Food for diet: നിങ്ങൾ ഡയറ്റ് ചെയ്യുന്നുണ്ടോ? എങ്കിൽ തീർച്ചയായും ഈ ഭക്ഷണങ്ങളും ഉൾപ്പെടുത്തണം
പല ഭക്ഷണങ്ങളും ഒരുമിച്ച് കഴിക്കുമ്പോൾ അവ ശരീരത്തിന് കൂടുതൽ ഫലപ്രദമാണ്. അത്തരത്തിൽ ഡയറ്റിൽ ഉൾപ്പെടുത്തേണ്ട ചില ഭക്ഷണങ്ങൾ ഏതെല്ലാമെന്ന് നോക്കാം.
ചീരയും നാരങ്ങാനീരും: നാരങ്ങാനീരിലുള്ള വിറ്റാമിൻ സി ചീരയിലുള്ള ഇരുമ്പിൻ്റെ ആഗിരണം വർദ്ധിപ്പിക്കുകയും ശരീരത്തിലെ ശരിയായ രക്ത ഉൽപാദനത്തെ വർദ്ധിപ്പിക്കാൻ സഹായിക്കുകയും ചെയ്യുന്നു.
ഓട്സും ബദാമും: ഓട്സിലെ ലയിക്കുന്ന നാരുകളും ബദാമിലെ ആരോഗ്യകരമായ കൊഴുപ്പും ചേർന്ന് രക്തത്തിലെ പഞ്ചസാരയുടെ അളവ് സ്ഥിരപ്പെടുത്താൻ സഹായിക്കുന്നു. കൂടാതെ ദീർഘനേരെ വയർ നിറഞ്ഞതുപോലെ തോന്നിപ്പിക്കുകയും അതിലൂടെ അനാവശ്യ ഭക്ഷണം കഴിക്കുന്നത് തടയാനും കഴിയുന്നു.
സാലഡിനൊപ്പം പുഴുങ്ങിയ മുട്ട: തക്കാളി, കാരറ്റ്, പച്ച ഇലക്കറികൾ എന്നിവ സാലഡിനൊപ്പം വേവിച്ച് അതിനൊപ്പം പുഴുങ്ങിയ മുട്ട കഴിക്കുന്നത് വളരെ നല്ലതാണ്. മുട്ടയുടെ മഞ്ഞക്കരു കരോട്ടിനോയിഡുകളുടെ ആഗിരണം വർദ്ധിപ്പിക്കാൻ സഹായിക്കുന്ന ഒന്നാണ്.
ഗ്രീൻ ടീയും നാരങ്ങനീരും: ഗ്രീൻ ടീയിൽ ആൻ്റിഓക്സിഡൻ്റുകൾ ധാരാളമുണ്ട്. നാരങ്ങയ്ക്ക് വിറ്റാമിൻ സിയുടെ അടങ്ങിയിരിക്കുന്നു. ഈ രണ്ട് ആൻ്റി ഓക്സിഡൻ്റുകളും ഓക്സിഡേറ്റീവ് സമ്മർദ്ദത്തെ ചെറുക്കുകയും പ്ലാക്ക് രൂപപ്പെടുന്നത് തടയുകയും മികച്ച ഹൃദയാരോഗ്യം നൽകുകയും ചെയ്യുന്നു.
തൈരും നേന്ത്രപ്പഴവും: വ്യായാമത്തിന് ശേഷമുള്ള പേശികളുടെ ഊർജ്ജത്തിന് ഈ ഭക്ഷം വളരെ ഗുണം ചെയ്യുന്നു. നേന്ത്രപ്പഴം, ഊർജം വർദ്ധിപ്പിക്കുന്നതിലും പേശിവേദന തടയുന്നതിനും സഹായിക്കുന്ന കാർബോഹൈഡ്രേറ്റുകൾ നിറഞ്ഞതാണ്. തൈരിൽ പ്രോട്ടീനുകൾ അടങ്ങിയിട്ടുള്ളതിനാൽ ഇവ പേശികളെ സംരക്ഷിക്കുകയും ചെയ്യുന്നു.
തക്കാളിയും ഒലിവ് ഓയിലും: ഒലീവ് ഓയിലിലെ കൊഴുപ്പ് ശരീരത്തിൽ ലൈക്കോപീൻ ആഗിരണം ചെയ്യാൻ സഹായിക്കുന്നു. അതുപോലെ തക്കാളിയിൽ കാണപ്പെടുന്ന ആൻ്റിഓക്സിഡൻ്റ് ഹൃദയാരോഗ്യം പ്രോത്സാഹിപ്പിക്കുകയും ചിലതരം ക്യാൻസറുകളുടെ സാധ്യത കുറയ്ക്കുകയും ചെയ്യുന്നു.
ഉള്ളിയും വെളുത്തുള്ളിയും: പ്രമേഹം പോലുള്ള അവസ്ഥകളിൽ ഇൻസുലിൻ സംവേദനക്ഷമത മെച്ചപ്പെടുത്താൻ സഹായിക്കുന്നതിനാൽ ഉള്ളിയും വെളുത്തുള്ളിയും ഒരുമിച്ച് കഴിക്കുന്നത് നല്ലതാണ്.
