Kitchen Tips: മുട്ട പുഴുങ്ങുമ്പോൾ പൊട്ടിപ്പോകുന്നുണ്ടോ? ഈ തെറ്റ് ഇനി ചെയ്യല്ലേ
Ways to Stop Eggs from Cracking While Boiling: മുട്ടയുടെ തോട് പൊട്ടി വെള്ളക്കരു പുറത്തുവരുന്നത് പലപ്പോഴും അടുക്കളയിലെ ഒരു പ്രധാന പ്രശ്നമാണ്. താപനില, മർദ്ദം, അല്ലെങ്കിൽ കൈകാര്യം ചെയ്യുന്നതിലെ ശ്രദ്ധക്കുറവ് എന്നിവയാണ് ഇതിന് പിന്നിലെ പ്രധാന കാരണങ്ങൾ. അവ പരിഹരിക്കാനുള്ള വഴികളറിഞ്ഞാലോ...
മുട്ട പുഴുങ്ങുന്നത് വളരെ എളുപ്പമുള്ള പണിയായി തോന്നാം—വെള്ളത്തിലിട്ട് തിളപ്പിച്ചാൽ മാത്രം മതി. എന്നാൽ തിളയ്ക്കുന്ന വെള്ളത്തിൽ മുട്ടയുടെ തോട് പൊട്ടി വെള്ളക്കരു പുറത്തുവരുന്നത് പലപ്പോഴും അടുക്കളയിലെ ഒരു പ്രധാന പ്രശ്നമാണ്. താപനില, മർദ്ദം, അല്ലെങ്കിൽ കൈകാര്യം ചെയ്യുന്നതിലെ ശ്രദ്ധക്കുറവ് എന്നിവയാണ് ഇതിന് പിന്നിലെ പ്രധാന കാരണങ്ങൾ. അവ പരിഹരിക്കാനുള്ള വഴികളറിഞ്ഞാലോ... (Image Credit source: Getty Images)
ഫ്രിഡ്ജിൽ നിന്ന് എടുത്ത തണുത്ത മുട്ട നേരിട്ട് തിളയ്ക്കുന്ന വെള്ളത്തിലേക്ക് ഇടുമ്പോൾ താപനിലയിലുണ്ടാകുന്ന പെട്ടെന്നുള്ള മാറ്റം തോട് പൊട്ടാൻ കാരണമാകും. അതിനാൽ, ഫ്രിഡ്ജിൽ വെച്ച മുട്ട പുഴുങ്ങുന്നതിന് മുമ്പ് കുറച്ചുസമയം പുറത്തുവെച്ച് സാധാരണ താപനിലയിലാക്കേണ്ടതാണ്.
തിളയ്ക്കുന്ന വെള്ളത്തിലേക്ക് മുട്ട വേഗത്തിൽ ഇടുകയോ അല്ലെങ്കിൽ തിളയ്ക്കുമ്പോൾ പാത്രത്തിന്റെ അടിയിൽ തട്ടുകയോ ചെയ്യുമ്പോൾ തോടിൽ ചെറിയ വിടവുകൾ ഉണ്ടാകുന്നു. വേവുന്നതിനനുസരിച്ച് ഇവ വലിയ പൊട്ടലുകളായി മാറും. അതിനാൽ, ഇനി മുതൽ ഒരു തവി ഉപയോഗിച്ച് മുട്ട പതുക്കെ വെള്ളത്തിലേക്ക് ഇറക്കിവെക്കേണ്ടതാണ്.
വെള്ളം വേഗത്തിൽ തിളച്ചുമറിയുമ്പോൾ മുട്ടകൾ പാത്രത്തിന്റെ വശങ്ങളിലും അടിയിലും അങ്ങോട്ടുമിങ്ങോട്ടും കൂട്ടിയിടിക്കും. ഇത് തോടുകൾ പോലും പൊട്ടാൻ കാരണമാകും. അതുകൊണ്ട് വെള്ളം തിളച്ചുതുടങ്ങിയാൽ തീ കുറച്ച് പതുക്കെ തിളയ്ക്കുന്ന പരുവത്തിലാക്കുക. വെള്ളത്തിന്റെ ഒഴുക്കിൽ മുട്ടകൾ അമിതമായി ഇളകാൻ പാടില്ല.
ചെറിയ പാത്രത്തിൽ അമിതമായി മുട്ടകൾ നിറയ്ക്കുമ്പോൾ അവയ്ക്ക് അനങ്ങാൻ സ്ഥലം തികയാതെ വരികയും തിളയ്ക്കുമ്പോൾ പരസ്പരം ഇടിക്കുകയും ചെയ്യും. ഇതാണ് മറ്റൊരു കാരണം. എല്ലാ മുട്ടകളും ഒരൊറ്റ വരിയായി കിടക്കത്തക്ക രീതിയിലുള്ള വലിയ പാത്രം ഉപയോഗിക്കുക. മുട്ടയുടെ മുകളിൽ കുറഞ്ഞത് ഒരു ഇഞ്ചെങ്കിലും വെള്ളം ഉണ്ടായിരിക്കണം.
