Ramesh PIsharody: ‘കൂട്ടുകാരൻ മരിച്ച് കിടക്കുമ്പോഴാണോ പിറന്നാൾ ആഘോഷിക്കുന്നത്? ഞാൻ ഡിലീറ്റ് ചെയ്തു’; രമേശ് പിഷാരടി
Ramesh Pisharody About Deleted Post: കൂട്ടുകാരൻ മരിച്ച് കിടക്കുമ്പോഴാണോ പിറന്നാൾ ആഘോഷിക്കുന്നതെന്ന് ചോദിച്ചാണ് ചീത്തയെന്നും ഇത് കണ്ട് താൻ ആ പോസ്റ്റ് ഡിലീറ്റ് ചെയ്തു കളഞ്ഞുവെന്നും താരം പറയുന്നു.
മലയാളികളുടെ പ്രിയ താരമാണ് നടനും കൊമേഡിയനുമായ രമേശ് പിഷാരടി. സോഷ്യൽ മീഡിയയിൽ സജീവമായ താരം പങ്കുവയ്ക്കുന്ന പല പോസ്റ്റുകളും ഏറെ ശ്രദ്ധിക്കപ്പെടാറുണ്ട്. ഇപ്പോഴിതാ താൻ പങ്കുവച്ച ഒരു പോസ്റ്റിനെ കുറിച്ചും അത് ഡിലീറ്റ് ചെയ്തതിനെകുറിച്ചും സംസാരിക്കുകയാണ് രമേശ് പിഷാരടി. (Image Credits: Instagram)
നടനും സ്റ്റേജ് കലാകാരനുമായ കൊല്ലം സുധിയുടെ വിയോഗവുമായി ബന്ധപ്പെട്ടാണ് താരം സംസാരിച്ചത്. കാൻ ചാനൽ മീഡിയക്കു നൽകിയ അഭിമുഖത്തിൽ സംസാരിക്കുകയായിരുന്നു താരം.സംഭവം നടക്കുന്ന സമയത്ത് താൻ ദുബായിലായിരുന്നു. അവിടെ വച്ച് തന്റെ സുഹൃത്തിന്റെ പിറന്നാൾ ആഘോഷിച്ചു. ആശംസ അറിയിച്ച് താൻ പോസ്റ്റിട്ട് കിടന്നുറങ്ങി.
ദുബായിൽ ഒന്നര മണിക്കൂറോളം സമയ വ്യത്യാസമുണ്ട്. നാല് മണിയായപ്പോൾ മിമിക്രി ആർട്ടിസ്റ്റ് അസോസിയേഷന്റെ ഷാജോൺ ചേട്ടൻ വിളിച്ച് ഇങ്ങനെ ഒരു അപകടമുണ്ടായി, മഹേഷ് കുഞ്ഞുമോന് പരിക്കേറ്റുവെന്നും കൊല്ലം സുധി മരണപ്പെട്ടു എന്ന് പറഞ്ഞു.
സുധിയുടെ മൃതദേഹം എറണാകുളത്ത് പൊതുദർശനത്തിന് വെക്കണോ എന്നൊരു ചർച്ചയും വന്നു. വിവാഹം നടക്കുന്ന ഓഡിറ്റോറിയങ്ങൾ പൊതുദർശനത്തിന് കിട്ടാറില്ല. താൻ എന്നിട്ട് ഓഡിറ്റോറിയം കിട്ടാൻ ദുബായിൽ നിന്ന് എംഎൽഎമാരെയും, എംപിമാരെയുമൊക്കെ മാറി മാറി വിളിച്ചുവെന്നും താരം പറഞ്ഞു.
ഇതൊക്കെ കഴിഞ്ഞ താൻ ഫേസ്ബുക്ക് തുറന്നുനോക്കിയപ്പോൾ തന്റെ പോസ്റ്റിനു താഴെ ചീത്ത വിളികൾ വരുന്നുവെന്നാണ് താരം പറയുന്നത്. കൂട്ടുകാരൻ മരിച്ച് കിടക്കുമ്പോഴാണോ പിറന്നാൾ ആഘോഷിക്കുന്നതെന്ന് ചോദിച്ചാണ് ചീത്തയെന്നും താരം പറയുന്നു. ഇത് കണ്ട് താൻ ആ പോസ്റ്റ് ഡിലീറ്റ് ചെയ്തു കളഞ്ഞു.
