ക്ഷേത്രപരിപാടിക്ക് അലങ്കാരവിളക്കുകൾ സ്ഥാപിക്കുന്നതിനിടെ വൈദ്യുത പോസ്റ്റിൽ നിന്ന് ഷോക്കേറ്റു; യുവാവ് മരിച്ചു

Sanu

തിരുവനന്തപുരം : പാലോട് ക്ഷേത്രത്തിലെ പരിപാടിക്ക് വേണ്ടി ദീപാലങ്കാര വിളക്കുകൾ സ്ഥാപിക്കുന്നതിനിടയിൽ പോസ്റ്റിൽ നിന്നും ഷോക്കേറ്റ് യുവാവിന് ദാരുണാന്ത്യം. പാങ്ങോട് പഴവിള സ്വദേശിയായ സനു ആണ് മരിച്ചത്. 34 വയസ്സായിരുന്നു. ചൊവ്വാഴ്ച പുലർച്ചെ 3:00 മണിയോടെയാണ് അപകടം ഉണ്ടായത്.

നന്ദിയോട് ക്ഷേത്രത്തിലെ ഉത്സവത്തിന്റെ ഭാഗമായി കലുങ്ക് ജംഗ്ഷനിൽ ലൈറ്റുകൾ സ്ഥാപിക്കുന്നതിനിടെയാണ് അപകടം സംഭവിച്ചത്. സീരിയൽ ലൈറ്റ് കത്തിച്ച ശേഷം പോസ്റ്റിൽ കയറി പരിശോധന നടത്തുന്നതിനിടയിൽ ഷോക്ക് ഏൽക്കുകയായിരുന്നു.

ALSO READ:ഒന്നാം ക്ലാസിൽ പഠിക്കുന്ന മകനെ വഴക്കുപറഞ്ഞു; അധ്യാപകനെ വീട്ടിൽ കയറി തല്ലി രക്ഷകർത്താവ്

സീരിയൽ ലൈറ്റ് ഇട്ട അതേ വയറിൽ നിന്നാണ് യുവാവിന് ഷോക്കേറ്റത്. സംഭവത്തിൽ പാലോട് പോലീസ് കേസെടുത്തിട്ടുണ്ട്. സനുവിന്റെ മൃതദേഹം പാലോട് ആശുപത്രിയിൽ സൂക്ഷിച്ചിരിക്കുകയാണ്.