Chennai Metro: മെട്രോയിൽ ഫ്രീ ആയി യാത്ര ചെയ്യാം; ഇവർക്ക് മാത്രം
Chennai Metro Free Rides for IPL Ticket Holders: സ്റ്റേഡിയത്തിലേക്കും തിരികെയുള്ള യാത്രയും സൗജന്യമായി ചെയ്യാം. ഗവൺമെന്റ് എസ്റ്റേറ്റ് മെട്രോയിൽ നിന്നുള്ള അവസാന ട്രെയിൻ മത്സരത്തിന് ശേഷം പുലർച്ചെ 1 മണിക്ക് വിംകോ നഗർ ഡിപ്പോ മെട്രോ സ്റ്റേഷനിലേക്കും എയർപോർട്ട് മെട്രോ സ്റ്റേഷനിലേക്കും പുറപ്പെടും.
ക്രിക്കറ്റ് പ്രേമികൾക്ക് സന്തോഷ വാർത്തയുമായി ചെന്നൈ മെട്രോോ റെയിൽവേ ലിമിറ്റഡ്. ഏപ്രിൽ 14ന് (ഇന്ന്) നടക്കുന്ന ഐപിഎൽ മത്സരം കാണാൻ പോകുന്നവർക്ക് സൗജന്യമായി യാത്ര ചെയ്യാം.
മത്സരത്തിന്റെ ടിക്കറ്റ് കൈവശമുള്ളവർക്ക് മാത്രമാണ് ആനുകൂല്യം. സ്റ്റേഡിയത്തിലേക്കും തിരികെയുള്ള യാത്രയും സൗജന്യമായി ചെയ്യാം. മത്സരം കഴിഞ്ഞ ശേഷം ആരാധകർക്ക് വീട്ടിലെത്താൻ രാത്രി വൈകിയും സർവീസ് ഉണ്ട്.
ഐപിഎൽ മത്സരത്തിന്റെ ടിക്കറ്റ് എടുത്ത ആളുകൾക്ക് ചെന്നൈ മെട്രോ റെയിലിൽ മത്സര വേദിയായ ചെപ്പോക്കിലെ എംഎ ചിദംബരം സ്റ്റേഡിയത്തിലേക്ക് ഇത്തരത്തിൽ സൗജന്യമായി യാത്ര ചെയ്യാവുന്നതാണ്.
ഗവൺമെന്റ് എസ്റ്റേറ്റ് മെട്രോയിൽ നിന്നുള്ള അവസാന ട്രെയിൻ മത്സരത്തിന് ശേഷം പുലർച്ചെ 1 മണിക്ക് വിംകോ നഗർ ഡിപ്പോ മെട്രോ സ്റ്റേഷനിലേക്കും എയർപോർട്ട് മെട്രോ സ്റ്റേഷനിലേക്കും പുറപ്പെടും. ഗ്രീൻ ലൈൻ സ്റ്റേഷനുകളിലേക്ക് യാത്ര ചെയ്യുന്ന യാത്രക്കാർ ചെന്നൈ സെൻട്രലിൽ മാത്രമേ ഇന്റർചേഞ്ച് ചെയ്യാവൂ.
മത്സരത്തിന്റെ ടിക്കറ്റ് സ്റ്റേഷനിലെ കൗണ്ടറിൽ കാണിച്ചാൽ യാത്ര ടോക്കണിന് പകരമായി ടിക്കറ്റ് ക്യൂആർ കോഡ് ഉപയോഗിച്ച് ഫ്രീയായി യാത്ര ചെയ്യാം. ഓൺലൈൻ ടിക്കറ്റായാലും ഫിസിക്കൽ ടിക്കറ്റായാലും ഇങ്ങനെ ചെയ്യാവുന്നതാണ്. (Image Credit: PTI, Facebook)
