ചെറു പൊള്ളലുകൾക്ക് പ്രതിവിധി വീട്ടില് തന്നെയുണ്ട്!
പപ്പടം കാച്ചുമ്പോഴും, മുട്ട പൊരിക്കുമ്പോഴുമെല്ലാം ചെറിയ പൊള്ളലുകൾ ഏൽക്കാനുള്ള സാധ്യതയുണ്ട്. ഇവ പരിഹരിക്കാനുള്ള മാർഗങ്ങളും വീട്ടിൽ തന്നെയുണ്ട്.
അടുക്കളയിലും മറ്റും ജോലി ചെയ്യുമ്പോൾ ചെറു പൊള്ളലുകൾ ഏൽക്കാനുള്ള സാദ്ധ്യതകൾ കൂടുതലാണ്. അങ്ങനെ ചെറു പൊള്ളലുകൾ ഏൽക്കുമ്പോൾ ചെയ്യാവുന്ന ചെറിയ നുറുങ്ങ് വിദ്യകൾ ഉണ്ട്. അതിൽ ചിലത് നോക്കാം.
തണുത്ത വെള്ളം: പൊള്ളലേറ്റ സ്ഥലത്തു കുറച്ച് മിനിറ്റുകൾ തണുത്ത വെള്ളം ഒഴിക്കുക. മൃദുവായ സോപ്പും വെള്ളവും ഉപയോഗിച്ച് പൊള്ളലേറ്റ ഭാഗം കഴുകുക.
തണുത്ത തുണി ഉപയോഗിക്കുക: പൊള്ളലേറ്റ സ്ഥലത്ത് നനഞ്ഞ തുണിവെച്ച് ഒപ്പുന്നത് നല്ലതാണ്. കുറച്ച് സമയം ഇടവിട്ട് തണുപ്പ് പിടിക്കുക. അധിക സമയം നനഞ്ഞ തുണിവെച്ച് ഒപ്പുന്നതും നല്ലതല്ല.
കറ്റാർവാഴ: ശുദ്ധമായ കറ്റാർവാഴ എടുത്ത് പൊള്ളലേറ്റ സ്ഥലത്ത് നേരിട്ട് പ്രയോഗിക്കുക. ഇവ ബാക്റ്റീരിയയുടെ വളർച്ച തടയുന്നു. കറ്റാർവാഴ 'ബേൺ പ്ലാന്റ്' എന്നും അറിയപ്പെടുന്നു.
തേൻ: ചെറിയ പൊള്ളലുകൾ എളുപ്പത്തിൽ ഭേദമാകാൻ തേൻ സഹായിക്കുന്നു. ഇവയിൽ ആന്റി-ബാക്റ്റീരിയൽ, ആന്റി-ഫങ്കൽ ഗുണങ്ങൾ അടങ്ങിയിട്ടുണ്ട്.
