Exam Tips: പരീക്ഷ കഴിഞ്ഞ് ചോദ്യപ്പേപ്പർ തിരിഞ്ഞു നോക്കരുത്…. പ്രശ്നമാണ്
Exam Tips for students: പരീക്ഷ കഴിഞ്ഞ് ചോദ്യപ്പേപ്പർ നോക്കരുത് എന്ന് പറയുന്നത് വെറുതെയല്ല, അതിന് പിന്നിൽ വ്യക്തമായ ചില കാരണങ്ങളുണ്ട്.
പരീക്ഷ കഴിഞ്ഞിറങ്ങി ചോദ്യപ്പേപ്പറിലെ ഉത്തരങ്ങള് ചര്ച്ച ചെയ്യുന്നത് പലരുടേയും ശീലമാണ്. എന്നാല് ഇത് ശരിയല്ല എന്ന് പഠനങ്ങള് പറയുന്നു.
പരീക്ഷ കഴിഞ്ഞ് ഉടനെ ഉത്തരങ്ങൾ ഒത്തുനോക്കുമ്പോൾ, അറിഞ്ഞോ അറിയാതെയോ നമ്മൾ വരുത്തിയ തെറ്റുകൾ കണ്ടെത്താൻ ഇടയാകും. ഇത് വലിയ രീതിയിലുള്ള നിരാശയ്ക്കും സങ്കടത്തിനും കാരണമാകും. "ഈ ചോദ്യത്തിന് എനിക്ക് ഉത്തരം അറിയാമായിരുന്നല്ലോ, എന്നിട്ടും തെറ്റിച്ചല്ലോ" എന്ന ചിന്ത നിങ്ങളെ തളർത്തും.
മിക്കവാറും പരീക്ഷകൾ തുടർച്ചയായി വരുന്നവയായിരിക്കും. കഴിഞ്ഞ പരീക്ഷയിലെ തെറ്റുകളെക്കുറിച്ച് ആലോചിച്ച് വിഷമിച്ചിരുന്നാൽ, അത് അടുത്ത പരീക്ഷയ്ക്കുള്ള തയ്യാറെടുപ്പിനെ മോശമായി ബാധിക്കും എന്നതാണ് പ്രധാന കാരണം. ഏകാഗ്രത നഷ്ടപ്പെടാനും ആത്മവിശ്വാസം കുറയാനും ഇത് കാരണമാകും.
എഴുതിക്കഴിഞ്ഞ പരീക്ഷയുടെ ഫലം ഇനി മാറ്റാൻ കഴിയില്ല. അതുകൊണ്ട് തന്നെ അതിനെക്കുറിച്ച് ആലോചിച്ച് സമയം കളയുന്നതിൽ അർത്ഥമില്ല. പരീക്ഷ കഴിഞ്ഞാൽ ആ ചോദ്യപ്പേപ്പർ അവിടെ അവസാനിച്ചു എന്ന് കരുതുന്നതാണ് ബുദ്ധി.
നന്നായി എഴുതിയ പരീക്ഷയാണെങ്കിൽ പോലും, ചെറിയ തെറ്റുകൾ കണ്ടുപിടിക്കുന്നത് നമ്മുടെ ആത്മവിശ്വാസം കുറയ്ക്കും. അടുത്ത പരീക്ഷയ്ക്ക് കൂടുതൽ ഊർജ്ജത്തോടെ തയ്യാറെടുക്കാൻ കഴിഞ്ഞ പരീക്ഷയെക്കുറിച്ച് മറക്കുകയാണ് നല്ലത്.
