Health Tips: എസി നിങ്ങളെ രോഗിയാക്കുന്നുണ്ടോ?; ശ്വാസകോശ വിദഗ്ധർ നൽകുന്ന മുന്നറിയിപ്പുകൾ
Health Risks of Air Conditioner: ശരിയായി രീതിയിൽ എസി ഉപയോഗിച്ചാൽ ഇത്തരം ആരോഗ്യ പ്രശ്നങ്ങൾ നമുക്ക് ഒഴിവാക്കാനാകും. കൃത്യമായ ഇടവേളകളിൽ എസി വൃത്തിയാക്കുക എന്നത് തന്നെയാണ് ആരോഗ്യ പ്രശ്നങ്ങളെ അകറ്റി നിർത്താനുള്ള ഏക മാർഗം. എസി ഫിൽട്ടറുകൾ വൃത്തിയാക്കാതെ വരുമ്പോൾ അതിനുള്ളിൽ പുറത്തെ പൊടിപടലങ്ങൾ അടുഞ്ഞുകൂടുന്നു.
വേനൽക്കാലം എത്തിയതോടെ ദിവസേന ചൂട് കൂടി വരികയാണ്. സഹിക്കാനാകാത്ത പൊള്ളുന്ന ചൂടിൽ അല്പം ആശ്വാസം പകരുന്നത് എസിയാണ്. അതിനാൽ മിക്ക വീടുകളിലും ഓഫീസുകളിലും മറ്റുള്ള സ്ഥലങ്ങളിലെല്ലാം എസിയുടെ ഉപയോഗവും വേനലിൽ ക്രമാതീതമായി ഉയർന്നുവരാറുണ്ട്. എന്നാൽ എസിയിൽ മണിക്കൂറുകളോളം ഇരിക്കുമ്പോൾ ചിലർക്ക് പല തരത്തിലുള്ള അസുഖങ്ങൾ ഉണ്ടാകാറുണ്ട്. എസി തീരെ പറ്റാത്തവരുമുണ്ട്. (Image Credits: Getty Images)
ശരിയായി രീതിയിൽ എസി ഉപയോഗിച്ചാൽ ഇത്തരം ആരോഗ്യ പ്രശ്നങ്ങൾ നമുക്ക് ഒഴിവാക്കാനാകും. കൃത്യമായ ഇടവേളകളിൽ എസി വൃത്തിയാക്കുക എന്നത് തന്നെയാണ് ആരോഗ്യ പ്രശ്നങ്ങളെ അകറ്റി നിർത്താനുള്ള ഏക മാർഗം. എസി ഫിൽട്ടറുകൾ വൃത്തിയാക്കാതെ വരുമ്പോൾ അതിനുള്ളിൽ പുറത്തെ പൊടിപടലങ്ങൾ അടുഞ്ഞുകൂടുന്നു.
പിന്നീട് എസി ഓണാക്കുമ്പോൾ ഈ പൊടിപടലങ്ങൾ മുറിക്കുള്ളിലാകെ പടരുന്നു. അലർജിയുള്ള ആളുകളിൽ ശ്വാസകോശവുമായി ബന്ധപ്പെട്ട അസ്വസ്ഥതയ്ക്ക് ഇതൊരു പ്രധാന കാരണമാണ്. അതുപൊലെ തന്നെ തണുപ്പ് കൂടുമ്പോൾ ചിലരിൽ, ബ്രോങ്കൈറ്റിസ് വഷളാകാൻ സാധ്യത ഏറെയാണ്. നിർത്തായുള്ള ചുമ ഇതുമൂലമുണ്ടാകുന്ന പ്രധാന ആസ്വസ്ഥതയാണ്.
ചൂടുള്ള അന്തരീക്ഷത്തിൽ നിന്ന് പെട്ടെന്ന് വന്ന് എസിയുടെ തണുപ്പിലേക്ക് ഇരിക്കുന്നത് അത്ര നല്ല ശീലമല്ല. ഇത് നിങ്ങളുടെ ശ്വാസനാളത്തെ പ്രകോപിപ്പിക്കുന്നു. ശരീരത്തിന് ഏറ്റവും ആവശ്യമായ താപനില എപ്പോഴും 24–26°C- ആണ്. ചൂടിൽ നിന്ന് അശ്വാസം ലഭിക്കാൻ എസ് 16ലോ 13ലോ ഇടുന്നത് നിങ്ങളുടെ ആരോഗ്യത്തെ കാര്യമായി ബാധിക്കുന്നു.
അതുപോലെ തന്നെ എസി യൂണിറ്റുകളിലും അതിൻ്റെ പൈപ്പുകളിലും അടിഞ്ഞുകൂടുന്ന ഈർപ്പം പൂപ്പലിൻ്റെയും ബാക്ടീരിയകളുടെയും വളർച്ചയ്ക്ക് കാരണമാകാറുണ്ട്. എസി പ്രവർത്തിക്കുമ്പോൾ ഇത്തരം ബാക്ടീരിയകൾ മുറിക്കുള്ളിൽ വ്യാപിക്കുകയും നമ്മൾ അത് ശ്വസിക്കുകയും ചെയ്യുന്നു. ഇത് ആസ്ത്മ പോലുള്ള ശ്വാസകോശ സംബന്ധമായ അസുഖമുള്ളവരിൽ രോഗം വഷളാക്കുന്നു.
