Ahaana Krishna’s Special Recipe: അഹാന കൃഷ്ണയുടെ സ്പെഷ്യൽ ബീറ്റ്റൂട്ട് മധുരം തയ്യാറാക്കിയാലോ?

Beetroot Apple Sweet

നടി അഹാന കൃഷ്ണ ഒരു വീഡിയോയിലൂടെ പരിചയപ്പെടുത്തിയ ‘ബീറ്റ്റൂട്ട് ആപ്പിൾ സ്വീറ്റ്’ ഇപ്പോൾ സോഷ്യൽ മീഡിയയിൽ വളരെ വൈറലാണ്. സാധാരണ ബീറ്റ്റൂട്ട് ഹൽവയിൽ നിന്നും വ്യത്യസ്തമായി ആപ്പിൾ കൂടി ചേർക്കുന്നതാണ് ഇതിന്റെ പ്രത്യേകത. ബീറ്റ്റൂട്ട് ഇഷ്ടമില്ലാത്തവർക്ക് പോലും പ്രിയങ്കരമായ ഈ വിഭവം തയ്യാറാക്കുന്നത് എങ്ങനെയെന്ന് നോക്കാം.

തയ്യാറാക്കുന്ന വിധം

ബീറ്റ്‌റൂട്ട് തൊലി കളഞ്ഞ് ചെറിയ കഷ്ണങ്ങളായി അരിയുക. ഇത് ആവശ്യത്തിന് വെള്ളവും ഒരു നുള്ള് ഉപ്പും ചേർത്ത് കുക്കറിൽ നന്നായി വേവിച്ചെടുക്കുക. വേവിച്ച ബീറ്റ്‌റൂട്ട് തണുത്ത ശേഷം മിക്സിയിലിട്ട് നല്ല മയത്തിൽ അരച്ചെടുക്കുക. ഒരു പാൻ അടുപ്പത്ത് വെച്ച് ഈ ബീറ്റ്‌റൂട്ട് പൾപ്പ് അതിലേക്ക് ഒഴിക്കുക. ഇതിലേക്ക് പഞ്ചസാര, ഏലക്കാപ്പൊടി, റോസ് എസ്സൻസ് എന്നിവ ചേർത്ത് നന്നായി ഇളക്കുക.

Also Read:ഇവിടെ മീനെന്നു പറഞ്ഞാൽ ​ഗം​ഗാമാതാവിന്റെ ജലപുഷ്പമാണ്… നോൺവെജ് എന്നു പറഞ്ഞു മാറ്റിനിർത്തില്ല

മിശ്രിതം കുറുകി വരുമ്പോൾ (ഏകദേശം 5-8 മിനിറ്റ്) അരിഞ്ഞു വെച്ചിരിക്കുന്ന ആപ്പിൾ കഷ്ണങ്ങൾ ഇതിലേക്ക് ചേർക്കുക. ആപ്പിൾ അധികം വെന്ത് ഉടഞ്ഞു പോകാതെ ശ്രദ്ധിക്കണം. മറ്റൊരു പാനിൽ നെയ്യ് ചൂടാക്കി കശുവണ്ടിയും മുന്തിരിയും വറുത്തെടുക്കുക. ഇത് തയ്യാറാക്കി വെച്ചിരിക്കുന്ന മധുരത്തിലേക്ക് ചേർത്ത് നന്നായി യോജിപ്പിക്കുക. സ്വാദിഷ്ടമായ ബീറ്റ്‌റൂട്ട്-ആപ്പിൾ സ്വീറ്റ് തയ്യാർ! ഇത് ചൂടോടെയോ അല്ലെങ്കിൽ ഫ്രിഡ്ജിൽ വെച്ച് തണുപ്പിച്ചോ കഴിക്കാവുന്നതാണ്.