Iqoo 13 : സ്നാപ്ഡ്രാഗണിൻ്റെ ഏറ്റവും പുതിയ ചിപ്സെറ്റും അൾട്രാ ഫാസ്റ്റ് ചാർജിംഗും; ഐകൂ 13 വിപണിയിൽ
Iqoo 13 Is Launched In Chinese Markets : ഐകൂവിൻ്റെ ഏറ്റവും പുതിയ മോഡലായ ഐകൂ 13 മോഡൽ വിപണിയിൽ. സ്നാപ്ഡ്രാഗണിൻ്റെ ഏറ്റവും പുതിയ സ്നാപ്ഡ്രാഗൺ എലീറ്റ് ചിപ്സെറ്റ് ആദ്യമായി ഉപയോഗിക്കുന്ന ഫോണുകളിൽ ഒന്നാണിത്.
ഐകൂ ആരാധകർ ആകാംക്ഷയോടെ കാത്തിരുന്ന ഐകൂ 13 മോഡൽ വിപണിയിൽ. സ്നാപ്ഡ്രാഗണിൻ്റെ ഏറ്റവും പുതിയ ചിപ്സെറ്റും അട്രാ ഫാസ്റ്റ് ചാർജിംഗും സഹിതം ഏറെ സവിശേഷതകളുമായാണ് ഐകൂ 13 എത്തുക. നിലവിൽ ചൈനയിലാണ് ഫോൺ പുറത്തിറങ്ങിയത്. (Image Courtesy - Social Media)
സ്നാപ്ഡ്രാഗൺ 8 എലീറ്റ് ചിപ്സെറ്റാണ് ഫോണിൻ്റെ ഏറ്റവും വലിയ സവിശേഷത. ഈ ചിപ്സെറ്റ് ഉപയോഗിക്കുന്ന ആദ്യ മോഡലുകളിൽ ഒന്നാണിത്. ആൻഡ്രോയ്ഡ് 15 പ്രവർത്തിക്കുന്ന ഓക്സിജൻ ഒഎസ് 5 ഓപ്പറേറ്റിങ് സിസ്റ്റത്തിലാണ് ഫോൺ പ്രവർത്തിക്കുന്നത്. (Image Courtesy - Social Media)
ഗെയിമാരെ പ്രത്യേകം പരിഗണിച്ചാണ് ഐകൂ മോഡൽ പുറത്തിറക്കിയിരിക്കുന്നത്. ക്യു2 ഗേമിങ് ചിപ്പ് അടക്കം ഗെയിമിങ് എക്സ്പീരിയൻസ് മെച്ചപ്പെടുമെന്ന് കമ്പനി അവകാശപ്പെടുന്നു. 16 ജിബി വരെ റാമും 1 ടിബി വരെ മെമ്മറിയും ഫോണിൽ ലഭിക്കും. 50 മെഗാപിക്സൽ ട്രിപ്പിൾ റിയർ ക്യാമറയും 32 മെഗാപിസൽ സെൽഫി ക്യാമറയും ഫോണിലുണ്ട്. (Image Courtesy - Iqoo Facebook)
6.82 ഇഞ്ച് 2കെ ബിഒഇ ക്യു10 8ടി എൽടിപിഒ 2.0 ഒഎൽഇഡി ഡിസ്പ്ലേയാണ് ഫോണിലുണ്ടാവുക. 6150 എംഎഎച്ച് ബാറ്ററിയും 120 വാട്ടിൻ്റെ അതിവേഗ ചാർജിംഗ് സപ്പോർട്ടും ഫോണിൻ്റെ സവിശേഷതയാണ്. ഐപി68, ഐപി69 വാട്ടർ, ഡസ്റ്റ് സുരക്ഷയും ഫോണിലുണ്ട്. (Image Courtesy - Social Media)
12 ജിബി + 256 ജിബിയുടെ ബേസിക് വേരിയൻ്റിന് 47,200 രൂപയാണ് ഇന്ത്യയിലെ ഏകദേശ വില. 16 ജിബി + 1 ടിബിയുടെ ഏറ്റവും പ്രീമിയം വേരിയൻ്റിന് 61,400 രൂപ നൽകണം. നിലവിൽ ചൈനയിലാണ് ഫോൺ ഇറങ്ങിയതെങ്കിലും ഏറെ വൈകാതെ ഇന്ത്യൻ മാർക്കറ്റിലും ഫോൺ എത്തും. (Image Courtesy - Social Media)
