അയ്യയ്യേ നാണക്കേട്! അടിപിടി പതിവാക്കി ഇംഗ്ലണ്ട് താരങ്ങള്; നൈറ്റ് ക്ലബിലെ തല്ലുകേസില് ബ്രൈഡണ് കാര്സ് അറസ്റ്റില്
Brydon Carse Arrest: വീണ്ടും വിവാദത്തില്പെട്ട് ഇംഗ്ലണ്ട് ക്രിക്കറ്റ് താരങ്ങള്. ഒരു നൈറ്റ് ക്ലബിലെ തല്ലുകേസിനെ തുടര്ന്ന് ഇംഗ്ലണ്ട് പേസര് ബ്രൈഡണ് കാര്സിനെ പൊലീസ് പിടികൂടിയതായാണ് റിപ്പോര്ട്ട്. താരത്തെ പൊലീസ് കൈവിലങ്ങ് അണിയിച്ചതായി ദ ടെലിഗ്രാഫ് റിപ്പോര്ട്ട് ചെയ്തു. കാര്സിനെ പിന്നീട് പൊലീസ് വെറുതെവിട്ടു.
വീണ്ടും വിവാദത്തില്പെട്ട് ഇംഗ്ലണ്ട് ക്രിക്കറ്റ് താരങ്ങള്. ഒരു നൈറ്റ് ക്ലബിലെ തല്ലുകേസിനെ തുടര്ന്ന് ഇംഗ്ലണ്ട് പേസര് ബ്രൈഡണ് കാര്സിനെ പൊലീസ് പിടികൂടിയതായാണ് റിപ്പോര്ട്ട്. താരത്തെ പൊലീസ് കൈവിലങ്ങ് അണിയിച്ചതായി ദ ടെലിഗ്രാഫ് റിപ്പോര്ട്ട് ചെയ്തു. കൗണ്ടി ചാമ്പ്യൻഷിപ്പ് മത്സരത്തിൽ ഡെർബിഷെയറിനെതിരെ ഡർഹാം നേടിയ വിജയം ആഘോഷിക്കുന്നതിനായി മുൻ ഇംഗ്ലണ്ട് ക്യാപ്റ്റൻ ബെൻ സ്റ്റോക്സിനൊപ്പം 'മോളി മലോൺസ് ഐറിഷ് ടാവേൺ' എന്ന നൈറ്റ് ക്ലബിൽ എത്തിയതായിരുന്നു കാർസ് (Image Credit Source: PTI).
കാര്സിനെ പിന്നീട് പൊലീസ് വെറുതെവിട്ടു. കേസ് രജിസ്റ്റര് ചെയ്തിട്ടില്ലെന്നാണ് വിവരം. പാകിസ്ഥാനെതിരെയുള്ള ആദ്യ രണ്ട് ടെസ്റ്റുകൾക്കുള്ള ഇംഗ്ലണ്ട് സ്ക്വാഡിൽ കാർസ് അംഗമാണെങ്കിലും, ഈ ആഴ്ച ആദ്യം ഹെഡിംഗ്ലിയിൽ അവസാനിച്ച ഒന്നാം ടെസ്റ്റിൽ അദ്ദേഹം കളിച്ചിരുന്നില്ല. ആ മത്സരത്തിൽ ഇംഗ്ലണ്ട് ഒന്നിന്നിംഗ്സിനും 103 റൺസിനും വമ്പൻ ജയം സ്വന്തമാക്കിയിരുന്നു.
നേരത്തെയും ഇംഗ്ലണ്ട് താരങ്ങള് നൈറ്റ് ക്ലബില് അടിപിടിയുണ്ടാക്കിയതിന് വിവാദത്തില്പെട്ടിരുന്നു. കഴിഞ്ഞ ജൂണിൽ ന്യൂസിലൻഡിനെതിരെയുള്ള ടെസ്റ്റ് പരമ്പരയുടെ മധ്യത്തിൽ ബെൻ സ്റ്റോക്സും ഗസ് ആറ്റ്കിൻസണുമാണ് ഇത്തരത്തില് വിവാദത്തില്പെട്ടത്. ആ സംഭവം ഇംഗ്ലണ്ട് ടീമിനെ പിടിച്ചുലച്ചിരുന്നു. ബെന് സ്റ്റോക്സ് വിരമിച്ചത് പോലും ഈ വിവാദത്തെ തുടര്ന്നായിരുന്നു.
അതേസമയം, പാകിസ്ഥാനെതിരായ രണ്ടാം ടെസ്റ്റ് ഓഗസ്റ്റ് 27-നാണ് ആരംഭിക്കുന്നത്. ആദ്യ ടെസ്റ്റിലെ ഇലവനുമായി ഇംഗ്ലണ്ട് ടീം മുന്നോട്ടുപോകാനാണ് സാധ്യത. ഏതെങ്കിലും താരത്തിന് പരിക്കേറ്റാല് കാര്സിനെ ഇനി പ്ലേയിങ് ഇലവനില് ഉള്പ്പെടുത്താന് തയ്യാറാകുമോയെന്ന് കണ്ടറിയണം. താരത്തിനെതിരെ എന്തെങ്കിലും നടപടി സ്വീകരിക്കുമോയെന്നും വ്യക്തമല്ല.
"കഴിഞ്ഞ രാത്രി ഡെർബിയിൽ നടന്നതായി റിപ്പോർട്ട് ചെയ്യപ്പെട്ട സംഭവത്തെക്കുറിച്ച് ഞങ്ങൾ ബോധവാന്മാരാണ്. നിലവിൽ ഇതിനെക്കുറിച്ച് അന്വേഷണം നടത്തിവരികയാണ്. സാധ്യമാകുമ്പോൾ കൂടുതൽ വിവരങ്ങൾ പുറത്തുവിടും," ഇംഗ്ലണ്ട് ആൻഡ് വെയിൽസ് ക്രിക്കറ്റ് ബോർഡിന്റെ വക്താവ് ഞായറാഴ്ച ടെലിഗ്രാഫിനോട് പറഞ്ഞു.
