Singer Aravind Venugopal Wedding: കൂട്ടുകാരി ഇനി ജീവിതപങ്കാളി! ജി വേണുഗോപാലിന്റെ മകനും ഗായകനുമായ അരവിന്ദ് വേണുഗോപാൽ വിവാഹിതനായി; വധു നടി
Aravind Venugopal Marries Sneha: കോവളം കെടിഡിസി സമുദ്രയിൽ വച്ചായിരുന്നു വിവാഹം നടന്നത്. നടനും എംപിയുമായ സുരേഷ് ഗോപിയും ഭാര്യയും വിവാഹ ചടങ്ങിൽ പങ്കെടുക്കാനെത്തിയിരുന്നു.
പ്രശസ്ത ഗായകൻ ജി വേണുഗോപാലിന്റെ മകനും പിന്നണി ഗായകനുമായ അരവിന്ദ് വേണുഗോപാൽ വിവാഹിതനായി. നടിയും മോഡലും നർത്തകിയുമായ സ്നേഹ അജിത്താണ് വധു. കോവളം കെടിഡിസി സമുദ്രയിൽ വച്ചായിരുന്നു ഇരുവരുടെയും വിവാഹം. (Image credits: Instagram)
കഴിഞ്ഞ സെപ്തംബറിലായിരുന്നു അരവിന്ദിന്റെയും സ്നേഹയുടെയും വിവാഹനിശ്ചയം ഇരുവരുടെയും വിവാഹനിശ്ചയത്തിന്റെ വിശേഷങ്ങള് സോഷ്യൽ മീഡിയയിൽ വൈറലായിരുന്നു. വിവാഹിതരാകാൻ പോകുന്നുവെന്ന സന്തോഷവും ആരാധകരുമായി പങ്കുവെച്ചിരുന്നു.
വളരെ ലളിതമായി നടന്ന ചടങ്ങിൽ അടുത്ത ബന്ധുക്കളും സുഹൃത്തുക്കളും പങ്കെടുത്തു. മുണ്ടും ഷര്ട്ടുമണിഞ്ഞ് സിംപിളായാണ് അരവിന്ദ് എത്തിയത്. അധികം മേക്കപ്പൊന്നുമില്ലാതെ സിംപിളായാണ് സ്നേഹയും എത്തിയത്.
കേന്ദ്ര മന്ത്രിയും നടനുമായ സുരേഷ് ഗോപിയും ഭാര്യ രാധികയും അരവിന്ദിനെയും സ്നേഹയേയും അനുഗ്രഹിക്കാനെത്തിയിരുന്നു. വിവാഹത്തിന് മുന്നോടിയായി നടന്ന ചടങ്ങില് മകനും, മകള്ക്കും ആശംസയുമായി ജി വേണുഗോപാല് പാട്ടുപാടിയിരുന്നു. ആ വീഡിയോയും സോഷ്യല്മീഡിയയിലൂടെ പ്രചരിച്ചിരുന്നു.
മമ്മൂട്ടി നായകനായെത്തിയ ബസൂക്ക എന്ന ചിത്രത്തിൽ സ്നേഹ ശ്രദ്ധേയമായ വേഷം ചെയ്തിരുന്നു. ദി ട്രെയിൻ, സൺഡേ ഹോളിഡേ, ലൂക്ക, ഹൃദയം, മധുര മനോഹര മോഹം തുടങ്ങി നിരവധി ചിത്രങ്ങളിൽ അരവിന്ദ് ഗാനമാലപിച്ചിട്ടുണ്ട്.
