്യ പദ്ധതിയാണ് സുകന്യ സമൃദ്ധി യോജന. വളരെ ചെറിയ നിക്ഷേപത്തിലൂടെ തന്നെ ലക്ഷങ്ങൾ നേടാൻ ഈ പദ്ധതി സഹായിക്കുന്നുണ്ട്. ആർക്കൊക്കെ അക്കൗണ്ട് തുറക്കാം, എത്ര മുതൽ നിക്ഷേപിക്കാം, കാലാവധി എത്ര, പലിശ എങ്ങനെ.... തുടങ്ങിയ കാര്യങ്ങൾ പരിശോധിച്ചാലോ...

ആർക്കൊക്കെ അക്കൗണ്ട് തുറക്കാം?

10 വയസ്സിൽ താഴെയുള്ള പെൺകുട്ടികളുടെ പേരിലാണ് സുകന്യ സമൃദ്ധി യോജന അക്കൗണ്ട് തുറക്കാൻ സാധിക്കുക. പോസ്റ്റ് ഓഫിസുകളിലും അംഗീകൃത ബാങ്കുകളിലും ഈ അക്കൗണ്ട് ആരംഭിക്കാവുന്നതാണ്. ഒരു പെൺകുട്ടിയുടെ പേരിൽ ഒരു അക്കൗണ്ട് മാത്രമേ അനുവദിക്കൂ. സാധാരണയായി ഒരു കുടുംബത്തിലെ രണ്ട് പെൺകുട്ടികളുടെ പേരിൽ വരെ അക്കൗണ്ട് തുറക്കാൻ അനുവാദമുണ്ട്.

എത്ര രൂപ നിക്ഷേപിക്കാം?

ഒരു സാമ്പത്തിക വർഷം 250 രൂപ മുതൽ പരമാവധി 1.50 ലക്ഷം രൂപവരെ നിക്ഷേപിക്കാവുന്നതാണ്. എന്നാൽ ഈ തുക എല്ലാ മാസവും അടയ്ക്കണമെന്നില്ല. 250 രൂപയോ അതിന്റെ ഗുണിതങ്ങളോ എപ്പോൾ വേണമെങ്കിലും അടയ്ക്കാം. 15 വർഷമാണ് നിക്ഷേപ കാലാവധി. എന്നാൽ മെച്യൂരിറ്റി കാലാവധി 21 വർഷമാണ്. 15 വർഷത്തിന് ശേഷം നിക്ഷേപിച്ചില്ലെങ്കിലും അക്കൗണ്ട് സജീവമായിരിക്കും.

ALSO READ: ദിവസവും 50 രൂപ മാറ്റിവയ്ക്കാമോ? 35 ലക്ഷം വരെ നേടാൻ അവസരം

നിലവിൽ പദ്ധതിക്ക് വർഷം 8.2% നിരക്കിലാണ് കേന്ദ്ര സർക്കാർ പലിശ നൽകുന്നത്. സുകന്യ സമൃദ്ധി യോജനയിലെ നിക്ഷേപങ്ങൾക്കും അതിൽ നിന്ന് ലഭിക്കുന്ന പലിശയ്ക്കും ആദായ നികുതി ബാധകമല്ല. ആദായ നികുതി നിയമത്തിലെ സെക്ഷൻ 80സി പ്രകാരമുള്ള നികുതി ഇളവുകളും ഈ പദ്ധതിയിലൂടെ നേടാൻ സാധിക്കും.

പ്രതിമാസം 500 രൂപ അടച്ചാൽ റിട്ടേൺ എത്ര?

സുകന്യ സമൃദ്ധി യോജന പദ്ധതിയിൽ പ്രതിമാസം 500 രൂപ അടച്ചാൽ ഒരു വർഷം നിങ്ങൾ നിക്ഷേപിക്കുന്ന ആകെ തുക 6,000 രൂപയാണ്. 15 വർഷത്തേക്ക് മാത്രമാണ് ഈ തുക. ബാക്കി 6 വർഷം നിക്ഷേപം നടത്തേണ്ടതില്ല. എന്നാൽ പലിശ ലഭിച്ചുകൊണ്ടിരിക്കും.നിലവിലെ 8.2% പലിശ നിരക്ക് പ്രകാരം കാലാവധി പൂർത്തിയാകുമ്പോൾ ഏകദേശ എത്ര രൂപ കിട്ടുമെന്ന് പരിശോധിക്കാം,

നിക്ഷേപിക്കുന്ന പ്രതിമാസ തുക: 500 രൂപ

നിക്ഷേപ കാലയളവ്: 15 വർഷം

ആകെ നിക്ഷേപം: 90,000 രൂപ

പലിശ നിരക്ക്: 8.2%

ആകെ പലിശ: 1.75 ലക്ഷം - 1.85 ലക്ഷം രൂപ

21 വർഷം കഴിയുമ്പോൾ ലഭിക്കുന്നത്: 2.65 ലക്ഷം - 2.75 ലക്ഷം രൂപ

സുകന്യ സമൃദ്ധി യോജനയുടെ പലിശ നിരക്ക് സർക്കാർ കാലാകാലങ്ങളിൽ മാറ്റുന്നതിനാൽ യഥാർഥ മെച്യൂരിറ്റി തുക വ്യത്യാസപ്പെടാം.

English Summary:

The Sukanya Samriddhi Yojana is a government-backed savings scheme designed to secure the financial future of girl children. The scheme currently offers an interest rate of 8.2% per annum, with a minimum annual deposit of Rs 250 and a maximum of Rs 1.5 lakh.

സര്‍ക്കാര്‍ നല്‍കുന്ന സബ്‌സിഡി ഭക്ഷ്യധാന്യങ്ങള്‍ ലഭിക്കുന്നതിന് റേഷന്‍ കാര്‍ഡ് ഉപയോഗിക്കുന്നവര്‍ ആധാര്‍ വിവരങ്ങള്‍ ബന്ധിപ്പിച്ചിട്ടുണ്ടെന്ന് ഉറപ്പാക്കണം. റേഷന്‍ കാര്‍ഡും ആധാറും ബന്ധിപ്പിക്കുന്നത് ഗുണഭോക്താക്കളെ തിരിച്ചറിയാനും പൊതുവിതരണ സംവിധാനത്തിലൂടെ ഭക്ഷ്യധാന്യങ്ങള്‍ വിതരണം ചെയ്യുന്നത് കൂടുതല്‍ കാര്യക്ഷമമാക്കാനും സഹായിക്കും. ഇതിനായി സര്‍ക്കാര്‍ ഓഫീസുകളില്‍ നേരിട്ട് പോകാതെ തന്നെ ഓണ്‍ലൈനായി നടപടികള്‍ പൂര്‍ത്തിയാക്കാനും കഴിയും.

റേഷന്‍ കാര്‍ഡും ആധാറും ബന്ധിപ്പിക്കേണ്ടത് എന്തിന്?

റേഷന്‍ കാര്‍ഡിലെ ഗുണഭോക്താക്കളുടെ വിവരങ്ങള്‍ കൃത്യമായി തിരിച്ചറിയാന്‍ ആധാര്‍ ബന്ധിപ്പിക്കല്‍ സഹായിക്കുന്നു. ഇതിലൂടെ അര്‍ഹരായ കുടുംബങ്ങള്‍ക്ക് സര്‍ക്കാര്‍ ആനുകൂല്യങ്ങള്‍ ലഭ്യമാക്കുന്ന നടപടികള്‍ കൂടുതല്‍ സുഗമമാക്കാന്‍ കഴിയും. രേഖകളിലെ വിവരങ്ങള്‍ പരിശോധിക്കുന്നതിനും ഗുണഭോക്താക്കളുടെ തിരിച്ചറിയല്‍ ഉറപ്പാക്കുന്നതിനും ഈ സംവിധാനം സഹായകമാണ്.

ഓണ്‍ലൈനായി ആധാര്‍ ബന്ധിപ്പിക്കുന്ന വിധം

സംസ്ഥാനങ്ങള്‍ക്കനുസരിച്ച് വെബ്‌സൈറ്റിലെ മെനുവിന്റെയും സേവനങ്ങളുടെയും പേരുകളില്‍ വ്യത്യാസമുണ്ടാകാം. പൊതുവെ താഴെ പറയുന്ന ഘട്ടങ്ങളിലൂടെയാണ് ഓണ്‍ലൈന്‍ അപേക്ഷ സമര്‍പ്പിക്കാനാകുക.

നിങ്ങളുടെ സംസ്ഥാനത്തെ ഭക്ഷ്യ-പൊതുവിതരണ വകുപ്പിന്റെ ഔദ്യോഗിക വെബ്‌സൈറ്റ് തുറക്കുക. റേഷന്‍ കാര്‍ഡ് സേവനങ്ങള്‍ക്കായുള്ള വിഭാഗം കണ്ടെത്തുക.

Link Aadhaar with Ration Card, Aadhaar Seeding, Ration Card e-KYC തുടങ്ങിയ പേരുകളിലുള്ള സേവനം ലഭ്യമാണോയെന്ന് പരിശോധിക്കുക.

റേഷന്‍ കാര്‍ഡ് നമ്പര്‍ നല്‍കുക. കുടുംബാംഗങ്ങളുടെ വിവരങ്ങള്‍, രജിസ്റ്റര്‍ ചെയ്ത മൊബൈല്‍ നമ്പര്‍ തുടങ്ങിയ വിവരങ്ങളും ആവശ്യപ്പെട്ടേക്കാം.

ആധാര്‍ ബന്ധിപ്പിക്കേണ്ട കുടുംബാംഗത്തിന്റെ ആധാര്‍ നമ്പര്‍ നല്‍കുക. ചില സംസ്ഥാനങ്ങളില്‍ റേഷന്‍ കാര്‍ഡിലുള്ള എല്ലാ അംഗങ്ങളുടെയും ആധാര്‍ വിവരങ്ങള്‍ ബന്ധിപ്പിക്കേണ്ടിവരും.

Also Read: Kerala Ration Update: റേഷൻ കാർഡുകൾ റദ്ദാക്കുമോ? ഇളവ് ആവശ്യപ്പെട്ട് സർക്കാർ

വെബ്‌സൈറ്റ് ആവശ്യപ്പെട്ടാല്‍ ആധാറുമായി ബന്ധിപ്പിച്ച മൊബൈല്‍ നമ്പറിലേക്ക് ലഭിക്കുന്ന ഒടിപി നല്‍കുക. എല്ലാ സംസ്ഥാനങ്ങളിലും ഈ ഘട്ടം ഒരേ രീതിയിലായിരിക്കണമെന്നില്ല.

നല്‍കിയ വിവരങ്ങള്‍ ശരിയാണെന്ന് ഉറപ്പാക്കുക. ആധാര്‍ കാര്‍ഡിലെയും റേഷന്‍ കാര്‍ഡിലെയും പേരുകളും മറ്റ് വിവരങ്ങളും പരിശോധിച്ചശേഷം Submit അല്ലെങ്കില്‍ Verify and Submit എന്ന ഓപ്ഷന്‍ തിരഞ്ഞെടുക്കുക.

ഓഫ്ലൈനായി ആധാര്‍ ബന്ധിപ്പിക്കാം

റേഷന്‍ കാര്‍ഡും ആധാര്‍ ബന്ധിപ്പിക്കേണ്ട കുടുംബാംഗങ്ങളുടെ ആധാര്‍ കാര്‍ഡുകളും കൈയില്‍ കരുതണം. ആവശ്യപ്പെട്ടാല്‍ ആധാറുമായി ബന്ധിപ്പിച്ച മൊബൈല്‍ നമ്പറും മറ്റ് അനുബന്ധ രേഖകളും നല്‍കേണ്ടിവരും. തുടര്‍ന്ന് റേഷന്‍ കടയിലെ വിതരണക്കാരന്റെയോ അംഗീകൃത ജീവനക്കാരന്റെയോ സഹായത്തോടെ ആധാര്‍ പരിശോധനയോ ഇ-കെവൈസി നടപടികളോ പൂര്‍ത്തിയാക്കാം. ചില സാഹചര്യങ്ങളില്‍ വിരലടയാളം പോലുള്ള ബയോമെട്രിക് പരിശോധന ആവശ്യമായി വന്നേക്കാം.

English Summary

Ration cardholders can link Aadhaar through their state’s official food department website or by visiting a fair price shop. The process, verification requirements and available services may vary by state. Applicants should keep their ration card and relevant family members’ Aadhaar details ready.

കേന്ദ്ര സർക്കാർ ജീവനക്കാരുടെയും പെൻഷൻകാരുടെയും കണ്ണുകൾ 8-ാം ശമ്പള കമ്മീഷന്റെ തീരുമാനങ്ങളിലേക്കാണ്. മുംബൈയിൽ കമ്മീഷൻ ജീവനക്കാരുടെ യൂണിയനുകളുമായി രണ്ടാം ഘട്ട ചർച്ചകൾ നടത്തിവരികയാണ്. അടിസ്ഥാന ശമ്പളത്തിൽ വരാൻ പോകുന്ന മാറ്റങ്ങൾ കേന്ദ്ര ജീവനക്കാരുടെ പ്രതിമാസ വരുമാനത്തിൽ മാത്രമല്ല, വർഷാന്ത്യ ഇൻക്രിമെന്റുകളിലും ഗ്രാജുവൈറ്റി, പെൻഷൻ തുടങ്ങിയ വിരമിക്കൽ ആനുകൂല്യങ്ങളിലും വലിയ പ്രതിഫലനമുണ്ടാക്കും. 20 വർഷത്തെ സർവീസ് ജീവിതത്തിൽ അടിസ്ഥാന ശമ്പള വർധനവ് വരുമാനത്തെ എങ്ങനെ ബാധിക്കുമെന്ന് പരിശോധിച്ചാലോ...

എന്താണ് അടിസ്ഥാന ശമ്പളം?

ഒരു സർക്കാർ ജീവനക്കാരന്റെ ശമ്പളത്തിലെ പ്രധാന ഘടകമാണ് അടിസ്ഥാന ശമ്പളം. ഇതിൽ അലവൻസുകളും മറ്റ് ആനുകൂല്യങ്ങളും ഉൾപ്പെടുന്നില്ല. അതുപോലെ ക്ഷാമബത്ത, വീട്ടുവാടക അലവൻസ് പോലുള്ള മറ്റ് ഘടകങ്ങൾ കണക്കാക്കുന്നത് ഈ അടിസ്ഥാന ശമ്പളത്തെ അടിസ്ഥാനമാക്കിയാണ്.

എട്ടാം ശമ്പള കമ്മീഷനിൽ അടിസ്ഥാന ശമ്പളത്തിൽ വൻ വർദ്ധനവാണ് ജീവനക്കാർ ആവശ്യപ്പെടുന്നത്. ഫിറ്റ്മെന്റ് ഫാക്ടർ 3.833, കുറഞ്ഞ അടിസ്ഥാന ശമ്പളം 69,000 രൂപ ആക്കണമെന്ന നിർദേശമാണ് നാഷണൽ കൗൺസിൽ-ജോയിന്റ് കൺസൾട്ടേറ്റിവ് മെഷിനറി മുന്നോട്ട് വച്ചിരിക്കുന്നത്. അതുപോലെ, ഭാരതീയ പ്രതിരോധ മദൂർ സംഘ് കുറഞ്ഞ അടിസ്ഥാന ശമ്പളം 72,000 രൂപ ആക്കണമെന്നും 4 ഫിറ്റ്മെന്റ് ഫാക്ടർ വേണമെന്നും ആവശ്യപ്പെട്ടിട്ടുണ്ട്. വാർഷിക ഇൻക്രിമെന്റ് 3 ശതമാനത്തിൽ നിന്ന് 6 ശതമാനമായി ഉയർത്തണമെന്നും ഇരു യൂണിയനുകളും ആവശ്യപ്പെട്ടിട്ടുണ്ട്.

ALSO READ: ജീവനക്കാർക്ക് ഡിഎ കുടിശ്ശികയും 10,000 രൂപയും; നവംബറിൽ ഇരട്ട ആനുകൂല്യം

ഉയർന്ന അടിസ്ഥാന ശമ്പളം 20 വർഷത്തെ ആകെ വരുമാനത്തെ എങ്ങനെ ബാധിക്കും?

അടിസ്ഥാന ശമ്പളം കൂടുന്നതിനനുസരിച്ച് മൊത്ത ശമ്പളത്തിലും വൻ വർദ്ധനവ് ഉണ്ടാകും. ''ഉയർന്ന അടിസ്ഥാന ശമ്പളം ജീവനക്കാരന്റെ ഔദ്യോഗിക ജീവിതത്തിലുടനീളം കൂട്ടുപലിശയ്ക്ക് സമാനമായ ഒരു വർധനവ് ഉണ്ടാക്കുന്നു," എന്നാണ് ബാങ്ക് ബസാർ സിഇഒ അധിൽ ഷെട്ടി പറയുന്നത്. കൂടാതെ, ഏഴാം ശമ്പള കമ്മീഷന് കീഴിൽ വാർഷിക ഇൻക്രിമെന്റ് എന്നത് അടിസ്ഥാന ശമ്പളത്തിന്റെ 3% ആണ്. അതിനാൽ, ഉയർന്ന തുടക്ക ശമ്പളം ഓരോ വർഷവും വലിയ തുക ഇൻക്രിമെന്റായി ലഭിക്കാൻ കാരണമാകുന്നുണ്ടെന്നും അദ്ദേഹം വ്യക്തമാക്കുന്നു.

ക്ഷാമബത്ത, വീട്ടുവാടക അലവൻസ് തുടങ്ങിയവ അടിസ്ഥാന ശമ്പളവുമായി ബന്ധപ്പെട്ടിരിക്കുന്നതിനാൽ, ബേസിക് പേ ഉയരുന്നത് മൊത്തത്തിലുള്ള വരുമാനത്തെയും ബാധിക്കും. 20 വർഷത്തെ കാലയളവിൽ ഈ വ്യത്യാസം വളരെ വലുതായി മാറും. കൂടാതെ, അടിസ്ഥാന ശമ്പളത്തിലെ വർദ്ധനവ്, വിരമിക്കൽ സമയത്ത് ലഭിക്കുന്ന പെൻഷൻ, ഗ്രാജുവൈറ്റി, ലീവ് എൻകാഷ്‌മെന്റ് എന്നിവയിലും വലിയ വർധനവുണ്ടാക്കുമെന്നും അദ്ദേഹം ചൂണ്ടിക്കാണിക്കുന്നു.

ശുപാർശകൾ എന്ന്?

2025 നവംബറിലാണ് എട്ടാം ശമ്പള കമ്മീഷൻ രൂപീകരിച്ചത്. നിലവിൽ ജസ്റ്റിസ് രഞ്ജന പ്രകാശ് ദേശായി അധ്യക്ഷയായ മൂന്നംഗ കമ്മീഷൻ കൂടിയാലോചനകളുടെയും ചർച്ചകളുടെയും ഘട്ടത്തിലാണ്. കമ്മീഷൻ രൂപീകരിച്ച് 18 മാസത്തിന് ശേഷമാണ് അന്തിമ റിപ്പോർട്ട് സമർപ്പിക്കേണ്ടത്. അതായത്, ഏകദേശം 2027 മെയ്-ജൂൺ മാസങ്ങളോടെ റിപ്പോർട്ട് വരാൻ സാധ്യതയുണ്ട്. കമ്മീഷൻ തങ്ങളുടെ ശുപാർശകൾ സമർപ്പിക്കുകയും അതിൽ സർക്കാർ അന്തിമ തീരുമാനമെടുക്കുകയും ചെയ്യുന്നത് വരെ, യൂണിയനുകൾ മുന്നോട്ടുവെച്ച ആവശ്യങ്ങളെല്ലാം നിർദേശങ്ങൾ മാത്രമായിരിക്കും.

English Summary:

The 8th Pay Commission could significantly increase the long-term earnings and retirement benefits of central government employees if demands for higher basic pay and annual increments are approved. A higher basic pay could additionally improve retirement benefits, including pension and gratuity, depending on the applicable rules.

ഹിമാചല്‍ പ്രദേശിലെ സര്‍ക്കാര്‍ ജീവനക്കാര്‍ക്ക് ആശ്വാസമായി ക്ഷാമബത്ത (ഡിഎ) വര്‍ധന. നിലവിലെ 45 ശതമാനത്തില്‍നിന്ന് 50 ശതമാനമായാണ് ഡിഎ ഉയര്‍ത്തിയത്. അഞ്ച് ശതമാനം പോയിന്റിന്റെ വര്‍ധനവാണ് ഇതിലൂടെ ലഭിക്കുക. പുതിയ നിരക്കിലുള്ള ഡിഎ 2026 ഒക്ടോബറിലെ ശമ്പളത്തോടൊപ്പം നവംബറില്‍ നല്‍കും. വര്‍ധനവിന് പുറമെ മുന്‍കാലങ്ങളിലെ കുടിശ്ശികയും ജീവനക്കാര്‍ക്ക് ലഭിക്കാനുണ്ട്.

സംസ്ഥാന ധനകാര്യ വകുപ്പിന്റെ ഉത്തരവിലാണ് ഇക്കാര്യം വ്യക്തമാക്കിയത്. ഹിമാചല്‍ പ്രദേശ് സിവില്‍ സര്‍വീസസ് (റിവൈസ്ഡ് പേ) റൂള്‍സ്, 2022 പ്രകാരം ശമ്പളം ലഭിക്കുന്ന ജീവനക്കാര്‍ക്കാണ് ആനുകൂല്യം ബാധകമാകുക. യോഗ്യരായ അഖിലേന്ത്യാ സര്‍വീസ് ഉദ്യോഗസ്ഥര്‍ക്കും യുജിസി ശമ്പള സ്‌കെയിലില്‍ ഉള്‍പ്പെടുന്ന സംസ്ഥാന സര്‍ക്കാര്‍ ജീവനക്കാര്‍ക്കും വര്‍ധനയുടെ പ്രയോജനം ലഭിക്കും.

അഞ്ച് ശതമാനം ഡിഎ വര്‍ധന എപ്പോള്‍ മുതല്‍?

ഡിഎ 45 ശതമാനത്തില്‍നിന്ന് 50 ശതമാനമാക്കിയെങ്കിലും ഇത് 2026 ഒക്ടോബര്‍ മുതല്‍ പ്രാബല്യത്തില്‍ വരുന്ന പുതിയ വര്‍ധനയല്ല. നേരത്തെയുള്ള രണ്ട് ഗഡുക്കളുടെ ആനുകൂല്യമാണ് ഇപ്പോള്‍ പുതുക്കിയ നിരക്കില്‍ ഉള്‍പ്പെടുത്തിയിരിക്കുന്നത്. 2023 ജൂലൈ ഒന്ന് മുതല്‍ ഒരു ശതമാനവും 2024 ജനുവരി ഒന്ന് മുതല്‍ നാല് ശതമാനവും ഉള്‍പ്പെടെ ആകെ അഞ്ച് ശതമാനം പോയിന്റിന്റെ വര്‍ധനവാണ് അനുവദിച്ചത്. ഇതോടെ ഡിഎ നിരക്ക് 50 ശതമാനമായി. പുതുക്കിയ നിരക്കിലുള്ള ഡിഎ ഒക്ടോബറിലെ ശമ്പളത്തോടൊപ്പം നവംബറില്‍ പണമായി നല്‍കാനാണ് തീരുമാനം. ജീവനക്കാര്‍ക്ക് ലഭിക്കുന്ന ആനുകൂല്യം അവരുടെ അടിസ്ഥാന ശമ്പളത്തെ ആശ്രയിച്ചിരിക്കും.

ഡിഎ കുടിശ്ശിക എത്ര കാലത്തേക്ക്?

പുതിയ നിരക്കിന്റെ അടിസ്ഥാനത്തില്‍ ജീവനക്കാര്‍ക്ക് മുന്‍കാലങ്ങളിലെ ഡിഎ കുടിശ്ശികയ്ക്കും അര്‍ഹതയുണ്ട്. 2023 ജൂലൈ ഒന്ന്, 2024 ജനുവരി ഒന്ന് എന്നീ തീയതികള്‍ മുതല്‍ 2026 സെപ്റ്റംബര്‍ 30 വരെയുള്ള കാലയളവിലെ കുടിശ്ശികയാണ് കണക്കാക്കേണ്ടത്.

Also Read: 8th Pay Commission: കുറഞ്ഞ ശമ്പളം 69,000 രൂപ, പെൻഷൻ 36,000; ഇതിലെന്തെങ്കിലും സത്യമുണ്ടോ?

എന്നാല്‍ ഈ തുക എപ്പോള്‍, ഏത് രീതിയില്‍ വിതരണം ചെയ്യുമെന്ന കാര്യത്തില്‍ പ്രത്യേക ഉത്തരവ് പുറപ്പെടുവിക്കുമെന്ന് ധനകാര്യ വകുപ്പ് വ്യക്തമാക്കിയിട്ടുണ്ട്. അതിനാല്‍ കുടിശ്ശികയുടെ കൃത്യമായ പേയ്മെന്റ് തീയതിയും വിതരണരീതിയും സംബന്ധിച്ച കൂടുതല്‍ നിര്‍ദേശങ്ങള്‍ക്കായി ജീവനക്കാര്‍ കാത്തിരിക്കണം.

ഗ്രൂപ്പ് ഡി ജീവനക്കാര്‍ക്ക് 10,000 രൂപ കുടിശ്ശിക

ഡിഎ വര്‍ധനയ്ക്ക് പുറമെ ഹിമാചല്‍ പ്രദേശിലെ സ്ഥിരം ഗ്രൂപ്പ് ഡി ജീവനക്കാര്‍ക്കും ആശ്വാസവാര്‍ത്തയുണ്ട്. ശമ്പള പരിഷ്‌കരണവുമായി ബന്ധപ്പെട്ട് ലഭിക്കാനുള്ള കുടിശ്ശികയില്‍നിന്ന് 10,000 രൂപ 2026 നവംബറില്‍ പണമായി നല്‍കാന്‍ സര്‍ക്കാര്‍ ഉത്തരവിട്ടു. 2016 ജനുവരി ഒന്ന് മുതല്‍ പ്രാബല്യത്തില്‍ വന്ന ശമ്പള പരിഷ്‌കരണവുമായി ബന്ധപ്പെട്ട കുടിശ്ശികയുടെ ഭാഗമായാണ് ഈ തുക അനുവദിക്കുന്നത്. ഹിമാചല്‍ പ്രദേശ് സിവില്‍ സര്‍വീസസ് (റിവൈസ്ഡ് പേ) റൂള്‍സ്, 2022 പ്രകാരമുള്ള ശമ്പള പരിഷ്‌കരണത്തിന്റെ ആനുകൂല്യമാണ് ഇത്.

English Summary

Himachal Pradesh has increased Dearness Allowance (DA) from 45% to 50% for eligible government employees, with arrears payable under separate instructions. Regular Group D employees will also receive 10,000 in November 2026 as part of their pending pay revision arrears.

സ്വര്‍ണം വാങ്ങാന്‍ ഇന്നും പോകാം, വിലയില്‍ വലിയ മാറ്റമില്ല. വിലയില്‍ നേരിയ വര്‍ധനവ് സംഭവിച്ചിട്ടുണ്ടെങ്കിലും ഉപഭോക്താക്കള്‍ക്ക് ആശ്വാസ നിരക്ക് തുടരുകയാണ്. ഒക്ടോബര്‍ 23 ന് 1,04,480 രൂപയിലേക്ക് സ്വര്‍ണവില ഇടിഞ്ഞിരുന്നു. എന്നാല്‍ അവിടെ നിന്നും 80 രൂപ ഉയര്‍ന്ന് ഒരു പവന്‍ സ്വര്‍ണത്തിന് 1,04,560 രൂപയിലേക്ക് നിരക്കെത്തി. ഒരു ഗ്രാം സ്വര്‍ണത്തിന് 10 രൂപ ഉയര്‍ന്ന് 13,070 രൂപയുമാണ് ഇന്നത്തെ വില, കഴിഞ്ഞ ദിവസം 13,060 രൂപയായിരുന്നു നിരക്ക് ഉണ്ടായിരുന്നത്.

ആഗോള വിപണിയില്‍ സ്വര്‍ണവിലയില്‍ ഇടിവ് തുടരുന്നു. ക്രൂഡ് ഓയില്‍ വില കുതിച്ചുയര്‍ന്നതോടെ പണപ്പെരുപ്പ ആശങ്കകള്‍ ശക്തമായതും അമേരിക്കന്‍ കേന്ദ്രബാങ്കായ ഫെഡറല്‍ റിസര്‍വ് പലിശനിരക്ക് ഉയര്‍ന്ന നിലയില്‍ നിലനിര്‍ത്തുമെന്ന പ്രതീക്ഷയുമാണ് സ്വര്‍ണവിപണിയെ സമ്മര്‍ദത്തിലാക്കുന്നത്. 2026 ഒക്ടോബര്‍ 23 ലെ സ്വര്‍ണവില മൂന്ന് മാസത്തെ താഴ്ന്ന നിലയിലെത്തുകയും ആഴ്ചതോറുമുള്ള കണക്കില്‍ വലിയ നഷ്ടത്തിലേക്ക് നീങ്ങുകയും ചെയ്തിരുന്നു.

വെള്ളിയാഴ്ച ഏഷ്യന്‍ വ്യാപാരത്തില്‍ സ്പോട്ട് സ്വര്‍ണവില 0.3 ശതമാനം കുറഞ്ഞ് ഔണ്‍സിന് 4,013.40 ഡോളറിലെത്തി. വ്യാഴാഴ്ച വിലയില്‍ 2.8 ശതമാനത്തിന്റെ ഇടിവുണ്ടായിരുന്നു. അമേരിക്കന്‍ ഗോള്‍ഡ് ഫ്യൂച്ചേഴ്സ് വിലയും കുറഞ്ഞു. ആഴ്ചയിലെ മൊത്തം നഷ്ടം ഏകദേശം 3.5 മുതല്‍ 4 ശതമാനം വരെയെത്തിയതായി റിപ്പോര്‍ട്ടുകള്‍ വ്യക്തമാക്കുന്നു.

എണ്ണവില ഉയരുന്നത് സ്വര്‍ണത്തിന് തിരിച്ചടി

അന്താരാഷ്ട്ര വിപണിയില്‍ ബ്രെന്റ് ക്രൂഡ് ഓയില്‍ വില ബാരലിന് 114 ഡോളറിന് മുകളിലെത്തിയതാണ് സാമ്പത്തിക വിപണികളിലെ പ്രധാന ആശങ്ക. സൗദി അറേബ്യയില്‍ ഹൂതി ആക്രമണങ്ങള്‍ ഉണ്ടായതിനെത്തുടര്‍ന്ന് എണ്ണവിതരണം തടസപ്പെടാനുള്ള സാധ്യത വര്‍ധിച്ചതും വില ഉയരാന്‍ കാരണമായി. ഊര്‍ജവില വര്‍ധിക്കുന്നത് പണപ്പെരുപ്പം വീണ്ടും ശക്തമാക്കുമെന്ന ആശങ്കയും ഇതോടൊപ്പം ഉയരുന്നു.

Also Read: Kerala Gold Rate: എന്റമ്മോ… വിലയിൽ വൻ ഇടിവ്; സ്വർണം ഒരു ലക്ഷത്തിന് താഴേക്കോ?

പണപ്പെരുപ്പം ഉയര്‍ന്നുനില്‍ക്കുകയാണെങ്കില്‍ കേന്ദ്രബാങ്കുകള്‍ പലിശനിരക്ക് കുറയ്ക്കുന്നത് വൈകിപ്പിച്ചേക്കാം. പലിശ വരുമാനം നല്‍കാത്ത നിക്ഷേപമായ സ്വര്‍ണത്തിന്റെ ആകര്‍ഷണം ഉയര്‍ന്ന പലിശനിരക്കുള്ള സാഹചര്യത്തില്‍ കുറയാം. അതുകൊണ്ടാണ് എണ്ണവിലയിലെ കുതിപ്പ് സ്വര്‍ണവിലയില്‍ സമ്മര്‍ദം സൃഷ്ടിക്കുന്നത്.

ഫെഡറല്‍ റിസര്‍വിന്റെ തീരുമാനം

ഒക്ടോബര്‍ 27, 28 തീയതികളില്‍ ചേരുന്ന ഫെഡറല്‍ റിസര്‍വിന്റെ നയയോഗമാണ് നിക്ഷേപകര്‍ ഉറ്റുനോക്കുന്നത്. യോഗത്തില്‍ പലിശനിരക്ക് മാറ്റമില്ലാതെ നിലനിര്‍ത്താനാണ് വിപണി പൊതുവെ പ്രതീക്ഷിക്കുന്നതെങ്കിലും, അമേരിക്കയിലെ ഉപഭോക്തൃ വിലക്കയറ്റവും ഉല്‍പ്പാദക വിലക്കയറ്റവും പ്രതീക്ഷിച്ചതിനേക്കാള്‍ ഉയര്‍ന്നത് ഭാവിയിലെ പലിശനയത്തെക്കുറിച്ചുള്ള ആശങ്ക വര്‍ധിപ്പിച്ചിട്ടുണ്ട്.

ഡിസംബറില്‍ പലിശനിരക്ക് ഉയര്‍ത്താനുള്ള സാധ്യതയും വ്യാപാരികള്‍ വിലയിരുത്തുന്നുണ്ട്. പണപ്പെരുപ്പം നിയന്ത്രിക്കാന്‍ ഫെഡറല്‍ റിസര്‍വ് കടുത്ത നിലപാട് സ്വീകരിക്കുകയാണെങ്കില്‍ സ്വര്‍ണവിലയ്ക്ക് കൂടുതല്‍ സമ്മര്‍ദമുണ്ടാകാം. ഒക്ടോബര്‍ 29ന് പുറത്തുവരുന്ന അമേരിക്കയുടെ വ്യക്തിഗത ഉപഭോഗ ചെലവുകളെ അടിസ്ഥാനമാക്കിയുള്ള പണപ്പെരുപ്പ കണക്കുകളും വിപണിയുടെ അടുത്ത നീക്കത്തില്‍ നിര്‍ണായകമാകും.

English Summary

Global gold prices fell to a three-month low amid rising oil prices and inflation concerns. Here is what the decline means for Kerala’s gold market on October 24.

ഇന്ത്യയുടെ ക്യാപിറ്റൽ മാർക്കറ്റിന്റെ ചരിത്രത്തിൽ പുതിയൊരു നാഴികക്കല്ല് സൃഷ്ടിച്ച്‌ ജിയോ പ്ലാറ്റ്‌ഫോംസ് ഐപിഒ. മൊത്തത്തിലുള്ള ഡിമാൻഡ് 7 ലക്ഷം കോടി രൂപ കവിഞ്ഞു. കൂടാതെ, ലോകത്തിലെ മറ്റേതൊരു ഐപിഒയേക്കാളും കൂടുതൽ പങ്കാളികളുമായി 1.38 കോടിയിലധികം അപേക്ഷകളാണ് ലഭിച്ചത്. ഓഹരികൾക്കായുള്ള അസാധാരണമായ ആവശ്യകത, ലിസ്റ്റിംഗിൽ ഇന്ത്യയിലെ  ഏറ്റവും മൂല്യമുള്ള കമ്പനിയെന്ന നേട്ടത്തോടെയുള്ള ജെപിഎല്ലിന്റെ (JPL) അരങ്ങേറ്റത്തെ സൂചിപ്പിക്കുന്നു. കമ്പനി പുതുതായി പുറത്തിറക്കിയ 27 കോടി ഓഹരികൾക്കായി ആകെ 655.68 കോടി ഓഹരികളുടെ ഡിമാന്‍ഡാണ്‌ രേഖപ്പെടുത്തിയത്. ആങ്കർ ബുക്ക് സബ്‌സ്‌ക്രിപ്ഷൻ 30 ഇരട്ടിയിലേറെയും, ഐപിഒ ബുക്ക് സബ്‌സ്‌ക്രിപ്ഷൻ 22.2 ഇരട്ടി ഡിമാൻഡുമാണ് നേടിയത്. മൂന്നാം ദിവസത്തിന്റെ അവസാനത്തിൽ ജെപിഎൽ ഐപിഒ ബുക്ക് വലിയ തോതിൽ 22.2 ഇരട്ടി അധികം സബ്‌സ്‌ക്രൈബ് ചെയ്യപ്പെട്ടു.

ജിയോ ഐപിഒയുടെ പ്രധാന നേട്ടങ്ങൾ

1.  2020 ൽ 13 തന്ത്രപരമായ നിക്ഷേപകരിൽ നിന്നും സ്വകാര്യ ഇക്വിറ്റി നിക്ഷേപകരിൽ നിന്നും 20 ബില്യൺ യുഎസ് ഡോളർ സമാഹരിച്ചതിന്റെ റെക്കോർഡ് സൃഷ്ടിച്ച ശേഷം, ഈ ഐപിഒ പൊതു വിപണിയിൽ നിന്ന് ഏറ്റവും ഉയർന്ന തുക എന്ന പുതിയ റെക്കോർഡ് സൃഷ്ടിച്ചു.

2. ജിയോ ഐപിഒ നിരവധി പുതിയ റെക്കോർഡുകൾ സൃഷ്ടിച്ചു

A. 30,188 കോടി രൂപയുടെ മൊത്തം ഇഷ്യൂ വലുപ്പമുള്ള ഇന്ത്യയിലെ ഏറ്റവും വലിയ ഐപിഒ.

B. ആങ്കർ നിക്ഷേപകരും പബ്ലിക് ബുക്ക് ബിൽഡിംഗ് പ്രക്രിയയും സംയോജിപ്പിച്ച് മൊത്തം 7.4 ലക്ഷം കോടി രൂപ (78 ബില്യൺ യുഎസ് ഡോളർ) എക്കാലത്തെയും ഉയർന്ന ഡിമാൻഡ്.

C. ഇന്ത്യൻ ഐപിഒ ചരിത്രത്തിലെ ഏറ്റവും വേഗതയേറിയ പൂർണ്ണ സബ്സ്ക്രിപ്ഷൻ, തുറന്ന് 100 മിനിറ്റിനുള്ളിൽ മുഴുവൻ ലക്കവും സബ്സ്ക്രൈബ് ചെയ്തു.

D. 5,500 കോടി രൂപയുടെ ക്യുഐബി ഭാഗം ആദ്യ 10 മിനിറ്റിനുള്ളിൽ പൂർണ്ണമായും സബ്സ്ക്രൈബ് ചെയ്തു.

3. ഇന്ത്യയിലെ മികച്ച 5 ഐപിഒകളിൽ ഉൾപ്പെടുത്തിയിട്ടുള്ള ഒരേയൊരു ഐപിഒ, എല്ലാ നിക്ഷേപക വിഭാഗങ്ങളിലും കുറഞ്ഞത് 2 മടങ്ങ് സബ്സ്ക്രിപ്ഷൻ ലഭിച്ചു.

4. സമീപകാല വലിയ ഐപിഒകളിൽ നിക്ഷേപക വിഭാഗങ്ങളുടെ റെക്കോർഡ് ഡിമാൻഡ് (2022 ഏപ്രിലിന് ശേഷം, പുതുക്കിയ അലോക്കേഷൻ രീതികൾക്ക് കീഴിൽ):

• ക്യൂഐബി ഭാഗം 70.55 ഇരട്ടി അധികമായി സബ്‌സ്‌ക്രൈബ് ചെയ്യപ്പെട്ടു.
• എൻഐഐ ഭാഗം 14.0 ഇരട്ടി അധികമായി സബ്‌സ്‌ക്രൈബ് ചെയ്യപ്പെട്ടു.
• റീട്ടെയിൽ ഭാഗം 2.72 ഇരട്ടി അധികമായി സബ്‌സ്‌ക്രൈബ് ചെയ്യപ്പെട്ടു.
• ജീവനക്കാരുടെ ഭാഗം 2.93 ഇരട്ടി അധികമായി സബ്‌സ്‌ക്രൈബ് ചെയ്യപ്പെട്ടു.
• ഓഹരി ഉടമകളുടെ ഭാഗം 7.6 ഇരട്ടി അധികമായി സബ്‌സ്‌ക്രൈബ് ചെയ്യപ്പെട്ടു.

Also Read: Jio Platforms IPO: ജിയോ ഐപിഒയ്ക്ക് മികച്ച തുടക്കം; ആദ്യ മണിക്കൂറിൽ തന്നെ 83% സബ്‌സ്‌ക്രിപ്ഷൻ

5. ജിയോ ഐപിഒ റിലയൻസ് ഗ്രൂപ്പിന്റെ റീട്ടെയിൽ, ആദ്യ നിക്ഷേപകരുമായുള്ള ആഴത്തിലുള്ള ബന്ധം കൂടുതൽ ശക്തിപ്പെടുത്തി. ഈ ഐപിഒയിൽ മൊത്തം 1.4 കോടി അപേക്ഷകളാണ് ലഭിച്ചത്.

6. ആഗോള ഓഹരി വിപണിയിലെ പ്രക്ഷുബ്ധതകൾക്കിടയിൽ ജിയോ പ്ലാറ്റ്ഫോമുകൾ ആഗോള മൂലധനത്തിന്റെ ആകർഷണ കേന്ദ്രമായി മാറി. ഈ വർഷത്തിന്റെ തുടക്കം മുതൽ വിദേശ സ്ഥാപന നിക്ഷേപകർ (എഫ്ഐഐ) മൊത്തം 33 ബില്യൺ ഡോളർ വിൽക്കുകയും നിഫ്റ്റി 50 ബെഞ്ച്മാർക്ക് സൂചികയിൽ ഏകദേശം 13 ശതമാനം ഇടിവ് രേഖപ്പെടുത്തുകയും ചെയ്തിട്ടും ജിയോ ഐപിഒയ്ക്ക് മൊത്തം 78 ബില്യൺ യുഎസ് ഡോളർ ഡിമാൻഡ് ലഭിച്ചു.

ജിയോ ഐപിഒയില് നിക്ഷേപിക്കുന്നതിനായി വിദേശ നിക്ഷേപകര് ഡോളര് രൂപയാക്കി മാറ്റിയത് വിപണിയില് ഡോളര് അധിക വിതരണത്തിലേക്ക് നയിച്ചു. ക്രൂഡ് ഓയില് വില ഉയരുന്നതിനിടെയാണ് ഇത് രൂപയ്ക്ക് പിന്തുണ നല് കിയത്.

7. സ്ഥാപകന്റെ നേതൃത്വത്തിൽ ഐപിഒ സമയത്ത് 100 ബില്യൺ യുഎസ് ഡോളറിലധികം ഇക്വിറ്റി മൂല്യനിർണ്ണയം നേടുന്ന ലോകത്തിലെ നാലാമത്തെ ബിസിനസായി ജിയോ പ്ലാറ്റ്ഫോംസ് മാറുന്നു. മെറ്റ, ആലിബാബ, സ്പേസ് എക് സ് തുടങ്ങിയ കമ്പനികള് ഇതില് ഉള് പ്പെടുന്നു.

ഐപിഒ ഓഫർ വിലയിൽ 10.3 ലക്ഷം കോടി രൂപയുടെ വിപണി മൂലധനം കണക്കാക്കപ്പെടുന്ന ജിയോ പ്ലാറ്റ്ഫോമുകൾ ഇന്ത്യയിലെ ഏറ്റവും മികച്ച മൂന്ന് ലിസ്റ്റുചെയ്ത കമ്പനികളിൽ ഒന്നാണ്. ഇന്ത്യയിൽ പുതുതായി ലിസ്റ്റുചെയ്ത ഏതൊരു കമ്പനിയുടെയും എക്കാലത്തെയും വലിയ അരങ്ങേറ്റമായിരിക്കും ഇത്.

ജിയോ പ്ലാറ്റ്ഫോമുകളുടെ ലിസ്റ്റിംഗിന് ശേഷം, മൊത്തം ലിസ്റ്റുചെയ്ത വിപണി മൂലധനത്തെ അടിസ്ഥാനമാക്കി റിലയൻസ് ഗ്രൂപ്പ് ഇന്ത്യയിലെ ഏറ്റവും വലിയ ലിസ്റ്റുചെയ്ത ബിസിനസ്സ് ഗ്രൂപ്പായി മാറും.

ലോകത്തിലെ ഏറ്റവും ഉയര് ന്ന ആപ്ലിക്കേഷന്

ആപ്ലിക്കേഷനുകളുടെ എണ്ണത്തിന്റെ കാര്യത്തിൽ ജിയോ ഐപിഒ പുതിയ ആഗോള റെക്കോർഡ് സ്ഥാപിച്ചു. ലോകത്ത് ആദ്യമായി ഒരു ഐപിഒയ്ക്ക് ഒരു കോടിയിലധികം അപേക്ഷകളാണ് ലഭിച്ചത്. മൂന്ന് ദിവസത്തിനുള്ളിൽ ഇത് 1.38 കോടിയിലധികമായി. നേരത്തെ ലോകത്ത് ഏറ്റവും കൂടുതൽ അപേക്ഷകൾ ലഭിച്ച ഐപിഒ കണക്ക് ഒരു കോടിയിൽ താഴെയായിരുന്നു. ജിയോയ്ക്ക് ആ പരിധി മറികടക്കുക മാത്രമല്ല, പഴയ ബെഞ്ച്മാർക്കിനേക്കാൾ 42 ശതമാനം കൂടുതൽ അപേക്ഷകൾ ലഭിക്കുകയും ചെയ്തു. ചെറുകിട ചില്ലറ നിക്ഷേപകർ മുതൽ വലിയ സ്ഥാപന നിക്ഷേപകർ വരെ വിപുലമായ പങ്കാളിത്തം കണ്ടതിനാൽ ഈ നേട്ടം സവിശേഷമാണ്.

രാജ്യത്തെ ഏറ്റവും വലിയ ഐപിഒ, റെക്കോർഡ് ഭേദിച്ച തുടക്കം

30,213 കോടി രൂപയുടെ ജിയോ പ്ലാറ്റ്ഫോമുകൾ ഇന്ത്യയിലെ എക്കാലത്തെയും വലിയ ഐപിഒയായി മാറി. നേരത്തെ, രാജ്യത്ത് നിരവധി വലിയ പൊതു പ്രശ്നങ്ങൾ ഉണ്ടായിരുന്നുവെങ്കിലും അവയുടെ വലുപ്പം 30,000 കോടി രൂപയിൽ താഴെയായിരുന്നു. ജിയോ ഐപിഒയുടെ മറ്റൊരു സവിശേഷത ഇത് തികച്ചും പുതിയ പ്രശ്നമായിരുന്നു എന്നതാണ്. അതായത്, നിലവിലുള്ള ഓഹരിയുടമകള് ഈ ഐപിഒയിലൂടെ അവരുടെ ഓഹരികള് വിറ്റിട്ടില്ല.

ജിയോ ഐപിഒ തുടക്കം മുതല് തന്നെ ശക്തി പ്രാപിച്ചിരുന്നു. ഒക്ടോബർ 21 ന് ലേലം ആരംഭിച്ച് വെറും 100 മിനിറ്റിനുള്ളിൽ ഐപിഒ 100% സബ്സ്ക്രൈബ് ചെയ്തു. ആദ്യ ദിവസം അവസാനിക്കുമ്പോഴേക്കും സബ്സ്ക്രിപ്ഷൻ 3.16 മടങ്ങ് ആയിരുന്നു. രണ്ടാം ദിവസം ഇത് 5.57 മടങ്ങും മൂന്നാം ദിവസം നിക്ഷേപകരുടെ ആവശ്യത്തിൽ വൻ കുതിച്ചുചാട്ടവും ഉണ്ടായി. അന്തിമ സബ്സ്ക്രിപ്ഷൻ 22.19 തവണയാണ്.

ബിഡുകളുടെ അളവും സ്ഥാപന ആവശ്യവും ഒരു പുതിയ മാനദണ്ഡം സ്ഥാപിച്ചു
ജിയോ ഐപിഒയിലെ നിക്ഷേപകരിൽ നിന്നുള്ള മൊത്തത്തിലുള്ള ഡിമാൻഡ് വലുപ്പവും അസാധാരണമായിരുന്നു. ഏകദേശം ₹ 4.90 ലക്ഷം കോടി ബിഡ്ഡുകൾ നോൺ-ആങ്കർ നിക്ഷേപകരിൽ നിന്ന് വന്നു, ആങ്കർ നിക്ഷേപകർ ഏകദേശം ₹ 2.50 ലക്ഷം കോടി ഡിമാൻഡ് കാണിച്ചു. ഇരുവരുടെയും മൊത്തം ബിഡുകളുടെ എണ്ണം ഏകദേശം 7.40 ലക്ഷം കോടി രൂപയായിരുന്നു. ഇന്ത്യൻ ഐപിഒ വിപണിയിൽ ഇത്രയും വലിയ നിക്ഷേപക ആവശ്യം ഒരു സുപ്രധാന നേട്ടമാണ്.

വൻകിട സ്ഥാപന നിക്ഷേപകരുടെ (ക്യുഐബി) പങ്കാളിത്തം പ്രത്യേകിച്ചും ശ്രദ്ധേയമാണ്. ഈ വിഭാഗത്തിന് ഏകദേശം 3.87 ലക്ഷം കോടി രൂപയുടെ ബിഡുകൾ ലഭിക്കുകയും 70.55 തവണ സബ്സ്ക്രൈബ് ചെയ്യുകയും ചെയ്തു. ഇന്ത്യയുടെ ഐപിഒ വിപണിയിൽ സ്ഥാപന നിക്ഷേപകരിൽ നിന്ന് ഇത്രയും വലിയ തുകയുടെ ബിഡ്ഡുകൾ വളരെ കുറച്ച് മാത്രമേ ഉണ്ടായിട്ടുള്ളൂ. സ്ഥാപനേതര നിക്ഷേപകരുടെ (എൻഐഐ) വിഭാഗവും 14 തവണ സബ്സ്ക്രൈബ് ചെയ്തു.

നിക്ഷേപകരും വലിയ താല് പര്യം പ്രകടിപ്പിച്ചു

സാധാരണ നിക്ഷേപകരുടെ പങ്കാളിത്തമായിരുന്നു ജിയോ ഐപിഒയുടെ പ്രധാന നേട്ടങ്ങളിലൊന്ന്. റീട്ടെയിൽ വിഭാഗത്തിൽ, ഏകദേശം 8.5 കോടി ഓഹരികൾ ലഭ്യമായപ്പോൾ 23 കോടിയിലധികം ഓഹരികൾക്ക് ബിഡ് ലഭിച്ചു. ഈ രീതിയിൽ, റീട്ടെയിൽ ഭാഗം 2.72 മടങ്ങ് സബ്സ്ക്രൈബ് ചെയ്തു. ഓഹരിയുടമകളുടെ ക്വാട്ടയിൽ 7.60 മടങ്ങും ജീവനക്കാരുടെ വിഭാഗത്തിൽ 2.93 തവണയും റിലയൻസിന് സബ്സ്ക്രിപ്ഷൻ ലഭിച്ചു.

മൂന്ന് ദിവസത്തെ റെക്കോർഡ് ലേലത്തിന് ശേഷം, അടുത്തത് ഓഹരികളുടെ അലോട്ട്മെന്റും ലിസ്റ്റിംഗുമാണ്. ഷെഡ്യൂൾ അനുസരിച്ച്, ഒക്ടോബർ 26 ന് അലോട്ട്മെന്റ് തീരുമാനിക്കുകയും ഒക്ടോബർ 28 ന് ജിയോ പ്ലാറ്റ്ഫോമുകൾ ഓഹരി വിപണിയിൽ ലിസ്റ്റ് ചെയ്യുകയും ചെയ്യും.

രാജ്യത്തെ ദശലക്ഷക്കണക്കിന് കേന്ദ്ര സർക്കാർ ജീവനക്കാരും പെൻഷൻകാരും എട്ടാം ശമ്പള കമ്മീഷന് വേണ്ടിയുള്ള കാത്തിരിപ്പിലാണ്. ഇത്തവണ ശമ്പളത്തിലും പെൻഷനിലും മറ്റ് ആനുകൂല്യങ്ങളിലും വൻ വർദ്ധനവാണ് പ്രതീക്ഷിക്കുന്നത്. ജീവനക്കാരുടെയും പെൻഷൻകാരുടെയും സംഘടനകൾ നിരവധി ആവശ്യങ്ങൾ ഉന്നയിച്ചിട്ടുണ്ട്. ഒക്ടോബർ 22, 23 തീയതികളിൽ മുംബൈയിൽ നടക്കുന്ന വരാനിരിക്കുന്ന യോഗങ്ങളിൽ കമ്മീഷൻ വിവിധ ഓഹരി ഉടമകളെ കാണാൻ ഒരുങ്ങുകയാണ്.

ഈ ചർച്ചകളെല്ലാം ശമ്പള പരിഷ്കരണത്തിൽ നിർണായക പങ്ക് വഹിക്കും. ഫിറ്റ്മെന്റ് ഫാക്ടർ മാറുന്നതിനനുസരിച്ച് ഏറ്റവും കുറഞ്ഞ അടിസ്ഥാന ശമ്പളം 69,000 രൂപ വരെ ഉയർന്നേക്കുമെന്ന റിപ്പോർട്ടുകളുണ്ടായിരുന്നു. പെൻഷൻ തുകയും 36,000 രൂപയിലേക്ക് ഉയരാൻ സാധ്യതകളുണ്ടെന്നും പറയുന്നു. ഇതിലെന്തെങ്കിലും സത്യമുണ്ടോ?

മിനിമം ശമ്പളം ശമ്പളം 69,000 രൂപയോ?

ശമ്പളപരിഷ്കരണത്തിൽ ഫിറ്റ്മെന്റ് ഫാക്ടർ നിർണായക പങ്ക് വഹിക്കുന്നുണ്ട്. 2.1, 2.28, 2.57 എന്നീ ഫിറ്റ്മെന്റ് ഫാക്ടറുകളാണ് ഇത്തവണ പ്രധാനമായും പരിഗണിക്കുന്നത്. കൂടാതെ, നിലവിൽ 18,000 രൂപയായ കുറഞ്ഞ അടിസ്ഥാന ശമ്പളം 69,000 രൂപയായി ഉയർത്താൻ വിവിധ സംഘടനകൾ ശുപാർശ ചെയ്തിട്ടുണ്ട്. ഫിറ്റ്‌മെന്റ് ഫാക്ടർ നിരക്കുകൾ അനുസരിച്ച് ലെവൽ 1 ലെ ജീവനക്കാരുടെ അടിസ്ഥാന ശമ്പളം 69,000 രൂപ വരെയോ അല്ലെങ്കിൽ അതിനടുത്തോ എത്താനുള്ള സാധ്യതകളെക്കുറിച്ചുള്ള കണക്കുകൂട്ടലുകൾ വിദഗ്ധർ വിലയിരുത്തുന്നുണ്ട്.

ALSO READ: ഡിഎ പ്രഖ്യാപനം ഇനിയും വൈകും? ഇനി പ്രതീക്ഷ ആ ദിവസം

പെൻഷൻ 36,000 രൂപയോ?

ഏഴാം ശമ്പള കമ്മീഷന്‍ പ്രകാരം നിലവില്‍, ലെവല്‍ 1 പെന്‍ഷന്‍കാര്‍ക്ക് പ്രതിമാസം 9,000 രൂപയും, ലെവല്‍ 5 പെന്‍ഷന്‍കാര്‍ക്ക് 14,600 രൂപയുമാണ് പെൻഷനായി ലഭിക്കുന്ന.ത് ലെവല്‍ 10-ല്‍ പെട്ട വിരമിച്ചവര്‍ക്ക് പ്രതിമാസം ഏകദേശം 28,050 രൂപയും, ലെവല്‍ 18-ല്‍ പെട്ടവര്‍ക്ക് 1,25,000 രൂപയും ലഭിക്കുന്നുണ്ട്. എന്നാൽ എട്ടാം ശമ്പള കമ്മീഷൻ 4 എന്ന ഫിറ്റ്മെന്റ് ഫാക്ടര്‍ നടപ്പിലാക്കിയാല്‍, ലെവല്‍ 1 പെന്‍ഷന്‍കാരുടെ കുറഞ്ഞ പെന്‍ഷന്‍ തുക 36,000 രൂപയായി ഉയരും. ലെവല്‍ 5 ജീവനക്കാരന് 58400 രൂപയും ലെവല്‍ 10 ജീവനക്കാരന് 112200 രൂപയും ലെവല്‍ 18 ജീവനക്കാരന് 5 ലക്ഷം രൂപയുമായി പെൻഷൻ തുക കൂടും.

എട്ടാം ശമ്പളകമ്മീഷൻ- പ്രവർത്തനങ്ങൾ

2025 നവംബർ 3-നാണ് എട്ടാം ശമ്പള കമ്മീഷൻ രൂപീകരിച്ചത്. മുൻ സുപ്രീം കോടതി ജസ്റ്റിസ് രഞ്ജന പ്രകാശ് ദേശായി അധ്യക്ഷയായ എട്ടാം ശമ്പള കമ്മീഷൻ, ശുപാർശകൾ നൽകുന്നതിന് മുമ്പ് ജീവനക്കാരുടെ യൂണിയനുകൾ, പെൻഷൻകാർ അസോസിയേഷനുകൾ, മറ്റ് പങ്കാളികൾ എന്നിവരുമായി കൂടിയാലോചനകൾ നടത്തിവരികയാണ്. 18 മാസത്തിനുള്ളിൽ അന്തിമ റിപ്പോർട്ട് സമർപ്പിക്കാനാണ് പറഞ്ഞിട്ടുള്ളത്. ഇത് പ്രകാരം, 2027 മെയ്-ജൂൺ മാസത്തിനുള്ളിൽ റിപ്പോർട്ട് സമർപ്പിക്കുമെന്നാണ് പ്രതീക്ഷിക്കുന്നത്.

ശുപാർശകൾ പുറത്തുവന്നതിന് ശേഷം മാത്രമേ ഫിറ്റ്മെന്റ് ഫാക്ടർ, അടിസ്ഥാന ശമ്പളം, പെൻഷൻ എന്നിവയിൽ വ്യക്തത വരികയുള്ളൂ. എന്നിരുന്നാലും നിലവിൽ പുറത്ത് വരുന്ന റിപ്പോർട്ടുകൾ ജീവനക്കാരുടെ ശമ്പളത്തിൽ വർദ്ധനവ് ഉണ്ടാകുമെന്ന കാര്യം ഉറപ്പിക്കുന്നുണ്ട്. ജനുവരി മുതൽ മുൻകാല പ്രാബല്യത്തോടെ നടപ്പാക്കിയാൽ അതുവരെയുള്ള കുടിശ്ശിക തുകയും ലഭിക്കും.

English Summary:

The 8th Pay Commission was constituted on November 3, 2025. Chaired by former Supreme Court Justice Ranjana Prakash Desai, the Commission is currently holding consultations with employee unions, pensioners' associations, and other stakeholders before submitting its recommendations.

പണം സമ്പാദിക്കുന്നതിനോടൊപ്പം തന്നെ നാളെത്തേക്ക് കരുതണമെന്നുള്ളതും അനിവാര്യമാണ്. സുരക്ഷിതമായി പണം നിക്ഷേപിക്കാൻ സാധിക്കുന്ന വിവിധ സർക്കാർ പദ്ധതികൾ ഇന്നുണ്ട്. സുരക്ഷയോടൊപ്പം തന്നെ മികച്ച ആനുകൂല്യങ്ങളും ആഗ്രഹിക്കുന്നവർക്കായി കേന്ദ്ര സർക്കാർ പോസ്റ്റ് ഓഫീസ് മുഖേന നടപ്പിലാക്കുന്ന ഏറ്റവും ജനപ്രിയമായ ഒരു പദ്ധതിയാണ് 'ഗ്രാം സുരക്ഷ യോജന'. വളരെ ചെറിയ നിക്ഷേപത്തിലൂടെ ലക്ഷങ്ങൾ സമ്പാദിക്കാൻ സാധിക്കും.

പോസ്റ്റ് ഓഫീസ് ഗ്രാം സുരക്ഷ യോജന

കേന്ദ്ര സർക്കാർ പോസ്റ്റ് ഓഫീസ് മുഖേന നടപ്പിലാക്കുന്ന ഒരു ജനപ്രിയ റൂറൽ പോസ്റ്റൽ ലൈഫ് ഇൻഷുറൻസ് പദ്ധതിയാണ് 'ഗ്രാം സുരക്ഷ യോജന'. ഗ്രാമീണ മേഖലയിലുള്ള ആളുകൾക്ക് കുറഞ്ഞ പ്രീമിയത്തിൽ ഇൻഷുറൻസ് പരിരക്ഷയും ഒപ്പം മികച്ച സാമ്പത്തിക ലാഭവും ഉറപ്പാക്കുക എന്നതാണ് ഇതിന്റെ പ്രധാന ലക്ഷ്യം.

ഈ പദ്ധതിയിൽ ദിവസേന വെറും 50 രൂപ, അതായത് പ്രതിമാസം ഏകദേശം 1,500 രൂപ നിക്ഷേപിച്ചാൽ, മെച്യൂരിറ്റി ഘട്ടത്തിൽ 35 ലക്ഷം രൂപ വരെ നേടാൻ സാധിക്കും. 19 വയസ്സനും 55 വയസ്സിനും ഇടയിൽ പ്രായമുള്ള ഏതൊരു ഇന്ത്യൻ പൗരനും ഈ സ്കീമിൽ ചേരാം. നിക്ഷേപകർക്ക് 5 വർഷത്തിന് ശേഷം പോസ്റ്റ് ഓഫീസിന്റെ ബോണസ് ആനുകൂല്യങ്ങൾ ലഭിച്ചു തുടങ്ങുന്നതാണ്.

ALSO READ: ബാങ്ക് അക്കൗണ്ട് മാറിയോ? ഗ്യാസ് സബ്സിഡി ലഭിക്കാൻ ഈ കാര്യങ്ങൾ ഉറപ്പാക്കണം

വായ്പാ സൗകര്യവും മെച്യൂരിറ്റിയും

അടിയന്തിര ആവശ്യങ്ങൾക്കായി പണം ആവശ്യമായി വന്നാൽ, പോളിസി ആരംഭിച്ച് നാല് വർഷം പൂർത്തിയായാൽ ഈ പോളിസിയുടെമേൽ വായ്പ എടുക്കാനുള്ള സൗകര്യവുമുണ്ട്. അഞ്ച് വർഷത്തിന് ശേഷം ബോണസ് ആനുകൂല്യങ്ങളും ലഭിക്കും. ഇതോടൊപ്പം, നാല് വർഷത്തിന് ശേഷം ഈ പോളിസിയിൽ നിന്ന് വായ്പയും എടുക്കാം. നിങ്ങൾക്ക് താൽപ്പര്യമുണ്ടെങ്കിൽ, പോളിസി ആരംഭിച്ച് മൂന്ന് വർഷത്തിന് ശേഷം നിങ്ങൾക്ക് അത് നിർത്താം. നിങ്ങൾ നിക്ഷേപിക്കുന്ന ഓരോ 1000 രൂപയ്ക്കും, നിങ്ങൾക്ക് പ്രതിവർഷം 60 രൂപ ബോണസ് ലഭിക്കും.

നിക്ഷേപകന്റെ താല്പര്യത്തിനനുസരിച്ച് 55, 58 അല്ലെങ്കിൽ 60 വയസ്സിൽ പോളിസി കാലാവധി പൂർത്തിയാകുന്ന രീതിയിൽ തിരഞ്ഞെടുക്കാം. കാലാവധിക്ക് മുമ്പ് നിക്ഷേപകൻ മരണപ്പെടുകയാണെങ്കിൽ ആ തുക നോമിനിക്ക് ലഭിക്കുന്നതാണ്.

കാലാവധിയും തുകയും

• 55 വർഷത്തെ കാലാവധി – ഏകദേശം 31.60 ലക്ഷം രൂപ.
• 58 വർഷത്തെ കാലാവധി – ഏകദേശം 33.40 ലക്ഷം രൂപ.
• 60 വയസ്സ് പൂർത്തിയാകുന്ന കാലാവധി - ഏകദേശം 34.60 ലക്ഷം രൂപ

നിക്ഷേപകൻ 80 വയസ്സിനു മുമ്പ് മരിച്ചാൽ, ഈ ഒറ്റത്തവണ തുക അയാളുടെ നോമിനിക്ക് നൽകും. ചെറിയ തുകകൾ ലാഭിക്കാനും വലിയ തുക നേടാനും ആഗ്രഹിക്കുന്നവർക്ക് ഇതൊരു നല്ല പദ്ധതിയാണ്.

English Summary:

The Post Office’s Gram Suraksha Yojana is a rural postal life insurance scheme designed to help people build long-term savings while receiving life insurance coverage. Eligible Indian citizens aged 19 to 55 can invest approximately Rs 50 per day and potentially receive up to Rs 35 lakh.

വിവാഹാവശ്യങ്ങൾക്കും മറ്റും സ്വർണം വാങ്ങാൻ കാത്തിരിക്കുന്നവർക്ക് പ്രതീക്ഷയേകി സംസ്ഥാനത്ത് സ്വർണവില ഇടിയുന്നു. ഡിസംബറിൽ ഒരു ലക്ഷം കടന്ന വില റെക്കോർഡുകൾ തകർത്ത് മുന്നേറിയതോടെ സാധാരണക്കാർക്ക് പൊന്ന് ഇനി സ്വപ്നമാകുമോ എന്ന ആശങ്ക ഉയർന്നിരുന്നു. എന്നാൽ നിലവിലെ വില അധികം വൈകാതെ ഒരു ലക്ഷം താഴ്ന്നേക്കുമെന്ന പ്രതീക്ഷയാണ് നൽകുന്നത്. കേരളത്തിൽ ഇന്ന് ഒരു പവൻ സ്വർണത്തിനും ഗ്രാമിനും എത്ര രൂപയാണ് നൽകേണ്ടതെന്ന് പരിശോധിക്കാം....

ഇന്നത്തെ സ്വർണവില

സ്വർണവിലയിൽ വൻ ഇടിവാണ് രേഖപ്പെടുത്തുന്നത്. കഴിഞ്ഞ ദിവസം പവന് 1,05,880 രൂപ നിരക്കിലായിരുന്നു വ്യാപാരം. ഇന്ന് 1400 രൂപയാണ് കുറഞ്ഞത്. ഇതോടെ ഒരു പവൻ സ്വർണവില 1,04,480 രൂപയായി ഇടിഞ്ഞു. ഒരു ഗ്രാം സ്വര്‍ണത്തിന് 13,060 രൂപയാണ് നൽകേണ്ടത്. അന്താരാഷ്ട്ര വിപണിയിലെ വിലമാറ്റങ്ങള്‍, ഡോളറിനെതിരായ രൂപയുടെ മൂല്യം, അമേരിക്കന്‍ ഫെഡറല്‍ റിസര്‍വിന്റെ പലിശനിരക്ക് സംബന്ധിച്ച തീരുമാനങ്ങള്‍, ആഗോള രാഷ്ട്രീയ സംഘര്‍ഷങ്ങള്‍ എന്നിവയെല്ലാം വിലയെ സ്വാധീനിക്കും.

സ്വർണവിലയിൽ ഇനിയെന്ത്?

സ്വർണവില കൂടുമോ കുറയുമോ എന്നത് തികച്ചും പ്രവചനാതീതമാണ്. ക്രൂഡ് ഓയിൽ വില കുതിക്കുന്നതാണ് സ്വർണത്തിന് തിരിച്ചടി നൽകുന്നത്. പണപ്പെരുപ്പം, പലിശനിരക്ക് വർധന എന്നിവ സംബന്ധിച്ച ആശങ്ക ഡോളറിനും യുഎസ് ബോണ്ട് യീൽഡിനും കരുത്താകുകയും സ്വർണത്തിന് വെല്ലുവിളി ഉയർത്തുകയും ചെയ്യും. കൂടാതെ ഇന്ത്യൻ രൂപയുടെ മുന്നേറ്റവും നിർണായകമാണ്.

അതേസമയം, ധന്‍തേരസ്, ദീപാവലി തുടങ്ങിയ ആഘോഷങ്ങളോടനുബന്ധിച്ച് സ്വര്‍ണത്തിന് ആവശ്യക്കാര്‍ കൂടാറുണ്ട്. വിവാഹ സീസണും അടുത്തെത്തുന്നതിനാല്‍ ഡിമാന്‍ഡ് വര്‍ധിക്കാനുള്ള സാധ്യതയുണ്ട്. അതിനാല്‍ വില കൂടാൻ സാധ്യതയുണ്ട്. ഇത്തരം സാഹചര്യങ്ങളിൽ അഡ്വാൻസ് ബുക്കിങ് ഗുണം ചെയ്യും.

ALSO READ: ഇപ്പോള്‍ വാങ്ങിയാല്‍ ഇരട്ടി വാങ്ങാം; ഒക്ടോബര്‍ 22-ലെ സ്വര്‍ണവില

സ്വർണവിലയിലെ അടിക്കടിയുള്ള മാറ്റങ്ങളിൽ നിന്ന് രക്ഷനേടാനും വിലക്കയറ്റം ബാധിക്കാതെ കുറഞ്ഞ നിരക്കിൽ സ്വർണം വാങ്ങാനും അഡ്വാൻസ് ബുക്കിങ് സഹായിക്കും. ബുക്ക് ചെയ്യുന്ന ദിവസത്തെ വിലയും, നിങ്ങൾ ആഭരണം വാങ്ങാൻ ചെല്ലുന്ന ദിവസത്തെ വിലയും തമ്മിൽ താരതമ്യം ചെയ്ത്, ഏതാണോ കുറവ് ആ നിരക്കിൽ സ്വർണം സ്വന്തമാക്കാൻ സാധിക്കും.

ഒക്ടോബർ മാസത്തിലെ സ്വർണവില

• ഒക്ടോബർ 1: 109440
• ഒക്ടോബർ 2: 110200
• ഒക്ടോബർ 3: 109400
• ഒക്ടോബർ 4: 109400
• ഒക്ടോബർ 5: 109400
• ഒക്ടോബർ 6: 1,09,280 (രാവിലെ)
• ഒക്ടോബർ 6: 110160 (വൈകുന്നേരം)
• ഒക്ടോബർ 7: 109680
• ഒക്ടോബർ 8: 109680
• ഒക്ടോബർ 9: 1,10,520
• ഒക്ടോബർ 10: 1,11,040
• ഒക്ടോബർ 11: 1,11,040
• ഒക്ടോബർ 12: 110720 (രാവിലെ)
• ഒക്ടോബർ 12: 1,09,760 (വൈകുന്നേരം)
• ഒക്ടോബർ 13: 1,09,480
• ഒക്ടോബർ 14: 108720
• ഒക്ടോബർ 15: 1,08,120
• ഒക്ടോബർ 16: 1,08,120
• ഒക്ടോബർ 17: 1,08,280
• ഒക്ടോബർ 18: 1,08,280
• ഒക്ടോബർ 19: 1,08,560
• ഒക്ടോബർ 20: 1,07,920
• ഒക്ടോബർ 20: 1,07,120
• ഒക്ടോബർ 21: 1,07,120
• ഒക്ടോബർ 22: 1,05,880
• ഒക്ടോബർ 23: 1,04,480

കേന്ദ്രജീവനക്കാരുടെ പ്രതീക്ഷകളെയെല്ലാം കാറ്റിൽ പറത്തി ക്ഷാമബത്ത പ്രഖ്യാപനം ദസറയിലും ഉണ്ടായില്ല. ജൂലൈ 1 മുതലുള്ള ക്ഷാമബത്തയാണ് ജീവനക്കാർ കാത്തിരിക്കുന്നത്. ഒരർഥത്തിൽ വലിയൊരു ഫെസ്റ്റിവൽ ബോണസ് എന്ന് പോലും ഡിഎയെ പറഞ്ഞാൽ അതിശയിക്കാനില്ല. എങ്കിലും ഇനിയും ചില പ്രഖ്യാപന പ്രതീക്ഷകൾ ഇപ്പോഴും ജീവനക്കാരിലുണ്ട്. അതാണ് ദീപാവലി. സാധാരണ ഉത്സവ കാലങ്ങൾക്ക് മുൻപെ തന്നെയാണ് ഇത്തരം പ്രഖ്യാപനങ്ങൾ ഉണ്ടാവുന്നത് അതുകൊണ്ട് തന്നെ പ്രതീക്ഷയും ഏറെയാണ്. എന്നാൽ ദീപാവലിക്കായി ഇനിയും കാത്തിരിക്കേണ്ടതുണ്ട്. കൃത്യമായി പറഞ്ഞാൽ കുറഞ്ഞത് 2 ആഴ്ചയിലും അധികം. അതായത് നവംബർ-8-നാണ് ദീപാവലി.

കഴിഞ്ഞയാഴ്ച സംഭവിച്ചത്

റെയിൽവേ ജീവനക്കാരുടെ ബോണസ്, കേന്ദ്ര ജീവനക്കാരുടെ നോൺ പ്രോഡക്ടിറ്റിവിറ്റി ബോണസ് എന്നിവയെല്ലാം ഏറ്റവുമൊടുവിൽ ചേർന്ന മന്ത്രിസഭാ യോഗഗത്തിൽ പ്രഖ്യാപിച്ചിരുന്നെങ്കിലും ക്ഷാമബത്തയുടെ കാര്യത്തിൽ തീരുമാനമുണ്ടായില്ല. പിന്നെയുണ്ടായിരുന്ന പ്രതീക്ഷ 21-ന് ചേർന്ന മന്ത്രിസഭാ യോഗത്തിലായിരുന്നു. എന്നാൽ അന്ന യോഗം ചേർന്നില്ല. എങ്കിലും ഡിഎ പ്രഖ്യാപനത്തിൽ മന്ത്രിസഭാ യോഗം ചേരാതെയും ധനമന്ത്രാലയത്തിന് നേരിട്ട് ഉത്തരവിറക്കാൻ സാധിക്കും എന്ന് വിദഗ്ധരെ ഉദ്ധരിച്ച് ഇക്കണോമിക് ടൈംസ് റിപ്പോർട്ട് ചെയ്യുന്നു. ഒക്ടോബർ അവസാന ആഴ്ചയിലും ഒരു മന്ത്രിസഭാ യോഗത്തിന് സാധ്യതയുള്ളതിനാൽ പ്രഖ്യാപനം അവിടെയും പ്രതീക്ഷിക്കുന്നുണ്ട്.

ALSO READ: ഫിറ്റ്മെന്റ് ഫാക്ടർ മാറുന്നു, മിനിമം ശമ്പളം 69,000 രൂപയോ? 8-ാം ശമ്പള കമ്മീഷനിൽ നിർണ്ണായക ചർച്ചകൾ!

ഇത്തവണ പ്രതീക്ഷിക്കുന്നത്

പണപ്പെരുപ്പ നിരക്ക് കണക്കിലെടുത്താണ് ക്ഷാമബത്ത നിശ്ചയിക്കുന്നത്. ഇത്തരത്തിൽ നോക്കിയാൽ കുറഞ്ഞത് 3 ശതമാനം ഡിഎ എങ്കിലും കേന്ദ്ര സർക്കാർ പ്രഖ്യാപിച്ചേക്കുമെന്നാണ് പ്രതീക്ഷ. നിലവിൽ ഒരു കേന്ദ്ര സർക്കാർ ജീവനക്കാരൻ്റെ ക്ഷാമബത്ത എന്നത് അടിസ്ഥാന ശമ്പളത്തിൻ്റെ 60 ശതമാനമാണ്. വർഷത്തിൽ പണപ്പെരുപ്പ നിരക്കുകളെ ആശ്രയിച്ച് രണ്ട് തവണയാണ് ഡിഎ, പെൻഷൻകാർക്കുള്ള ഡിആർ എന്നിവ പ്രഖ്യാപിക്കുന്നത്. 2026,എപ്രിലിൽ ഡിഎ വർധിപ്പിച്ചത് 58 ശതമാനത്തിൽ നിന്നായിരുന്നു. ഇങ്ങനെ 60 ശതമാനമായി. ഇനി നിരക്ക് 63 ശതമാനത്തിലേക്ക് ഉയരും. ജൂലൈ മുതൽ മുൻകാല പ്രാബല്യത്തോടെയാണ് സാധാരണ ഡിഎ വർധന, അങ്ങനെയാകുമ്പോൾ ശമ്പളത്തിനൊപ്പം തന്നെ ക്ഷാമബത്ത കുടിശ്ശികയായും വലിയ തുക തന്നെ പ്രതീക്ഷിക്കാം.

അടിസ്ഥാന ശമ്പളം 18000 ഉള്ളവർക്ക്

നിലവിൽ അടിസ്ഥാന ശമ്പളം 18000 ഉള്ളവർക്ക് 60 ശതമാനം നിരക്കിൽ 10,800 രൂപയാണ് ഡിഎ ലഭിക്കുന്നത്. ഇത്തരത്തിൽ 3 ശതമാനം കൂടിയാൽ ഡിഎ നിരക്ക് 63 ശതമാനത്തിൽ നിന്നും ക്ഷാമബത്തയായി 11,340 രൂപയും ലഭിക്കും. അതായത് ശമ്പളത്തിൽ 540 രൂപ പ്രതിമാസം കൂടും. ഇതിന് ആനുപാതികമായി ഡിആർ, അഥവാ ക്ഷാമാശ്വാസവും വർധിക്കും.

English Summary

DA Hike 2026 Delay Reasons, Central Government Employees Hopes will be in Coming 2 Major Days, Did Everyone Actually get the DA Hike Before Diwali 2026.

തന്റെ ആശയങ്ങളെ വെറും ഭ്രാന്തൻ ചിന്തകളെന്ന് തള്ളിപറഞ്ഞവരെ കൊണ്ട് കൈയടിപ്പിച്ച മുതൽ.... പ്രതിസന്ധികളെ വിജയത്തിലേക്കുള്ള ചവിട്ടുപടിയാക്കിയ ബിസിനസ് തന്ത്രജ്ഞൻ... ഒരൊറ്റ ട്വീറ്റിൽ ഓഹരി വിപണി ഇളക്കിമറിക്കുന്ന കച്ചവടക്കാരൻ... ഈ വിശേഷങ്ങൾക്കെല്ലാം ഒരുപോലെ അർഹൻ... മറ്റൊരുമല്ല, ലോകത്തെ ഏറ്റവും വലിയ കോടീശ്വരൻ, ഇലോൺ മസ്ക്. ഇന്ന് പുതുപുത്തൻ ആശയങ്ങളും ബിസിനസ് തന്ത്രങ്ങളുമായി നമ്മെ അത്ഭുതപ്പെടുത്തുന്ന ഇലോൺ മസ്കിന് ഒരു കഥ പറയാനുണ്ട്. ഉയർത്തെഴുന്നേറ്റവന്റെ കഥ... ഏറ്റവും മൂല്യമുള്ള വാഹന നിർമ്മാണ കമ്പനികളിലൊന്നായി ടെസ്‌ലയെ മാറ്റിയ കഥ.

ഇലോൺ മസ്ക് - വളർച്ച

1971 ജൂൺ 28ന് ദക്ഷിണാഫ്രിക്കയിലെ വിക്ടോറിയയിൽ ഒരു സമ്പന്ന കുടുംബത്തിലാണ് മസ്കിന്റെ ജനനം. എൻജിനീയർ ആയിരുന്ന എറോൾ മസ്കിന്റെയും മോഡലും ഡയറ്റീഷ്യനുമായിരുന്ന മെയ് മസ്കിന്റെയും മൂന്ന് മക്കളിൽ മൂത്തവൻ. ഒമ്പതാം വയസ്സിൽ മാതാപിതാക്കളുടെ വേർപിരിയലം പറയത്തക്ക സുഹൃത്തുക്കൾ ഒന്നുമില്ലാത്ത സ്കൂൾ കാലവും കൂട്ടുകാരിൽ നിന്നും കളിയാക്കലും തല്ലുകൊള്ളലുമെല്ലാം കുഞ്ഞുമസ്കിനെ വലിയ രീതിയിൽ ബാധിച്ചിരുന്നു. അക്കാലത്ത് പുസ്തകങ്ങളും കമ്പ്യൂട്ടറും ആയിരുന്നു മസ്കിന്റെ ലോകം.  കോഡിങ് സ്വയം പഠിച്ച് മസ്ക് സ്വന്തമായി ഗെയിം നിർമ്മിച്ചു. തൻറെ പന്ത്രണ്ടാം വയസ്സിൽ നിർമ്മിച്ച ബ്ലാസ്റ്റേഴ്സ് എന്ന ഗെയിം 500 ഡോളറിനാണ് അന്ന് വിറ്റത്.

സ്റ്റാൻഫോർഡ് യൂണിവേഴ്സിറ്റിയിൽ എനർജി ഫിസിക്സിൽ പിഎച്ച് ഡിക്കായി പോയ മസ്ക് ബിസിനസ് ആണ് തന്റെ വഴി എന്ന് തിരിച്ചറിഞ്ഞ് രണ്ടാം ദിവസം പഠനം ഉപേക്ഷിച്ചു സഹോദരനൊപ്പം സിപ്പ് ടു എന്ന പേരിൽ വാർത്ത വെബ്സൈറ്റ് ആരംഭിച്ചു. പിന്നീട് എക്സ് ഡോട്ട് കോം എന്ന പേരിൽ മറ്റൊരു കമ്പനി ആരംഭിച്ചു. ഓൺലൈൻ ബാങ്ക് ആയിരുന്ന എക്സ് ഡോട്ട് കോമി ന് 15 ബില്യൺ ഡോളർ കൊടുത്ത് പിന്നീട് ഈ ബേസ് സ്വന്തമാക്കി. അതാണ് ലോക പ്രശസ്ത പണമിടപാട് ആപ്പായി മാറിയ പേപ്പാൽ സ്പേസ് എക്സിന്റെ പിറവി.

2002-ൽ ചെലവ് ചുരുക്കി ബഹിരാകാശ യാത്ര എന്ന ആശയത്തിൽ സ്പേസ് എക്സ്പ്ലോറേഷൻ ടെക്നോളജീസ് എന്ന കമ്പനി മസ്ക് തുടങ്ങുന്നത്. 2008ൽ അന്താരാഷ്ട്ര ബഹിരാകാശ നിലയത്തിലേക്കുള്ള കാർഗോ ഗതാഗതത്തിന് നാസ സ്പേസ് എക്സുമായി കരാർ ഒപ്പിട്ടു. 2012 മെയ് 22ന് ലോകത്ത് ആദ്യമായി ഒരു സ്വകാര്യ കമ്പനി അന്താരാഷ്ട്ര ബഹിരാകാശ നിലയത്തിലേക്ക് സ്പേസ് ക്രാഫ്റ്റ് വിക്ഷേപിച്ചു.

ALSO READ: കളിയും മധുരവും ഒന്നിച്ച്, കുട്ടികളെ വീഴ്ത്തിയ ‘കിൻഡർ ജോയ്’ തന്ത്രം!

സ്പേസിൽ നിന്ന് ടെസ്‌ലയിലേക്ക്

ഇന്ന് ലോകമെമ്പാടും വൈദ്യുത വാഹനങ്ങളുടെ തരംഗം സൃഷ്ടിച്ച ടെസ്‌ല കമ്പനി ഒരു രാത്രികൊണ്ട് വിജയം കൈവരിച്ച ഒന്നല്ല. 2003-ൽ മാർട്ടിൻ എബർഹാർഡ്, മാർക്ക് ടാർപെനിങ് എന്നിവർ ചേർന്നാണ് ടെസ്‌ല മോട്ടോഴ്‌സ് സ്ഥാപിച്ചത്. ഫോസിൽ ഇന്ധനങ്ങളിൽ പ്രവർത്തിക്കുന്ന വാഹനങ്ങളിൽ നിന്ന് ലോകത്തെ മോചിപ്പിക്കുക എന്ന വലിയ ലക്ഷ്യത്തോടെയായിരുന്നു തുടക്കം. പിന്നീട് 2004-ൽ ഇലോൺ മസ്ക് കമ്പനിയിലേക്ക് വലിയൊരു തുക നിക്ഷേപകനായി കടന്നുവരികയും ചെയർമാനായി ചുമതലയേൽക്കുകയും ചെയ്തതോടെയാണ് ടെസ്‌ലയുടെ ചരിത്രം വഴിമാറിയത്.

2004-ൽ കമ്പനി അത്ര നല്ല നിലയിൽ ഒന്നും ആയിരുന്നില്ല. പക്ഷേ മസ്ക് അതൊരു വെല്ലുവിളി ആയി ഏറ്റെടുത്തു. 2008ലെ സാമ്പത്തിക മാന്ദ്യത്തിൽ കമ്പനി തകർന്നടിഞ്ഞു. പിന്നോട്ടില്ലെന്ന ഉറച്ച വാശിയിൽ ആ വർഷം തന്നെ ഒറ്റ ചാർജിങ്ങിൽ 320 കിലോമീറ്റർ സഞ്ചരിക്കാവുന്ന റോഡ്സ്റ്റർ കാർ പുറത്തിറക്കി. തളരാത്ത മനസ്സും കഠിന അധ്വാനവും ആയിരുന്നു അദ്ദേഹത്തിന്റെ കൈമുതൽ. 2013ൽ സോളാർ സിറ്റി സ്ഥാപിച്ച് വീണ്ടും ഞെട്ടിച്ചു. ഇന്ന് അമേരിക്കയിലെ ഏറ്റവും വലിയ സോളാർ കമ്പനികളിൽ ഒന്നാണ് സോളാർ സിറ്റി. ആർട്ടിഫിഷ്യൽ ഇന്റലിജൻസിലും മസ്ക് ലോകത്തെ ഞെട്ടിച്ചു.

മാജിക് സൃഷ്ടിച്ച മോഡലുകൾ

ഇലക്ട്രിക് വാഹന വിപണിയിൽ വൻ അത്ഭുതങ്ങളാണ് മസ്ക് ഒരുക്കിയത്. സ്പോർട്സ് കാർ പ്രകടനവും അത്യാധുനിക സാങ്കേതികവിദ്യയും സമന്വയിപ്പിച്ചുകൊണ്ട് ടെസ്ല മോഡലുകൾ പുറത്തിറക്കി. മോഡൽ എസ് (Model S), മോഡൽ 3 (Model 3), മോഡൽ വൈ, എക്സ് (Model Y & X) ഇതെല്ലാമതിന് ഉദാഹരണങ്ങളാണ്.

ഇതോടൊപ്പം ഡ്രൈവർമാരുടെ സഹായമില്ലാതെ പ്രവർത്തിക്കാൻ കഴിയുന്ന 'ഓട്ടോപൈലറ്റ്' സംവിധാനവും ഫുൾ സെൽഫ് ഡ്രൈവിംഗ് സാങ്കേതികവിദ്യയും ഓട്ടോമൊബൈൽ രംഗത്ത് വലിയ വിപ്ലവം സൃഷ്ടിച്ചു. വാഹനങ്ങൾ നിർമ്മിക്കുന്നതോടൊപ്പം തന്നെ ദൂരയാത്രകളിൽ കാറുകൾ എവിടെ ചാർജ് ചെയ്യുമെന്ന പ്രശ്നത്തിന് പരിഹാരമായി ലോകവ്യാപകമായി 'സൂപ്പർചാർജർ' ശൃംഖലയും ടെസ്‌ല ഒരുക്കി.

ടെസ്‌ല ഇന്ന്

ഇന്ന് ലോകത്തിലെ ഏറ്റവും മൂല്യമുള്ള വാഹന നിർമ്മാണ കമ്പനികളിലൊന്നാണ് ടെസ്‌ല. ഇലോൺ മസ്കിന്റെ ദീർഘവീക്ഷണവും, പരാജയങ്ങളെ മുഖംകൊടുത്ത് മുന്നേറാനുള്ള മടിയായ്മയും ചേർന്നാണ് ടെസ്‌ലയെ ഇന്നത്തെ നിലയിലെത്തിച്ചത്. ഇലോൺ മസ്ക് എന്ന ഭ്രാന്തൻ ആശയക്കാരനെ ബുദ്ധിരാക്ഷസനായ ബിസിനസ്സുകാരനായി ലോകം അംഗീകരിക്കാൻ ആരംഭിച്ചിട്ട് അധികകാലമായിട്ടില്ല. പരിശ്രമത്തിലൂടെ അസാധാരണ കാര്യങ്ങൾ ചെയ്യാൻ സാധാരണക്കാർക്കും കഴിയുമെന്നതിന്റെ ഏറ്റവും വലിയ മാതൃകയാണ് അദ്ദേഹം.

പാചകവാതക സിലിണ്ടറിന് സബ്‌സിഡി ലഭിക്കുന്നവരാണോ നിങ്ങള്‍? അടുത്തിടെ ബാങ്ക് അക്കൗണ്ട് മാറ്റിയിട്ടുണ്ടെങ്കില്‍ സബ്‌സിഡി കൃത്യമായി ലഭിക്കുന്നുണ്ടെന്ന് ഉറപ്പാക്കാന്‍ ചില കാര്യങ്ങള്‍ ശ്രദ്ധിക്കണം. പ്രധാനമന്ത്രി ഉജ്ജ്വല യോജനയുടെ ഗുണഭോക്താക്കള്‍ ഉള്‍പ്പെടെ സബ്‌സിഡിക്ക് അര്‍ഹരായവര്‍ പുതിയ ബാങ്ക് അക്കൗണ്ടിലേക്ക് ആനുകൂല്യം ലഭിക്കുന്നതിനുള്ള നടപടികള്‍ പൂര്‍ത്തിയാക്കിയിരിക്കണം.

ബാങ്ക് അക്കൗണ്ട് മാറ്റിയതുകൊണ്ട് മാത്രം സബ്‌സിഡി പുതിയ അക്കൗണ്ടിലേക്ക് എത്തണമെന്നില്ല. ആധാര്‍ ബന്ധിപ്പിക്കല്‍, എന്‍പിസിഐ മാപ്പിങ് തുടങ്ങിയ നടപടികള്‍ പൂര്‍ത്തിയാക്കിയിട്ടുണ്ടോയെന്ന് പരിശോധിക്കേണ്ടതുണ്ട്.

പുതിയ ബാങ്ക് അക്കൗണ്ടില്‍ ആധാര്‍ ബന്ധിപ്പിക്കണം

ബാങ്ക് അക്കൗണ്ട് മാറ്റിയാല്‍ ആദ്യം ചെയ്യേണ്ടത് പുതിയ അക്കൗണ്ടുമായി ആധാര്‍ ബന്ധിപ്പിക്കുകയാണ്. ഇതിനായി ബാങ്ക് ശാഖയെ സമീപിക്കാം. ബാങ്ക് ഓണ്‍ലൈന്‍ സേവനം നല്‍കുന്നുണ്ടെങ്കില്‍ അതുവഴിയും നടപടികള്‍ പൂര്‍ത്തിയാക്കാന്‍ സാധിച്ചേക്കും.

എന്നാല്‍ ആധാര്‍ ബന്ധിപ്പിച്ചതുകൊണ്ട് മാത്രം സബ്‌സിഡി ലഭിക്കുമെന്ന് ഉറപ്പില്ല. സര്‍ക്കാര്‍ ആനുകൂല്യങ്ങള്‍ അക്കൗണ്ടിലേക്ക് നേരിട്ട് ലഭിക്കുന്നതിനുള്ള മറ്റ് നടപടികളും പൂര്‍ത്തിയാക്കിയിരിക്കണം.

എന്‍പിസിഐ മാപ്പിങ് പരിശോധിക്കണം

സബ്‌സിഡി മുടങ്ങാതിരിക്കാന്‍ ആധാര്‍ അധിഷ്ഠിത ഡയറക്ട് ബെനിഫിറ്റ് ട്രാന്‍സ്ഫര്‍ (DBT) സീഡിങ് അഥവാ മാപ്പിങ് പുതിയ ബാങ്ക് അക്കൗണ്ടില്‍ പൂര്‍ത്തിയായിട്ടുണ്ടോയെന്ന് ഉറപ്പാക്കണം. സര്‍ക്കാര്‍ ആനുകൂല്യങ്ങള്‍ കൈമാറുന്നതിനായി ആധാറുമായി ബന്ധിപ്പിച്ച ബാങ്ക് അക്കൗണ്ട് എന്‍പിസിഐ സംവിധാനത്തില്‍ മാപ്പ് ചെയ്തിട്ടുണ്ടാകണം. ഇതിനായി ബാങ്കിനെ സമീപിച്ച് പുതിയ അക്കൗണ്ടിലേക്ക് സര്‍ക്കാര്‍ സബ്‌സിഡി ലഭിക്കേണ്ടതുണ്ടെന്ന് അറിയിക്കാം. ആധാര്‍-ഡിബിടി മാപ്പിങ്ങിന്റെ നിലവിലെ സ്ഥിതിയും ബാങ്കിനോട് ചോദിച്ചറിയണം.

Also Read: PF Filing: പിഎഫ് ഫയലിങ് തീയതി നീട്ടി; ജീവനക്കാർ അറിയേണ്ടതെല്ലാം

ഗ്യാസ് ഏജന്‍സിയിലും വിവരങ്ങള്‍ പുതുക്കണം

ബാങ്ക് അക്കൗണ്ട് മാറ്റിയ ശേഷം ഗ്യാസ് ഏജന്‍സിയുമായി ബന്ധപ്പെട്ട് പുതിയ അക്കൗണ്ട് വിവരങ്ങള്‍ നല്‍കേണ്ടതുണ്ടോയെന്ന് പരിശോധിക്കുക. ആവശ്യപ്പെട്ടാല്‍ ബാങ്ക് പാസ്ബുക്കിന്റെ പകര്‍പ്പ് ഉള്‍പ്പെടെയുള്ള രേഖകള്‍ സമര്‍പ്പിക്കാം. ഗ്യാസ് കണക്ഷനുമായി ബന്ധപ്പെട്ട ഇ-കെവൈസി (e-KYC) നടപടികള്‍ പൂര്‍ത്തിയാക്കിയിട്ടുണ്ടോയെന്നും ഉറപ്പാക്കണം. ഇ-കെവൈസി പൂര്‍ത്തിയാക്കാത്തവര്‍ക്ക് ആവശ്യമായ നടപടികള്‍ ഗ്യാസ് ഏജന്‍സിയുമായി ബന്ധപ്പെട്ട് മനസിലാക്കാം.

സബ്‌സിഡി ലഭിക്കുന്നുണ്ടോയെന്ന് എങ്ങനെ അറിയാം?

നടപടികള്‍ പൂര്‍ത്തിയാക്കിയ ശേഷം സബ്‌സിഡി ശരിയായ ബാങ്ക് അക്കൗണ്ടിലേക്കാണോ എത്തുന്നതെന്ന് പരിശോധിക്കണം. ഇതിനായി മൈഎല്‍പിജി (MyLPG) പോര്‍ട്ടല്‍ വഴി ലഭ്യമായ സബ്‌സിഡി വിവരങ്ങള്‍ പരിശോധിക്കാം. സബ്‌സിഡി ലഭിക്കുന്നില്ലെങ്കില്‍ ആദ്യം ബാങ്കിനെ സമീപിച്ച് ആധാര്‍-ഡിബിടി മാപ്പിങ്ങിന്റെ സ്ഥിതി ഉറപ്പാക്കുക. ആവശ്യമെങ്കില്‍ ഗ്യാസ് ഏജന്‍സിയുമായും ബന്ധപ്പെടാം.

English Summary

Changed your bank account and worried about LPG subsidy payments? Learn how to link Aadhaar, complete NPCI mapping, update bank details with your gas agency and check your subsidy status to help avoid payment delays.

രാജ്യത്തെ കേന്ദ്ര സർക്കാർ ജീവനക്കാരുടെ ശമ്പളവും പെൻഷനും നിർണയിക്കുന്നതിന് വേണ്ടിയുള്ള എട്ടാം ശമ്പള കമ്മീഷന്റെ (8th Pay Commission) പ്രവർത്തനങ്ങൾ പുരോഗമിക്കുകയാണ്. ജസ്റ്റിസ് രഞ്ജന പ്രകാശ് ദേശായിയുടെ അധ്യക്ഷതയിലുള്ള കമ്മീഷൻ, ജീവനക്കാരുടെ സംഘടനകളുമായും വിവിധ ഓഹരി ഉടമകളുമായും ചർച്ചകൾ നടത്തിവരികയാണ്. അടുത്ത വർഷം മെയോടെ ശുപാർശകൾ സമർപ്പിക്കുമെന്നാണ് പ്രതീക്ഷ.

കഴിഞ്ഞ ഏഴ് ശമ്പള കമ്മീഷനുകളിലും വൻ വർദ്ധനവാണ് സർക്കാർ ജീവനക്കാരുടെ ശമ്പളത്തിൽ ഉണ്ടായിട്ടുള്ളത്. സ്വാതന്ത്ര്യത്തിന് ശേഷമുള്ള ആദ്യ ശമ്പള കമ്മീഷൻ കാലത്ത് കേന്ദ്ര സർക്കാർ ജീവനക്കാരുടെ കുറഞ്ഞ അടിസ്ഥാന ശമ്പളം വെറും 55 രൂപയായിരുന്നു. പിന്നിട് ഉണ്ടായ വർദ്ധനവുകൾ പരിശോധിച്ചാലോ...

ALSO READ: ഫിറ്റ്മെന്റ് ഫാക്ടർ മാറുന്നു, മിനിമം ശമ്പളം 69,000 രൂപയോ? 8-ാം ശമ്പള കമ്മീഷനിൽ നിർണ്ണായക ചർച്ചകൾ!

ശമ്പള വർദ്ധനവ് - ചരിത്രം

കേന്ദ്ര സർക്കാർ ജീവനക്കാരുടെ നിലവിലെ ഏറ്റവും കുറഞ്ഞ അടിസ്ഥാന ശമ്പളം 18,000 രൂപയാണ്. 55 രൂപയിൽ നിന്നാണ് 18,000 രൂപയായി ഉയർന്നത് ഏകദേശം 325 ഇരട്ടിയിലധികം വർദ്ധനവാണിത്. 1946-47-ൽ ഒന്നാം ശമ്പള കമ്മീഷനിൽ ഏറ്റവും കുറഞ്ഞ അടിസ്ഥാന ശമ്പളം 55 രൂപയായി നിശ്ചയിച്ചു. രണ്ടാം ശമ്പള കമ്മീഷൻ ഇത് 80 രൂപയായി ഉയർത്തി, മൂന്നാം ശമ്പള കമ്മീഷൻ അത് 196 രൂപയാക്കി മാറ്റി. തുടർന്ന് നാലാം ശമ്പള കമ്മീഷനിൽ കുറഞ്ഞ അടിസ്ഥാന ശമ്പളം 750 രൂപയായും, അഞ്ചാം ശമ്പള കമ്മീഷനിൽ 2,550 രൂപയായും, ആറാം ശമ്പള കമ്മീഷനിൽ 7,000 രൂപയായും വർദ്ധിച്ചു. ഒടുവിൽ 2016-ൽ നിലവിൽ വന്ന ഏഴാം ശമ്പള കമ്മീഷനിൽ ഇത് 18,000 രൂപയായി ഉയർന്നു.

ശമ്പള ഘടനയിലും മാറ്റം

വിരമിച്ച ശേഷമുള്ള ജീവിതം സാമ്പത്തിക ബുദ്ധിമുട്ടുകളില്ലാതെ മുന്നോട്ട് കൊണ്ടുപോകാന്‍ നേരത്തേ തന്നെ നിക്ഷേപം ആരംഭിക്കേണ്ടത് പ്രധാനമാണ്. ഇതിനായി പലരും തിരഞ്ഞെടുക്കുന്ന നിക്ഷേപ മാര്‍ഗമാണ് എസ്‌ഐപി. എന്നാല്‍ നിക്ഷേപത്തിലൂടെ എത്ര തുക സമാഹരിക്കണമെന്ന ലക്ഷ്യം നിശ്ചയിക്കുമ്പോള്‍ പണപ്പെരുപ്പം കൂടി കണക്കിലെടുക്കണം. ഇന്ന് വലിയ തുകയായി തോന്നുന്ന 1 കോടി അല്ലെങ്കില്‍ 2 കോടി രൂപയ്ക്ക് 20-25 വര്‍ഷം കഴിഞ്ഞാല്‍ ഇന്നത്തെ അതേ വാങ്ങല്‍ശേഷി ഉണ്ടായിരിക്കണമെന്നില്ല.

പണപ്പെരുപ്പം വിരമിക്കല്‍ ലക്ഷ്യത്തെ എങ്ങനെ ബാധിക്കും?

30 വയസുള്ള വ്യക്തി 55ാം വയസില്‍ ജോലിയില്‍നിന്ന് വിരമിക്കാനാണ് ആഗ്രഹിക്കുന്നത് എന്ന് കരുതുക. അതായത് നിക്ഷേപത്തിനായി അദ്ദേഹത്തിന് 25 വര്‍ഷം സമയമുണ്ട്. വിരമിച്ച ശേഷമുള്ള ചെലവുകള്‍ക്കായി 1.5 കോടി മുതല്‍ 2 കോടി രൂപ വരെ മതിയാകുമെന്നാണ് അദ്ദേഹം ആദ്യം കരുതിയത്.

എന്നാല്‍ ഭാവിയിലെ പണപ്പെരുപ്പം കൂടി കണക്കിലെടുത്തപ്പോള്‍ ഈ ലക്ഷ്യം മതിയാകില്ലെന്ന് അദ്ദേഹം തിരിച്ചറിഞ്ഞു. സാധനങ്ങളുടെയും സേവനങ്ങളുടെയും വില കാലക്രമേണ വര്‍ധിക്കുന്നതിനാല്‍ ഇന്നത്തെ ചെലവുകള്‍ക്ക് ഭാവിയില്‍ കൂടുതല്‍ പണം ആവശ്യമായി വരും.

ഉദാഹരണത്തിന്, വാര്‍ഷിക പണപ്പെരുപ്പം 4.5 ശതമാനമാണെങ്കില്‍ ഇന്ന് 1 കോടി രൂപ ചെലവാകുന്ന ഒരു ആവശ്യത്തിന് 25 വര്‍ഷം കഴിഞ്ഞ് ഏകദേശം 3 കോടി രൂപയിലധികം വേണ്ടിവരാം. അതിനാല്‍ വിരമിക്കല്‍ കാലത്തേക്കുള്ള നിക്ഷേപ ലക്ഷ്യം നിശ്ചയിക്കുമ്പോള്‍ ഇന്നത്തെ ചെലവുകള്‍ മാത്രം കണക്കിലെടുത്താല്‍ പോരാ.

പണപ്പെരുപ്പം കണക്കാക്കുന്നത് എങ്ങനെ?

ഭാവിയില്‍ ഒരു തുകയ്ക്ക് എത്ര രൂപ ആവശ്യമായി വരുമെന്ന് കണക്കാക്കാന്‍ താഴെ പറയുന്ന ഫോര്‍മുല ഉപയോഗിക്കാം.

Also Read: SBI FD: എസ്ബിഐയുടെ 444 ദിവസത്തെ എഫ്ഡി; 5 ലക്ഷം രൂപ നിക്ഷേപിച്ചാൽ എത്ര പലിശ ലഭിക്കും?

ഭാവിയിലെ ചെലവ് = ഇന്നത്തെ ചെലവ് × (1 + പണപ്പെരുപ്പ നിരക്ക്)

ഇവിടെ പണപ്പെരുപ്പ നിരക്ക് വാര്‍ഷിക നിരക്കാണ്. എത്ര വര്‍ഷത്തേക്കാണ് കണക്കാക്കുന്നതെന്ന് സൂചിപ്പിക്കുന്നതാണ് n.

വാര്‍ഷിക പണപ്പെരുപ്പം 4.5 ശതമാനമായി കണക്കാക്കിയാല്‍, ഇന്ന് 1 കോടി രൂപ ചെലവാകുന്ന ആവശ്യത്തിന് ഭാവിയില്‍ ഏകദേശം ഇത്രയും തുക വേണ്ടിവരാം:

• 20 വര്‍ഷം കഴിഞ്ഞാല്‍ ഏകദേശം 2.4 കോടി രൂപ
• 25 വര്‍ഷം കഴിഞ്ഞാല്‍ ഏകദേശം 3 കോടി രൂപ
• 30 വര്‍ഷം കഴിഞ്ഞാല്‍ ഏകദേശം 3.7 കോടി രൂപ

വിരമിക്കല്‍ കാലത്തേക്ക് എസ്‌ഐപിയില്‍ എത്ര നിക്ഷേപിക്കണം?

ഒരാള്‍ 25 വര്‍ഷത്തേക്ക് എല്ലാ മാസവും 10,000 രൂപ വീതം എസ്‌ഐപിയില്‍ നിക്ഷേപിക്കുന്നുവെന്ന് കരുതുക. നിക്ഷേപത്തിന് പ്രതിവര്‍ഷം 12 ശതമാനം ശരാശരി റിട്ടേണ്‍ ലഭിച്ചാല്‍ കാലാവധിയുടെ അവസാനം ഏകദേശം 1.9 കോടി രൂപ സമാഹരിക്കാനാകും. എന്നാല്‍ ഈ തുക ഭാവിയില്‍ ലഭിക്കുമെന്നത് ഉറപ്പല്ല. മ്യൂച്വല്‍ ഫണ്ട് നിക്ഷേപങ്ങളിലെ റിട്ടേണ്‍ വിപണിയുടെ പ്രകടനത്തെ ആശ്രയിച്ചിരിക്കും. കൂടാതെ, 25 വര്‍ഷം കഴിഞ്ഞ് ലഭിക്കുന്ന 1.9 കോടി രൂപയുടെ വാങ്ങല്‍ശേഷി ഇന്നത്തെ 1.9 കോടി രൂപയുടേതിന് തുല്യമായിരിക്കില്ല.

English Summary

Planning for retirement requires more than just setting a savings target. Learn how inflation can affect your retirement corpus over 25 years and how monthly SIP investments may help you build a fund for your future needs.

സ്വര്‍ണം വാങ്ങാന്‍ ഇനി ഒട്ടും വൈകിക്കേണ്ടാ, വിലയില്‍ ഗംഭീര ഇടിവ്. പവന് ഒരു ലക്ഷം രൂപയ്ക്ക് താഴേക്ക് വിലയെത്തുമെന്ന സൂചന നല്‍കിക്കൊണ്ടാണ് ഇന്നത്തെ നിരക്ക് എത്തിയത്. കഴിഞ്ഞ ദിവസം 1,07,120 രൂപ വിലയുണ്ടായിരുന്ന ഒരു പവന്‍ സ്വര്‍ണത്തിന് ഒക്ടോബര്‍ 22 വ്യാഴാഴ്ച 1,05,880 രൂപയാണ് നിരക്ക്. ഒരു ദിവസം മാത്രം 1,240 രൂപയാണ് കുറഞ്ഞിരിക്കുന്നത്. ഒരു ഗ്രാം സ്വര്‍ണത്തിന് 155 രൂപ കുറഞ്ഞ് 13,235 രൂപയുമായി ഇന്നത്തെ വില.

വിവാഹ ആവശ്യങ്ങള്‍ക്കായി സ്വര്‍ണാഭരണങ്ങള്‍ വാങ്ങാന്‍ ആലോചിക്കുന്നവര്‍ക്ക് ആശ്വാസം നല്‍കുന്നതാണ് അടുത്തിടെയുണ്ടായ സ്വര്‍ണവിലയിലെ ഇടിവ്. ഒരു മാസത്തിനിടെ രാജ്യത്ത് സ്വര്‍ണവില അഞ്ച് ശതമാനത്തിലധികം കുറഞ്ഞതോടെ ആഭരണങ്ങള്‍ വാങ്ങാന്‍ അനുയോജ്യമായ സമയമാണോ ഇതെന്ന ചര്‍ച്ചയും സജീവമാണ്. എന്നാല്‍ വില ഇനിയും കുറയുമെന്ന പ്രതീക്ഷയില്‍ വാങ്ങല്‍ മാറ്റിവെക്കണോ, അതോ ഇപ്പോഴത്തെ വിലയിടിവ് പ്രയോജനപ്പെടുത്തി വാങ്ങണോ എന്നതാണ് ഉപഭോക്താക്കളുടെ പ്രധാന സംശയം.

ഇപ്പോള്‍ സ്വര്‍ണം വാങ്ങുന്നത് നല്ല തീരുമാനമാണോ?

വിവാഹത്തിനായി അടുത്ത മാസങ്ങളില്‍ സ്വര്‍ണം വാങ്ങേണ്ടവര്‍ക്ക് ഇപ്പോഴത്തെ വിലയിടിവ് പ്രയോജനപ്പെടുത്താമെന്നാണ് വിപണി വിദഗ്ധരുടെ അഭിപ്രായം. നിലവിലെ വിലക്കുറവ് വാങ്ങലിന് അനുകൂലമായ അവസരമാണ്. ധന്‍തേരസ്, ദീപാവലി തുടങ്ങിയ ആഘോഷങ്ങളോടനുബന്ധിച്ച് സ്വര്‍ണത്തിന് ആവശ്യക്കാര്‍ കൂടാറുണ്ട്. വിവാഹ സീസണും അടുത്തെത്തുന്നതിനാല്‍ ഡിമാന്‍ഡ് വര്‍ധിക്കാനുള്ള സാധ്യതയുണ്ട്. അതിനാല്‍ വില ഇനിയും വലിയ തോതില്‍ കുറയുമെന്ന് പ്രതീക്ഷിച്ച് വാങ്ങല്‍ പൂര്‍ണമായി മാറ്റിവെക്കുന്നത് ചിലപ്പോള്‍ ഗുണകരമാകണമെന്നില്ല.

വില ഇനിയും കുറയുമോ?

സ്വര്‍ണവിലയുടെ അടുത്ത നീക്കം കൃത്യമായി പ്രവചിക്കുക എളുപ്പമല്ല. അന്താരാഷ്ട്ര വിപണിയിലെ വിലമാറ്റങ്ങള്‍, ഡോളറിനെതിരായ രൂപയുടെ മൂല്യം, അമേരിക്കന്‍ ഫെഡറല്‍ റിസര്‍വിന്റെ പലിശനിരക്ക് സംബന്ധിച്ച തീരുമാനങ്ങള്‍, ആഗോള രാഷ്ട്രീയ സംഘര്‍ഷങ്ങള്‍ എന്നിവയെല്ലാം വിലയെ സ്വാധീനിക്കും.

Also Read: Kerala Gold Rate: ആദ്യാക്ഷരം കുറിച്ച കുഞ്ഞിന് സ്വർണം വാങ്ങണോ? ബ്രേക്കിട്ട് വില! ഇന്നത്തെ നിരക്ക്

രൂപയുടെ മൂല്യം ശക്തിപ്പെടുകയോ അന്താരാഷ്ട്ര വിപണിയില്‍ സ്വര്‍ണത്തിന് സമ്മര്‍ദം ഉണ്ടാകുകയോ ചെയ്താല്‍ ആഭ്യന്തര വിലയില്‍ വീണ്ടും കുറവുണ്ടാകാം. മറുവശത്ത്, ഭൗമരാഷ്ട്രീയ സംഘര്‍ഷങ്ങള്‍ ശക്തമാകുകയോ ആഗോള കേന്ദ്രബാങ്കുകള്‍ സ്വര്‍ണം വാങ്ങുന്നത് തുടരുകയോ ചെയ്താല്‍ വില ഉയരാനും സാധ്യതയുണ്ട്.

വിവാഹാവശ്യങ്ങള്‍ക്ക് സ്വര്‍ണം വാങ്ങുന്നവര്‍ ശ്രദ്ധിക്കേണ്ടത്

അടുത്ത രണ്ടോ മൂന്നോ മാസത്തിനുള്ളില്‍ വിവാഹമുണ്ടെങ്കില്‍ വില ഇനിയും കുറയുമെന്ന പ്രതീക്ഷയില്‍ മുഴുവന്‍ വാങ്ങലും മാറ്റിവെക്കുന്നത് അപകടസാധ്യതയുള്ള തീരുമാനമാണ്. പകരം ആവശ്യമായ ആഭരണങ്ങളില്‍ ഒരു ഭാഗം ഇപ്പോള്‍ വാങ്ങുകയും ബാക്കിയുള്ളവ പിന്നീട് വാങ്ങുകയും ചെയ്യാം.

English Summary

Kerala gold prices on October 22, 2026, are important for those planning wedding jewellery purchases. Learn whether the current market conditions offer a good buying opportunity and what factors to consider before purchasing gold.

സംസ്ഥാനത്തെ ലക്ഷക്കണക്കിന് ജീവനക്കാരും അധ്യാപകരും പെൻഷൻകാരും കാത്തിരുന്ന ക്ഷാമബത്ത (DA), ക്ഷാമാശ്വാസ (DR) വർദ്ധനവിന്റെ ഔദ്യോഗിക ഉത്തരവ് സർക്കാർ പുറപ്പെടുവിച്ചു. നിലവിലുള്ള 35 ശതമാനത്തിൽ നിന്ന് രണ്ട് ശതമാനമാണ് വർധിച്ചത്. ഇതോടെ ആകെ ഡിഎ 37 ശതമാനമായി. വർദ്ധിപ്പിച്ച നിരക്കിലുള്ള ക്ഷാമബത്ത ഒക്ടോബർ മാസത്തെ ശമ്പളത്തോടൊപ്പം, അതായത് നവംബറിൽ വിതരണം ചെയ്യുന്ന ശമ്പളത്തോടൊപ്പം ലഭിക്കും. എന്നാൽ സംസ്ഥാനത്തെ എല്ലാ സർക്കാർ ജീവനക്കാർക്കും ഇത് ബാധകമാണോ?

ഡിഎ ആർക്കൊക്കെ ലഭിക്കും?

ഡിഎ അഥവാ ക്ഷാമബത്ത രാജ്യത്തെ വിലക്കയറ്റം നേരിടുന്നതിനായി സര്‍ക്കാര്‍ ജീവനക്കാര്‍ക്ക് നല്‍കുന്ന ഒരു സാമ്പത്തിക ആനുകൂല്യമാണ്. സര്‍ക്കാര്‍ സര്‍വീസില്‍ നിന്ന് വിരമിച്ച പെന്‍ഷന്‍കാര്‍ക്ക് ലഭിക്കുന്ന ഇതിന് സമാനമായ അലവന്‍സാണ് ഡിആര്‍ (ക്ഷാമാശ്വാസം). സംസ്ഥാന സർക്കാർ ജീവനക്കാർ, അധ്യാപകർ, എയ്ഡഡ് സ്കൂളുകളിലെയും പ്രൈവറ്റ് കോളേജുകളിലെയും ജീവനക്കാർ, പോളിടെക്നിക് ജീവനക്കാർ, ഫുൾടൈം കണ്ടിൻജന്റ് ജീവനക്കാർ, തദ്ദേശ സ്വയംഭരണ സ്ഥാപനങ്ങളിലെ ജീവനക്കാർ എന്നിവർക്കാണ് 37% ഡിഎ ലഭിക്കുന്നത്.

ALSO READ: ഫിറ്റ്മെന്റ് ഫാക്ടർ മാറുന്നു, മിനിമം ശമ്പളം 69,000 രൂപയോ? 8-ാം ശമ്പള കമ്മീഷനിൽ നിർണ്ണായക ചർച്ചകൾ!

സംസ്ഥാന സർവീസ് പെൻഷൻകാർ, ഫാമിലി പെൻഷൻകാർ, എക്സ്-ഗ്രേഷ്യ പെൻഷൻകാർ, എക്സ്-ഗ്രേഷ്യ ഫാമിലി പെൻഷൻകാർ എന്നിവർക്കും പാർട്ട് ടൈം അധ്യാപകർക്കും പാർട്ട് ടൈം കണ്ടിൻജന്റ് ജീവനക്കാർക്കും അവർ വാങ്ങുന്ന ശമ്പളത്തിന്റെ അടിസ്ഥാനത്തിലും, പുനർനിയമനം ലഭിച്ച പെൻഷൻകാർക്കും വർദ്ധിപ്പിച്ച നിരക്കിൽ ഡിഎ ലഭിക്കുന്നതാണ്.

ആർക്കൊക്കെ 37% ഡിഎ ലഭിക്കില്ല

കെ.എസ്.ഇ.ബി (KSEB), കെ.എസ്.ആര്‍.ടി.സി (KSRTC) തുടങ്ങിയ സ്ഥാപനങ്ങളിലെ ജീവനക്കാര്‍ക്ക് ഈ ഡിഎ വർദ്ധനവ് സര്‍ക്കാര്‍ ഉത്തരവ് നേരിട്ട് ബാധകമാകില്ല. ഈ സ്ഥാപനങ്ങള്‍ ഡിഎ വര്‍ധന സംബന്ധിച്ച് സ്വന്തമായി പ്രത്യേക ഉത്തരവുകള്‍ ഇറക്കണമെന്ന് സർക്കാർ നിര്‍ദ്ദേശം നല്‍കിയിട്ടുണ്ട്.

അതുപോലെ, തദ്ദേശ സ്വയംഭരണ ജീവനക്കാരുടെ വർദ്ധിപ്പിച്ച നിരക്കുകൾ നൽകുന്നതിനുള്ള അധിക സാമ്പത്തിക ബാധ്യത തദ്ദേശ സ്ഥാപനങ്ങൾ സ്വന്തം ഫണ്ടിൽ നിന്ന് വഹിക്കേണ്ടതാണ്. സംസ്ഥാന പൊതുമേഖലാ സ്ഥാപനങ്ങള്‍ (PSU), ബോര്‍ഡുകള്‍, കോര്‍പ്പറേഷനുകള്‍ എന്നിവയ്ക്ക് അവരുടെ സാമ്പത്തിക സ്ഥിതി പരിഗണിച്ച് അതത് ഭരണസമിതിയുടെ തീരുമാനപ്രകാരം ഈ ഡിഎ നിരക്കുകള്‍ നടപ്പിലാക്കാമെന്ന് സർക്കാർ അറിയിച്ചിട്ടുണ്ട്. സ്വന്തമായി ബാധ്യത ഏറ്റെടുക്കാന്‍ ഫണ്ടില്ലാത്ത സ്ഥാപനങ്ങള്‍ ഡിഎ വര്‍ധിപ്പിക്കുന്നതിന് മുമ്പ് സര്‍ക്കാരിന്റെ മുന്‍കൂര്‍ അനുമതി വാങ്ങേണ്ടതാണ്. ശമ്പളത്തിന്റെ 90% സര്‍ക്കാര്‍ ഗ്രാന്റ് വഴി ലഭിക്കുന്ന സ്ഥാപനങ്ങള്‍ക്ക് ഈ നിബന്ധന ബാധകമല്ലെന്നും അറിയിച്ചിട്ടുണ്ട്.

English Summary:

Kerala has announced a 2% increase in Dearness Allowance for state government employees and Dearness Relief  for pensioners, raising the rate from 35% to 37% of basic pay or pension. The revised benefits are expected with October salaries paid in November and November pensions.

എട്ടാം ശമ്പള കമ്മീഷൻ റിപ്പോർട്ട് കാത്തിരിക്കുന്ന രാജ്യത്തെ കേന്ദ്ര സർക്കാർ ജീവനക്കാർക്കും പെൻഷൻകാർക്കും ആശ്വാസം. ശമ്പള പരിഷ്കരണവുമായി ബന്ധപ്പെട്ട് വരുന്ന വിവരങ്ങൾ ജീവനക്കാർക്ക് പ്രതീക്ഷ നൽകുന്നവയാണ്. പെൻഷൻകാരുടെയും സംഘടനകൾ എട്ടാം ശമ്പള കമ്മീഷനുമായി നടത്തുന്ന ചർച്ചകളിലെ ഏറ്റവും പ്രധാനപ്പെട്ട വിഷയം ശമ്പള വർദ്ധനവ് തന്നെയാണ്. ഒക്ടോബർ 22, 23 തീയതികളിൽ മുംബൈയിൽ നടക്കുന്ന വരാനിരിക്കുന്ന യോഗങ്ങളിൽ കമ്മീഷൻ വിവിധ ഓഹരി ഉടമകളെ കാണാൻ ഒരുങ്ങുകയാണ്. യോഗത്തിൽ പങ്കെടുക്കുന്നവർ പ്രധാനമായും ചർച്ച ചെയ്യാൻ സാധ്യതയുള്ള വിഷയങ്ങൾ ശമ്പളം, പെൻഷൻ, മറ്റ് അലവൻസുകൾ എന്നിവയുമായി ബന്ധപ്പെട്ടവയായിരിക്കും.

ഫിറ്റ്മെന്റ് ഫാക്ടറും ശമ്പള വർദ്ധനവും

അടിസ്ഥാന ശമ്പള വർദ്ധനവ് ജീവനക്കാരുടെ ഗ്രോസ് ശമ്പളത്തെ (ആകെ ശമ്പളം) നേരിട്ട് ബാധിക്കും. ക്ഷാമബത്ത (DA), വീട്ടുവാടക ബത്ത (HRA), യാത്രാബത്ത (TPTA) എന്നിവയിലുമുണ്ടാകുന്ന വർദ്ധനവാണ് ഇതിന് കാരണം. ഫിറ്റ്മെന്റ് ഫാക്ടറാണ് ശമ്പള പരിഷ്കരണത്തിൽ നിർണായക പങ്ക് വഹിക്കുന്നത്.

2.1, 2.28, 2.57 എന്നീ ഫിറ്റ്മെന്റ് ഫാക്ടറുകളാണ് ഇത്തവണ പ്രധാനമായും പരിഗണിക്കുന്നത്. എട്ടാം ശമ്പള കമ്മീഷൻ 2.1, 2.28 അല്ലെങ്കിൽ 2.57 എന്നിങ്ങനെ ഏതെങ്കിലും ഒരു ഫിറ്റ്‌മെന്റ് ഫാക്ടർ നടപ്പിലാക്കുകയാണെങ്കിൽ, ലെവൽ 3 മുതൽ 6 വരെയുള്ള കേന്ദ്ര സർക്കാർ ജീവനക്കാരുടെ ഗ്രോസ് ശമ്പളത്തിൽ എത്രത്തോളം വർദ്ധനവുണ്ടാകുമെന്ന് നോക്കിയാലോ....

ALSO READ: എട്ടാം ശമ്പള കമ്മീഷൻ: ഫിറ്റ്‌മെന്റ് ഫാക്ടർ 4.0, ജീവനക്കാരുടെ ശമ്പളം എത്രകൂടും?

മുൻവർഷങ്ങളിൽ ശമ്പള വർദ്ധനവ് എങ്ങനെ?

6-ാം സിപിസിയിൽ ആകെ ശമ്പള വർദ്ധനവ് 54% ആയിരുന്നപ്പോൾ, 7-ാം സിപിസിയിൽ ഇത് വെറും 14.29% മാത്രമായിരുന്നു. 6-ാം സിപിസിയെ അപേക്ഷിച്ച് 7-ാം സിപിസിയിൽ ഫിറ്റ്മെന്റ് ഫാക്ടർ (2.57) വളരെ കൂടുതലായിരുന്നിട്ടും കൂടിയാണ് ഈ വ്യത്യാസം. 6-ാം സിപിസിയുടെ ഫിറ്റ്മെന്റ് ഫാക്ടർ രൂപീകരിക്കുന്ന സമയത്ത് ക്ഷാമബത്ത 47% ആയിരുന്നെങ്കിൽ, 7-ാം സിപിസിക്ക് തൊട്ടുമുമ്പ് അത് 125% ആയിരുന്നു എന്നതാണ് ഇത്തരം ഒരു വ്യത്യാസത്തിന് കാരണം. 6-ാം സിപിസി ഫിറ്റ്മെന്റ് ഫാക്ടർ നിർണ്ണയിക്കുന്ന സമയത്ത് നിലവിലുണ്ടായിരുന്ന ഫാക്ടർ 1.47 ആയിരുന്നു. അതിനാൽ 1.86 ഫിറ്റ്മെന്റ് ഫാക്ടർ നടപ്പിലാക്കിയപ്പോൾ 54% വർദ്ധനവ് ലഭിക്കുകയുണ്ടായി.

ലെവൽ 3 ജീവനക്കാരുടെ ആകെ ശമ്പളം

നിലവിലെ ഡിഎ: 60%

നിലവിലെ എച്ച്ആർഎ: 30%

ശമ്പള കമ്മീഷൻ നിലവിൽ വരുമ്പോൾ ഡിഎ സീറോ ആയി പുനഃക്രമീകരിക്കും. എച്ച്ആർഎ തുടക്കത്തിൽ 24% ആയിരിക്കും. പിന്നീട് ഡിഎ ഉയരുന്നതിനനുസരിച്ച് വർദ്ധിക്കും. നിലവിൽ 21,700 രൂപ അടിസ്ഥാന ശമ്പളമുള്ള ഒരു ലെവൽ 3 ജീവനക്കാരന് പ്രതിമാസം ലഭിക്കുന്ന ആകെ ശമ്പളം ഏകദേശം 41,230 രൂപയാണ്.

2.1 ഫിറ്റ്മെന്റ് ഫാക്ടർ

പുതിയ അടിസ്ഥാന ശമ്പളം: ₹45,570

പുതിയ ആകെ ശമ്പളം : ₹56,507 (ഏകദേശം 37% വർദ്ധനവ്)

2.28 ഫിറ്റ്മെന്റ് ഫാക്ടർ

പുതിയ അടിസ്ഥാന ശമ്പളം: ₹49,476

പുതിയ ആകെ ശമ്പളം: ₹61,350 (ഏകദേശം 49% വർദ്ധനവ്)

2.57 ഫിറ്റ്മെന്റ് ഫാക്ടർ

പുതിയ അടിസ്ഥാന ശമ്പളം: ₹55,769

പുതിയ ആകെ ശമ്പളം: ₹69,154 (ഏകദേശം 68% വർദ്ധനവ്)

മറ്റു ജീവനക്കാർക്കോ?

• ലെവൽ 4 ജീവനക്കാർക്ക് നിലവിലുള്ള ആകെ ശമ്പളം 48,450 രൂപ ആണ്. 2.57 ഫിറ്റ്മെന്റ് ഫാക്ടർ നടപ്പിലാക്കുകയാണെങ്കിൽ പുതിയ ഗ്രോസ് ശമ്പളം 81,263 രൂപ വരെ ഉയരാം.
• ലെവൽ 5 ന് നിലവിലുള്ള ആകെ ശമ്പളം 55,480 രൂപ ആണ്. 2.57 ഫിറ്റ്മെന്റ് ഫാക്ടറിൽ ഇത് 93,055 രൂപ വരെ എത്തിയേക്കാം.
• ലെവൽ 6 ജീവനക്കാർക്ക് നിലവിലെ ഗ്രോസ് ശമ്പളം 67,260 ആണ്. 2.57 ഫിറ്റ്മെന്റ് ഫാക്ടർ പ്രകാരം ഇത് 1,12,813 രൂപ ആയി വർദ്ധിക്കാൻ സാധ്യതയുണ്ട്.

English Summary:

8th Central Pay Commission is expected to review salaries, pensions and allowances during its stakeholder meetings scheduled in Mumbai on October 22 and 23, 2026. Level 3 central government employees, whose current basic pay is Rs 21,700, could receive a gross monthly salary of approximately Rs 56,507, Rs 61,350 or Rs 69,154 if fitment factors of 2.1, 2.28 or 2.57 are applied, respectively.

സ്ഥിരമായ വരുമാനം ആഗ്രഹിക്കുന്നവര്‍ക്ക് പരിഗണിക്കാവുന്ന നിക്ഷേപ പദ്ധതിയാണ് സ്റ്റേറ്റ് ബാങ്ക് ഓഫ് ഇന്ത്യയുടെ (എസ്ബിഐ) അമൃത് വൃഷ്ടി സ്ഥിരനിക്ഷേപം. 444 ദിവസത്തെ കാലാവധിയുള്ള ഈ പദ്ധതിയില്‍ സാധാരണ ഉപഭോക്താക്കളേക്കാള്‍ ഉയര്‍ന്ന പലിശ മുതിര്‍ന്ന പൗരന്മാര്‍ക്ക് ലഭിക്കാം.

സാധാരണ ഉപഭോക്താക്കള്‍ക്ക് 6.45 ശതമാനവും മുതിര്‍ന്ന പൗരന്മാര്‍ക്ക് 6.95 ശതമാനവും 80 വയസും അതില്‍ കൂടുതലുമുള്ള സൂപ്പര്‍ സീനിയര്‍ പൗരന്മാര്‍ക്ക് 7.05 ശതമാനവുമാണ് വാര്‍ഷിക പലിശ. എന്നാല്‍ പുതിയ നിക്ഷേപങ്ങള്‍ക്ക് ഈ നിരക്കുകള്‍ നിലവിലുണ്ടോ എന്ന് എസ്ബിഐയുടെ ഔദ്യോഗിക വെബ്‌സൈറ്റില്‍ പരിശോധിക്കണം.

5 ലക്ഷം രൂപ നിക്ഷേപിച്ചാല്‍ എത്ര ലഭിക്കും?

444 ദിവസത്തേക്ക് 5 ലക്ഷം രൂപ നിക്ഷേപിച്ചാല്‍ റിപ്പോര്‍ട്ടിലെ നിരക്കുകള്‍ അടിസ്ഥാനമാക്കി ലഭിക്കാവുന്ന ഏകദേശ പലിശയും ആകെ തുകയും ഇങ്ങനെയാണ്. സാധാരണ ഉപഭോക്താക്കള്‍ക്ക് 6.45 ശതമാനം നിരക്കില്‍ ഏകദേശം 40,472 രൂപ പലിശ ലഭിക്കാം. കാലാവധി പൂര്‍ത്തിയാകുമ്പോള്‍ ആകെ തുക 5,40,472 രൂപയാകും. മുതിര്‍ന്ന പൗരന്മാര്‍ക്ക് 6.95 ശതമാനം നിരക്കില്‍ ഏകദേശം 43,715 രൂപ പലിശ ലഭിക്കാം. ആകെ തുക 5,43,715 രൂപയായിരിക്കും. 80 വയസും അതില്‍ കൂടുതലുമുള്ള അര്‍ഹരായ നിക്ഷേപകര്‍ക്ക് 7.05 ശതമാനം നിരക്കില്‍ ഏകദേശം 44,365 രൂപ പലിശ ലഭിക്കാം. ആകെ തുക 5,44,365 രൂപയാകും.

Also Read: DA Hike 2026: ഡിഎ വർധന വന്നാൽ നിങ്ങളുടെ ശമ്പളം എത്ര കൂടും? ലെവൽ തിരിച്ചുള്ള കണക്കുകൾ

10 ലക്ഷം രൂപ നിക്ഷേപിച്ചാല്‍?

10 ലക്ഷം രൂപ നിക്ഷേപിക്കുന്ന സാധാരണ ഉപഭോക്താവിന് ഏകദേശം 80,944 രൂപ പലിശ ലഭിക്കാം. മുതിര്‍ന്ന പൗരന്മാര്‍ക്ക് ഏകദേശം 87,429 രൂപയും സൂപ്പര്‍ സീനിയര്‍ പൗരന്മാര്‍ക്ക് ഏകദേശം 88,730 രൂപയും പലിശ ലഭിക്കാമെന്നാണ് കണക്ക്. അതനുസരിച്ച് ആകെ കാലാവധി തുക യഥാക്രമം 10,80,944 രൂപ, 10,87,429 രൂപ, 10,88,730 രൂപ എന്നിങ്ങനെയായിരിക്കും.

നിക്ഷേപിക്കുന്നതിന് മുമ്പ് അറിയേണ്ട കാര്യങ്ങള്‍

പദ്ധതിയുടെ വ്യവസ്ഥകള്‍ക്ക് വിധേയമായി നിക്ഷേപം കാലാവധിക്ക് മുമ്പ് പിന്‍വലിക്കാനോ സ്ഥിരനിക്ഷേപത്തിന് എതിരെ വായ്പ നേടാനോ സാധിച്ചേക്കും. എന്നാല്‍ നിക്ഷേപം പിന്‍വലിക്കുമ്പോള്‍ പിഴയോ പലിശക്കുറവോ ബാധകമാകാം. സ്ഥിരനിക്ഷേപത്തില്‍നിന്ന് ലഭിക്കുന്ന പലിശ പൊതുവെ നികുതിക്ക് വിധേയമാണ്.

എസ്ബിഐയുടെ യോനോ ആപ്പ്, ഇന്റര്‍നെറ്റ് ബാങ്കിങ് അല്ലെങ്കില്‍ ബാങ്ക് ശാഖ വഴി പദ്ധതിയുടെ ലഭ്യത പരിശോധിക്കാം. നിക്ഷേപം നടത്തുന്നതിന് മുമ്പ് നിലവിലെ പലിശനിരക്കും കാലാവധിയും പിന്‍വലിക്കല്‍ വ്യവസ്ഥകളും ഉറപ്പാക്കണം.

English Summary

SBI’s Amrit Vrishti is a special 444-day fixed deposit scheme offering attractive interest rates. General customers receive 6.45% annual interest, while senior citizens receive 6.95%. Find out the estimated returns and maturity amounts on investments of ₹5 lakh and 10 lakh.

രാജ്യത്തെ ഏറ്റവും വലിയ ഐപിഒകളിലൊന്നായ റിലയൻസ് ജിയോ പ്ലാറ്റ്‌ഫോംസിന്റെ ഐപിഒയ്ക്ക് വിപണിയിൽ മികച്ച തുടക്കം. സബ്‌സ്‌ക്രിപ്ഷൻ ആരംഭിച്ച് ആദ്യ മണിക്കൂറിൽ തന്നെ നിക്ഷേപകരിൽ നിന്ന് ശക്തമായ പ്രതികരണമാണ് ലഭിക്കുന്നത്. ഒക്ടോബർ 21-ലെ കണക്കുകൾ പ്രകാരം രാവിലെ 10 മണിക്ക് തന്നെ മുഴുവൻ ഇഷ്യുവിന്റെയും സബ്‌സ്‌ക്രിപ്ഷൻ 83 ശതമാനത്തിലെത്തി.

ജിയോ ഐപിഒയിൽ ക്വാളിഫൈഡ് ഇൻസ്റ്റിറ്റ്യൂഷണൽ ബയേഴ്സ് (QIB) വിഭാഗത്തിൽ നിന്നാണ് വൻ തോതിലുള്ള നിക്ഷേപ താൽപ്പര്യം പ്രകടമായത്. സബ്‌സ്‌ക്രിപ്ഷൻ തുടങ്ങി ചുരുങ്ങിയ സമയത്തിനുള്ളിൽ തന്നെ QIB വിഭാഗം 2.86 മടങ്ങ് അധികമായി നിറഞ്ഞു. അതേസമയം, റീട്ടെയിൽ നിക്ഷേപകരുടെ ഭാഗത്തുനിന്ന് ഇതുവരെ 13 ശതമാനം ബിഡ് മാത്രമാണ് ലഭിച്ചിട്ടുള്ളത്. രാവിലെ 10 മണിയോടെ മൊത്തത്തിലുള്ള ഇഷ്യുവിന്റെ സബ്‌സ്‌ക്രിപ്‌ഷൻ 83 ശതമാനത്തിലെത്തിയിരുന്നു. ഈ സാഹചര്യത്തിൽ, ഐപിഒയിൽ സ്ഥാപന നിക്ഷേപകരുടെ ശക്തമായ താൽപ്പര്യവുമായി താരതമ്യം ചെയ്യുമ്പോൾ റീട്ടെയിൽ നിക്ഷേപകരുടെ പങ്ക് ഇതുവരെ മന്ദഗതിയിലാണ്.

ALSO READ: ജിയോ ഐപിഒ; ആങ്കർ ബുക്കിനായി 30 ഇരട്ടിയിലധികം ഡിമാൻഡ്

ക്യുഐബി- ശക്തമായ പ്രതികരണം

30,213 കോടി രൂപയുടെ ഐപിഒയിൽ ക്യുഐബി വിഭാഗത്തിൽ വൻ ഡിമാൻഡാണ് ഉണ്ടായത്. രാവിലെ 10 മണി വരെ ഈ വിഭാഗത്തിനായി മാറ്റിവെച്ച ഓഹരികളുടെ 2.86 മടങ്ങ് ബിഡുകൾ ലഭിച്ചു കഴിഞ്ഞു. ഐപിഒ ആരംഭിച്ച് ആദ്യ 30 മിനിറ്റിനുള്ളിൽ തന്നെ ക്യുഐബി വിഹിതം പൂർണ്ണമായി സബ്‌സ്‌ക്രൈബ് ചെയ്യപ്പെട്ടിരുന്നുവെന്നാണ് റിപ്പോർട്ട്.

റീട്ടെയിൽ നിക്ഷേപകർ

രാവിലെ 10 മണി വരെ റീട്ടെയിൽ നിക്ഷേപകർക്കായി മാറ്റിവെച്ച വിഹിതത്തിൽ 13 ശതമാനം സബ്‌സ്‌ക്രിപ്ഷൻ മാത്രമാണ് രേഖപ്പെടുത്തിയിട്ടുള്ളത്. അതേസമയം, നോൺ-ഇൻസ്റ്റിറ്റ്യൂഷണൽ ഇൻവെസ്റ്റേഴ്സ് (NII) വിഭാഗത്തിൽ 14 ശതമാനം ബിഡുകൾ ലഭിച്ചു. റിലയൻസ് ഇൻഡസ്ട്രീസിന്റെ ജീവനക്കാർക്കായി മാറ്റിവെച്ച വിഹിതത്തിൽ 35 ശതമാനവും നിലവിലുള്ള ഓഹരിയുടമകൾക്കായി നീക്കിവെച്ച വിഹിതത്തിൽ 26 ശതമാനവും സബ്‌സ്‌ക്രിപ്ഷൻ നടന്നു.  ബിഡ്ഡിംഗ് കാലാവധി പുരോഗമിക്കുന്നതനുസരിച്ച് സബ്‌സ്‌ക്രിപ്ഷൻ സ്ഥിതിയിൽ മാറ്റങ്ങൾ ഉണ്ടായേക്കാം.

ജിയോ ഐപിഒ - വിവരങ്ങൾ

1. ജിയോ പ്ലാറ്റ്‌ഫോംസിന്റെ ഈ ഐപിഒ 30,213 കോടി രൂപയുടേതാണ്.
2. ഇത് പൂർണ്ണമായും പുതിയ ഓഹരികൾ മാത്രം പുറത്തിറക്കുന്ന ഒരു ഇഷ്യുവാണ്.
3. ഇതിൽ ഓഫർ ഫോർ സെയിൽ (OFS) അതായത് നിലവിലുള്ള ഓഹരികൾ വിൽക്കുന്ന ഭാഗം ഉൾപ്പെടുന്നില്ല.
4. ഇഷ്യു വഴി സമാഹരിക്കുന്ന തുകയുടെ വലിയൊരു ഭാഗം കമ്പനിയുടെ നിലവിലുള്ള കടങ്ങൾ വീട്ടുന്നതിനാണ് ഉപയോഗിക്കുന്നത്.
5. 1,065 രൂപ മുതൽ 1,119 രൂപ വരെയാണ് ഐപിഒയുടെ പ്രൈസ് ബാൻഡ്.

English Summary:

Jio Platforms’ IPO witnessed strong demand from institutional investors on the first day of subscription, with the portion reserved for Qualified Institutional Buyers subscribed 2.86 times, while the retail investor category received only 13% subscription and the non-institutional investor segment also saw relatively weak demand.