Kitchen Safety: അടുക്കളയിൽ ഗ്യാസിൻ്റെ ദുർഗന്ധമുണ്ടായാൽ; ഉടൻ ചെയ്യേണ്ടത് ഇക്കാര്യങ്ങൾ
Kitchen Safety After Gas Leak: ഒരല്പം അശ്രദ്ധ മൂലം ജീവൻ വരെ നഷ്ടമായേക്കാം. അത്തരത്തിൽ ഗ്യാസിന് ചോർച്ചയുണ്ടാകുമ്പോൾ പെട്ടെന്ന് ചെയ്യേണ്ട സുരക്ഷിതമായ മാർഗങ്ങൾ എന്തൊക്കെയാണെന്ന് നോക്കാം. ഗ്യാസിൻ്റെ ഗന്ധമുള്ളപ്പോൾ തീപ്പെട്ടി അല്ലെങ്കിൽ ലൈറ്റർ ഉപയോഗിക്കാൻ ശ്രമിക്കരുത്.
മിക്ക വീടുകളിലും ഗ്യാസ് ലീക്കാകുന്നത് ഒരു സാധാരണ പ്രശ്നമാണ്. എന്നാൽ നിസാരമായി കാണേണ്ട ഒന്നല്ല ഇത്. ഒരല്പം അശ്രദ്ധ മൂലം ജീവൻ വരെ നഷ്ടമായേക്കാം. അത്തരത്തിൽ ഗ്യാസിന് ചോർച്ചയുണ്ടാകുമ്പോൾ പെട്ടെന്ന് ചെയ്യേണ്ട സുരക്ഷിതമായ മാർഗങ്ങൾ എന്തൊക്കെയാണെന്ന് നോക്കാം. (Image Credits: Getty Images)
സ്റ്റൗ, സിലിണ്ടർ അല്ലെങ്കിൽ പൈപ്പിന് സമീപം ഗ്യാസിന്റെ രൂക്ഷഗന്ധം ശ്രദ്ധിക്കേണ്ടതാണ്. ബർണറിലെ ജ്വാല നീലയ്ക്ക് പകരം മഞ്ഞയോ ഓറഞ്ചോ ആയി മാറുകയാണെങ്കിലും ശ്രദ്ധിക്കുക. ഗ്യാസിൻ്റെ ഗന്ധമുള്ളപ്പോൾ തീപ്പെട്ടി അല്ലെങ്കിൽ ലൈറ്റർ ഉപയോഗിക്കാൻ ശ്രമിക്കരുത്. ചോർച്ചയുണ്ടെന്ന് തോന്നുന്ന സോപ്പും വെള്ളവും കലർത്തി പുരട്ടുക. കുമിളകൾ വന്നാൽ ചോർച്ചയുണ്ടെന്ന സ്ഥിരീകരിക്കാം.
ഗ്യാസിൻ്റെ ഗന്ധം ഉള്ളതായി തോന്നിയാൽ എല്ലാ ബർണറുകളും ഓഫ് ചെയ്ത് റെഗുലേറ്റർ വാൽവ് ഉടൻ അടയ്ക്കുക. ഏതെങ്കിലും ഫിറ്റിംഗ് മുറുക്കാനോ നീക്കം ചെയ്യാനോ ശ്രമിക്കരുത്. വളർത്തുമൃഗങ്ങൾ ഉൾപ്പെടെ വീട്ടിലുള്ള എല്ലാവരെയും അടുക്കളയുടെ അടുത്ത് നിന്ന് മാറ്റി നിർത്താൻ ശ്രമിക്കുക.
ചോർച്ചയുണ്ടെന്ന് കണ്ടെത്തിയാൽ തീപ്പെട്ടി കത്തിക്കുകയോ, മെഴുകുതിരി കത്തിക്കുകയോ ചെയ്യരുത്. ഇലക്ട്രിക്കൽ ഉപകരണങ്ങൾ ഓണാക്കുകയോ ഓഫാക്കുകയോ ചെയ്യുന്നത് ഒഴിവാക്കുക. ഗ്യാസിന്റെ ഗന്ധം മാറുന്നതുവരെ ഫോൺ ഉപയോഗിക്കരുത്. ഗ്യാസ് പുറത്തേക്ക് പോകുന്നതിനായി എല്ലാ വാതിലുകളും ജനലുകളും തുറക്കുക.
എക്സ്ഹോസ്റ്റ് ഫാൻ ഒരിക്കലും ഓണാക്കരുത്. ചോർച്ച ചെറുതാണെങ്കിൽ വീടിന് പുറത്തേക്ക് സിലിണ്ടർ മാറ്റുക. വാൽവ് മുറുകെ അടച്ച് നനഞ്ഞ തുണി കൊണ്ട് മൂടുക. ശേഷം വിദഗ്ധരെ വിവരം അറിയിക്കുക. ഒരിക്കലും ചോർച്ചയുള്ള സിലിണ്ടർ വീടിനുള്ളിൽ സൂക്ഷിക്കരുത്. സിലിണ്ടറുകൾ മാറ്റുമ്പോൾ, റെഗുലേറ്റർ സുരക്ഷിതമായി സ്ഥാപിക്കാൻ ഓർക്കുക.
