Denza D9: വെൽഫയറിന് ചെക്ക്, 90 ലക്ഷത്തിന്റെ എം.പി.വിയുമായി ഇന്ത്യയിൽ അരങ്ങേറ്റം കുറിച്ച് ഡെൻസ
അങ്ങനെ ആ കാത്തിരിപ്പ് അവസാനിച്ചിരിക്കുന്നു. ലോകത്തിലെ മുൻനിര ഇലക്ട്രിക് കാർ നിർമ്മാതാക്കാളായ ബിവൈഡിയുടെ ലക്ഷ്വറി വിഭാഗമായ ഡെൻസ ഇന്ത്യയിൽ അരങ്ങേറ്റം കുറിച്ചിരിക്കുകയാണ്. രണ്ട് മോഡലുകളെയാണ് അവർ ഇന്ത്യൻ വിപണയിൽ അവതരിപ്പിച്ചിരിക്കുന്നത്. അതിലെ എം.പി.വി മോഡലായ ഡെൻസ ഡി9 (Denza D9) മോഡലിനെ കുറിച്ച് കൂടതൽ അറിയാം.
ഡെൻസയുടെ ലൈനപ്പിലെ മികച്ച ലക്ഷ്വറി വാഹനങ്ങളിലൊന്നാണ് ഡി9 (Denza D9) . ഈ ജനപ്രിയ മോഡൽ ഇന്ത്യയിലേക്ക് വരാൻ ഒരുങ്ങുന്നു എന്ന് മാസങ്ങൾക് മുമ്പേ അപ്ഡേറ്റുകൾ വന്നിരുന്നു. ഈ വർഷം അവസാനമോ 2027 ന്റെ തുടക്കത്തിലോ വാഹനം ഇന്ത്യയിൽ അവതരിപ്പിക്കുമെന്നായിരുന്നു വിവരം. ( Image Credit Source Denza Website)
90 ലക്ഷം രൂപ (എക്സ്-ഷോറൂം) പ്രാരംഭ വിലയിൽ പുറത്തിറക്കിയ ഈ വാഹനം ടൊയോട്ട വെൽഫയർ (Toyota Vellfire), ലെക്സസ് LM 350h (Lexus LM 350h), MG M9 എന്നിവയ്ക്ക് ബദലായിട്ടാണ് അവതരിപ്പിച്ചിരിക്കുന്നത്. ഇന്ത്യയിൽ നിലവിൽ ഈ സെഗ്മെന്റിൽ ഡിമാൻഡ് വർദ്ധിച്ചു വരുന്ന സമയമാണ് ഇത്.
ഡെൻസ ഡി9 2+2+3 സീറ്റിംഗ് കോൺഫിഗറേഷനിലാണ് എത്തുന്നത്. ടൊയോട്ട വെൽഫയർ (Toyota Vellfire), ലെക്സസ് എൽഎം (Lexus LM) തുടങ്ങിയ എതിരാളികളും ഇതേ സീറ്റിംഗ് ക്രമീകരണമാണ് തുരുന്നത്. എന്നാൽ മറ്റ് കോംപറ്റീറ്റർമാരായ എം.ജി എം9 (MG M9), മെഴ്‌സിഡസ്-ബെൻസ് വി-ക്ലാസ് (Mercedes-Benz V-Class) എന്നിവ 2+2+2 ക്രമീകരണമാണ് ഉള്ളത്.
5,250mm നീളവും 1,960mm വീതിയും 1,920mm ഉയരവുമുള്ള വാഹനത്തിന്റെ വീൽബേസ് 3,110mm ആണ്. നീളം, വീതി, വീൽബേസ് എന്നിവയുടെ കാര്യത്തിൽ ടൊയോട്ട, ലെക്സസ് മോഡലുകളേക്കാൾ വലുതാണെങ്കിലും ഉയരത്തിൽ അൽപം താഴെയാണ് ഡി 9.
ആപ്പിൾ കാർപ്ലേ, ആൻഡ്രോയിഡ് ഓട്ടോ എന്നിവ പിന്തുണയ്ക്കുന്ന 15.6 ഇഞ്ച് ഇൻഫോടെയ്ൻമെൻ്റ് സ്‌ക്രീൻ, 10.25 ഇഞ്ച് ഡിജിറ്റൽ ഡ്രൈവർ ഡിസ്‌പ്ലേ, പനോരമിക് സൺറൂഫ്, വെന്റിലേഷൻ-മസാജ് സൗകര്യങ്ങളുള്ള 8-വേ അ‍ഡ്ജസ്റ്റബിൾ ഫ്രണ്ട് സീറ്റുകൾ, ആംബിയന്റ് ലൈറ്റിംഗ്, ട്രിപ്പിൾ-സോൺ എയർ കണ്ടീഷനിംഗ്, 14 സ്പീക്കറുകളോട് കൂടിയ ഓഡിയോ സംവിധാനം, എയർ പ്യൂരിഫയർ, വയർലെസ് ഫോൺ ചാർജർ, 12 ഇഞ്ച് ഹെഡ്-അപ്പ് ഡിസ്‌പ്ലേ, സ്ലൈഡിംഗ് റിയർ ഡോറുകൾ എന്നിവയാണ് വാഹത്തിന്റെ മറ്റ് പ്രധാന ഫീച്ചറുകൾ.
