200MP ക്യാമറ രണ്ടെണ്ണം, 50MP ഫ്രണ്ട് ക്യാമറ, 8000mAh ബാറ്ററി; ഓപ്പോ ഫൈൻഡ് X10 ലോഞ്ച് ചെയ്തു
Oppo Find X10 launched: ഓപ്പോ തങ്ങളുടെ പ്രീമിയം ഫൈൻഡ് സ്മാർട്ട്ഫോൺ നിരയിലേക്ക് ഓപ്പോ ഫൈൻഡ് X10 ലോഞ്ച് ചെയ്തു. ഫൈൻഡ് X10 സീരീസിന്റെ ഭാഗമായി പ്രോ മാക്സ് മോഡലിന് ഒപ്പമാണ് ഈ സ്റ്റാന്റേർഡ് മോഡൽ അവതരിപ്പിച്ചിരിക്കുന്നത്. രണ്ട് 200MP ക്യാമറകൾ അടങ്ങുന്ന ട്രിപ്പിൾ റിയർ ക്യാമറ സജ്ജീകരണം ഇതിലുണ്ട്. ഐസ് ബ്ലൂ, ലൈറ്റ് ഓറഞ്ച്, ലൈറ്റ് ടൈറ്റാനിയം എന്നിവയാണ് കളർ ഓപ്ഷനുകൾ.
ഓപ്പോ തങ്ങളുടെ പ്രീമിയം ഫൈൻഡ് സ്മാർട്ട്ഫോൺ നിരയിലേക്ക് ഓപ്പോ ഫൈൻഡ് X10 ലോഞ്ച് ചെയ്തു. ഫൈൻഡ് X10 സീരീസിന്റെ ഭാഗമായി പ്രോ മാക്സ് മോഡലിന് ഒപ്പമാണ് ഈ സ്റ്റാന്റേർഡ് മോഡൽ അവതരിപ്പിച്ചിരിക്കുന്നത്. മീഡിയടെക് ഡൈമെൻസിറ്റി പ്രോസസർ, Hasselblad-ന്റെ സാങ്കേതികവിദ്യയിൽ ഒരുക്കിയ ക്യാമറ സംവിധാനങ്ങൾ എന്നിവയാണ് ഈ ഫോണിന്റെ ഹൈലൈറ്റ്. അതിൽ ഡ്യുവൽ 200MP റിയർ ക്യാമറകൾ പ്രത്യേക ശ്രദ്ധ പിടിച്ചുപറ്റുന്നുണ്ട്.(Image credit: Oppo China).
"ഹാസ്സൽബ്ലാഡ് അൾട്ര HD ഒറിജിനൽ ക്യാമറ" സംവിധാനം ഈ ഫൈൻഡ് X10 മോഡലിൽ ഉൾപ്പെടുത്തിയിരിക്കുന്നു. ഇതിന് കരുത്തേകുന്നത് നെക്സ്റ്റ് ജനറേഷൻ LUMO നേറ്റീവ് ലൈറ്റ് ആൻഡ് ഷാഡോ എൻജിനാണ്. സിലിക്കൺ-കാർബൺ ആനോഡ് മെറ്റീരിയൽ ഉപയോഗിച്ചുള്ള 8000mAh ബാറ്ററിയാണ് ഈ സ്മാർട്ട്ഫോണിൽ ഓപ്പോ ഉപയോഗിച്ചിരിക്കുന്നത്.
പ്രധാന ഫീച്ചറുകൾ: 6.59-ഇഞ്ച് (2760 × 1256 പിക്സൽ) 1-120Hz AMOLED ഡിസ്പ്ലേ, 144Hz റിഫ്രഷ് റേറ്റ്, 3840Hz അൾട്രാ-ഹൈ-ഫ്രീക്വൻസി PWM ഡിമ്മിംഗ്, 2000 നിറ്റ്സ് വരെ പീക്ക് ബ്രൈറ്റ്നസ്, ഡോൾബി വിഷൻ എന്നിവയാണ് ഡിസ്പ്ലേയുമായി ബന്ധപ്പെട്ട പ്രധാന ഫീച്ചറുകൾ. ഒക്ടാ-കോർ ഡൈമെൻസിറ്റി 9600M 3nm പ്രോസസർ ആണ് ഈ ഫോണിന്റെ കരുത്ത്.
ARM G1-അൾട്ര GPU, 12GB / 16GB LPDDR5X റാം, 256GB / 512GB UFS 4.1 സ്റ്റോറേജ് എന്നിവയും ഉണ്ട്. ആൻഡ്രോയിഡ് 17 അടിസ്ഥാനമാക്കിയുള്ള ColorOS 17-ൽ ആണ് പ്രവർത്തനം. ഇൻ-ഡിസ്പ്ലേ അൾട്രാസോണിക് ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, IP66 + IP68 + IP69 റേറ്റിങ്, USB Type-C ഓഡിയോ, സ്റ്റീരിയോ സ്പീക്കറുകൾ എന്നിവയും ഉണ്ട്.
ക്യാമറകളുടെ കാര്യമെടുത്താൽ ട്രിപ്പിൾ റിയർ ക്യാമറ സജ്ജീകരണമാണ് ഇതിലുള്ളത്. 200MP മെയിൻ ക്യാമറ (1/1.4″ സെൻസർ, f/1.6 അപ്പേർച്ചർ, OIS), 50MP അൾട്രാ-വൈഡ് ക്യാമറ (f/2.0 അപ്പേർച്ചർ), 200MP 2.8x പെരിസ്കോപ്പ് ടെലിഫോട്ടോ ക്യാമറ (1/1.56″ സെൻസർ, f/2.6 അപ്പേർച്ചർ, OIS, Hasselblad പോർട്രെയ്റ്റ്) എന്നിവ അതിലടങ്ങുന്നു. സെൽഫിക്കും മറ്റുമായി 50MP ഫ്രണ്ട് ക്യാമറയും (f/2.0 അപ്പേർച്ചർ) ഉണ്ട്.
ഡ്യുവൽ സിം (നാനോ + നാനോ), 5G SA/NSA, 8000mAh ബാറ്ററി, 80W SuperVOOC ഫാസ്റ്റ് ചാർജിംഗ്, 50W വയർലെസ് ചാർജിംഗ് എന്നിവയാണ് മറ്റ് പ്രധാന ഫീച്ചറുകൾ. 156.51×74.29×8.35mm വലിപ്പവും 216g ഭാരവും ഈ ഫോണിനുണ്ട്. ഐസ് ബ്ലൂ, ലൈറ്റ് ഓറഞ്ച്, ലൈറ്റ് ടൈറ്റാനിയം എന്നിവയാണ് കളർ ഓപ്ഷനുകൾ.
വില: ഓപ്പോ ഫൈൻഡ് X10 5ജി 12GB +256GB: 5499 യുവാൻ (ഏകദേശം 78,510 രൂപ), 12GB+512GB: 5999 യുവാൻ (ഏകദേശം 895 USD / 85,650 രൂപ), 16GB+512GB: 6499 യുവാൻ (ഏകദേശം 92,790 രൂപ), 16GB+1TB: 7499 യുവാൻ (ഏകദേശം 1,07,070 രൂപ) വിലകളിലാണ് അവതരിപ്പിക്കപ്പെട്ടിരിക്കുന്നത്.
