Hardik Pandya: കാമുകിയുമായി ജന്മദിനം ആഘോഷിച്ച് ഹാർദിക് പാണ്ഡ്യ; സമൂഹമാധ്യമങ്ങളിൽ ചിത്രങ്ങൾ വൈറൽ
Hardik Pandya And Mahieka Sharma: കാമുകിയുമൊത്തുള്ള ഹാർദിക് പാണ്ഡ്യയുടെ ജന്മദിനാഘോഷം വൈറൽ. മോഡലായ മഹിയേക ശർമ്മയുമൊത്തുള്ള ജന്മദിനാഘോഷത്തിൻ്റെ ചിത്രങ്ങളാണ് പ്രചരിക്കുന്നത്.
കാമുകിയുമായി ജന്മദിനം ആഘോഷിച്ച് ഇന്ത്യൻ ക്രിക്കറ്റ് താരം ഹാർദിക് പാണ്ഡ്യ. കാമുകിയായ മഹിയേക ശർമ്മയുമായി തൻ്റെ 32ആം ജന്മദിനം ആഘോഷിക്കുന്ന ചിത്രങ്ങൾ ഹാർദിക് തന്നെയാണ് തൻ്റെ ഇൻസ്റ്റഗ്രാം സ്റ്റോറിയിലൂടെ പങ്കുവച്ചത്. ഈ ചിത്രങ്ങൾ സമൂഹമാധ്യമങ്ങളിൽ വൈറലാണ്. (Image Credits- Hardik Pandya Instagram)
മാൽദീവ്സിലെ സ്വകാര്യമായ ചടങ്ങിൽ വച്ചായിരുന്നു ഹാർദികിൻ്റെയും മഹിയേകയുടെയും ആഘോഷം. ഇരുവരും തമ്മിൽ പ്രണയത്തിലാണെന്ന് നേരത്തെ റിപ്പോർട്ടുകൾ വന്നിരുന്നെങ്കിലും ഇത് ഉറപ്പിക്കാൻ കഴിയുന്ന തരത്തിലുള്ള ഔദ്യോഗികമായ വെളിപ്പെടുത്തൽ ഇതാദ്യമായാണ് പുറത്തുവരുന്നത്.
ചോക്കളേറ്റ് ബർത്ത്ഡേ കേക്കാണ് ഹാർദിക്കിനായി തയ്യാറാക്കപ്പെട്ടിരിക്കുന്നത്. ഹാർദിക് പങ്കുവച്ച ചിത്രങ്ങൾ ഈ കേക്കും കാണാം മഹിയേകയുമായി കൈകോർത്ത് ബീച്ചിലൂടെ നടക്കുന്ന ഒരു വിഡിയോയും ഹാർദിക് തൻ്റെ ഇൻസ്റ്റഗ്രാം ഹാൻഡിലിൽ പങ്കുവച്ചിട്ടുണ്ട്.
24 വയസുകാരിയായ മോഡലും ഇൻഫ്ലുവൻസറുമാണ് മഹിയേക ശർമ്മ. പ്രമുഖ ഫാഷൻ ഡിസൈനർമാരുമായി താരം വർക്ക് ചെയ്തിട്ടുണ്ട്. ജന്മദിനാഘോഷങ്ങൾക്കുള്ള യാത്രക്കായി ഇരുവരും ഒരുമിച്ച് മുംബൈ എയർപോർട്ടിലെത്തിയിരുന്നു. ഇതോടെ ഡേറ്റിങ് ഏറെക്കുറെ സ്ഥിരീകരിക്കപ്പെട്ടത്.
ഇക്കഴിഞ്ഞ ഏഷ്യാ കപ്പിലാണ് ഹാർദിക് അവസാനമായി കളിച്ചത്. പാകിസ്താനെ പരാജയപ്പെടുത്തി ഇന്ത്യ ഏഷ്യാ കപ്പ് കിരീടം നേടിയിരുന്നു. ഇനി ഓസ്ട്രേലിയൻ പര്യടനത്തിലാണ് ഹാർദിക് കളിക്കുക. ഈ മാസം 19നാണ് ഇന്ത്യയുടെ ഓസ്ട്രേലിയൻ പര്യടനം ആരംഭിക്കുക.
