JioHotstar: ക്രൈം ഫയൽസ് സീസൺ 3, 1000 ബേബീസ് സീസൺ 2; ജിയോ ഹോട്ട്സ്റ്റാർ ഒരുക്കിവച്ചിരിക്കുന്നത് കലക്കൻ വിഭവങ്ങൾ
JioHotstar New Web Series: പുതിയ മലയാളം വെബ് സീരീസുകളും പഴയ സീരീസുകളുടെ പുതിയ സീസണുകളും പ്രഖ്യാപിച്ച് ജിയോഹോട്ട്സ്റ്റാർ. ഈ പട്ടിക പരിശോധിക്കാം.
സൗത്ത് അൺബൗണ്ട് ചടങ്ങിൽ വച്ച് ജിയോഹോട്ട്സ്റ്റാർ പ്രഖ്യാപിച്ച വെബ്സീരീസുകളിൽ ശ്രദ്ദേയമായ പല പേരുകളും ഉൾപ്പെട്ടിരുന്നു. ജിയോഹോട്ട്സ്റ്റാർ മലയാളം ഒറിജിനൽ സീരീസുകളുടെ പുതിയ സീസണുകളും പുതിയ സീരീസുകളുമൊക്കെ ചടങ്ങിൽ വച്ച് പ്രഖ്യാപിച്ചു. ഇവയിൽ പ്രധാനപ്പെട്ട ചിലത്. (Image Courtesy- Social Media)
ജിയോഹോട്ട്സ്റ്റാർ പുറത്തിറങ്ങിയ മലയാളം സീരീസുകളിൽ ഏറ്റവും ശ്രദ്ധേയമായത് കേരള ക്രൈം ഫയൽസ് ആണ്. ആദ്യ സീസണെക്കാൾ ഗംഭീരമായ രണ്ടാം സീസൺ മൂന്നാം സീസണിലേക്ക് വഴിതെളിച്ചു. സൗത്ത് അൺബൗണ്ട് ചടങ്ങിൽ വച്ച് കേരള ക്രൈം ഫയൽസിൻ്റെ മൂന്നാം സീസൺ പ്രഖ്യാപിച്ചു.
ചടങ്ങിലെ പ്രഖ്യാപനങ്ങളിൽ വളരെ കൗതുകമുണർത്തിയത് 1000 ബേബീസ് രണ്ടാം സീസൺ ആയിരുന്നു. സീരീസിൻ്റെ പുതിയ സീസണുകളെപ്പറ്റി ഒരു വിവരവും ഉണ്ടായിരുന്നില്ല. എന്നാൽ, വളരെ അപ്രതീക്ഷിതമായി 1000 ബേബീസിൻ്റെ രണ്ടാം സീസൺ സൗത്ത് അൺബൗണ്ട് ചടങ്ങിൽ വച്ച് പ്രഖ്യാപിച്ചു.
മിഥുൻ മാനുവൽ തോമസ് അണിയിച്ചൊരുക്കുന്ന അണലി ആണ് ജിയോഹോട്ട്സ്റ്റാറിലെ അടുത്ത മലയാളം വെബ് സീരീസ്. നിഖില വിമൽ, ലിയോണ ലിഷോയ് തുടങ്ങിയവരാണ് സീരീസിലെ പ്രധാന താരങ്ങൾ. ത്രില്ലർ സീരീസാണെന്നതല്ലാതെ അണലിയെപ്പറ്റിയുള്ള മറ്റ് വിവരങ്ങളൊന്നും ലഭ്യമില്ല.
വിനീത്, മീന തുടങ്ങിയവർ പ്രധാന വേഷത്തിലെത്തുന്ന റോസ്ലിൻ എന്ന സീരീസും ജിയോഹോട്ട്സ്റ്റാർ സൗത്ത് അൺബൗണ്ട് ചടങ്ങിൽ വച്ച് പ്രഖ്യാപിച്ചു. സംവിധായകൻ ജീത്തു ജോസഫിൻ്റെ പിന്തുണയോടെയാണ് സീരീസ് പുറത്തിറങ്ങുന്നത്. സീരീസിൻ്റെ മറ്റ് വിവരങ്ങൾ ലഭ്യമല്ല.
