Vaibhav Sooryavanshi: മാഞ്ചസ്റ്ററില് ചരിത്ര നിമിഷം; 15-കാരന് സൂര്യവംശിക്ക് അരങ്ങേറ്റം; സച്ചിന്റെ റെക്കോഡ് പഴങ്കഥ
Vaibhav Sooryavanshi Debuts for India: ഇന്ത്യയുടെ സീനിയര് ടീമിനായി കളിക്കുന്ന ഏറ്റവും പ്രായം കുറഞ്ഞ താരമെന്ന റെക്കോഡ് വൈഭവ് സൂര്യവംശി സ്വന്തമാക്കി. ഇംഗ്ലണ്ടിനെതിരായ രണ്ടാം ടി20യിലാണ് വൈഭവ് പ്ലേയിങ് ഇലവനിലെത്തിയത്. സഞ്ജു സാംസണ് പകരമാണ് വൈഭവ് ഓപ്പണറായി കളിക്കുന്നത്. തിലക് വർമയിൽ നിന്നും ക്യാപ്പ് ഏറ്റുവാങ്ങി.
ഇന്ത്യയുടെ സീനിയര് ടീമിനായി കളിക്കുന്ന ഏറ്റവും പ്രായം കുറഞ്ഞ താരമെന്ന റെക്കോഡ് 15-കാരന് വൈഭവ് സൂര്യവംശി സ്വന്തമാക്കി. ഇംഗ്ലണ്ടിനെതിരായ രണ്ടാം ടി20യിലാണ് വൈഭവ് പ്ലേയിങ് ഇലവനിലെത്തിയത്. സഞ്ജു സാംസണ് പകരമാണ് വൈഭവ് ഓപ്പണറായി കളിക്കുന്നത്. വൈസ് ക്യാപ്റ്റൻ തിലക് വർമയിൽ നിന്നും വൈഭവ് സൂര്യവംശി ക്യാപ്പ് ഏറ്റുവാങ്ങി (Image Credit Source: PTI).
ടീമംഗങ്ങൾ വൈഭവിന് ആശംസകൾ നേർന്നു. വെറും 15 വയസ്സും 99 ദിവസവും മാത്രം പ്രായമുള്ളപ്പോഴാണ് വൈഭവ് ഇന്ത്യയുടെ പുരുഷ അന്താരാഷ്ട്ര ക്രിക്കറ്റിലെ ഏറ്റവും പ്രായം കുറഞ്ഞ അരങ്ങേറ്റക്കാരനായി മാറുന്നത്. ഇതോടെ, 1989 നവംബർ 15-ന് പാകിസ്ഥാനെതിരെയുള്ള ടെസ്റ്റ് മത്സരത്തിൽ 16 വയസ്സും 205 ദിവസവും പ്രായമുള്ളപ്പോൾ അരങ്ങേറി സച്ചിൻ തെണ്ടുൽക്കർ സ്ഥാപിച്ച റെക്കോർഡാണ് വൈഭവ് മറികടന്നത്. കളിക്കുന്നതെന്ന് ക്യാപ്റ്റന് ശ്രേയസ് അയ്യര് പറഞ്ഞു. അയര്ലന്ഡ് പര്യടനത്തിലും, ഇംഗ്ലണ്ടിനെതിരായ ആദ്യ പരമ്പരയിലും നിരാശപ്പെടുത്തിയതാണ് സഞ്ജുവിന് തിരിച്ചടിയായത്.
ലോകത്തിലെ ഏറ്റവും മികച്ച ബൗളർമാരെ നേരിട്ടുകൊണ്ട് വൈഭവ് ബാറ്റ് ചെയ്യുന്ന രീതി ഏറെ ആവേശമുണർത്തുന്ന ഒന്നായിരിക്കുമെന്ന് ശ്രേയസ് പറഞ്ഞു. ഇത്രയും ചെറിയ പ്രായമുള്ള ഒരു താരത്തെ ടീമിലേക്ക് തിരഞ്ഞെടുക്കുമ്പോൾ എന്തെങ്കിലും തരത്തിലുള്ള അധിക സമ്മർദ്ദം ഉണ്ടായിരുന്നോ എന്ന ചോദ്യത്തിന്, 'ശരിക്കും ഇല്ല' എന്നായിരുന്നു ശ്രേയസിന്റെ മറുപടി. അവൻ ഈ സ്ക്വാഡിൽ ഇടംപിടിക്കാൻ പൂർണ്ണമായും അർഹനാണെന്നും അവൻ ഒട്ടും സമ്മർദ്ദം ചെലുത്തുന്നില്ലെന്നും ശ്രേയസ് പറഞ്ഞു. യാതൊരു ഭയവുമില്ലാത്ത സ്വഭാവമാണ് വൈഭവിന്റേത് എന്നും ശ്രേയസ് കൂട്ടിച്ചേര്ത്തു.
ഈ മത്സരങ്ങളിൽ എന്താണ് വരാൻ പോകുന്നതെന്ന് അവന് കൃത്യമായ ബോധ്യമുണ്ടെന്നും ശാന്തമായ ഒരു പെരുമാറ്റമാണ് അവൻ കാത്തുസൂക്ഷിക്കുന്നതെന്നും ക്യാപ്റ്റൻ വ്യക്തമാക്കി. നെറ്റ്സിൽ അവൻ ബാറ്റ് ചെയ്യുന്ന രീതിയും ബൗളർമാരെ നേരിടുന്നതുമെല്ലാം വൈഭവ് സൂര്യവംശി എങ്ങനെയുള്ള കളിക്കാരനാണെന്ന് വ്യക്തമാക്കുന്നതാണെന്നും ശ്രേയസ് കൂട്ടിച്ചേർത്തു. പ്രതിഭാധനരായ താരങ്ങള് കണ്ണുകൾക്ക് ഏറെ ആനന്ദം നൽകുന്നതാണെന്നും അത് എല്ലാവരെയും എപ്പോഴും സജീവമായി നിലനിർത്തുമെന്നും പറഞ്ഞു. കൂടാതെ സമ്മർദ്ദം എന്നത് 'പ്രിവിലേജാ'ണെന്നും അദ്ദേഹം കൂട്ടിച്ചേർത്തു.
ആദ്യ മത്സരം മഴ മൂലം ഉപേക്ഷിച്ചിരുന്നു. അഞ്ച് മത്സരങ്ങളാണ് പരമ്പരയിലുള്ളത്. അയര്ലന്ഡ് പര്യടനത്തിലെ രണ്ട് മത്സരങ്ങളിലും ഇന്ത്യ തോറ്റിരുന്നു. ഇന്ത്യയുടെ പ്ലെയിംഗ് ഇലവൻ: വൈഭവ് സൂര്യവംശി, അഭിഷേക് ശർമ്മ, ഇഷാൻ കിഷൻ, ശ്രേയസ് അയ്യർ, തിലക് വർമ, ശിവം ദുബെ, അക്സർ പട്ടേൽ, ഹർഷിത് റാണ, രവി ബിഷ്ണോയ്, അർഷ്ദീപ് സിംഗ്, വരുൺ ചക്രവർത്തി.
