Trisha Krishnan: അഭ്യൂഹങ്ങള്ക്ക് വിരാമം; നടി തൃഷ കൃഷ്ണന് വിവാഹിതയാകുന്നു! കുടുംബം സമ്മതം നൽകി
Trisha Krishnan Marriage: 42 കാരിയായ താരം നടൻ വിജയ്യുമായി പ്രണയത്തിലാണെന്ന തരത്തിലുള്ള അഭ്യൂഹങ്ങൾ പ്രചരിച്ചിരുന്നു. എന്നാൽ ഇതിനിടെയിലാണ് വിവാഹിതയാകുന്നുവെന്ന റിപ്പോർട്ട് വന്നത്.
തെന്നിന്ത്യന് നടി തൃഷാ കൃഷ്ണന് വിവാഹിതാകുന്നുവെന്ന് റിപ്പോർട്ട്. ഛണ്ഡീഗഢുകാരനായ വ്യവസായി ആണ് വരൻ. ഇരുവരുടെയും കുടുംബം കഴിഞ്ഞ കുറച്ച് വർഷങ്ങളായി പരസ്പരം അറിയുന്നവരാണെന്നും തൃഷയുടെ കുടുംബം വിവാഹത്തിന് സമ്മതിച്ചതായുമാണ് വിവരം. (Image Credits: Instagram)
എന്നാൽ ഇക്കാര്യത്തെ കുറിച്ച് താരമോ കുടുംബമോ ഔദ്യോഗികമായി ഇതുവരെ പ്രതികരിച്ചിട്ടില്ല. അതേസമയം 42 കാരിയായ താരം നടൻ വിജയ്യുമായി പ്രണയത്തിലാണെന്ന തരത്തിലുള്ള അഭ്യൂഹങ്ങൾ പ്രചരിച്ചിരുന്നു. എന്നാൽ ഇതിനിടെയിലാണ് വിവാഹിതയാകുന്നുവെന്ന റിപ്പോർട്ട് വന്നത്.
ശരിയായ ആളെ കണ്ടെത്തുമ്പോൾ വിവാഹത്തിന് തയ്യാറാകുമെന്നാണ് മുൻപൊരിക്കൽ വിവാഹത്തെ കുറിച്ച് നടി പറഞ്ഞത്. വിവാഹത്തിനുള്ള ശരിയായ സമയം ഇതുവരെ വന്നിട്ടില്ലെന്നും തൃഷ പറഞ്ഞിരുന്നു.
2015ൽ വ്യവസായിയായ വരുൺ മണിയനുമായി തൃഷയുടെ വിവാഹനിശ്ചയം നടന്നിരുന്നു. എന്നാൽ ആ ബന്ധം താമസിയാതെ തകരുകയായിരുന്നു. വിവാഹശേഷം അഭിനയം തുടരാനുള്ള തൃഷയുടെ തീരുമാനമാണ് വരുണുമായി വേർപിരിയാൻ കാരണമെന്നാണ് റിപ്പോർട്ടുകൾ.
അതേസമയം തൃഷയും വിജയുമായി പ്രണയത്തിലെന്ന തരത്തിൽ പലപ്പോഴും വാര്ത്തകൾ പ്രചരിച്ചിരുന്നു. നടി കീര്ത്തി സുരേഷിന്റെ വിവാഹത്തിന് ഗോവയിലേക്ക് വിജയും തൃഷയും ഒരുമിച്ചാണ് പ്രൈവറ്റ് ജെറ്റില് വന്നിറങ്ങിയത്. ഇതോടെയാണ് അഭ്യൂഹങ്ങൾക്ക് തുടക്കം കുറിച്ചത്.
