Fake Currency Notes: കള്ളനോട്ട് കിട്ടിയാൽ എന്തുചെയ്യണം? അബദ്ധം ചെയ്യാതിരിക്കാൻ….
Fake Currency Notes: നിങ്ങളുടെ കൈയിൽ ഒരു വ്യാജ കറൻസി ലഭിച്ചാൽ എന്തു ചെയ്യണമെന്ന് അറിയാമോ? വ്യാജനോട്ട് പ്രചരിപ്പിച്ചാൽ ലഭിക്കുന്ന ശിക്ഷയെ പറ്റി അറിയാമോ?
കറൻസി നോട്ടുകൾ വ്യാജമാണോ എന്ന് തിരിച്ചറിയാൻ നിരവധി സുരക്ഷാ ഫീച്ചറുകൾ ഉണ്ട്. എന്നാൽ നിങ്ങളുടെ കൈയിൽ ഒരു വ്യാജ കറൻസി ലഭിച്ചാൽ എന്തു ചെയ്യണമെന്ന് അറിയാമോ? വ്യാജനോട്ട് പ്രചരിപ്പിച്ചാൽ ലഭിക്കുന്ന ശിക്ഷയെ പറ്റി അറിയാമോ?
എടിഎം മെഷീനിൽ നിന്നാണ് ഒരു വ്യാജ കറൻസി ലഭിച്ചതെങ്കിൽ, അവിടെയുള്ള സിസിടിവി (CCTV) ക്യാമറയിൽ ആ കറൻസിയുടെ മുൻവശവും പിറകുവശവും കാണിക്കുക. തുടർന്ന് എടിഎം സെക്യുരിറ്റി ജീവനക്കാരനെ വിവരം അറിയിക്കുക.
ഇടപാടിന്റെ റസീപ്റ്റ് എടിഎമ്മിൽ നിന്നും എടുക്കുക. ബാങ്കിലെത്തി വ്യാജ കറൻസിയും എടിഎമ്മിൽ നിന്നും ലഭിച്ച റസീപ്റ്റും ഉദ്യോഗസ്ഥരെ ഏൽപ്പിക്കേണ്ടതാണ്. അവിടെ നിന്ന് നിങ്ങൾക്ക് യഥാർത്ഥ കറൻസി ലഭ്യമാകും.
എന്നാൽ വ്യക്തിഗത പണമിടപാടിലാണ് നിങ്ങൾക്കൊരു വ്യാജ കറൻസി ലഭിക്കുന്നതെങ്കിൽ, തെളിവുകൾ കൈവശം ഇല്ലെങ്കിൽ, പ്രത്യേകിച്ച് ഒന്നും ചെയ്യാനില്ല. അതേസമയം, നിരവധി എണ്ണം വ്യാജ കറൻസികൾ ലഭിച്ചുവെങ്കിൽ, തൊട്ടടുത്തുള്ള റിസർവ് ബാങ്കിന്റെ ഇഷ്യൂ ഓഫീസിലോ പൊലീസ് സ്റ്റേഷനിലോ വിവരം ധരിപ്പിക്കേണ്ടതാണ്.
വ്യാജ കറൻസികൾ ബോധപൂർവം പ്രചരിപ്പിക്കുന്നത്, ഐപിസി 489-C പ്രകാരമുള്ള ശിക്ഷ ലഭിക്കാവുന്ന കുറ്റമാണ്. അതുകൊണ്ട് വ്യാജ കറൻസികൾ ലഭിച്ചാൽ, ഒരു തരത്തിലും ഒളപ്പിക്കാനോ കളയാനോ ശ്രമിക്കരുത്. (Image Credit: Getty Images)
