Chennai Food: ചെന്നൈയിലേക്ക് വണ്ടി കയറിയോ? ഈ ഭക്ഷണപ്പെരുമകള് രുചിക്കാൻ മറക്കരുത്!
Famous Food in Chennai: സാധാരണ ദോശ മുതൽ മസാല, നെയ്റോസ്റ്റ്, ഒനിയൻ, റവ തുടങ്ങി വിവിധ തരം ദോശകൾ തനതായ രുചിയോടെ ലഭിയ്ക്കുന്ന ഒരിടമാണ് ചെന്നൈ.
നല്ല ഭക്ഷണം രുചിക്കാൻ ഇഷ്ടപ്പെടുന്നവരാണ് നമ്മൾ മിക്കവരും. അതുകൊണ്ട് തന്നെ നല്ല ഭക്ഷണം കിട്ടുന്ന നല്ല സ്ഥലം തേടി പോകുന്നവരാണ് പലരും. അത്തരം നല്ല സൗത്ത് ഇന്ത്യൻ ഭക്ഷണം ലഭിയ്ക്കുന്ന ഒരിടമാണ് ചെന്നൈ.ചെന്നൈയിലെ ചില രുചിപ്പെരുമകളും രാജ്യത്തിന്റെ വിവിധ ഭാഗങ്ങളിലും പ്രശസ്തമാണ്. (Image Credits: Pinterest)
ഇതിലെ പ്രധാന വിഭവങ്ങളിൽ ഒന്നാണ് ദോശ. ചെന്നൈ ദോശപ്പെരുമയുള്ള സ്ഥലമാണെന്നു പറയാം. സാധാരണ ദോശ മുതൽ മസാല, നെയ്റോസ്റ്റ്, ഒനിയൻ, റവ തുടങ്ങി വിവിധ തരം ദോശകൾ തനതായ രുചിയോടെ ലഭിയ്ക്കുന്ന ഒരിടമാണ് ചെന്നൈ.
ചെന്നൈയിൽ പേരുക്കേട്ട മറ്റൊരു വിഭവമാണ് തൈരുവട. തൈരിൽ മുക്കി ലഭിയ്ക്കുന്ന വടയുടെ രുചി ആരേയും രണ്ടാമത് ഇതു രുചിയ്ക്കാൻ പ്രേരിപ്പിയ്ക്കും.
സാമ്പാർ സാദം മറ്റൊരു വിഭവമാണ്. ചോറു കലർത്തിയ സാമ്പാർ തന്നെ സംഭവും. സ്വാദിൽ മികച്ചവയാണ് തമിഴ്നാട്ടിലെ സാമ്പാർ സാദം . ദക്ഷിണേന്ത്യൻ വിഭവങ്ങളിൽ പ്രധാനപ്പെട്ട ഒരു വിഭവമാണ് തൈര് സാദം. തൈരും ചോറും ചേർത്തുണ്ടാക്കുന്ന ഇത് വയറിനും നല്ലതാണ്.
ചെന്നൈയിൽ ലഭിയ്ക്കുന്ന മറ്റൊരു സ്വാദിഷ്ടമായ വിഭവമാണ് കുഴിപ്പനിയാരം . ഇഡ്ഡലിമാവ് വറുത്തെടുക്കുന്നതെന്നു വേണമെങ്കിൽ പറയാം. കേരളത്തിലെ ഉണ്ണിയപ്പത്തിനു സമാനമാണ് തമിഴ്നാട്ടുക്കാരുടെ കുഴിപ്പനിയാരം. എന്നാൽ രണ്ടിന്റെയും രുചി വ്യത്യാസമുണ്ട്.
