ഡീൽ ഉണ്ട്, വില ലൈറ്റ് ആക്കാം! വൺപ്ലസ് നോർഡ് CE6 ലൈറ്റിന് ഡിസ്കൗണ്ടുമായി ആമസോൺ ഫെസ്റ്റിവൽ സെയിൽ
OnePlus Nord CE6 Lite 5G Amazon discount: ആമസോണിൽ ഗ്രേറ്റ് ഇന്ത്യൻ ഫെസ്റ്റിവൽ സെയിൽ 2026 ആരംഭിച്ചു. ഈ സെയിലിൽ സ്മാർട്ട്ഫോണുകൾക്ക് വളരെ മികച്ച ഡിസ്കൗണ്ട് ഡീലുകൾ ലഭ്യമായിട്ടുണ്ട്. പുതിയ സ്മാർട്ട്ഫോൺ വാങ്ങാൻ ആലോചിക്കുന്നവർക്ക് അ‌നുയോജ്യമായ വിവിധ ഡീലുകൾ ഇപ്പോൾ ആമസോണിൽ ലഭ്യമാണ്. ഈ ഓഫർ സെയിലിൽ വൺപ്ലസ് നോർഡ് സിഇ6 ലൈറ്റ് മോഡലിനും ഡിസ്കൗണ്ട് ലഭ്യമായിരിക്കുന്നു.
ഇന്ത്യയിലെ ഫെസ്റ്റിവൽ സീസണോട് അ‌നുബന്ധിച്ച്, ആമസോണിൽ ഗ്രേറ്റ് ഇന്ത്യൻ ഫെസ്റ്റിവൽ സെയിലിന് തുടക്കമായിരിക്കുന്നു. ഈ ഓഫർ സെയിലിൽ വൺപ്ലസിന്റെ സ്മാർട്ട്ഫോണുകൾക്ക് വിവിധ ഡിസ്കൗണ്ടുകൾ ലഭ്യമാക്കിയിട്ടുണ്ട്. അ‌തിൽ 25000 രൂപയോട് അ‌ടുത്ത വിലയിൽ സ്വന്തമാക്കാവുന്ന ഒരു മികച്ച ഓപ്ഷനാണ് വൺപ്ലസ് നോർഡ് സിഇ6 ലൈറ്റ് 5ജി (OnePlus Nord CE6 Lite 5G). (Image credit: OnePlus, Amazon)
ഇന്ത്യയിൽ ഈ വർഷം മേയിൽ ആണ് ഈ വൺപ്ലസ് നോർഡ് സീരീസ് ഫോൺ എത്തിയത്. ലോഞ്ചിന് ശേഷം പലതവണ ഇതിന്റെ വില കൂടി. അ‌തേസമയം ഗ്രേറ്റ് ഇന്ത്യൻ ഫെസ്റ്റിവൽ സെയിലിന്റെ ഭാഗമായി ഡിസ്കൗണ്ടുകൾ സഹിതം വൺപ്ലസ് നോർഡ് സിഇ6 ലൈറ്റ് 8GB+ 128GB വേരിയന്റ് 26999 രൂപ വിലയിൽ ലഭ്യമാകുമെന്ന് ആമസോൺ വാഗ്ദാനം ചെയ്യുന്നു.
വൺപ്ലസ് നോർഡ് സിഇ6 ലൈറ്റ് 6GB + 128GB അ‌ടിസ്ഥാന മോഡലിന് 27999 രൂപയും 6GB + 128GB മോഡലിന് 28499 രൂപയും 8GB + 256GB വേരിയന്റിന് 32999 രൂപയുമാണ് ഇപ്പോൾ വൺപ്ലസ് വെബ്സൈറ്റിലും ആമസോണിലും വില. ഇത് ഫെസ്റ്റിവൽ സെയിൽ പ്രമാണിച്ചുള്ള പ്രത്യേക വിലയാണ്. കൂടാതെ ബാങ്ക് ഡിസ്കൗണ്ടും ഉണ്ട്.
ആമസോണിൽ ലഭ്യമായിരിക്കുന്ന ബാങ്ക് ഡിസ്കൗണ്ടുകൾ പ്രയോജനപ്പെടുത്തിയാൽ വൺപ്ലസ് നോർഡ് സിഇ6 ലൈറ്റ് അ‌ടിസ്ഥാന മോഡൽ 25000 രൂപയോട് അ‌ടുത്ത വിലയിൽ സ്വന്തമാക്കാം. വൺപ്ലസ് സ്മാർട്ട്ഫോണുകൾ ഇഷ്ടപ്പെടുന്നവർക്ക് ഈ ഡീൽ പരിഗണിക്കാവുന്നതാണ്. വിവിധ് മിന്റ്, ഹൈപ്പർ ബ്ലാക്ക് എന്നീ രണ്ട് കളർ ഓപ്ഷനുകളിലാണ് ഈ ഫോൺ ലഭ്യമായിരിക്കുന്നത്.
പ്രധാന ഫീച്ചറുകൾ: 6.72 ഇഞ്ച് (2400 x 1080 പിക്സൽ) Full HD+ LCD സ്‌ക്രീൻ, 144Hz അഡാപ്റ്റീവ് റിഫ്രഷ് റേറ്റ്, 240Hz ടച്ച് സാംപ്ലിംഗ് റേറ്റ്, 1000 നിറ്റ്സ് വരെ HBM ബ്രൈറ്റ്‌നസ് എന്നിവ ഇതിൽ ഉണ്ട്. 2.6GHz ഒക്ടാ-കോർ മീഡിയടെക് ഡൈമെൻസിറ്റി 7400 Apex 4nm പ്രോസസർ ആണ് ഈ ഫോണിന്റെ കരുത്ത്.
മാലി G615 MC2 GPU, 6GB/ 8GB LPDDR4X റാം, 128GB /256GB (UFS 3.1) സ്റ്റോറേജ്, മൈക്രോ എസ്ഡി കാർഡ് വഴി 2TB വരെ സ്റ്റോറേജ് വർധിപ്പിക്കാനുള്ള സൗകര്യം എന്നിവയുമുണ്ട്. ആൻഡ്രോയിഡ് 16 അ‌ടിസ്ഥാനമാക്കിയുള്ള OxygenOS 16-ൽ ആണ് പ്രവർത്തനം. സൈഡ്മൗണ്ട് ഫിംഗർപ്രിന്റ് സ്കാർ, IP64 റേറ്റിങ്, മിലിട്ടറി ഗ്രേഡ് ഈട് (MIL-STD-810H), ഹൈബ്രിഡ് ഡ്യുവൽ സിം (നാനോ+നാനോ / മൈക്രോ എസ്ഡി) സ്ലോട്ട്, 5G SA / NSA, ഡ്യുവൽ 4G VoLTE എന്നിവയുമുണ്ട്.
50MP മെയിൻ ക്യാമറ (1/2.88″ Omnivision OV50D40 സെൻസർ, f/1.8 അപ്പേർച്ചർ, EIS), 2MP മോണോക്രോം ക്യാമറ (f/2.4 അപ്പേർച്ചർ), 4K 30fps വരെ വീഡിയോ റെക്കോർഡിംഗ്, 8MP ഫ്രണ്ട് ക്യാമറ (f/2.0 അപ്പേർച്ചർ), 1080p 30fps വരെ വീഡിയോ റെക്കോർഡിംഗ് എന്നിവ അ‌ടങ്ങുന്ന ക്യാമറ സജ്ജീകരണവും 45W SUPERVOOC ഫാസ്റ്റ് ചാർജിംഗ്, 10W റിവേഴ്സ് ചാർജിംഗ് എന്നിവയുള്ള 7000mAh ബാറ്ററിയും ഇതിലുണ്ട്.
