ഏഷ്യ കപ്പ്

ഏഷ്യൻ ക്രിക്കറ്റ് കൗൺസിലിൽ സംഘിടിപ്പിക്കുന്ന ടൂർണമെൻ്റാണ് ഏഷ്യ കപ്പ്. എസിസിയുടെ അഞ്ച് സ്ഥിരംഗങ്ങൾക്ക് പുറമെ എസിസി മെൻസ് പ്രീമിയർ കപ്പിൽ ആദ്യ മൂന്ന് സ്ഥാനങ്ങളിൽ എത്തുന്ന ടീമുകളാണ് ഏഷ്യ കപ്പിൽ പങ്കെടുക്കുക. ഇന്ത്യ, പാകിസ്താൻ, അഫ്ഗാനിസ്ഥാൻ, ബംഗ്ലാദേശ്, ശ്രീലങ്ക തുടങ്ങിയ അഞ്ച് ടീമുകളാണ് എസിസിയിലെ സ്ഥിരംഗങ്ങൾ. ഇത്തവണ ഏഷ്യ കപ്പ് ക്രിക്കറ്റ് 17-ാമത് പതിപ്പാണ് യുഎഇയിൽ വെച്ച് സംഘടിപ്പിക്കുക. സെപ്റ്റംബർ ഒമ്പതിന് ആരംഭിക്കുന്ന ടൂർണമെൻ്റിൻ്റെ ഫൈനൽ 28-ാം തീയതിയാണ്. എസിസിയുടെ സ്ഥിരംഗങ്ങൾക്ക് പുറമെ ആതിഥേയരായ യുഎഇ, ഒമാൻ, ഹോങ്കോങ് എന്നീ രാജ്യങ്ങളാണ് ഇത്തവണ ടൂർണമെൻ്റിൽ പങ്കെടുക്കുക.

1984 മുതലാണ് എസിസി ഏഷ്യ കപ്പ് സംഘടിപ്പിക്കുന്നത്. ഏറ്റവും കൂടുതൽ തവണ ഏഷ്യ കപ്പിൽ മുത്തമിട്ടിട്ടുള്ളത് ഇന്ത്യയാണ്. എട്ട് തവണയാണ് ഏഷ്യ കപ്പ് സ്വന്തമാക്കിട്ടുള്ളത്.