Malayalam Kollavarsham History: കൊല്ലവർഷത്തിന് 1200 വയസ്… കൊല്ലം കണക്ക് പിറന്ന ആ കഥ അറിയുമോ?
Importance of kollavarsham: കേരളക്കരയ്ക്കിത് പതിമൂന്നാം നൂറ്റാണ്ടാണ്. ഐകരൂപ്യമുള്ള ഒരുവര്ഷഗണനാരീതി ലഭിച്ചിട്ട് 1200 വര്ഷം തികയുന്നു. മലയാളികള്ക്ക് പല കാര്യങ്ങളിലും പ്രധാനപ്പെട്ടതാണ് കൊല്ലവര്ഷം അഥവാ മലയാള വര്ഷം.
വിവാഹം ഉള്പ്പെടെയുള്ള മംഗളകര്മങ്ങള്ക്കു മുഹൂര്ത്തം തീരുമാനിക്കാനും കാര്ഷിക കലണ്ടര് ഉള്പ്പെടെ നമ്മള് കൊല്ലവര്ഷത്തെയാണ് അടിസ്ഥാനമാക്കുന്നത്.
നമ്പൂതിരിമാര് കൊല്ലത്തു വന്നപ്പോള് സപ്തര്ഷിവര്ഷത്തിന്റെ പത്താമത്തെ ആവൃത്തിക്ക് ആരംഭിച്ചതാണ് കൊല്ലവര്ഷമെന്ന് കേരളചരിത്രം എഴുതിയ ശ്രീധരമേനോനെപ്പോലുള്ള ചരിത്രകാരന്മാര് അംഗീകരിക്കുന്നു.
ചിങ്ങത്തില് തുടങ്ങി കര്ക്കടകത്തില് അവസാനിക്കുന്ന 12 മാസങ്ങളാണ് ഒരു കൊല്ലവര്ഷം. സൂര്യന് സഞ്ചരിക്കുന്ന 12 രാശികളായ ചിങ്ങം, കന്നി, തുലാം, വൃശ്ചികം, ധനു, മകരം, കുംഭം, മീനം, മേടം, ഇടവം, മിഥുനം, കര്ക്കടകം എന്നിവയാണ് 12 മാസങ്ങള്.
എഡി 825-ല് കൊല്ലവര്ഷം തുടങ്ങിയതെന്നാണ് പൊതുവെ അംഗീകരിക്കപ്പെട്ടിരിക്കുന്നത്. ചേരരാജാക്കന്മാരില് പ്രബലനായ രാജശേഖര കുലശേഖരന്റെ കാലത്താണ് കൊല്ലവര്ഷം ഉദയംചെയ്തതെന്നാണ് ഒരു വാദം. എ.ഡി 825 ജൂലായ് 25ന് കൊല്ലം ഒന്നാം വര്ഷം ചിങ്ങം ഒന്നാംതീയതി പിറന്നു.
വേണാട്ട് രാജ്യത്തെ ശ്രീവല്ലഭന് കോതയുടെ മാമ്പിള്ളി ശാസനമാണ് (കൊല്ലവര്ഷം 149) കൊല്ലവര്ഷം രേഖപ്പെടുത്തിയിട്ടുള്ള ആദ്യത്തെ രേഖ.
