Mohammed Shami: ഇന്ത്യൻ പേസ് നിരയിലെ കരുത്ത് ഇനി ടെസ്റ്റിലില്ല; വിരമിക്കൽ പ്രഖ്യാപിച്ച് മുഹമ്മദ് ഷമി
Mohammed Shami Retires From Test Cricket After 13-Year Career: ഇന്ത്യയുടെ ടെസ്റ്റ് ജേഴ്സിയോട് വിടപറയുകയാണെന്നും എന്നാല്‍ അതുമായി ബന്ധപ്പെട്ട ഓര്‍മകള്‍ എന്നും ഒപ്പമുണ്ടാകുമെന്നും താരം കുറിച്ചു. ഓരോ വിക്കറ്റും പരിക്കുകളും തിരിച്ചുവരവുകളും ജീവിതത്തില്‍ വലിയ പാഠങ്ങളാണ് നല്‍കിയതെന്നും ടെസ്റ്റ് ക്രിക്കറ്റ് തന്റെ ജീവിതത്തിലെ പ്രത്യേക അധ്യായമായിരുന്നെന്നും ഷമി പറഞ്ഞു.
ഇന്ത്യന്‍ ക്രിക്കറ്റിലെ പേസ് കരുത്തായ മുഹമ്മദ് ഷമി ടെസ്റ്റ് ക്രിക്കറ്റില്‍ നിന്ന് വിരമിക്കല്‍ പ്രഖ്യാപിച്ചു. 13 വര്‍ഷം നീണ്ട ടെസ്റ്റ് കരിയറിനാണ് ഇതോടെ അവസാനമാകുന്നത്. എന്നാല്‍ ക്രിക്കറ്റില്‍ നിന്ന് പൂര്‍ണമായി വിരമിക്കുന്നില്ലെന്നും ഏകദിനം, ടി20 തുടങ്ങിയ പരിമിത ഓവര്‍ മത്സരങ്ങളില്‍ തുടരുമെന്നും 36കാരനായ താരം വ്യക്തമാക്കി.
വെള്ളിയാഴ്ച രാത്രിയാണ് സമൂഹമാധ്യമങ്ങളിലൂടെ ഷമി വിരമിക്കല്‍ പ്രഖ്യാപനം നടത്തിയത്. ഇന്ത്യയുടെ ടെസ്റ്റ് ജേഴ്സിയോട് വിടപറയുകയാണെന്നും എന്നാല്‍ അതുമായി ബന്ധപ്പെട്ട ഓര്‍മകള്‍ എന്നും ഒപ്പമുണ്ടാകുമെന്നും താരം കുറിച്ചു. ഓരോ വിക്കറ്റും പരിക്കുകളും തിരിച്ചുവരവുകളും ജീവിതത്തില്‍ വലിയ പാഠങ്ങളാണ് നല്‍കിയതെന്നും ടെസ്റ്റ് ക്രിക്കറ്റ് തന്റെ ജീവിതത്തിലെ പ്രത്യേക അധ്യായമായിരുന്നെന്നും ഷമി പറഞ്ഞു.
ടെസ്റ്റ് കരിയറിലുടനീളം പിന്തുണച്ച സഹതാരങ്ങള്‍ക്കും പരിശീലകര്‍ക്കും കുടുംബത്തിനും ആരാധകര്‍ക്കും താരം നന്ദി അറിയിച്ചു. ബിസിസിഐയോടും ബംഗാള്‍ ക്രിക്കറ്റ് അസോസിയേഷനോടും പ്രത്യേക നന്ദിയും രേഖപ്പെടുത്തി.
64 ടെസ്റ്റുകളില്‍ നിന്ന് 229 വിക്കറ്റുകള്‍
2013 നവംബര്‍ ആറിന് കൊല്‍ക്കത്തയിലെ ഈഡന്‍ ഗാര്‍ഡന്‍സില്‍ വെസ്റ്റ് ഇന്‍ഡീസിനെതിരെയായിരുന്നു ഷമിയുടെ ടെസ്റ്റ് അരങ്ങേറ്റം. അരങ്ങേറ്റ മത്സരത്തില്‍ തന്നെ ഒമ്പത് വിക്കറ്റുകള്‍ വീഴ്ത്തി താരം വരവറിയിച്ചു. 64 ടെസ്റ്റുകളില്‍ ഇന്ത്യക്കായി പന്തെറിഞ്ഞ ഷമി 229 വിക്കറ്റുകളാണ് നേടിയത്. 27.71 ആണ് ബൗളിങ് ശരാശരി. ആറ് തവണ അഞ്ച് വിക്കറ്റ് നേട്ടവും സ്വന്തമാക്കി. ഒരു ഇന്നിങ്‌സിലെ മികച്ച പ്രകടനം 56 റണ്‍സ് വഴങ്ങി ആറ് വിക്കറ്റ് എന്നതാണ്.
Also Read: Vaibhav Sooryavanshi: ഇനി ക്യാപ്റ്റന്‍ വൈഭവ് സൂര്യവംശി! 15-കാരന് പുതിയ ദൗത്യം
2023 ജൂണില്‍ ഓവലില്‍ ഓസ്ട്രേലിയക്കെതിരെ നടന്ന ലോക ടെസ്റ്റ് ചാമ്പ്യന്‍ഷിപ്പ് ഫൈനലിലാണ് ഷമി അവസാനമായി ഇന്ത്യക്കായി ടെസ്റ്റ് കളിച്ചത്. പിന്നീട് പരിക്കുകളും ടീമിലെ അവസരക്കുറവും താരത്തിന്റെ ടെസ്റ്റ് കരിയറിനെ ബാധിച്ചു.
വൈറ്റ് ബോള്‍ ക്രിക്കറ്റില്‍ തുടരും
ടെസ്റ്റ് ക്രിക്കറ്റില്‍ നിന്ന് വിരമിച്ചെങ്കിലും ഏകദിനത്തിലും ടി20യിലും സജീവമായി തുടരുമെന്ന് ഷമി വ്യക്തമാക്കിയിട്ടുണ്ട്. ഐപിഎല്ലിലും ആഭ്യന്തര ക്രിക്കറ്റ് മത്സരങ്ങളിലും കളിക്കാനാണ് തീരുമാനം. ഫിറ്റ്‌നസ് നിലനിര്‍ത്താന്‍ ആവശ്യമായ സാഹചര്യങ്ങളില്‍ ആഭ്യന്തര ഫോര്‍മാറ്റുകളിലും കളിക്കുമെന്നും താരം അറിയിച്ചിട്ടുണ്ട്.
2025ലെ ചാമ്പ്യന്‍സ് ട്രോഫിക്ക് ശേഷം ഇന്ത്യന്‍ ടീമില്‍ ഇടം നേടാന്‍ ഷമിക്ക് കഴിഞ്ഞിരുന്നില്ല. ന്യൂസിലന്‍ഡിനെതിരായ വരാനിരിക്കുന്ന ടെസ്റ്റ് പരമ്പരയ്ക്കുള്ള ഇന്ത്യന്‍ ടീമിലും താരത്തെ ഉള്‍പ്പെടുത്തിയിരുന്നില്ല. ഇതിനുപിന്നാലെയാണ് ടെസ്റ്റ് ക്രിക്കറ്റിനോട് വിടപറയാനുള്ള തീരുമാനം.
English Summary
Indian fast bowler Mohammed Shami has announced his retirement from Test cricket after a 13-year career, taking 229 wickets in 64 matches. The 36-year-old will continue playing white-ball cricket, including domestic competitions and the IPL.
