SIR: സംസ്ഥാനത്ത് SIR ഹിയറിങ് നടപടികൾ നാളെയോടെ പൂർത്തീകരിക്കും
SIR Process: തിരുവനന്തപുരം, എറണാകുളം, ആലപ്പുഴ, കാസർഗോഡ്, പാലക്കാട് ജില്ലകളിലാണ് 100 ശതമാനം ഹിയറിങ്ങ് പൂർത്തിയായത്....
തിരുവനന്തപുരം: സംസ്ഥാനത്ത് എസ്ഐആർ ഹിയറിങ് നടപടികൾ നാളെയോടെ പൂർത്തിയാകും. ഇതുവരെ 101 നിയമസഭാ മണ്ഡലങ്ങളിലെ ഹിയറിങ് പൂർത്തിയായതായി കേന്ദ്ര തിരഞ്ഞെടുപ്പ് കമ്മീഷൻ അറിയിച്ചു. തിരുവനന്തപുരം, എറണാകുളം, ആലപ്പുഴ, കാസർഗോഡ്, പാലക്കാട് ജില്ലകളിലാണ് 100 ശതമാനം ഹിയറിങ്ങ് പൂർത്തിയായത്. 36, 89,057 പേരുടെ ഹിയറിങ് നടപടി ക്രമങ്ങളുടെ ഭാഗമായി എന്നാണ് കമ്മീഷൻ അവസാനം പുറത്തുവിട്ട കണക്കുകൾ സൂചിപ്പിക്കുന്നത്.
കരട് പട്ടികയിൽ ഉൾപ്പെട്ടവരിൽ ഹിയറിങ്ങിലൂടെ 28,158 പേർ പുറത്തുപോയി. 3522 മരിച്ചവരെയും വിദേശ പൗരത്വം സ്വീകരിച്ച 1361 പേരെയും താമസം മാറിയ 23275 പേരെയും ആണ് കരട് പട്ടികയിൽ നിന്നും നിലവിൽ ഒഴിവാക്കിയത്. നാളെയോടെ മുഴുവൻ ഹിയറിങ്ങും പൂർത്തിയാക്കും എന്നാണ് കമ്മീഷൻ നൽകുന്ന വിവരം.
ALSO READ:ശബരിമല സ്വർണ്ണ മോഷണം: സന്നിധാനത്ത് എസ്ഐടി പരിശോധന തുടരും
ഈ മാസം 21ന് എസ്ഐആർ അന്തിമ പട്ടിക പ്രസിദ്ധീകരിക്കും എന്നാണ് നിലവിൽ ലഭിക്കുന്ന റിപ്പോർട്ട്. എസ്ഐആർ അന്തിമ പട്ടിക പ്രകാരമായിരിക്കും ഈ വർഷത്തെ നിയമസഭാ തിരഞ്ഞെടുപ്പ് നടക്കുക.
