Asia Cup 2025: ബംഗ്ലാദേശ് നിരയിൽ ലിറ്റൺ ദാസില്ല, നാല് മാറ്റങ്ങൾ; ടോസ് നഷ്ടമായ ഇന്ത്യ ബാറ്റ് ചെയ്യും
India vs Bangladeh Toss Update: ഇന്ത്യക്കെതിരെ ടോസ് നേടിയ ബംഗ്ലാദേശ് ബൗളിംഗ് തിരഞ്ഞെടുത്തു. നാല് മാറ്റങ്ങളാണ് ബംഗ്ലാദേശ് നിരയിലുള്ളത്.
ബംഗ്ലാദേശിനെതിരായ സൂപ്പർ ഫോർ മത്സരത്തിൽ ഇന്ത്യ ബാറ്റ് ചെയ്യും. ടോസ് നേടിയ ബംഗ്ലാദേശ് ക്യാപ്റ്റൻ ജേക്കർ അലി ഇന്ത്യയെ ബാറ്റിംഗിനയക്കുകയായിരുന്നു. ക്യാപ്റ്റൻ ലിറ്റൺ ദാസ് ഉൾപ്പെടെ നാല് മാറ്റങ്ങളുമായാണ് ബംഗ്ലാദേശ് ഇറങ്ങുക. ഇന്ത്യൻ നിരയിൽ മാറ്റങ്ങളില്ല.
മെഹദി ഹസൻ, ടാസ്കിൻ അഹ്മദ്, ഷൊരീഫുൽ ഇസ്ലാം എന്നിവരും ബംഗ്ലാ നിരയിൽ പുറത്തിരിക്കും. പർവേസ് ഹുസൈൻ ഇമോൺ, മുഹമ്മദ് സൈഫുദ്ദീൻ, റിഷാദ് ഹുസൈൻ, തൻസിം ഹസൻ സാക്കിബ് എന്നിവരാണ് പകരം ടീമിലെത്തിയത്.
ഇന്നത്തെ കളി വിജയിച്ചാൽ ഇന്ത്യക്കും ബംഗ്ലാദേശിനും ഏറെക്കുറെ ഫൈനൽ ഉറപ്പിക്കാം. ഇന്ത്യ സൂപ്പർ ഫോറിലെ ആദ്യ മത്സരത്തിൽ പാകിസ്താനെ വീഴ്ത്തിയപ്പോൾ ബംഗ്ലാദേശ് തങ്ങളുടെ ആദ്യ മത്സരത്തിൽ ശ്രീലങ്കയെ പരാജയപ്പെടുത്തിയിരുന്നു.
ടീമുകൾ
ബംഗ്ലാദേശ്: സൈഫ് ഹസൻ, തൻസിദ് ഹസൻ തമീം, പർവേസ് ഹുസൈൻ ഇമോൺ, തൗഹീദ് ഹൃദോയ്, ഷമീം ഹുസൈൻ, ജേക്കർ അലി, മുഹമ്മദ് സൈഫുദ്ദീൻ, റിഷാദ് ഹുസൈൻ, തൻസിം ഹസൻ സാക്കിബ്, നസും അഹ്മദ്, മുസ്തഫിസുർ റഹ്മാൻ.
ഇന്ത്യ: അഭിഷേക് ശർമ്മ, ശുഭ്മൻ ഗിൽ, സൂര്യകുമാർ യാദവ്, തിലക് വർമ്മ, സഞ്ജു സാംസൺ, ശിവം ദുബെ, ഹാർദിക് പാണ്ഡ്യ, അക്സർ പട്ടേൽ, കുൽദീപ് യാദവ്, ജസ്പ്രീത് ബുംറ, വരുൺ ചക്രവർത്തി.
