Mushroom Cultivation: പണം വാരാൻ കൂൺ കൃഷി ബെസ്റ്റാ…ഇതൊന്ന് ശ്രദ്ധിച്ചാൽ മതി
How to Start Mushroom Cultivation: കുറഞ്ഞ ചെലവിൽ അധികവരുമാനം ആഗ്രഹിക്കുന്നവർക്ക് തിരഞ്ഞെടുക്കാവുന്ന ഏറ്റവും മികച്ച ഓപ്ഷനാണ് കൂൺ കൃഷി. ഒരു ചെറുകിട സംരംഭമായി ആരംഭിക്കുന്നവർ ലാഭം കൊയ്യാൻ ശ്രദ്ധിക്കേണ്ട ചില കാര്യങ്ങളുണ്ട്. കൂൺ കൃഷി എങ്ങനെ ആദായകരമാക്കാം എന്ന് നോക്കിയാലോ, ചില ടിപ്സ് ഇതാ...
ചെറുകിട സംരംഭമായി കൂൺ കൃഷി തുടങ്ങുമ്പോൾ പരാജയപ്പെടാതിരിക്കാൻ ചില കാര്യങ്ങൾ ശ്രദ്ധിക്കേണ്ടതുണ്ട്. കൂണിന്റെ വളർച്ചയ്ക്ക് ഏറ്റവും പ്രധാനം അന്തരീക്ഷമാണ്. ഷെഡിനുള്ളിലെ താപനില 28–29 ഡിഗ്രി സെൽഷ്യസിനു മുകളിൽ പോകാൻ പാടില്ല. (Image Credit Source : Getty Images)
അതുകൊണ്ട് തന്നെ ചൂട് കൂടുന്ന സമയത്ത് ഷെഡിനുള്ളിൽ ഈർപ്പം നിലനിർത്താൻ ഫാനുകളോ വശങ്ങളിൽ നനഞ്ഞ പാഡുകളോ ഉപയോഗിക്കാം. അതുപോലെ നേരിട്ടുള്ള സൂര്യപ്രകാശവും പാടില്ല. വെളിച്ചം കുറഞ്ഞ ഷെഡുകളിൽ നീല എൽഇഡി ബൾബുകളാണ് നല്ലത്.
ബെഡുകൾ തയ്യാറാക്കുമ്പോഴും കൈകാര്യം ചെയ്യുമ്പോഴും കൈകൾ അണുവിമുക്തമാക്കണം. ശുചിത്വമാണ് പ്രധാനം. അതുപോലെ വിത്തിന്റെ ഗുണമേന്മയും ശ്രദ്ധിക്കണം. ഷെഡിനുള്ളിൽ കാർബൺ ഡയോക്സൈഡ് അളവ് കൂടാൻ പാടില്ല.
കൂൺ കൃഷിയിലൂടെ പണം സമ്പാദിക്കാൻ ചില വഴികളുണ്ട്. പച്ചക്കറി കടകളിലോ മാർക്കറ്റുകളിലോ ഫ്രഷ് കൂൺ നേരിട്ട് എത്തിച്ചുനൽകാവുന്നതാണ്. ഇടനിലക്കാർ ഇല്ലാതെ വിൽക്കുന്നത് കൂടുതൽ ലാഭം നൽകും. അതുപോലെ കൂൺ അച്ചാർ, കൂൺ പൗഡർ തുടങ്ങി മൂല്യവർദ്ധിത ഉൽപ്പന്നങ്ങളും വിൽക്കാം.
കൂൺ ഉണക്കി പായ്ക്ക് ചെയ്ത് വിൽക്കുന്നതും നല്ലൊരു ഓപ്ഷനാണ്. വിത്ത് വിതരണം ചെയ്യാനും കൂൺ കൃഷിയിൽ ക്ലാസുകൾ എടുക്കാനോ സാധിച്ചാൽ അതും അധിക വരുമാനമാണ്.
