Eyelash Dandruff: കൺപീലിയിൽ താരൻ ഉണ്ടാകുമോ? നിങ്ങൾ കേട്ടിട്ടുണ്ടോ ഇതിനെക്കുറിച്ച്
What Is Eyelash Dandruff: സാധാരണയായി ഇവ അത്ര അപകടകാരികളല്ലെങ്കിലും, കണ്പീലികളിലെ താരൻ അസ്വസ്ഥത ഉണ്ടാക്കുകയും നിങ്ങളുടെ ആത്മവിശ്വാസത്തെ ബാധിക്കുകയും ചെയ്യും. അതിനാൽ തന്നെ കണ്ണിൻ്റെ ആരോഗ്യവും ശുചിത്വവും നോക്കേണ്ടത് വളരെ പ്രധാനമാണ്.
കണ്പീലികളിലെ താരൻ, അല്ലെങ്കിൽ സെബോറെഹിക് ഡെർമറ്റൈറ്റിസ് എന്നും ഇത് അറിയപ്പെടുന്നു. കണ്ണുകൾക്കും കണ്പീലികൾക്കും ചുറ്റുമുള്ള അതിലോലമായ ചർമ്മത്തെ ബാധിക്കുന്ന സാധാരണവും എന്നാൽ അത്ര അറിയപ്പെടാത്തതുമായ ഒരു അവസ്ഥയാണിത്. ഇത് തലയോട്ടിയിലെ താരൻ പോലെയുള്ള ഒരുതരം വസ്തുവാണ്. കണ്പീലികളിലും ഇവ കാണപ്പെടുന്നു. വേണ്ടത്ര ശ്രദ്ധ നൽകിയില്ലെങ്കിൽ അലർജികൾ പോലുള്ള ചർമ്മപ്രശ്നങ്ങളായി ഇവ മാറിയേക്കാം.
സാധാരണയായി ഇവ അത്ര അപകടകാരികളല്ലെങ്കിലും, കണ്പീലികളിലെ താരൻ അസ്വസ്ഥത ഉണ്ടാക്കുകയും നിങ്ങളുടെ ആത്മവിശ്വാസത്തെ ബാധിക്കുകയും ചെയ്യും. അതിനാൽ തന്നെ കണ്ണിൻ്റെ ആരോഗ്യവും ശുചിത്വവും നോക്കേണ്ടത് വളരെ പ്രധാനമാണ്. എന്നാൽ സാധാരണയായി ഉണ്ടാകുന്ന ഒരു അവസ്ഥയായി കാണാനും സാധിക്കില്ല. ഇത് പലപ്പോഴും ആഴത്തിലുള്ള ചർമ്മത്തിൻ്റെ ആരോഗ്യ പ്രശ്നങ്ങളെ സൂചിപ്പിക്കുന്നു.
ലക്ഷണമാണ്
കണ്പീലിയിലെ താരൻ പലപ്പോഴും ബ്ലെഫറിറ്റിസ്, സെബോറെഹിക് ഡെർമറ്റൈറ്റിസ് അല്ലെങ്കിൽ വരണ്ട ചർമ്മം പോലുള്ള അവസ്ഥകളുടെ അടയാളമാണ്. ഫലപ്രദമായ ചികിത്സ നൽകുന്നതിന് മുമ്പ് അടിസ്ഥാന കാരണം തിരിച്ചറിയേണ്ടത് വളരെ പ്രധാനമാണ്. കണ്ണുകൾ വേണ്ടവിതത്തിൽ ശ്രദ്ധിക്കാതിരിക്കുക, വൃത്തിയായി കഴുകാതെ ഇരിക്കുക, അമിതമായ മേക്കപ്പ് ഉപയോഗം, എണ്ണ, അഴുക്ക് എന്നിവ കൺപ്പീലിയിൽ താരൻ ഉണ്ടാവാനുള്ള പ്രധാന കാരണങ്ങളിൽ ചിലതാണ്.
ഡെമോഡെക്സ് എന്ന് വിളിക്കപ്പെടുന്ന ചെറിയ അണുബാധയുടെ വളർച്ചമൂലവും താരൻ പോലുള്ള ലക്ഷണങ്ങൾ, ചൊറിച്ചിൽ എന്നിവയ്ക്ക് കാരണമാകും. കണ്പീലിയിലെ താരൻ കണ്ണുകളിൽ ചുവപ്പ്, വീക്കം, ചൊറിച്ചിൽ എന്നിവയ്ക്കും കാരണമാകും. ഈ അവസ്ഥ കൂടിയാൽ കാഴ്ച്ച മങ്ങുന്നതുൾപ്പെടെയുള്ള പ്രശ്നങ്ങളിലേക്ക് നയിക്കുന്നു.
എങ്ങനെ തടയാം?
മൃദുവായ ക്ലെൻസറുകൾ അല്ലെങ്കിൽ ടീ ട്രീ ഓയിൽ അടിസ്ഥാനമാക്കിയുള്ള ഉൽപ്പന്നങ്ങൾ എന്നിവ ഉപയോഗിച്ച് കണ്ണുകൾ പതിവായി വൃത്തിയാക്കുന്നത് ഇത്തരത്തിലുള്ള താരൻ നീക്കം ചെയ്യാനും കണ്ണുകൾക്ക് ചുറ്റുമുള്ള അസ്വസ്ഥതകൾ അകറ്റാനും സഹായിക്കും. ഈ അവസ്ഥയുടെ തുടക്കം കൃത്യമായ ശുചിത്വത്തിലൂടെ മെച്ചപ്പെടുത്താവുന്നതാണ്.
നല്ല ശുചിത്വം പാലിക്കുക, കണ്ണുകളെ ബാധിക്കാത്ത സൗന്ദര്യവർദ്ധക വസ്തുക്കൾ ഉപയോഗിക്കുക (കഴിവതും കണ്ണുകളുടെ ഭാഗത്ത് അവ ഉപയോഗിക്കാതിരിക്കുക) എന്നിവ കണ്പീലിയിലെ താരനെ തടയും. ശുചിത്വം കൊണ്ടും മാറിയില്ലെങ്കിൽ തീർച്ചയായും വൈദ്യസഹായം തേടേണ്ടത് അനിവാര്യമാണ്. നല്ല നേത്ര പരിചരണം പരിശീലിക്കുന്നതിലൂടെയും ആവശ്യമുള്ളപ്പോൾ വൈദ്യോപദേശം തേടുന്നതിലൂടെയും നമുക്ക കാഴ്ചയെ സംരക്ഷിക്കാനും ആരോഗ്യകരമായ കണ്പീലികൾ നിലനിർത്താനും കഴിയും.
