Monsoon Health Tips: മഴക്കാലം ആസ്വദിക്കാം, ഭക്ഷണത്തിലൂടെയെത്തുന്ന വില്ലന്മാരെ സൂക്ഷിക്കുക
How to Defend Your Stomach Against Rainy Season Bacteria: പാൽ ഉൽപന്നങ്ങൾ ഈ കാലാവസ്ഥയിൽ പാൽ ഉൽപന്നങ്ങൾ വളരെ പെട്ടെന്ന് കേടാകുകയും ദഹനക്കേടിന് കാരണമാകുകയും ചെയ്യും. അതിനാൽ കുൽഫി, ബസന്തി, രസമലായ്, തെരുവോരങ്ങളിലെ തൈര് എന്നിവ ഒഴിവാക്കണം. എത്രയൊക്കെ ശ്രദ്ധിച്ചാലും ചിലപ്പോൾ അണുബാധ ഉണ്ടായേക്കാം. അങ്ങനെയുള്ളപ്പോൾ വീട്ടിലെ ഒറ്റമൂലികളെ മാത്രം ആശ്രയിച്ച് സമയം കളയരുത്.
ഇന്ത്യയിലെ മഴക്കാലം ഒരു കവിത പോലെ മനോഹരമാണ്. മണ്ണിൽ പെയ്യുന്ന മഴയുടെ മണവും ചായയും പക്കോഡയും ചേർത്തുള്ള വാട്സ്ആപ്പ് സ്റ്റാറ്റസുകളും ഒക്കെയായി എല്ലാവരും മഴ ആസ്വദിക്കുന്ന സമയമാണിത്. എന്നാൽ, ഇതേ മഴക്കാലം തന്നെയാണ് ഇ. കോളി , സാൽമൊണല്ല, ഷിഗെല്ല തുടങ്ങിയ മാരക ബാക്ടീരിയകളുടെയും കൊയ്ത്തുകാലം. നമ്മുടെ ഭക്ഷണത്തിലും വെള്ളത്തിലും ഒളിച്ചിരിക്കുന്ന ഈ കുഞ്ഞൻ വില്ലന്മാർ നിങ്ങളുടെ വയറിന്റെ ആരോഗ്യം തകർക്കാൻ എപ്പോൾ വേണമെങ്കിലും കാരണമായേക്കാം. (Image Credit source: Getty Images)
മഴക്കാല രോഗങ്ങളിൽ നിന്ന് രക്ഷനേടാൻ ഭക്ഷണകാര്യത്തിൽ ചില കർശന നിയന്ത്രണങ്ങൾ ആവശ്യമാണെന്ന് വിദഗ്ദ്ധർ ചൂണ്ടിക്കാണിക്കുന്നു. റോഡരികിൽ മുറിച്ചുവെച്ച പപ്പായ, തണ്ണിമത്തൻ, അല്ലെങ്കിൽ തുറന്നുവെച്ച ചട്ണികൾ എന്നിവ കാണുമ്പോൾ കഴിക്കാൻ തോന്നുമെങ്കിലും അവ ബാക്ടീരിയകളുടെ കേന്ദ്രമാണ്. ഇവ പലരുടെയും കൈകൾ തട്ടുന്നതും, ശുദ്ധമല്ലാത്ത വെള്ളത്തിൽ കഴുകുന്നതുമാകാം. കൂടാതെ അന്തരീക്ഷത്തിലെ പൊടിയും അണുക്കളും ഇതിൽ നേരിട്ട് കലരുന്നു. എപ്പോഴും നല്ലതുപോലെ തിളപ്പിച്ചാറിയതും ചൂടുള്ളതുമായ ഭക്ഷണം മാത്രം കഴിക്കുക. നല്ല ചൂടിൽ തിളയ്ക്കുന്ന എണ്ണയിൽ നിന്നും തവയിൽ നിന്നും നേരിട്ട് വാങ്ങുന്ന സമോസയോ പക്കോഡയോ ഒക്കെ കഴിക്കുന്നതാണ് സുരക്ഷിതം. കടുത്ത ചൂടിൽ ബാക്ടീരിയകൾ നശിച്ചുപോകും.
റോഡരികിലെ കടകളിൽ ഉപയോഗിക്കുന്ന ഐസ് പലപ്പോഴും ശുദ്ധമല്ലാത്ത വെള്ളത്തിൽ നിന്നായിരിക്കും നിർമ്മിക്കുന്നത്. മഴക്കാലത്ത് ഡ്രെയിനേജ് വെള്ളം കുടിവെള്ള സ്രോതസ്സുകളുമായി കലരാൻ സാധ്യതയേറെയാണ്. ഐസ് ചേർത്ത കരിമ്പിൻ ജ്യൂസ്, ലസ്സി, ഫലൂദ, തണുത്ത ദഹിപ്പൂരി എന്നിവ ഒഴിവാക്കേണ്ട പ്രധാന ഭക്ഷണങ്ങളാണ്. പുറത്തുപോകുമ്പോൾ എപ്പോഴും വീട്ടിൽ നിന്നുള്ള വെള്ളം കരുതുക, അല്ലെങ്കിൽ വിശ്വസനീയമായ ബ്രാൻഡുകളുടെ സീൽ ചെയ്ത കുപ്പിവെള്ളം മാത്രം വാങ്ങുക.
പാൽ ഉൽപന്നങ്ങൾ ഈ കാലാവസ്ഥയിൽ പാൽ ഉൽപന്നങ്ങൾ വളരെ പെട്ടെന്ന് കേടാകുകയും ദഹനക്കേടിന് കാരണമാകുകയും ചെയ്യും. അതിനാൽ കുൽഫി, ബസന്തി, രസമലായ്, തെരുവോരങ്ങളിലെ തൈര് എന്നിവ ഒഴിവാക്കണം. എത്രയൊക്കെ ശ്രദ്ധിച്ചാലും ചിലപ്പോൾ അണുബാധ ഉണ്ടായേക്കാം. അങ്ങനെയുള്ളപ്പോൾ വീട്ടിലെ ഒറ്റമൂലികളെ മാത്രം ആശ്രയിച്ച് സമയം കളയരുത്.
തുടർച്ചയായ ഛർദ്ദി, വയറിളക്കം, കഠിനമായ വയറുവേദന, പനി എന്നിവ ഉണ്ടായാൽ ഒട്ടും വൈകിക്കരുത്. കുട്ടികളിലും പ്രായമായവരിലും ബാക്ടീരിയൽ അണുബാധ മൂലമുണ്ടാകുന്ന നിർജ്ജലീകരണം സ്ഥിതി അതിവേഗം വഷളാക്കും. ശരീരത്തിന് അമിതമായ തളർച്ചയോ പനിയോ അനുഭവപ്പെടുകയോ, കഴിക്കുന്ന ഭക്ഷണം ഉള്ളിൽ നിൽക്കാതിരിക്കുകയോ ചെയ്താൽ ഉടൻ തന്നെ ഡോക്ടറുടെ സഹായം തേടുക. മഴക്കാലത്തെ ഗതാഗതക്കുരുക്കിൽ പെട്ടുപോകുമ്പോൾ വയറിന് അസുഖം വരുന്നത് ഒഴിവാക്കാൻ മുൻകരുതലുകൾ തന്നെയാണ് ഏറ്റവും പ്രധാനം.
