L368 Movie: എന്തുകൊണ്ടാണ് ഇതുവരെ പുതിയ മോഹൻലാൽ ചിത്രത്തിന് പേരി;D;, കാരണം വെളിപ്പെടുത്തി അനൂപ് സത്യൻ
Director Anoop Sathyan About His L368 Movie With Mohanlal: മോഹൻലാലിനെ നായകനാക്കി സത്യൻ അന്തിക്കാടിന്റെ മകൻ അനൂപ് സത്യം സംവിധാനം ചെയ്യുന്ന പുതിയ സിനിമയുടെ പൂജ കഴിഞ്ഞ ദിവസമാണ് നടന്നത്. അന്നുതന്നെ സിനിമയുടെ ചിത്രീകരണം ആരംഭിക്കുകയും ചെയ്തു. ബിനു ജോർജ് അലക്സാണ്ടർ ആണ് സിനിമ സിനിമ നിർമ്മിക്കുന്നത്.
പൂജാ ദിവസം തന്നെ സിനിമയുടെ ഫസ്റ്റ് ലുക്ക് ഇല്ലുസ്‌ട്രേഷനും അണിയറ പ്രവർത്തകർ പുറത്ത് വിട്ടിരുന്നു. രണ്ട് ചെറിയ പെൺകുട്ടികൾക്ക് നടുവിലായി മോഹൻലാൽ ഇരിക്കുന്നതാണ് ചിത്രം. എന്നാൽ ഈ പുതിയ സിനിമയ്ക്ക് ഇതുവരെ യഥാർത്ഥ ടൈറ്റിൽ നൽകിയിട്ടില്ല. ( Image Credit Source Social Media )
L 386 എന്നാണ് നിലവിൽ പ്രോജക്റ്റിന് പേര് നൽകിയിരിക്കുന്നത്. മോഹൻലാലിന്റെ 368 മത് ചിത്രമമെന്ന നിലയിലാണ് ഈ ടൈറ്റിൽ കൊടുത്തിരിക്കുന്നത്. എന്തുകൊണ്ടാണ് സിനിമയ്ക്ക് ടൈറ്റിൽ നൽകാത്തത് എന്ന് പൂജ വേദിയിൽ വച്ച് അവതാരകനായ മിഥുൻ രമേശ്, അനൂപ് സത്യനോട് ചോദിച്ചിരുന്നു.
നിങ്ങൾ കുടുംബപരമായി സിനിമയ്ക്ക് തുടക്കത്തിൽ പേര് ഇടാറില്ലേ എന്നായിരുന്നു ചോദ്യം. ഇതിന് മറുപടിയായാണ് അനൂപ് സത്യൻ അതിനുള്ള കാരണം വെളിപ്പെടുത്തിയത്. ഞങ്ങൾ അങ്ങനെയാണ് സിനിമ തുടങ്ങുമ്പോൾ പേരിടാറില്ല എന്ന് തമാശ രൂപത്തിൽ അനൂപ് സത്യൻ പറഞ്ഞു തുടങ്ങി.
പരമാവധി സമയം കിട്ടിയാൽ നല്ലൊരു പേരിലേക്ക് എത്താൻ കഴിയുമല്ലോ എന്നുള്ള ചിന്തയാണ് തുടക്കത്തിലെ സിനിമയ്ക്ക് ടൈറ്റിൽ നൽകാത്തതിന്റെ കാരണം. ചിലപ്പോൾ സിനിമ ചിത്രീകരണത്തിനിടയിൽ ആയിരിക്കും നല്ലൊരു പേര് വീണു കിട്ടുന്നത്. അപ്പോൾ അതിനായി വെയിറ്റ് ചെയ്യുകയാണ് എന്നും അനൂപ് സത്യൻ പറഞ്ഞു.
ഫസ്റ്റ് ലുക്ക് ഇല്ലസ്ട്രേഷനിൽ മോഹൻലാലും കുട്ടികളും ഒരു ആക്ഷൻ കാണിക്കുന്നുണ്ട്, അത് സൈൻ ലാംഗ്വേജിൽ ഐ ലവ് യു എന്നാണ് ഉദ്ദേശിക്കുന്നത് എന്നും പൂജാ വേദിയിൽ സംവിധായകൻ പറഞ്ഞു. ആറു വർഷത്തെ ഇടവേളയ്ക്ക് ശേഷമാണ് അനൂപ് പുതിയ സിനിമയുമായി എത്തുന്നത് എന്ന പ്രത്യേകതയും ഈ പ്രോജക്ടിന് ഉണ്ട്.
