Blackmail Arrest: യുവതിയുടെ സ്വകാര്യരംഗങ്ങൾ ഒളിച്ചിരുന്നു പകർത്തി; വഴങ്ങണമെന്ന് ഭീഷണിപ്പെടുത്തി: രണ്ടു പേർ അറസ്റ്റിൽ
Blackmail Arrest In Kannur: വിവാഹിതയായ യുവതിയും മറ്റൊരാളുമായുള്ള സ്വകാര്യരംഗങ്ങളാണ് ഇവർ ഒളിച്ചിരുന്നു പകർത്തിയത്. കഴിഞ്ഞ ഫെബ്രുവരിയിലായിരുന്നു കേസിനാസ്പദമായ സംഭവം നടന്നത്.
കണ്ണൂർ: യുവതിയുടെ കിടപ്പറരംഗം മൊബൈൽ ഫോണിൽ ചിത്രീകരിച്ച് ഭീഷണിപ്പെടുത്തിയ മൂന്നംഗ സംഘത്തിലെ രണ്ടുപേർ പോലീസ് പിടിയിൽ. നടുവിൽ പള്ളിത്തട്ട് രാജീവ് ഭവൻ ഉന്നതിയിലെ കിഴക്കിനടിയിൽ ശമൽ (കുഞ്ഞാപ്പി –21), നടുവിൽ ടെക്നിക്കൽ സ്കൂളിന് സമീപത്തെ ചെറിയാണ്ടിന്റകത്ത് ലത്തീഫ് (48) എന്നിവരെയാണ് കുടിയാന്മല പൊലീസ് അറസ്റ്റ് ചെയ്തത്. കേസിൽ ഒന്നാംപ്രതിയും ശമലിന്റെ സഹോദരനുമായ ശ്യാം മറ്റൊരു കേസിൽ റിമാൻഡിലാണ്.
വിവാഹിതയായ യുവതിയും മറ്റൊരാളുമായുള്ള സ്വകാര്യരംഗങ്ങളാണ് ഇവർ ഒളിച്ചിരുന്നു പകർത്തിയത്. കഴിഞ്ഞ ഫെബ്രുവരിയിലായിരുന്നു കേസിനാസ്പദമായ സംഭവം നടന്നത്. സുഹൃത്തായ ആലക്കോട് സ്വദേശി ഇടക്കിടെ യുവതിയുടെ വീട്ടിൽ വരാറുണ്ടായിരുന്നു. ഇത് അറിഞ്ഞ ശ്യാമും ശമലും ഒളിച്ചിരുന്നു കിടപ്പറദൃശ്യങ്ങൾ മോബൈൽ ഫോണിൽ പകർത്തുകയായിരുന്നു. ഇതിനു പിന്നാലെ ദൃശ്യങ്ങൾ കാട്ടി യുവതിയെ ഭീഷണിപ്പെടുത്തുകയും ചെയ്തു.
Also Read:വിവാഹ അഭ്യർത്ഥന നിരസിച്ചു; പാലക്കാട് യുവതിയെയും അച്ഛനെയും വീട്ടിൽ കയറി വെട്ടി; ആൺസുഹൃത്ത് അറസ്റ്റിൽ
യുവതിയെ ഭീഷണിപ്പെടുത്തി ഇവർ പണം ആവശ്യപ്പെട്ടു. കൂടാതെ വിഡിയോ ഇവരുടെ സുഹൃത്ത് ലത്തീഫിനും നൽകി. ലത്തീഫ് ഈ ദൃശ്യം യുവതിയെ കാണിച്ച് തനിക്കു വഴങ്ങണമെന്നും പണം നൽകണമെന്നും ആവശ്യപ്പെട്ടു. തുടർന്നാണ് യുവതി പോലീസിൽ പരാതി നൽകിയത്.
