Monsoon travel to Matheran: കാടും കോടയും കണ്ട് മഴക്കാല ട്രെയിൻ യാത്ര പോയാലോ? മത്തേരാൻ വിളിക്കുന്നു…
Best monsoon trip spot at Matheran: വാഹനങ്ങൾക്കു നിരോധനമുള്ള ഇന്ത്യയിലെ ഏക ഗ്രാമമാണ് മത്തേരാൻ. ആകെയുള്ളത് അത്യാവശ്യഘട്ടങ്ങളിൽ മാത്രം ഉപയോഗിക്കാവുന്ന അഗ്നിശമനസേനയുടെ വാഹനവും ആംബുലൻസുമാണ്.
മഴ യാത്രകൾ എപ്പോഴും മനോഹരമാണ്. മഞ്ഞും മഴയും കാടും കോടയും കണ്ട് പഴയകാലത്തേക്ക് ടൈം ട്രാവൽ ചെയ്ത ഒരു അനുഭവം. അതാണ് മത്തേരാൻ.
ഏഷ്യയിലെതന്നെ വാഹനങ്ങളില്ലാത്ത ഏക ഹിൽ സ്റ്റേഷനാണ് ഇത്. വാഹനങ്ങൾക്കു പ്രവേശനമില്ലാത്ത, ഒറ്റയ്ക്കു ചെന്നാൽ റൂം കിട്ടാൻ പ്രയാസമുള്ള സ്ഥലം.
കച്ചവടങ്ങളും പച്ചക്കറി, ഇറച്ചി മാർക്കറ്റുകളും തുടങ്ങി ഒരു ടൗണിൽ എന്തൊക്കെയുണ്ടോ, അതെല്ലാം ഇവിടെയുണ്ട്. ടോയ് ട്രെയിനിനും വ്യൂ പോയിന്റുകൾക്കും അപ്പുറം അവിടെ ഒരു നാടുണ്ട്.
മുംബൈക്കടുത്തുള്ള ഹിൽ സ്റ്റേഷനാണ് ഇത്. കടുത്ത ചൂടിൽനിന്നു രക്ഷനേടാൻ 1850 കളിൽ ബ്രിട്ടിഷുകാർ കണ്ടെത്തിയ സ്ഥലം. ഇന്നും സൈക്കിളിനുപോലും ഈ ഗ്രാമത്തിൽ പ്രവേശനമില്ല. ഇടയ്ക്കിടെയുള്ള തീവണ്ടിയുടെ ചൂളംവിളിയൊഴിച്ചാൽ മനുഷ്യരുടെയും പ്രകൃതിയുടെയും ശബ്ദമല്ലാതെ വേറൊന്നുമില്ല.
വാഹനങ്ങൾക്കു നിരോധനമുള്ള ഇന്ത്യയിലെ ഏക ഗ്രാമമാണ് മത്തേരാൻ. ആകെയുള്ളത് അത്യാവശ്യഘട്ടങ്ങളിൽ മാത്രം ഉപയോഗിക്കാവുന്ന അഗ്നിശമനസേനയുടെ വാഹനവും ആംബുലൻസുമാണ്.
