Tight Jeans Side Effects: ഇറുകിയ ജീൻസ് ധരിക്കുന്നത് നിർത്തിക്കോ?; മൂത്രനാളിയിൽ സംഭവിക്കുന്നത്
Tight Jeans Side Effects In Womens: സ്ത്രീകൾക്കും പുരുഷന്മാർക്കും ഒരുപോലെ ഈ രോഗം പിടിപെടാമെങ്കിലും, സ്ത്രീകളിലാണ് കൂടുതൽ അപകടസാധ്യത. സിന്തറ്റിക്, ഫോം-ഫിറ്റിംഗ് തുണിത്തരങ്ങൾ ബാക്ടീരിയയുടെ വളർച്ചയ്ക്ക് അനുയോജ്യമായ അന്തരീക്ഷം സൃഷ്ടിക്കുന്നതായി കണ്ടെത്തിയിട്ടുണ്ട്. പ്രത്യേകിച്ച് ഇ-കോളി ബാക്ടീരയയുടെ വളർച്ച.
ഇറുകിയ വസ്ത്രധാരണം ഒരു ട്രെൻഡായി മാറിയിരിക്കുകയാണ്. സംഭവം നിങ്ങൾക്ക് കൂടുതൽ ലുക്ക് നൽകുമെങ്കിലും ആരോഗ്യത്തിന് അത്ര നല്ലതാണെന്ന് പറയാൻ കഴിയില്ല. പ്രത്യേകിച്ച ഇറുകിയ ജീൻസ് ധരിക്കുന്നത്. എത്ര ടൈറ്റാണെങ്കിലും സ്റ്റൈലിനായി കഷ്ട്ടപ്പെട്ട് വലിച്ചുകേറ്റി ജീൻസിട്ടോണ്ട് നടക്കുന്നവരാണ് മിക്ക പെൺകുട്ടികളും ആൺകുട്ടികളും. എന്നാൽ ഇത് എത്രമാത്രം ശരീരത്തെ ബാധിക്കുമെന്ന് നിങ്ങൾ ചിന്തിച്ചിട്ടുണ്ടോ? (Image Credits: Getty Images)
ആരോഗ്യ വിദഗ്ധരുടെ അഭിപ്രായത്തിൽ, ഇറുകിയ ജീൻസുകൾ ധരിക്കുന്നതിലൂടെ നിങ്ങൾക്ക് മൂത്രനാളിയിൽ അണുബാധ (UTI) ഉണ്ടാകാനുള്ള സാധ്യതയും വർദ്ധിപ്പിക്കുന്നു. അമേരിക്കൻ ജേണൽ ഓഫ് പബ്ലിക് ഹെൽത്തിൽ പ്രസിദ്ധീകരിച്ച ഒരു പഠനമനുസരിച്ച്, സിന്തറ്റിക്, ഫോം-ഫിറ്റിംഗ് തുണിത്തരങ്ങൾ ബാക്ടീരിയയുടെ വളർച്ചയ്ക്ക് അനുയോജ്യമായ അന്തരീക്ഷം സൃഷ്ടിക്കുന്നതായി കണ്ടെത്തിയിട്ടുണ്ട്. പ്രത്യേകിച്ച് ഇ-കോളി ബാക്ടീരയയുടെ വളർച്ച.(Image Credits: Getty Images)
ഇറുകിയ ജീൻസ് ദീർഘനേരം ധരിക്കുമ്പോൾ, വായുസഞ്ചാരം പരിമിതപ്പെടുത്തുകയും, ഘർഷണം വർദ്ധിപ്പിക്കുകയും, ഈർപ്പം പിടിച്ചുനിർത്തുകയും ചെയ്യുന്നു. ഇത് ബാക്ടീരിയകൾ വളരുന്നതിന് ആവശ്യമായ അന്തരീക്ഷം സൃഷ്ടിക്കുന്നു. ഈ മൈക്രോക്ലൈമേറ്റ് ബാക്ടീരിയകൾ പെരുകി മൂത്രനാളിയിലേക്കും മൂത്രസഞ്ചിയിലേക്കും പ്രവേശിക്കുകയും ഇത് ഒടുവിൽ വലിയ അണുബാധയ്ക്ക് കാരണമാകുകയും ചെയ്യുന്നു. (Image Credits: Getty Images)
പോളിസ്റ്റർ അല്ലെങ്കിൽ സ്പാൻഡെക്സ്-ബ്ലെൻഡ് ജീൻസ് പോലുള്ള സിന്തറ്റിക് തുണിത്തരങ്ങൾ ധരിക്കുന്നവരിലാണ് ഈ അപകടസാധ്യത കൂടുതൽ കണ്ടുവരുന്നത്. കാരണം ഈ തുണിത്തരങ്ങൾ കൂടുതൽ നേരം ചൂടും ഈർപ്പവും പിടിച്ചുനിർത്തുന്നവയാണ്. സ്ത്രീകൾക്കും പുരുഷന്മാർക്കും ഒരുപോലെ ഈ രോഗം പിടിപെടാമെങ്കിലും, സ്ത്രീകളിലാണ് കൂടുതൽ അപകടസാധ്യത. പ്രത്യേകിച്ച് ആർത്തവവിരാമ സമയത്ത്, കാരണം ഈ സമയത്തുണ്ടാകുന്ന ഹോർമോൺ മാറ്റങ്ങൾ സ്വാഭാവിക പ്രതിരോധത്തെ കൂടുതൽ ദുർബലപ്പെടുത്തുന്നു. (Image Credits: Getty Images)
അതിനാൽ വായുസഞ്ചാരം അനുവദിക്കുന്ന കോട്ടൺ അടിവസ്ത്രങ്ങളും അയഞ്ഞ വസ്ത്രങ്ങളും ധരിക്കുക. പ്രത്യേകിച്ച് ചൂടുള്ളതോ ഈർപ്പമുള്ളതോ ആയ കാലാവസ്ഥയിൽ, ദീർഘനേരം ഇറുകിയ ജീൻസ് ധരിക്കുന്നത് ഒഴിവാക്കണം. ആവശ്യത്തിന് വെള്ളം കുടിക്കുകയും വ്യക്തിശുചിത്വം പാലിക്കുകയും ചെയ്യേണ്ടത് വളരെ പ്രധാനമാണ്. നനഞ്ഞ വസ്ത്രങ്ങൾ ഉപയോഗിക്കുന്നതും ഇത്തരം രോഗങ്ങൾക്ക് കാരണമാകാറുണ്ട്. (Image Credits: Getty Images)
